Just Me

بين السطور دايمًا في أنا ..

[a-just-me]

من تمارض مَرِض، ومن تفاقر افتقر، ومن تذلل ذُل ومن تهاون هان، ومن اعتز عز، ومن استحصن حُصن، ومن استعصم عُصم.

أنت حصيلة ماتمليه على نفسك. ❤️

[a-just-me]

مش كل حاجة محتاجة تتقال، ومش كل خطوة محتاجة تتشاف.

في حاجات كتير كانت ماشية كويس لحد ما اتحكت، وأمور كانت بتتخطط بهدوء واتعطلت أول ما خرجت للنور. مش شرط يكون السبب مفهوم، لكن الخصوصية عمرها ما كانت ضعف.

احتفظ ببعض التفاصيل لنفسك، وخلي إنجازاتك تتكلم عنك وقت ما تكتمل. مش كل الناس هتفرح لك، ومش كل اللي بيسأل مهتم فعلاً.

الخصوصية قوة، والصمت أحيانًا حماية، وخلي نتائجك هي اللي تتصدر المشهد بدل كلامك.

أنت مالك ما تحتفظ به، وقد تصبح رهينة ما تُفصح عنه. ✨

[a-just-me]

ياعم خبّط وعك واعِجن الدنيا .. هتلاقي سكة بتفتح في الآخر،

انما الحنكشة الزايدة بتاعة ان كل حاجة لازم تبقى ١٠٠٪؜ من الأول

دي اشتغالة انت بتشتغل بيها نفسك عشان خايف تجرب من الأساس

[a-just-me]

‏مش قادر استوعب ازاى الواحد نضجه بيزيد بالسرعه دي وفجأه نظرته ممكن تتغير من ناحيه كل حاجه حرفيا ويكتشف ان معظم قراراته وتفكيره كانت كلها غلط وقلبه يتغير من ناحيه ناس كتير ۱۸۰ درجه ويبقى مش طايق سيرتهم حتى وحقيقى سبحان الى بينور بصيره الواحد وبيقلب القلوب والله.

[a-just-me]

لو رأى العبد إنصات الرب -عز وجل- له حال دعائه لأستحى أن يظن أن دعواته لن تُقبل

[a-just-me]

هيجي عليك وقت معين كده هتلاقي نفسك بتستسلم وتقعد تتفرج على الدنيا وهي ماشيه قدامك كأنها مش بتاعتك ولا ليك فيها أي حاجه

[a-just-me]

مسكين الإنسان وهو بيحاول يتعايش مع واقع لا هو حابه ولا اختاره

بس مجبر يعيشه عشان مفيش حلول تانيه ..

[a-just-me]

أكتر درس ممكن تتعلمه في الدنيا

إنها عمرها ما بتبطل تعلّمك…

كل موقف له تمن، وكل خذلان وراه حكمة،

ومفيش حد بيتعلم ببلاش.

والحقيقة؟

الإنسان ممكن يتلدغ من نفس الجحر مرة واتنين وعشرة كمان…

بس الفرق الحقيقي إن كل مرة بتسيب جواه وعي أكبر، وقلب أهدى، ونظرة مختلفة للناس والحياة.

[a-just-me]

الواحد مبيزعلش ع حاجة قد ما بيزعل ع طاقة الحب والنوايا الصافية اللي إتحطت ف المكان الغلط ومع الناس الغلط .

[a-just-me]

‏"تنتابني أحيانًا الرغبة في وضع حداً للأمور كُلها، نقطة أخيرة تكُسر أسَتمرارية كُلِ شيء."

[a-just-me]

‏أنا تعبت مني، ومن دماغي، ومن الأيام،

والمحاولات ودروس الحياه اللي مبتخلصش..

[a-just-me]

يارب انام و اصحى الاقي قلبي هادي و نفسي هادية و مرتاحة

ربنا يزيح الهَم و الكَرب ..

[a-just-me]

كان حد متقدملي وبأول قعدة قلتله اني قارئة بقرأ أدب وعلم نفس، قلي هه يعني انتي مريضة نفسيا؟ اديته نظرة راح قايل انا بهزر بهزر.. رأيك إيه ؟

انا مقدرش أحكم علي بني آدم انا متعاملتش معاه صراحة .. وانتي كمان نفس الموضوع

وادي نفسك فرصه واتنين تقعدي تاني

ممكن كان بيقولها من باب انه مثلا يرسم ابتسامه علي وشك ..

ممكن بيقولها من باب الهزار عشان يغير مود القعدة ..

ممكن بيقولها من باب الهزار ..

ممكن بيقولها عشان فعلا مش عارف ايه ده فا حب يقولها بهزار وضحك عشان تفهميه

نهاية الموضوع ونصيحه متحكميش علي حد ولا تقولي لمخلوق مواقف من شخص ماَ عشان يحكم عليه .. لان اللي هيقولك نصحية ف الموضوع ده هوا اللي تعبان ف دماغه 😊

[a-just-me]

أي حاجه مش متبادله متعملهاش يسطا انت مش قليل ..

[a-just-me]

أوقات بحس إني فقدت الشعور بالسعاده للأبد كإن الحاجه المسؤوله عن الشعور ده جوايا إنتهت وأنا غصب عني بقيت بجاري الي حواليا وبقنعهم إني كويس ومبسوط باللحظه دي والوقت ده إحتراماً لمشاعرهم ومحاولاتهم .

[a-just-me]

إي حاجة محدش عارف عنها حاجة غيرك انت و الحيطة اللي جنبك بتنجح ، الناس بتبوظ أي حاجة بتعرفها فعلا ً.

[a-just-me]

الحقيقه ان انا شخصيه مش عايز صراعات ولا وجع دماغ ولا اي نوع من انواع المناقشات الحاده اللى ممكن تستغرق اكتر من 3 دقايق ولا ازعل من حد ولا حد يزعل منى ونعيش ف سلام كده نعيش ونتعايش و نفرح باليومين اللى عايشين فيهم وشكرا