ÜH🌻

[ulkgogh]

Əlləriylə itələdikləri məni gün gələr ruhlarıyla axtararlar. Və axtardıqları yerdə qocaman bir boşluq, yoxluq taparlar. Mən artıq yoxam və daha da olmuyacam. Bəlkə bir gün dönərəm o zaman çox uzaqda olaram. Məni bilmədikləri görmədikləri bir yerdə. Çata bilməyəcəkləri bir yerdə. Bəlkə də heç dönmərəm.

[ulkgogh]

Diş ilk yerindən çıxanda insana şiddətli bir ağrı verir, yaxşı yemək yeyə bilmirsən, su içə bilmirsən, hey dayanmadan ağrıyır. Sonra zamanla alışırsan. Ağrısı azalır, bir müddətdən sonra tamamilə kəsilir. Artıq orda bir diş olmaması önəmli deyil. Rahat yemək yeyə bilirsən, su içə bilirsən. Amma orda bir boşluq hiss edirsən. Sənə heç bir maneçilik vermir. Amma sən dilinlə yoxladığında o diş orda yoxdu artıq, boşluq hiss edirsən. Dişin yerindəki o boşluq sənə çox qəribə gəlir. Başqa bir diş qoyula bilməz yerinə. Həmişə boş olacaq. Mən də eyni belə hiss edirəm. Sanki bir dişim çəkildi indi ağrı vermir amma dilimlə yoxlayanda yerinin boş olduğunu hiss edirəm. Ağrı vermir amma boşluq qəribə hiss etdirir.

[ulkgogh]

Həyatın pikinə gəlmək bəlkə də belə bir şeydi. Öyrənirəm. Səhvlərimi görürəm. Dərslər çıxarıram. İçimdəki sevgini itirmişdim dedim - o da mümkünsüzdür. Mən özümü sevməyi öyrənirəm. Mən daha sevgini yeni tapıram. Həyatı sevməyi öyrənirəm. Anları, o an olanları, gələcəkdə olacaqları. Sadəcə sevginin şəkli dəyişir. Sevgi artıq bir insan formunda deyil, sevgi artıq birinə verilmir. Sevgi öldürmür artıq sevgi yaşadır.

[ulkgogh]

Hələ də bir okeanın ortasında ola bilərəm. Amma ən azından məni aldadan adalarım yoxdu artıq. Üzə bilərəm, bəlkə illərcə üzəcəm. Bu heç önəmli deyil. Madam ki,doğru sahillər belə tapılır. Mən sahillərimi tapacam.

[ulkgogh]

Sadəcə illərdir səndə olan şeylərdən qopmaq çətindi. İllərdir yaşadığın bir yerdən getmək kimi, olduğun yerdən köçmək kimidi. Liman bildiyin sahillərin okeanın ortasında hər an subasma təhlükəsi olan bir ada olduğunu bilmək kimidi. Və mənim liman bildiyim sahillər suların altına qərq olan adalar imiş. İndi okeanın ortasında tək qalmışam. İstiqamətimi, hara üzəcəyimi bilmirəm. Amma mübarizə aparıram — boğulmamaq üçün. Bir gün gerçək bir limana çıxacağımı bilirəm. O günə qədər üzməyə davam edəcəm.

[ulkgogh]

İnsan hər hansı bir bədən üzvü şikast olmadan da şikast ola bilərmiş.

[ulkgogh]

İnsan ard-arda yıxımlar yaşadığı zaman bunun insanı son nöqtəyə gətirdiyi bir yer var. İnsan hər zərbədə o sona addımladığını bilmir əslində. Sən hər zərbəyə o stəkanı biraz daha doldurursan. Əslində son damlanın düşəcəyi zaman onun daşacağını, o sonun gələciyini hiss edirsən. Amma sadəcə son bir şansın qalırsa.

[ulkgogh]

İllərdir maşının sağ pencərə tərəfində oturmağı sevirəm deyə düşünürdüm. Son zamanlarda anlamışam ki əslində sol pəncərə tərəfdə oturmağı daha çox sevirəm. Bu arada mövzunun maşınla əlaqəsi yoxdu.

[ulkgogh]

Dedim ki özümə “xəyallarını reallaşdırmaq bu həyatdakı ən güclü geridönüş olacaq”.

[ulkgogh]

Həyatda təsadüflər yoxdur.Məkanlar,seçimlər, insanlar,yaşananlar,hamısı bir işarə,yaşanmalı olan dərsdir.Bəzi şeylər bəlkə də olmamalıdır.Bəzi şeylərin baş verməsi bəlkə də daha yaxşıdır.Bəzi insanlarla qarşılaşmalıyıq.Bəzən qəlblərimiz qırılmalı,getdiyimiz yollar səhv olmalı,güvəndiyimiz insanlar bizi məyus etməlidir.Doğru yolu tapmaq üçün,böyümək üçün,yaxşını görən gözlərimiz olsun deyə.İstədiyin şeyi bu gün əldə edə bilməməyin bəlkə də daha yaxşıdır.Bəlkə də bunun irəli bir tarixdə alınması daha xeyirlidir.Seçimlərin səni bir yola aparır.Və bu təsadüf deyil.Sadəcə böyük rəsmə kənardan baxmırsan.Böyüməyi öyrənmək üçün zərbə almağa məcbursan.İstədiyini yaşamaq üçün istəmədyini yaşamalısan.Yaxşını görmək üçün pislə qarşılaşmalı,sevgini başa düşmək üçün nifrəti hiss etməlisən,xəyallarına çatmaq üçün istəmədiyin yerdə olmalısan.Bunu heç vaxt unutma: baş verən hər şey o yol üçün istiqamətlənmiş oxlardır.Və yaşananlar sənin üçün mükafatdır.Ən pisi belə.Əmin olduğun şeylər bəlkə də heç əmin olmamalı olduğun şeylərdir.Həyat sənə doğru yolu,doğru insanları göstərmək üçün daim sənə təsadüflər yaşadacaq, daim dərslər verəcək.Ta ki sən görənədək..

[ulkgogh]

Yin-yang fəlsəfəsi deyir ki, “hər pisin içində bir yaxşı və hər yaxşının içində bir pis var”. Və həyat insanın içindəki yaxşılığı və pisliyi ortaya çıxarmaq üçün onu bir sıra sınaqlarla üzləşdirir. İçimizdəkini kəşf edənə qədər hamımız yaxşı insanıq bəlkə də. İnsan içindəkini bilmək üçün ağrı və izdirablarla üzləşməlidir. Bu halda sənin yolun ikiyə ayrılır. Ağrı və izdirab yaşamış insan bu ağrının fərqində olub başqalarına eyni şeyi yaşatmamağı özünə söz verirsə, içindəki yaxşılıq üzə çıxır. Bu əsl xarakterdir. Bəzən isə ağrı və izdirabla üzləşən insan bunu başqalarına da yaşadır. Bu bəlkə də kindir, intiqamdır yaxud eqoistlikdir. Bu isə insanın içindəki pisliyi ortaya çıxardır. Bu xaraktersizlikdir. İnsanın içindəki yaxşılıq və pislik onun öz əlindədir. Öz seçimləridir. Başqalarına eyni ağrıları yaşadarkən necə hiss etdiyini xatırla. Kimsə sənin üzə çıxartdığın pisliyin və xaraktersizliyin qurbanı olmağa məcbur deyil. Pis insan deyilsən. Pis insan olmağı seçən insansan. Çünkü “hər yaxşının içində bir pis, hər pisin içində bir yaxşı var”.

[ulkgogh]

Sakitcə durub baxın, içim olub darmadağın, yanır durmadan yanır. 03.04

[ulkgogh]

Hamımız hər dəqiqə çox qiymətli şeylərimizi itiririk. Çox vacib fürsətləri, imkanları, bir də heç yenidən hiss edə bilməyəcəyimiz duyğuları…Həyatda olmağın bir mənası da budur əslində. Ancaq nə yaxşı ki, başımızda belə şeyləri yaddaşa, xatirəyə çevirib saxlamaq üçün balaca bir otaq var. Yəqin bu daha çox kitabxananın anbar hissəsi kimidir. Hər birimiz qəlbimizin nə vəziyyətdə olduğunu bütövlükdə başa düşə bilmək üçün daima axtarış kataloqları hazırlamalıyıq. Həmin otaqları təmizləməli, havasını dəyişməli, pəncərəsinin qabağına qoyulmuş çiçəklərə su da verməliyik. Daha doğrusu, sən əbədiyyətə qədər öz kitabxananda yaşayacaqsan. Ta əbədiyyətə qədər.

Haruki Murakami - Kafka sahildə

[ulkgogh]

O, ağlamırdı, zahirən hətta sakit idi; fağır və müti olmuşdu; amma ürəyinin bütün o əvvəlki qızğınlığı sanki harasa, daxilinə gömülmüşdü. Son dərəcə qaradinməz olmuşdu, heç kəsə, heç nəyə əsla baxmırdı da, sanki onun üçün heç nəyin fərqi yox idi, sanki hər şeyin yanından beləcə ötüb keçirdi.

Dostoyevski - Yeniyetmə

[ulkgogh]

Bir şeyi bilirəm ki, sizinlə işi bitmiş bir adamam; sizsiz də eynilə. Fərqi yoxdur, sizinlə, ya da sizsiz, harda olsanız da daim mənimləsiniz. Onu da bilirəm ki, sizə sevməkdən də çox nifrət edə bilərəm…Bununla belə, çoxdandır, heç nə barəsində fikirləşmirəm — mənimçün fərqi yoxdur. Yalnız təəssüf ki, mən sizin kimi birisini sevmişəm…

Dostoyevski - Yeniyetmə

[ulkgogh]

Mən bütünlüklə yalqızam, ancaq şəhərə daxil olan qalib ordu kimi addımlayıram.

Sartre - Ürəkbulanma

[ulkgogh]

Heç bir aşkar görünən dəlilə əsaslanmadan qəfildən anladım ki, on il ərzində özümü aldatmışam. Macəralar yalnız kitablarda olur.

Sartre - Ürəkbulanma