Just Me

بين السطور دايمًا في أنا ..

[a-just-me]

معاك السهرة حلوة والدلع عالي

وقلبي دق رق داب روقان

[a-just-me]

مِسكين يا احمد

خُرم الإبرة

أوسع م الدنيا

في عينيك.

- الأبنودي.

[a-just-me]

صباح الخير .. متتوقعش من حد نفس اللي أنت مستعد تعمله عشانه ،،

[a-just-me]

فكرة انك تحاول تتخطى حاجة جواك مسببالك حزن جامد و تعباك نفسيا دي حاجة مش سهلة خالص،الحقيقة ان الواحد بيعافر وقت طويل وممكن اوي يلاقي نفسه لسه واقف مكانه زي ما هو والمجهود والمعافرة دي كلها كانت ع الفاضي فحقيقي ربنا يعين كل واحد بيحاول يتجاوز مرحلة معينة كانت سبب في تدميره نفسيا.

[a-just-me]

مستني الشتا بفارغ للصبر والله ..

[a-just-me]

بقيت مقتنع إن أكتر ناس فاضية وفاشلة، هي اللي بتقضي وقتها تجيب في سيرة الناس، تحلل حياتهم، وتفتش في غلطاتهم، وكأن حياتها هي كاملة ومفيهاش حاجة تتصلح.

كل قعدة بقت: فلان عمل، وفلانة قالت، وده بيقبض كام، ودي اتغيرت ليه، وده متجوز مين، ودي شكلها بقى عامل إزاي… طب وإنت؟ عملت إيه في حياتك غير إنك مراقب حياة غيرك؟

يا ريت كل واحد يركز في نفسه، في شغله، في بيته، في أخلاقه، وفي عيوبه اللي محتاجة سنين تتصلح. الدنيا كانت هتبقى أهدى وأنضف لو كل إنسان اتعلم إن مش كل حاجة يشوفها لازم يعلق عليها، ومش كل سر يسمعه لازم ينشره.

أنا بقيت أتجنب ناس كتير، مش عشان شايف نفسي أحسن منهم، لكن لأني مش مرتاح أقعد مع شخص كلامه كله على غيره. اللي بيجيب سيرة الناس قدامك، هيجيب سيرتك قدامهم. واللي بيحكي لك أسرار غيرك، هيحكي أسرارك لأول حد يقابله.

بقى الواحد يخاف يتكلم، يخاف يفضفض، يخاف يثق، لأن ممكن شخص واحد مريض بالكلام والنميمة يخليك تفقد الثقة في ناس كتير.

الناس مش سواسية، ولسه في ناس محترمة وقلوبها نضيفة، لكن للأسف التجارب الوحشة خلتنا ناخد بالنا زيادة، ونحسب كل كلمة، ونراجع كل علاقة.

الثقة قلت، الحب قل، والقلوب بقت مليانة مقارنة وغيرة وحكم على الآخرين. والأريح دلوقتي إنك تبعد عن أي شخص بيستنزفك، ويملأ دماغك بكلام الناس، ويخليك تشوف الدنيا كلها وحشة.

خليك في حالك، وخلّي الناس في حالها… لأن اللي بيحترم خصوصية غيره، هو فعلًا إنسان يستحق الاحترام.

[a-just-me]

راضي نفسك اولا واخيرا وده الاهم

ده بيحصل فعلا دلوقتى ... شكراً ♥

[a-just-me]

هنراضي مين ولا مين ولا مين ولا مين ولا مين ......

[a-just-me]

هتفضل تطاردك المرات اللي كان المفروض تتكلم فيها و انت اخترت تسكت ..

[a-just-me]

احسن مهارة هتتعلمها ف حياتك هي انك تسمع وتسكت ف عز مانت عايز تقوم تفتح دماغ اللي قدامك بقالب طوب احمر

[a-just-me]

عارف لما تتعب من انك قوي وكله عارف انك هتعرف تتصرف وتقدر تشيل، ساعات بتبقى عايز تقولهم انك مش بالقوة دي وإنك بتقاوح وعايز تسند وتميل على حد ويسد معاك ميوقعكش.

[a-just-me]

الحب مهما تعملوا

لا فيه فقير ولا غني ..

[a-just-me]

بقيت آخر واحد ممكن يراهن على مكانته في قلب حد.

لا بقيت بسأل أنا فارق؟ ولا بدور على دليل يطمني، ولا حتى بقيت أصدق الكلام مهما كان جميل.

مش عشان الناس كلها وحشة... لكن عشان جربت إحساس إنك تكون مطمن لمكانتك عند حد، وفجأة تكتشف إنك كنت بتعشم نفسك زيادة، وإن وجودك وغيابك واحد.

ومن ساعتها بطلت أراهن، وبطلت أستنى، وبطلت أعلّق قلبي بتوقعات.

اللي عايزك هيتمسك بيك من غير ما تطلب، واللي مش شايف قيمتك، عمرك ما هتقدر تقنعه بيها.

أصعب حاجة مش إن الناس تبعد... أصعب حاجة إنك تكتشف إن المكان اللي كنت فاكر إنه ليك، عمره ما كان ليك من الأساس.

[a-just-me]

مع الوقت، سقف طموحاتك في العلاقات هيتغير تماماً. مش هتبقى مستني الانبهار ولا الكلام المعسول ولا الهدايا؛ كل اللي هتتمناه هو شخص مريح، وعلاقة هادية خالية من التوجس والتبرير المستمر.

[a-just-me]

صباح الخير ..

انا بحاول اعمل اي حاجة عشان تلهيني عن حالة الغضب اللي جوايا ومفيش فايدة...

[a-just-me]

خطه ربنا ليك احسن بكتير م خطتك لنفسك ..

لله ما اخد ولله ما اعطي

ربنا يرضيك ويراضيك و يرضيٰ عنك

ونعم بالله ♥️

ربنا يفرح قلبك

[a-just-me]