لاتصحي @wff1 - Tumblr Blog

‏ذاك الي راح من دنياي ونسى

‏وانا اللي ابي انسى ولكن مانسيت

‏فرقاه له سنين عيا ما مشى

‏وقلت ابمشي بهالفراق وما مشيت

‏عجزت اسال الناس هو عني درى

‏ولا انا بس الي عن ايامه دريت

‏عرف يروح ولا همه شعوري وقسى

‏وانا اللي معه كل عمري ماقسيت

‏حاولت اتناسى حبي معه واقوى

‏لكن للاسف ضعفت وماقويت !

#لاتـصـحـي

أجيه شايل همومي وهو مايدري

‏وأفتح معه مواضيع أدور أبتسامه

‏لاني واثق بـ أنه ما يخيب ظني

‏و تعود لي البسمه من عقب كلامه

‏مجرد ما اقرأ أسمه ينشرح صدري

‏و تبان بـ وجهي من غلاته علامه

‏أجيه مهموم متكدر ضايقٍ صدري

‏و أعود والحزن فيني معلن انهزامه

#لاتـصـحـي

‏أشتقت لك وانا على البعد مجبور

‏ودي أغمض عين وأفتح العين القاك

‏أرسلت لك شوقي عصافير و طيور

‏وش حيلة اللي يرتجي لمس يمناك

‏أضحك مع ربعي ولاني بمسرور

‏سارح بفكري وأشتكي ضيم فرقاك

#لاتـصـحـي

عطيتك محبّه صادقه مابها تشويه

‏وجعلتك بقلبي منفرد فيه وحداني

‏وغيرك بغاني بالمحبّه وأنا مابيه

‏دام انت عندي وش أبي بواحدٍ ثاني

‏تراني ليا شفتك أسج الفكر و أشقيه

‏وأشوف القمر وأقول عندي قمر ثاني

‏غلاتك بقلبي شيي يطغى على التّشبيه

‏كيف أوصفك والوصف يعجز به لساني

#لاتـصـحـي

انا على حطت يدك والله ما عندي جديد

‏اعاند ايامي بعد ما جاتني بـ عنادها

‏ما هو بـ يمكن فاقدك انا فقدتك والاكيد

‏عاد العيون تغار وروحي في غرامك عادها

‏تبقى الرسايل الاوله اغلى واعز من الوريد

‏رسايلٍ من قبل روحك يختلف ميعادها

#لاتـصـحـي

‏مامسحت محادثتنا كل يوم اقراها

‏و كل يوم يطيح دمعي لا قريت حروفك

‏يا سقى الله ليلةٍ نسهر على قمراها

‏يوم أقول الشعر من جوفي و يدخل جوفك

‏عشت أنا وياك ب أغلا ايامنا و أحلاها

‏يوم كنت تزورني ما تعتذر بظروفك

‏كيف رحت مع الجفيّا و أنت ما تقواها

‏كيف ترقد عينك الحلوه و أنا ما اشوفك ؟

#لاتـصـحـي

كل هالحب اخذه واحدٍ من البشر

‏سرق تفكيري و نومي ودايم في بالي

‏من كثر حبي له حتى ما صارلي غيره نظر

‏من اول ما عرفته اصبح هذا حالي

‏يالله يارب عسى مالي بدون قربه عمر❤️

#لاتـصـحـي

والله مابي شي منه ان كان مقفي

‏ماغير أبدري عقب فرقاي وشلونه

‏أن كانه بخير قلت الله يسهل له

‏مانيب قايل عساها تدمع عيونه

‏وإن عاش من دوني الله يحفظه لكن

‏المشكله صدق كيف أعيش من دونه

‏ابيه يذكرني لا جيت في باله

‏واني تحديت كل الناس لعيونه

#لاتـصـحـي

عزيزٍ في عيوني لو .. تجور ظروفنا والله

‏وتبقى الغالي اللي ماسكن غيره بهالوجدان

‏حقير الشوق ياروحي ولا له دين أو ملّه

‏جبرني أجمع حروفي وأجيلك ضاميٍ شفقان

‏وقلبك لا يتوه بيوم ، حبيبي طالبك قلّه

‏ترى لو تاه بيتوّه معه قلب وعقل انسان ..

#لاتـصـحـي

احبك كثر ماعانيت ما بين الماضي والحاضر

‏عشقتك حلمٍ وواقع وكثر ما نداي لبيته

‏محد مثلك ملى عيني طغى حسنك ترا نادر

‏الم جروحي وشقى حزني بعد حبك انا نسيته ❤️

#لاتـصـحـي

كيف أوفي أخلاقك وباهر وصوفك

‏وإن جيت الاقي لك خطايا خطاياك

‏أطيب قلب الخلق ساكن بجوفك

‏وشلون ما أحبك؟ وهذي سواياك

‏وشلون ما أهديك عمري فكفوفك

‏يا قلب قلبي ..وش حياتي بليّاك

‏تسلم عيوني دامها تشوفك❤️

#لاتـصـحـي

ماجيت أحبـك حب مثل المحبين

‏جيتـك غـلا باحسـاس قلبـي يـوده

‏اهديك روحي بالغلا ومحجر العين

‏أبـنـي غــلاك قـصـر مـحـدٍ يـهـده

‏وافرش لك بالصدر ورد و رياحيين

‏واسقيـك من نبـع الحنـان المـوده

‏واكتب قصيد الحـب فيك بقوانين

‏دستـور " ماغيـرك بـشـر يستمـده " ❤️

#لاتـصـحـي

قروك الناس في عيني غليتك والغلا مكشوف

‏انا وشلون يا باهي الوصوف بعشقي أخبي

‏وانا من طاحت عيوني عليك وخافقي ملهوف

‏نطق في داخلي صوت يهلي فيك ويلبي

‏انا لبيه يا عين تسل برويها .. السيوف

‏وانا لبيه يا مصدر هنايّ وسعدي وطبي ❤️

#لاتــصـحـي

سامحني يالله وانا الي حلفت بانساه

‏شفني مانسيته وباقي اطريه بكل بيت

‏اه من حبه كل يوم تطري علي ذكراه

‏وانا نيتي انساه لكن من النية انهديت

‏مدري وش فيني اختلف لحظة لقاه

‏ويضيع لوني وانا بالصد توي بديت

‏يالله ثبت قلبٍ نوى ينسى حب بلاه

‏واغفرلي لانه سكن قصيدي بكل بيت

#لاتـصـحـي

على البال ياللي كل ما مرني طاريك

‏بدت كل تنهيده .. تمارس هوايتها

‏انا لو ينسيك الزمن ماني بناسيك

‏محبتك قصّة ما اقدر اكتب نهايتها

‏لو الوقت يرجع قبل اعرفك وقبل اجيك

‏وقبل الهقاوي تنثني دون غايتها !

‏بأروح انتظر فأول مكان ٍ جمعني فيك

‏وبأعيد تجربتي معك من بدايتها

#لاتـصـحـي

لا تعاتبني .. ترى ما على مثلي ملام

‏والحبيب اللي يغيب مايغيب بلا سبب

‏والله انك لو تحاول اني احكي ألف عام

‏بسكت ولو راعد الشوق في قلبي ضرَب

‏والغياب اللي تشوفه ماهو من قلّ إهتمام

‏الغياب اللي تشوفه شخص من همّه تعب

‏لا تبرر .. والعذر ما عاد باقي له مقام

‏شخص حبك مايبي غيرك ولو غيرك عرب

#لاتـصـحـي

اوعدك تلقاني جنبك وأحتويك

‏يوم غيرك كان حلمه اوعده

‏إيه اغار وما ابي احد يجيك

‏حتى ظلك لو اطوله ببعده

‏قلبي مثل المملكه وانت المليك

‏يعني قلبك واجب اني أسعده

‏ما ابيك تروح عني بس أبيك

‏تقرا أول بيت وإفهم مقصده❤️

#لاتـصـحـي

Trending Blogs

Recently Viewed Blogs

لاتصحي