Thedosky @thedosky - Tumblr Blog

Posts

thememedaddy

thedosky

حاسس اني عايز اصحى كل يوم الصبح اعملّها ريبلوج

١/ رغم ندرة عصبيتي دلوقتي

٢/ هي أكتر لحظات مخيبة لآمالي الشخصية عن نفسي

٣/وأكتر وقت بحس فيه إني عايز اقعد في كهف ومحدش يشوفني تاني

....ما تتخيل قد ايش دا تصوري عنك وشكل شخصيتك في راسي من قراءة تدويناتك

في العموم الله يهدي بالك

شيء مثير للاهتمام والله إن فيه حد عنده تصور عن شخصيتي : ) ربنا يهدي بالنا جميعًا إن شاء الله ❤️

اللحظات اللي بعد ما اتعصب برغم ندرة عصبيتي دلوقتي هي أكتر لحظات مخيبة لآمالي الشخصية عن نفسي وأكتر وقت بحس فيه إني عايز اقعد في كهف ومحدش يشوفني تاني

النهارده كنت محطوط في مكان مع أشخاص من اللي لا يحتمل خفتهم ولا تقلهم دول، ثم إني طلعت سلاحي "السماعة المكنسلة للضوضاء" وبعد تفعيل السلاح، الناس دول اختفوا من الوجود! ورغم إني بستخدم السماعات دي من زمان لكني أدركت فجأة ليه التكنولجيا دي غالية وبرضو تستاهل كل جنيه يدفع فيها، وأدركت برضو إنه مهما كان تكلفة السماعة عمرها ما هتتساوى مع قيمة الخدمة اللي بتقدمها، لأن قبل السماعات الخدمة دي كانت غالية جدًا. تخيل معايا لو عايز تلغي بني آدم من الوجود قبل ظهور الـ noise canceling أكيد الموضوع محتاج وقت كبير ومهارة عالية في تقطيع البشر وتعبئتهم في أكياس ده غير إخفاء آثار دمهم وكده. لو حسبناها هنلاقي السماعات أرخص بكتير جدًا يا جماعة والله

جيت على بالي حالاً قولت أجي أطمِّن عليك

ايه أخبارك يا جميل؟ أتمنى تكون امورك تمام

الحمد لله بخير الدنيا ماشية. انت\ي عامل إيه؟

اول مرة ادخل البلوج بتاعك .. حسيتك مختلف

أهلًا وسهلًا البلوج نورت : )

في الكتابة قصدي، إنما المشاعر الصادقة طبعا لا ربنا يبعده 😂

أمين يا رب :DD

ما تحب الحزن المقعلص

قشطة يا عم

ايه الحب المقعلص ده؟ واحب الحزن ليه؟ :DD

كل يوم زي دلوقتي وانا مروح من الشغل بيجيلي إحساس معين كده وحاولت كتير اعبر عنه بلا آي فايدة لحد ما نجحت أخيرًا اني أفهم انا حاسس بإيه وكتبت تدوينة طويلة عريضة متحذلقة عن شعوري ده، بس بعد ما قريتها لقيت نفسي بمسحها بشكل آلي، لأن الصراحة يعني انا مش محتاج كل الفزلكة دي عشان اقول اني زعلان وحاسس بمرارة سيزيفية تتجدد تلقائيًا كل يوم في نفس المعاد.

لماذا يضيع الحب وكيف يهون!

أعتقدُ أني ضعتُ نوعًا ما..

ما فهمته أنّ لديك بودكاست، لكن لم أجد اسمه..

سأُسرُّ إن شاركتني اسم القناة، لأرى ما في جعبتك..

متشكر لاهتمامك وذوقك٫ ده البودكاست:

فرحت لك.. مهتم ومستمتع بحاجة يارب دائما في خير وعافية

شكرًا والله ❤️❤️

ورطت نفسي في مشاهدة the walking dead وأقل وصف ممكن اوصف بيه التجربة دي إنها تجربة مشاهدة مزلزلة، لكن عمومًا عايز أحيي الناس التوب اللي عملوا المسلسل ده، حتى لو باظ وبقى بايخ في الآخر زي ما الناس بتقول.

بوزن نفسي امبارح بالصدفة امبارح لقيت نفسي خسيت ١٢ كيلو، ودي سابقة ماحصلتش من أيام ما كنت فتى الكاليستانيكس الشقي، وأظن ده بسبب علاقتي العاطفية الحالية غير المشروطة مع الاكتئاب، ودي أول مرة اخد من الاكتئاب منفعة كبيرة كده بصراحة!

أحلى مسا على أحلى اكتئاب وز بينفيتس يا زميلي.

بقالي كتير جداً مجيتش هنا بس رجعت سريعاً كدة عشان اعمل شيء ما وبالصدفة وانا بقلب لقيت البلوج بتاعتك .. حسيت كإني لقيت حد من أهلي بصراحة :D

انت كنت (وما زلت أكيد) من ضمن الناس المفضلين عندي هنا

يا رب تكون ف أحسن حال!

بخصوص البوست اللي كنت بتتكلم فيه عن سيناريست ومخرج وكدة، عايزة اقولك إن أخر سطر انت كتبته ده لمسني جداً والله وحاسة بشعورك ده لإن تقريباً أغلب حياتي أنا عايشة فيه مع أشخاص مختلفة وأصعبهم بقى هو شخص من أهلي .. شعور إني ممكن أكون ظالمة حد برأيي اللي مكوّناه عنه، مع إن الرأي ده مش بيبقى متكوّن ف فترة قليلة، بالعكس ده بيبقى من خلال سنين كتير تعامُل بيني وبين الأشخاص دول، بس اللي بيخليني أرمي اللوم على نفسي هو إنهم للأسف بيبقوا متلاعبين بشدة لدرجة إنهم بيخلوني أشُك ف نفسي، حتى كان في شخص منهم أتهمني بالجنون صراحةً كدة لكن الحمد لله واحدة واحدة ربنا بيثبتلي مع الأيام إني ماكنتش مجنونة ولا حاجة فا أنا بجد حاسة بكلامك وبأكد على إن إحساس إنك مش مجنون ده حاجة عظيمة اوي والله يا عبد الرحمن

في النهاية أتمنالك السلامة وراحة البال وإنك متحسش بالشعور ده تاني أبداً ♡

أنا عندي ملاحظة إن دايمًا الرسايل اللي من النوع ده بتجيلي في الأيام اللي نفسيتي فيها بتكون متدأمشة جامد. فأنا بصدق ممتن لرسالتك وعايز اقول لك إن تأثيرها عليا كبير. ربنا يجعل أيامك طيبة إن شاء الله ويبعد عنك الناس المتلاعبة. ،انتي مش مجنونة ولا حاجة متقلقيش :D

مش مصدق إن العمر ده كله عدى والله، كسم الحزن

Trending Blogs

Recently Viewed Blogs

Thedosky