بقالي كتير مجتش هنا بس عندي جرعة محتاجة افضيها بأمانة
راجعة من زيارة علي مرهقة أنا و ماما بس الحمدلله على كل حال ربنا يسرها و الراجل اللي وصلنا كان حد محترم جدا و جنتل
بس حساسية الشمس الكوميدية في بشرة سمراء عبيطة اللي هو أومال الميلانوسايتس بتعمل إيه هنا غير إنها تعملنا hyperpigmentation
أيا كان غلطت و مسكت الموبايل اقلب لقيت خبر الراجل السوري اللي رحلوه غدر ده و لقيت ردود المصريين أو اللجان أو معرفش ده إيه بقى حسيت بالقرف و الغضب من الردود الشمتانة اللي هو ليه بجد هو الناس بتفكر كده فعلا و الواحد يرمي ورا ضهره البلد دي كلها و ياخد أهله ندور لنا على حتة تانية بس و لا نعمل ايه بجد كنت لسه باتكلم إن ردود الناس اللي بتعمل ريأكت أضحكني على البوستات اللي بتتكلم عن المعتقلين بتخليني عايزة أفرقع
كان نفسي يكون ده مش حقيقي و أنه ده مش تفكير قطاع كبير من الناس او نفوسهم بس على الأغلب ده موجود عادي مش فكرة لجان شغالة بفلوس لا بس
مكانش المفروض اتفاجيء و لا حاجة بعد السنتين بتوع غزة أصلا حصل كل حاجة و شوفت أو مشوفتش بمعنى أصح أي ردود أفعال بني آدمين بس الإنسان لسه بيقرف للأسف
ف اللي هو مش عارفة الواحد يعمل ايه هو مفيش جنة في الأرض أنا عارفة بس إيه المجتمع ده مبحبش أفكر كده خالص بس كل حاجة بتزقني لكده
استغفر الله العظيم الواحد تعب و الله أو هو تعبان دلوقتي زيادة يعني و محتاج ينام
يلا كله رايح و كلنا حنموت مش فارقة محصلة بعضها
بس عايزة الناس دي تندم دنيا و آخرة بجد
