Noury

‏‎أنا الريح عاتية لا أُبالي بأي الفضاءات أَلقى خصومي.. يوميات تسنيمو والأُم المبتدئة..

[weirdnoury]

[weirdnoury]

بطلب من ربنا دوماً إنه بس يبينلي الحكمة وراء الأشياء اللي بتحصل وتبقى عكس رغبتي او عكس ما طلبت.. مش اعتراض ولكن ليطمئن قلبي

[weirdnoury]

كان كلاتش عادي زي الذهبي بس قررت اغيره عشان استخدمه طول الوقت

إعادة التدوير مش هتنفد من ايدي

[light-intothedarkness]

[3li7]

ما أتعس أولئك الذين يملكون قلوبًا حساسة في عالم قاحل، إنّهم يشعرون بكل شيء ، ويتألمون من أجل كل شيء، وفي النهاية لا ينالون سوى الخذلان.

[weirdnoury]

حد جرب نوع اشواجندا حلو وفرق معاه؟ قبل ما اتجه للأبتريل

[weirdnoury]

المصريين غلابه اوي ولا متربوش اوي ولا الفقر والجهل وحشين ولا احنا نستاهل كل ده ولا منستاهلش واحنا مظلومين ولا المشكلة في عددنا الكبير .. احترت والله

عاوزه اعمل دراسات في الموضوع ده

[weirdnoury]

نيمو بنتي الفترة اللي فاتت خدت فترة تعب صعبة و متضاربة اوي، انتهت إننا زيادة على حساسية الألبان طلع عندها حساسية قمح، فكنا راجعين أنا وباباها من عند الدكتور وأنا شايله الكون كله فوق راسي، أأكلها ايه البت دي لما كله ممنوع، يعني ايه طفل ياكل رز و خضار فقط طيب هتعيش ازاي؟! كلها افكار عماله تعصر راسي، فجوزي حب يكسر الصمت وشغل قرآن ويبدأ القارئ بالتلاوة (يُدَبِّرُ الْأَمْرَ مِنَ السَّمَاءِ إِلَى الْأَرْضِ ثُمَّ يَعْرُجُ إِلَيْهِ فِي يَوْمٍ كَانَ مِقْدَارُهُ أَلْفَ سَنَةٍ مِّمَّا تَعُدُّونَ) قلت دي بشارة الحمدلله يارب دبرلي ويسرلي أمري و اشفِ بنتي

تاني يوم روحت اعمل تحاليل للبنت طلبها الدكتور النتيجة إننا معرفناش نسحب نقطة دم واحدة و الأوردة ضعيفة جدا و البنت بدأت تعيط بشكل صعب وبدأت اعيط معاها فأخدت فلوسي وقلت همشي ولكن كان في شاشة شغاله في المعمل وتكررت الآية الكريمة على مسامعي "يدبر الأمر"

يارب أنا عارفه انك جنبي ومعايا طول الوقت لكن أنا في فترة صعبة.. ومش بيهون عليا غير كلامك اللي بيطمنني، معنديش غيرك اشتكيله يارب

[weirdnoury]

شوفت حد بيقول الناس بتتسلط علينا بسبب ذنوبنا.. وده حقيقي

فاللهم لا تسلط علينا بذنوبنا من لا يخشاك ولا يرحمنا

[weirdnoury]

نستحق اكتر دايما ، الحمد لله يا رب

[weirdnoury]

تعرفوا.. أنا الموت مش بيزعلني نهائي، اوقات كتير بتمنى الموت للظالمين وللمقهورين وللتعبانين

عشان كلهم متعذبين ومعذبين ناس نفسها لسه تكمل شوية سعيدة في الدنيا

بيزعلني فكرة الخطف جملة "يا عيني ده اتخطف" مش جملة كوميدية نهائي.. فكر في معناها هتلاقيه معنى حزين، كما قال مصطفى إبراهيم "الذكرى في قلوب الصحاب أبقى، أبقى النهارده معاكم بكره مش هبقى"

من ٣ ايام توفى صديق مقرب لأخي الكبير تاركاً خلفه طفلين و أمهم، اللي مات ارتاح.. لكن الأحياء خلفه إيه؟ ربنا له حكمة .. معرفهاش؛ بس له حكمة.. و ده اللي مصبرني على نص مجريات الأيام بنت الستين في سبعين اللي بنعيشها

يعني انت يارب سبت كل الوحشين وخدت ده؟! مش عاوزه ادخل في إني ابقى بذرة إلحاد انا ماليش في ابدميا غير ربنا بينقذني و أملي فيه كبير دومًا عشان كده بيحققلي دعواتي

أنا بس في عيال بتصعب عليا، كل العيال بتصعب عليا.

[weirdnoury]

شعور إن ده مش مكاني زايد عشر أضعاف مثلاً كده

كل حاجة لها ضريبة.. انا متفهمه ده بس مبقتش قادره اعيش هنا خلاص فاضل في طاقتي ٣% وهفصل وساعتها هبقى رميت الشاحن في المحيط

[weirdnoury]

بقول لحد عن بعض الأشخاص كلهم عملوا نفس الأخطاء باختلاف الاحداث والعامل المشترك بينهم انهم أميين لا يجيدون القراءة ولا الكتابة

لقيته بيقولي شوفي على كل أخطائهم وظلمهم للبشر ده هيدخلوا الجنة عشان دول جاهلين مجتلهمش فرصة يتعلموا بحيث ميغلطوش

قلتله سيدنا محمد ربنا مكانش قادر يعلمه؟ مكانش يقدر يخليه أكبر عالم في العلوم وفي الدين معاً؟ كان يقدر بس لحكمة ربنا .. ربنا خلاه أمي لكن أعظم و أشرف الخلق و قائد الأمة وهو من سيأخذنا بيده إلى الجنة صلى الله عليه وسلم

المسألة مسألة روح و ضمير يقظ و قلب واعٍ يشعر بالمسؤولية تجاه نفسه وعدم ظلمها و ظلم اللي حواليه

[weirdnoury]

[weirdnoury]

يا مصر المهم تعمليها مش مهم بتعمليها ازاي

[weirdnoury]

إن المرأة المطمئنة ليست التي خلت حياتها من المسؤوليات...

بل التي وجدت المعنى فيما تقوم به، وأحاطها من حولها بالتقدير، وأعانها أهلها على أداء رسالتها.

فما أكثر الأعمال التي تُنجزها المرأة بقلب راضٍ فلا تشعر بثقلها...

وما أكثر الأعمال القليلة التي تثقلها حين تفقد الدعم، أو التقدير، أو السكينة.

د. عبد الكريم بكار

[weirdnoury]