#utotsapuso

[random-wordies]

PANGHABAMBUHAY NA AMBON

Gusto ko ng pag-ibig na parang ambon na walang katapusan. Bumubuhos pero hindi nanglulunod. malumanay pero nararamdaman. Humahalik sa bumbunan at sa bawat uhaw na kanto ng pagkatao.. Gusto ko ng ambon-hindi nagmamadali, hindi naninira. Gusto ko ng ambon. Tama lang ang bagsak. Hindi masakit ang pagkahulog ng mga patak. Hindi rin masakit para sa mapapatakan. Ang klase ng panahong lagi kong pipiliing masilungan, panoorin, pagnilay-nilayan, araw-araw, hindi aayaw.

[heyitsyagirlaly]

sinasabi ng iba na tama na na mali na ang mahalin ka dahil may iba ka nang minamahal, inaalagaan, pinapasaya

pero eto ako tanga pa rin sayo hindi mabuksan ang mata sa realidad na tapos na tayo, na iniwan mo na ako.

tapos na ang libro natin na hindi manlang umabot sa isang kabanata, na hindi manlang umabot sa apat na pahina.

[angelaselaznog-blog]

Una At Huling Tula Para Kay Ex

Tinanong nila ako noon Kung sino daw ba ang pipiliin ko, Ikaw na girlfriend ko Pero malayo sa tabi ko, O siya na araw-araw nakakasama't abot kamay ko Oo,masaya ako kapag kasama ko siya Pero pinili kita, Pinili ko na tigilan siya Pinili ko na pilitin muli ang sarili ko na mahalin ka Pinili ko na ituon sa'yo ang atensyon ko Pinili ko na pasayahin ka Pinili ko na pakinggan ang mga kwento mong paulit-ulit na At medyo nakakasawa na Pinili pa rin kita Alam ko di mo hiniling na piliin kita Pero pinili pa rin kita Dahil mas mahal kita kesa sakanya, Pinili pa rin kita dahil ikaw talaga ang gusto kong makasama, Pinili pa rin kita Dahil punyeta,mahal kita! Ayokong isipin na mali ang naging desisyon ko, Na pinili kong pilitin ang hindi na pwede pa Kesa sa bagong simula kasama siya Pero nagkamali ako Tang ina,kung alam ko lang sana Na bibitawan mo rin ako Di ko na sana pinilit pa Tang ina, kung alam ko lang sana Na iiwan mo rin ako Di na sana kita pinili pa Tang ina 3/24/16

[everrose]

ISUSULAT MUNA KITA, BAGO ISUKO Sa pagitan ng alak na malamig at umagang mainit Ay isusulat kita Sa huling pagkakataon Hayaan mo akong ipinta ka Mahal ko Pahintulutan mo ako Na alalahanin ka uli Payagan mo ako Na mahalin kang muli Sa unang pagkakataon Ay pagmasdan mo Kung paano kitang paulit-ulit na pinipili Dahil ang maisulat ka ay isang kasunduan Na hindi ka mabubura at hindi mo ako iiwan Dahil ang maipinta ka ay pangako ng isang libong kulay Na hindi ka kukupas at hindi tayo lilipas Dahil ang pag-alala sa'yo ay isang panata Na ang pag-ibig ko'y patuloy na sa'yo isusumpa Dahil ang mahalin kang muli ay isang kasinungalingan Na nais paniwalaan ng pusong di tumigil kailanman Dahil ang pagpili sa'yo ay isang sayaw Na kahit parehong kaliwa ang paa ay patuloy tayong gagalaw Subalit Sa pagitan ng kapeng mainit at gabing malamig Ay bibitiwan kita Sa huling pagkakataon Hayaan mo akong isuko ka Mahal ko Pahintulutan mo ako Na malimot ka uli Payagan mo ako Na palayain kang muli Sa unang pagkakataon Ay pagmamasdan ko Kung paanong siya ang huli mong pinili

Sam / Utot Catalog

[angelaselaznog-blog]

Itim na Kahon (ika-limang tula para sa mahal ko)

Tayo'y nakasilid Sa loob ng itim na kahon Tagaktak ang pawis sa aking noo Hindi dahil sa init ng lugar Kundi dahil sa labis na pagkabog ng dibdib ko Dahil sa galak nararamdaman ko Dahil katabi kita Tanggap ko ang bawat yapos na pinapakawalan mo Ang bawat haplos na binibigay mo Ang bawat hampas na binibitawan mo Ang pagtanggap na pinapadama mo Ang bawat ngiti na di mapigil ng iyong labi Ang iyong titig na nakakalusaw ma'y tanggap ko pa rin Sumasabay sa saliw ng tugtog ang kabog ng dibdib ko Di mapigilan ang mga paru-parong nagkakagulo sa tiyan ko Di mapigil ang pagsayaw ng puso ko Ayoko ng matapos ang gabi Salamat dahil hindi mo nilisan ang aking tabi Gabing puno ng ingay ang mundo Pero pinili kong makinig sa'yo Pinakinggan ko ang bawat salitang lumalabas sa bibig mo Pinakinggan ko ang bawat pang aasar mo Pinakinggan ko rin ang puso ko Ikaw pa rin pala ang sinisigaw nito Hindi na ito panaginip Katabi kita buong magdamag Sa ilalim ng ibat-ibang kulay ng ilaw sa paligid Napuno ng liwanag ang dilim Tanging ang iyong mukha ang aking nakikita Hindi ako magsasawa Tititigan kita buong magdamag At sa pagsapit ng alas kwatro ng umaga Kelangan ko ng ipikit ang aking mga mata Kelangan mo ng umalis sa aking tabi Kelangan mo ng kumalas sa higpit ng iyong yakap Pero masaya ako Wala mang tayo Tanggap ko na sa sugal na ito Ako ang talo Pero di pa din ako titigil na mahalin ka Tumutol man ang kahit na sino Mamahalin kita Tutol man sakin ang mundo

[angelaselaznog-blog]

Panaginip (Ika-apat Na Tula Para Sa Mahal Ko)

Hawak ko ang kamay mo Tayo'y nakaupo Sa ilalim ng karagatan ng mga bituin Nakatanaw sa kalawakan, Sa kawalan, Teka,hindi, Hindi ito kawalan dahil kasama kita

Tanging ang liwanag ng siyudad, Ng buwan, kislap ng mga bituin, Ang nagsisilbing ilaw sa madilim na gabi Wala kang dapat ikatakot, Kasama mo ako

Tanging ang himig ng mga kuliglig Ang nagsisilbing musika sa tahimik na gabi Ipikit mo ang mga mata mo Pakinggan ang bawat pintig ng pulso, Ang kabog ng dibdib, Ikaw ang sinisigaw nito

Tanging ang iyong yakap, Kumot ng ulap, Ang nagsisilbing panangga sa lamig ng gabi

Ramdam ko ang iyong paghinga, Ang pagtulo ng iyong luha, Ayaw kong kumawala Sa higpit ng kapit ng iyong bisig Huwag kang bibitiw, Yakapin mo ako buong gabi

Salubungin natin ang pagsikat ng araw Alam ko kailangan mo nang bumitaw, Bago pa man magwakas, Makinig ka, Pangalan mo ang aking binibigkas, Kasunod ng mga salitang “Mahal kita”“Mahal kita”“Mahal kita”

Ang bukang liwayway, Kasabay ang aking pagmulat, Iiwan kita sa aking panaginip, Sa ating tagpuan, At haharapin ang katotohanan, Walang ako, walang ikaw, walang tayo

03/14/16

[angelaselaznog-blog]

Ikatlong Tula Para Sa Mahal Ko

Tama ang dinig mo, “Para sa mahal ko” Pangatlong tula na ito Pero hindi ko pa rin maamin sa'yo Kaya hindi pa ito ang huli

Ikatlong tula para sa mahal ko At ikatlong araw na rin ito ng pag- iwas ko sa'yo Pansin mo ba? Malamang hindi di ba? Sino nga naman ako para mapansin mo? Hindi naman ako ganon kahalaga sayo

Ikatlong araw ng pag- iwas ko Pero ikaw pa rin ang hinahanap hanap ko Pag nakitang paparating ka na Napapangiti pa rin ako Satuwing natutuon sa'yo ang mga titig ko May kirot dito sa puso ko

Gusto kitang lapitan, Kausapin,yakapin At ibulong na mahal kita Kasunod ng pagtatanong “Ganon ka rin ba?”

Pero hindi, wag muna Di ko pa nahuhukay ang kailaliman ng mundong ito Kung saan ko huhugutin ang lakas ng loob ko Para lapitan ka At hawakan ang mga kamay mo, Tumitig ka sa mga mata ko, Sasabihin ko sa'yo “Mahal na mahal na kita, mahalin mo rin sana ako”

03/12/16

[angelaselaznog-blog]

Pangalawang Tula Para Kay Crush

Mahal na kita Mahal na nga ba talaga kita? Oo, mahal na kita

Paano ko ba sasabihin sayo na mahal na kita ng walang halong biro? “Me aap se pyar karta hun” Napansin mo ba na pabiro kong binanggit ang mga katagang walang kasiguraduhan kung tama ba ang pagbaybay pero sigurado ako sa nararamdaman ko

Sa mga kaibigan mo ako unang umamin Kasunod ng “pero wala akong plano ligawan siya” Pero ang totoo, gusto ko sana. Natatakot lang ako sa magiging reaksyon nila. Ang kasiya siyang pagtanggap O ang lagim ng pagtanggi

Mahal na kita Kaya sinusubukan ko ng umiwas Dahil na rin sa medyo napaghahalataan na Wala rin naman yata akong pag- asa

At kung mapansin mo man ang pagbagsak ko sa'yo Hindi naman ako umaasa na mahalin mo rin ako, Pero sana oo Katulad na lang ng hindi ko pag- asa na may bayad akong makukuha sa bawat tulang nasusulat ko Pero sana may makapansin nito at masabi nila sayo Dahil wala pa talaga akong lakas ng loob na aminin sa'yo

Ramdam kong muli ang pagkahapo Ngunit sa pagkakataong ito, dahil ‘yon sa sakit ng pag- iwas ko sayo

Pero hindi pa ito ang huling tula ko para sa'yo Aamin pa ako Tanggapin mo kaya ako?

03/11/16