Dahon Ni Bathalanon v2.0
"DAHON NI BATHALANON" Ito'y para sa lahat mga kaibigan Ang dahong biyaya galing sa kaniyang tahanan Kaya't tara na at halika ka na Maglalakbay tayo sa kakaibang mundong kayganda
Masdan ang tirik ng araw o kislap ng mga bituin Sindihan mo at mga bathala ay biruin Tukuyin ang lalim ng kaisipan o ng buhay Tikman ang usok na nagbibigay kulay
Tuyot na lalamunan kapares ng pagkauhaw sa kaalaman Katawang kalamado sa gulo ng mundong ginagalawan Hihithit, damdamhin, at sabay na ibubuga Sandaling pagtapak sa paraisong kaniya- kaniyang pininta
Tunog na di nagsasaliw sa mga salita Liwanag na sa dilim lamang nalilikha Kaisipang naitataguyod lamang sa gitna ng sigang nauupos Sa bingit ng mga problemang tila 'di maubos-ubos
Kaya't heto pa ang isa kaibigan, sarili'y huwag pigilan Biluhin at muling ikasa ang apoy Ito'y saglit lamang papunta sa'ting hanggan Ibuga at hayaang ang usok kay Bathala ay magpatuloy
