Jul 7
Thon coneheid disease fae Glescae Toun
has arrehved in the ancient city of Dundee
afflictin oor central statuary
which thae heroes thole withoot a soun
fae Admirable Duncan tae Cartoon Dan,
a sicht maist desperate tae see
sic as fills aa dafties wi inebriate glee,
but no thon cou-in-a-peh devourin man -
for oor effigies staun thir effin groun,
a lesson for fowk o fleesh no bronze,
as local worthies wad aa agree
and also thae fae twal mile roun.
(Tho some o us need dippit i thi Swannie Ponds
tae sober them up afore thir tea.)
