شوية كراكيب

ضيف, ساعات ضيف تقيل وساعات ضيف خفيف ....لكن ديما ضيف!

[alhasan11]

ساعات يكون كتم الأنين أصدق

[alhasan11]

إحنا محتاجين كل فترة لأوبشن السفر إلى ال لا مكان ب لا وقت

تقفل موبايلك وتمشي في بلاد الله

[alhasan11]

الواحد محتاج حد يؤمن بيه إيمان الست زينب بإبنها عاطف

ما هو الواد يتحب يا رمضان

[alhasan11]

حد سألني مرة إذا اتعرض عليا اختيار فيلم ماتريكس … كبسولة زرقا وترجع للعالم بتاعك العادي وألا كبسولة حمرا وتشوف عالم تاني متعرفش وراه إيه

لسبب معرفوش ، أنا دايما بختار الكبسولة الحمرا

معرفش عن نفسي إني مغامر أو جرئ في التغيير… لكن وقت الاختيار ده ولسبب ما أنا بنط

[alhasan11]

البلوج بتاعك حرفياً مش عايزه اطلع منه ماشاء الله ع الردود والوعي احييك بجد بالمناسبه هعملك فولو😄🩶

🌸🌸🌸

[alhasan11]

لسبب ما .. كل حكاية في جيلنا بتخلص بكابوس

مش مجرد بتخلص على نتيجة متوازنة شوية أو حتى نهاية وحشة .. لا هي فعلا بتخلص على كابوس مرعب كفيل ينسف روحنا

معرفش ليه .. معرفش إزاي .. دماغي مش ماسكة أي منطق

بس لسبب ما هو ده إللي بيحصل كل مرة .. كل مرة

[alhasan11]

* ريما مش هتسرحي شعرك ؟

** لا

* ليه ؟

** عشان عاوزة شعري زي الإندومي (كيرلي)

فصل في كتاب النظر إلى العالم من نافذة أخرى

[marwa-el-zeiny]

زمان كنت فاكرة إن الشجاعة هي التمرد والخناق على ما تريد، الجموح الفاتن في إنك تقول الحقيقة ولو لسلطة أعلى وبتكلفة كبيرة، إنك تقول أنا عايز كذا وهعمل كذا بغض النظر عن التمن. بعدين بقيت شايفة ان الشجاعة كمان هي إننا نتصالح مع هشاشتنا الإنسانية ومنعتبرش التكبر على ضعفنا الشخصي أو ضعف الآخرين شيء جيد، إن اعتذارنا يكون حقيقي وشكوتنا تكون صريحة وصورتنا عن نفسنا تكون متواضعة وخالية من أوهام التفرد لكن كمان متصالحة وآملة. حاليًا بختبر معنى جديد للشجاعة، وهي التخلي عن اختيارات وإيمانات اتمردت بيها ودفعت تمنها لكن أدركت في النهاية إنها مبقتش مناسبة ليك، شجاعة إنك تتخلى عما تريد، أو أعتدت، لإنه مبقاش أنسب شيء ليك حالًا.

الشجاعة من صفاتي المفضلة، جدتي كانت بتلومني على قلة سؤالي زمان عنها ب"كنتي فين يا جبانة؟"، وقتها كنت بستغرب إن إيه الشجاعة في مجرد إني ابقى موجودة؟ لكن بعدين استوعبت إن دفع تكلفتنا من الود محتاج شجاعة. إني أخذ قرارات مش عايزها بس لازم تتعمل بيتطلب شيء من الشجاعة. قطع الصلة بأجزاء من ماضينا أو وصل الصلة بأجزاء تانية محتاج شجاعة. مواجهة خوفنا لوحدنا بدون مظلومية محتاج شجاعة، التعاطف مع آلام الآخرين بدون الغرق فيها محتاج شجاعة، ومحتاجين شجاعة إننا نصحى كل يوم عارفين إنه هيبقى يوم صعب لكن هنمرره بأقل قدر ممكن من التقل.

بحب الشجعان، ومن ضمن كثير من الأشياء أحب أكون على الدوام شخص شجاع، لا يتعالى على ألمه ولا يستمتع بيه، لا يخفي ضعفه عن أحبائه ولا يعرضه على المشاع، لا يغرق تمامًا في المشاكل ولا يهرب منها.

إسراء الجزار

[alhasan11]

عشان أنا نص فعلا.. نص في كل حاجة

نص افندي ونص جربوع ، نص حرامي ونص شريف، نص عيشة ونص عزيزة

شوف انت بقى عندك كام نص

[alhasan11]

اتضح ان الاسترسال مش سهل أبدا.... فكرة إن الواحد يفتح تمبلر زي زمان ويكتب يكتب يكتب زي ما دماغه توديه مش سهلة

لكن … هنجرب

[alhasan11]

هو دة كيميت ؟

صح … كنت هناك قريب

[alhasan11]

بعد غياب ❤️

[alhasan11]

و احنا ضيوف عابرين مش أصحاب مكان

[kareem-blah-blah]

"لا شعر بعد اوشفيتز"

بفتكر الجملة دي كتير للعالم تيودور ادورنو اللي شاف إن بعد اللي حصل في اوشفيتز المفروض الناس تبطل تكتب شعر وتعتزل الفن والمزيكا والسينما، لإنه ببساطة الفن اثبت عجزه عن مواجهة الواقع اللي حصل في اوشفيتز. ولو مسمعتش عن اوشفيتز فأنا محبش أكون أول شخص يحكيلك عن اللي حصل هناك، بس يكفيك تعرف إنه كان معسكر اعتقال نازي في بولندا حصل فيه كل الشر والفظاعات اللي ممكن تتخيل الانسان يعملها في اخوه الانسان، شر خالص من أجل الشر نفسه، أذى من أجل الأذى نفسه، بالنسبة لمفكرين كتير اوشفيتز أثبت إن مفيش حدود للشر في البشر، معتقدش إننا شهدنا في التاريخ وقائع أبشع من كده.

كان فيه نكتة ملحده شوية بتوصف اللي حصل في اوشفيتز، بتحكي عن اتنين يهود من اللي اتعذبوا في اوشفيتز قاعدين في الجنة بيحكوا لبعض اللي حصلهم، واحد فيهم قال للتاني نكتة عن حاجة هناك والاتنين قعدوا يضحكوا، وهما بيضحكوا الرب كان معدي من جنبهم وسمع صوت الضحك، قرب وسألهم يقولوله النكتة، فردوا عليه وقالوله: مش هتفهمها، انت مكنتش هناك!

بمعنى إن الرب لو كان موجود هناك فعلا مكنش سمح بكل ده يحصل .. بالمناسبة دي النكتة المفضلة للكوميديان ريكي جيرفيه، فيه فيديو له وهو بيحكيها لجيري ساينفيلد، وساينفيلد بيقعد ساعة إلا تلت عشان يستوعبها.

المهم إن الزمن اثبت إن كلام ادورنو كان غلط، والشعر اتكتب بعد اوشفيتز عادي والفن استمر رغم كل الفظاعات اللي خلت الفنانيين يفقدوا ايمانهم في تأثير الفن، بالعكس كمان ده أنا وانا بحكيلك عن اوشفيتز لخصتها في نكتة. وده بيفكرني بمقولة الاديب التشيلي انطونيو سكارميتا في روايته اللي بحبها "ساعي بريد نيرودا" عن إن الأدب (او الفن بشكل عام) هو طريقتنا الوحيدة في هضم الواقع، الواقع بيجي مرة واحده على دماغنا وعشان نفهمه ونستوعبه ونتعلم منه، لازم فن، لازم أدب، لازم شعر، لازم نكتب ونبروسيس مشاعرنا تجاه اللي بنكتبه ونعرف نحطله تسمية ونحيطه بإطار خيالي.

[alhasan11]

و آية الكمال نقصانه

[marwa-el-zeiny]

نحتاج إلى الهزيمة كي نغادر أماكننا الآمنة..

حسام مصطفى إبراهيم

[alhasan11]

ليه ليلة طويلة؟

الأرق وإللي بيعمله يا أنون