هَـنا بنت محمد

- Saudi Post | Almost شاعرة 🇸🇦

[theralhana8]

Instagram & Twitter : Theralhana

[theralhana8]

ليه الخوف انزع من قلب الناس

الحرام يتسوى والعين بالعين

كل طيب من جنبكم شان وخاس

والزين لو تجره الليالي يبقى زين

لا يتمكنكم الحزن وياخذكم الياس

ترى الزمن هو اللي تغير موب الدين

اعوذ بالله من الشيطان و الوسواس

ومن قلب خاشع يقسى عقب اللين

يا الله ارزقنا سمعةٍ ترفع الراس

واكتب في دروبنا كل ما يسر العين

واجعل كاسي دوم مليان الكاس

ما يكسره باس ولا يغلبه الحنين

- هَـنا بنت محمد ✍🏻

[theralhana8]

- الرزين -

اللي قضى حياته يتعلم من الخطا

تلقاه فوق باعلى سحابة ناجحين

واللي يعطي وينتظر رد العطا

تلقاه تحتك في مقام العاطلين

واللي عايش على مبدأ الستر والغطا

تلقاه من تلقاء نفسه رزين

واللي خايف من الفشل والبطا

تلقاه واقف وموقفه فيه السنين

يا الله اجعلنا من عالين القوم السطا

الخير حوالينا والشين منا يزين

- هَـنا بنـت محمد ✍🏻

[theralhana8]

— العشرين —

الايام تمضي والقدر ياخذنا لعنده

الين صرت في سني العشرين

مضت سريعه ماحسيت بالمده

راحت من عمرك يا هَـنا السنين

عشت بين ليّن الاقدار و شده

مضت وانا متشفق من الحنين

ضاعت السنين وراحت بلا رده

مضت سعيد كنت فيها او حزين

هذا حلمي حطيت يدي بيده

لعيون ليلٍ بكيته ادعي فيه بيقين

كل ما لجأت للحده وانا ابغض الحده

اقول الصبر يا هَـنا مردها بتزين

ربي اجعل في دروبي سعاده مستبده

واجعل بداية نجاحاتي في سني العشرين

- هَـنا بنت محمد ✍🏻

[theralhana8]

ابغض بي طبعٍ عاثرٍ مشقيني

‏عجزت في يوم لا احله

‏ان الامل باقي ولا زال فيني

‏بس اميل ميلةٍ قشرى للكماليه

‏اكره دروب تجهلها عناويني

‏او يُطرح سوال ما معي حله

‏تعال ياحلم افرشها لك عيني

‏تنزل لك سماء من فوقك عاليه

- هَـنا بنت محمد ✍🏻

[theralhana8]

تاكي ورا الباب احتري تفسير

اسلي خاطري باللي حولي و موجود

تجي وتروح وتاخذني المقادير

وللحينه ذا الباب على ماهو موصود

الين ما عدت اتحمل منه اي تاخير

قمت وصديت منه باب مقرود

كونت نفسي باعتزاز و تطوير

بعثرت الخطا و كسرت القيود

رجعت لك يا باب شخصٍ خطير

اقبلت اطرد بعد ما كنت انا المطرود

بعد العسر بعون الله لقيت تيسير

ولا عاد للـكاعه في حياتي وجود

- هَـنا بنت محمد ✍🏻

[theralhana8]

عانقي جروحي يا الرياض

‏ليت انثر غلاه كله بارضك

‏يمكن ليا نثرته يقلب بياض

‏خذيه يا نجد طولك بعرضك

- هَـنا بـنت محمد ✍🏻

[theralhana8]

Flashback 2023

 سلكت لي درب واقفيت عن حلمي

‎مضيت وانا بين يديني قلبي الطارح

‎الين ضعت فيها بين جهلي و علمي

‎لاني للحين عايش على ذكرى البارح

‎عشت وانا كافي شري عن سلمي

‎ابي احقق اللي ما تجاوزته الجوارح

‎للحين اتذكر ايام اللفظي والكمي

‎يوم كنت اسعى اتجاوز حلمي الجارح

- هَـنا بنت محمد✍🏻

[theralhana8]

لا الفقر ولا الغنى له علاقه بالمال

‏هذا مبداكم يا صغيرين العقول

‏و ان كان ذا المال مالٍ حلال

‏تحت مفرد غنى ماهو(ب)موصول

‏الغنى هي عافية اهل و وصال

‏هي ايمانك بدربك المجهول

‏هي حقيقه لازيف ولا خيال

‏اليا جربت تكون ذاهل ومذهول

- هَـنا بنت محمد ✍🏻

[theralhana8]

تعبت اسبق سني واصير الفطين

‏اسابق الخطوه وانا ما ودي اسبقها

‏احس في نفسي متعدي العشرين

‏وانا حتى الطعش ما بعد افارقها

‏عشت لي اشياء مفروض اعيشها بعدين

‏ابيها تعتقني لاجل اقدر انا اعتقها

‏هذا انا واقف تروح وتمضي بي السنين

‏اسرق من الليالي وقت قد كان سارقها

- هَـنا بنت محمد ✍🏻

[theralhana8]

ياكثر في الدروب وجيه ونفوس

‏نادر في مخاواهم تصدق الحكاوي

‏نتابع في صمت و نحفظ الدروس

‏الصمت بعض الاحيان فرصه للخطاوي

‏و ليا منه تمادى والرجاء عاد ميؤوس

‏حرامٍ عليه العتب وطلق الشكاوي

‏لان الردي ما يبي له الا كسرة روس

‏حذاري ياخذ بخاطره منك "الحساوي"

هَـنا بنت محمد ✍🏻

[theralhana8]

احس اني بديت افقد شي وراضي

‏ما عدت متمسك في ذا الحلم

‏الغريب اني عاجز ابدي اعتراضي

‏تركت الصعاب الين يلحقها سلم

‏احس اني من ذي الحرب قاضي

‏ما عاد اتمنى منه يلحقني العلم

‏مريح شعور ان عقلي فاضي

‏ومريع انه لحقني منه ظلم

‏احس ان الليالي بتملي بياضي

‏و بيشع نوري في دروب العلم

- هَـنا بنت محمد ✍🏻

[theralhana8]

يا الله ارزقني عينٍ مليانه و نفسٍ شكوره

و ارزقني يارب رضاك ثم رضى اهلي

دامت الصحه ودمتي يا حياتي مسروره

ليا طل وجه ابوي اقبلت الفرحه علي

الله يزيد المحبه و يزيد بقلوبنا شعوره

وياجعلني من امي ابد ما اخلي

ويا الله اجعلني لك عبدةٍ شكوره

واجعلني واخواني كاسبين بر اهلي

- هَـنا بنت محمد ✍🏻

[theralhana8]

في دنياي كثير من الاصحاب والحبايب

لكن واحدٍ غالي بينهم مفقود نوره

واحدٍ غايب وصاله لكن ماهو بغايب

عن البال هو اول الناس في حضوره

تبت عن ذنوبي لكن منه ماني بتايب

اجهل مرور الناس ويلفتني مروره

الين في يوم خذيت لي نصيحة شايب

"لا تسكت قلبك لا نطق لك شعوره"

- هَـنا بنت محمد ✍🏻

[theralhana8]

يغيب الكل ويبطي من وده يبطي

راسي تعب من شيل هم ذا الناس

كيفي الحق الصواب وكيفي اخطي

ماهوب لاحقني لا هم ولا باس

اعرف وش لي من غير لا اخذ و اعطي

اصوب سهامي واخلي الكل يحتاس

تقول اني ساطي؟ لكن ترى من مبطي

انا الساس واسباب شيب ذا الراس

ادري ان شعورك ماله حل وسطي

و ادري انه لحقك مني هوجاس

كيفك ان كنت ناوي عن دروبي تبطي

لكن مستحيل ارضى بشي ملك للناس

- هَـنا بنت محمد ✍🏻

[theralhana8]

اتجمل واعيش سالي للحظات

واتجاهل الخطايا متى ما اشتهيت

لا تجي لي دامك رحلت بسكات

دارت الفصول ومع دوراتها نسيت

ابعد قد ما تقدر وقصر الجيات

اليوم انا بمضي دامك مضيت

ورغم مافي ذا الدنيا متاهات

لا بدك تلاقي من العثرات صيت

ولا يحلى تحقيق طعم ذا الغايات

الا ليا تعثرت في دربها وسعيت

ولا تعكس لك الدنيا المرايات

الا اذا انك تستحق وشقيت

- هَـنا بنت محمد ✍🏻

[theralhana8]

كنت اجيك وتجي لي نشكي عن الليالي

‏اشيل عنك اوجاعك وتهديني المسره

‏واللحين اطري عليك وتطري في بالي

‏نغيب والغياب يشكي عنا ويتشره

‏رغم عثراتك مانيب عنك سالي

‏تطري على بالي كل يوم الفين مره

‏هذا هو مكانك يارفيقي خالي

‏قل الوصال يزيده ترى ما يضره

- هَـنا بنت محمد ✍🏻