woh-chaand

itne ghane baadal ke peeche, kitna tanha hoga chaand.

[wohchaand]

mil hi jayega kabhi dil ko yaqeen rehta hai

mil hi jayega kabhi dil ko yaqeen rehta hai // woh isy sheher ki galliyon mein kahin rehta hai

jiski saanso'n se mahekte the dar-o-baam tere // aey makaan bol kahan ab woh maki'n rehta hai

ik zamana tha ki sab ek jagah rehte the // aur ab koi kahin koi kahin rehta hai

roz milne pe bhi lagta tha ki jug beet gaye // ishq mein waqt ka ehsaas nahin rehta hai

dil fasurda tou hua usko dekh ke usko lekin // umr bhar kaun jawaa'n kaun hasee'n rehta hai

Ahmad Mushtaq

[wohchaand]

i was listening to "ranjish hi sahi" written by faraz sahab and sung by ustad mehdi hassan sahab just a few moments ago and to my surprise - this ghazal has so much hold onto my heart. the way my eyes automatically teared up at the first note makes me question my own sentiments sometimes - am i really over it ? or was it all just a facade to make peace with my bleeding heart?

i don't think anyone else will understand the impact this ghazal has on one's emotions until and unless they go through something that breaks them in the worst way possible.

[wohchaand]

tumne kiya na yaad kabhi bhool kar humein

humne tumhari yaad mein sab kuch bhula diya

Bahadur Shah Zafar

[wohchaand]

waqt-e-rukhsat aa gaya dil phir bhi ghabraya nahin

usko hum kya khoyenge jisko kabhi paaya nahin

Parveen Shakir

[wohchaand]

bas yeh hua ki ussne takalluf se baat ki

aur hum ne rote rote dupatte bhigo liye

Parveen Shakir

[wohchaand]

main sach kahungi magar phir bhi haar jaungi

woh jhooth kahega aur la-jawaab kar dega

Parveen Shakir

[wohchaand]

tum haqeeqat nahin ho hasrat ho

tum haqeeqat nahin ho hasrat ho // jo mile khwaab mein woh daulat ho

main tumhare hi dum se zinda hoon // mar hi jaoo'n jo tumse fursat ho

tum ho khushboo ke khwaab ki khushboo // aur utni hi be-murawwat ho

tum ho pahlu mein par qarar nahin // yaani aisa hai jaise furqat ho

tum ho angdaai rang-o-nikhat ki // kaise angdai se shikayat ho

kis tarah chhorh doon tumein jaana // tum meri zindagi ki aadat ho

kis liye dekhti ho aaina // tum tou khud se bhi khoobsurat ho

daastaan khatm hone wali hai // tum meri aakhri mohabbat ho

Jaun Elia

[wohchaand]

jab main tumhein nashaat-e-mohabbat na de saka

gham mein kabhi sukoon-e-rifaqat na de saka

jab mere sab charaag-e-tamanna hawa ke hain

jab mere saare khwaab kisi bewafa ke hain

fir mujhko chaahne ka tumhein koi haq nahin

tanha karahne ka tumhein koi haq nahin

Jaun Elia [ nazm - saza ]

[wohchaand]

hum tou samjhe the ki ik zakhm hai bhar jayega

kya khabar thi ki rag-e-jaan mein utar jayega

Parveen Shakir

[wohchaand]

younhi mausam ki ada dekh ke yaad aaya hai

kis qadr jald badal jaate hain insaa'n jaana

Ahmad Faraz

[wohchaand]

unko bhi humse mohabbat ho zaroori tou nahin

ek si dono'n ki haalat ho zaroori tou nahin

[wohchaand]

main jo shayar kabhi hota, tera sehra kehta

chaand ko chaand na kehta, tera chehra kehta

[wohchaand]

dukh pichla hi jogi sanu dena, te biba sada dil mod de

If you are to give me only the previous sorrows (again), then dear one, return my heart.

[wohchaand]

unke andaaz-e-karam

unke andaaz-e-karam unpe woh aana dil ka // haaye woh waqt, woh baatein, woh zamana dil ka

na suna ussne tawajjoh se fasana dil ka // zindagi guzri magar dard na jaana dil ka

kuch nayi baat nahin husn pe aana dil ka // mashgala hai yeh nihayat hi purana dil ka

woh mohabbat ki shuru'aat woh be-thaah khushi // dekh kar unko woh fulay-na-samana dil ka

dillagi dil ki lagi ban ke mita deti hai // rog dushman ko bhi ya rabb na lagana dil ka

ek tou mere muqaddar ko bigada ussne // aur phir uss par ghazab ha'nss ke banana dil ka

mere pehloo mein nahin, aapki muthi mein nahin // be-thikaane hai bohat din se thikaana dil ka

woh bhi apne na hue, dil bhi gaya haatho'n se // aise aane se toh behtar tha na aana dil ka

khoob hain aap, bohat khoob magar yaad rahe // zeb deta nahin aiso'n ko satana dil ka

be-jhijhak aa ke milo ha'ns ke milao aankhein // aao hum tumko sikhaate hain milana dil ka

naqsh-e-bar ab nahin, wehem nahin, khwaab nahin // aap kyun khel samajhte hain mitana dil ka

hasratein khaak hui'n, mit gaye armaa'n saare // lutt gaya koocha-e-jaana'n mein khazana dil ka

le chala hai mere pahloo se ba-sad shouq koi // ab tou mumkin nahin lout ke aana dil ka

unn ki mehfil mein 'naseer', unn ke tabassum ki qasam // dekhte reh gaye hum haath se jaana dil ka

Peer Naseer-ud-din Naseer

[wohchaand]

jahaa'n mein aisa kaun hai, ke jisko gham mila nahin

[wohchaand]

humein tou yahi tha guroor, gham-e-yaar hai humse door

wohi gham jissay hum ne kis-kis jatan se, nikala tha iss dil se door

woh chal kar qayamat ki chaal aa gaya

hui shaam unka khayaal aa gaya

Majrooh Sultanpuri

[wohchaand]

yaadein pagal kar deti'n hain

yaadein pagal kar deti'n hain // baatein pagal kar deti'n hain

chehra hosh udaa deta hai // aankhein pagal kar deti'n hain

tanha chalne walo'n ko yeh // raahein pagal kar deti'n hain

din tou khair guzar jaata hai // raatein pagal kar deti'n hain

Noon Meem Danish