أَمَــل

ارسم لوحه وأُدون نص والتَقط لحظه واُوثق ذكري :')

[aml-mamdouh]

‏- إلى متى يا لوز؟

- إلى الأبد يا سُكر.

[aml-mamdouh]

[aml-mamdouh]

انا سعيده اني قويه والافعال وردات الفعل الل حصلت قوتني وسهلت عليا اوي ادعيلي بالعوض بحبك وحبيت اشاركك التفاصيل دي ❤️

انا مبفتحش هنا غير كل شهوررر تقريبا وحقيقي ممتنه أوي ان لسه حد بيشاركني التفاصيل الخاصه دي ، حقيقي اتمني ربنا يعوضك وتفضلي شايفه الاحسن ليكي ولحياتك ويدلك علي الأصح لمستقبلك ،امين❤️

[aml-mamdouh]

بحبك اوي

كان من فتره بعتتلك ان اهل خطيبي مقصرين معي ، وبعد سنتين خطوبه وأفعال كتير لقيت مضحوك عليا ف حاجات كتير وخطيبي نفسه بدأ يتغير عليا برغم ربنا العالم ان اغلب الوقت كنت بنام مجروحه منه او منهم ومن انه بيشوف الغلط و احكمه ولما يجي يعتب عليهم بيرجع شايف ان الل حصل عادي وان ايه يعني لما اتحمل لو بحبه لأنهم عنده اهم حاجه، لما حبيته حبيته علشان بره بيهم ومتخيلتش ان البر ممكن يبقى مرضى كدا اذاني كتير لوقت اخر مشكله قبل الفرح ب ٤٥ يوم مقدرتش، الضغط بحجة الفرح مبقاش عليه حاجه واني مضطره اتحمل من ابشع الاحاسيس الل وصلتني طلبت ان حياتي تبقى منفصله عن العيله لظروف شغلي رفض وبشده اني لازم اخدمهم واريحهم حتى لو مش هخدمه مسعاش نوصل لحل وسط، انا كنت ببكي كتير الأول وانا معاه دلوقت بقالي اسبوعين حتى مبكتش لفراقه بيدور علي عروسه من تاني يوم قررنا الانفصال قبل م نننفصل رسمي مع انه مفروض بيحبني

انا مبسوطه انك قدرتي تاخدي قرار بعد المده دي وانك قدرتي تشوفي الحقيقه وسط الضغط دا وآراء الاهل وتقل الانفصال بعد العشره ، والتغاضي عن الاغلاط بسبب طول المده ، برافو عليكي واتمني ليكي الاحسن دايما بجد 💪🏻

[aml-mamdouh]

"Plants make people happy." 🌱🌿

[aml-mamdouh]

١/نوڤمبر العزيز | تشرين الثاني 🤎🍁🍂

مّنتصف الخريف الفصل الأحب لقلبي والألطف علي الاطلاق يبدو كل شيء ناعم، هاديء ،

تغدو السماء اكثر جمالا تزينها السحب والغيوم، ويُمسي الغروب أكثر دفئا ، تُصبح الملابس أكثر اناقه والنسمات أكثر بروده ، يحلو فيه السهر وزيارات الأهل ، رائحه المخبوزات تملأ البيوت ،وصباح الخير تقال بشكل جمييييل، يليها عناق وقُبله من الصغار ، تخرج للعمل فتُلقي التحيه علي من عرفت ومن لم تعرف ، إن شعرت بالكدر تُفاجيء بالمطر،وتَسعدُ بقوس قزح ، تظل ترتقب الشتاء فيأتي وترتوي الأرض ويرتوي قلبك ، الطبيعه دائما جميله فقط انظر فقط تأمل واسعد ..

[aml-mamdouh]

تمبلر وتويتر دلوقت علي وضعهم 🥂

[aml-mamdouh]

[aml-mamdouh]

تمبلر وتويتر دلوقت علي وضعهم 🥂

[aml-mamdouh]

[aml-mamdouh]

لديّ أخ وصديق أحبه بلا مقابل ،بلا مصالح ، أحزن لأجله وافرح لفرحه ، أتحامق في حضوره وأبكي إن لزم الأمر، أُخبره أني أبغضه وأحبه ، اُعاتبه إن انشغل وانتظره إن ابتعد ، وادعو له إن تعِب ، يُحادثني عن مخاوفه وعن حبيبته وعن مستقبله ،يبكي ويضحك ويبتعد ويغيب ، وانا في مكاني انتظره اليوم وغداً ودائماً وللأبد 💙🌎

[aml-mamdouh]

”‏أعلم انه لو مرّت السنوات وأصبحنا لانتحدث ونسينا كيف كُنا، ستبقى صديقي وأسرارك أسراري، لا أفُرط ولا أخون، ذلك امر لا أفعلهٌ ابداً.”

[aml-mamdouh]

هيّ الجواب على كل سؤال هي الأحلام وهيّ الخيال ..

[aml-mamdouh]

يجب أن يكون هناك شخصً واحد على الأقل تذهب إليه حينما لا تعلم إلى أين تذهب !

[aml-mamdouh]

أختي حبيبتي وضيّ عيوني ❤️

[aml-mamdouh]

يسعد صباحكم كلكم يا شقيانين 💕🌚

بس بقاااا ،حرفيا كان صباح سبت تعيس بعد اجازه حلوه وافراح وعيد ولمه بس بقا بس بسسسس 💔💔😂

[aml-mamdouh]

أمل ال هوا أنا يعني بتقولكم ..

كُل صنيّه رُقاق باللحمه وانتو مبسوطين كدا😂

[aml-mamdouh]

خبرتي في الحياة مش أوسع حاجه ولكن انا مش مدركه اوي ازاي اتعامل ف جوازي مع شريك حياتي وازاي أنه يكون ليا شخصية انا خايفة انا والدتي طيبة اوي وحقوقها مهدورة ازاي اتعامل بدون ظلم فاهمه يعني ادينا كده كام خبراية من حياتك عموما مش لازم الجواز

بخصوص الجواز فأولا الرضا ،الرضا مفهوم عظيم جدا لو رضيتي هترتاحي بالعيوب والمميزات وإن دايما الحلو يشفع ، المُشاركه من البدايه عامل مهم جدا جدا سواء ف البيت او تربيه الاولاد بتخلق جو أسري جميل وبتحسس كل فرد فيكو انه مسؤل فعلا ،البعد التام عن العند والنديه والمقارنات ، الاهتمام بمهامك كزوجه سواء ف شكلك او جسمك ونضافتك وتغذيه عقلك والتطلع علي اي جديد ، ماتسمحيش ابدا بالإهانة اطلاقا ،اول ماتتعرفي علي جوزك لازم مايعرفش اكتر من اللازم عن خصوصيات اهلك ولا تذكري عيوب اهلك قدامه ولا تسمحي يغلط فيهم ، شخصيتك هتحدديها بالقواعد ال هتحطيها من الاول ومش بالعافيه ،انتي متقصريش الاول ومفيش تجاوز هيحصل ، وخلي بالك لما تبقي شخصيه مثقفه فاهمه وواعيه هتقدري تتناقشي بشكل محترم وتجبري ال قدامك ع احترامك مع ان الزوج مش محتاج اجبار ،محتاج تتمرقعي بس شويه وكل ال انتي عاوزاه هيحصل عادي ، انا حقيقي عموما مشوفتش ابسط من الرجاله وكل واحده بتعرف تتدخل منين للراجل ال معاها فتبقي ذكيه بما فيه الكفايه ، وتخلي زوجها يحترم رغباتها ووقتها سواء عاوزه تخرج او تروح لأهلها او تعمل اي حاجه هيا عوزاها بالحب كدا ، وقت الغضب سبيه لو هوا محتاج دا ومترديش عليه ، احترميه ،هيبادلك نفس الاحترام ، الراجل ومراته بيبقو زي روح وشخص وجسد واحد بيغطو علي بعض وبيعدو ويفوتو ف خليكي الشخص الجميل الإجابي ، ومتبقيش شكائه بكائه ومتحكيش لأمك كل حاجه ، ركزي عليه ودلعيه كدا صدقيني هتلاقي كل الحجات سهله والقواعد البسيطه ال هتشتغلي عليها من البدايه ماتتنازليش عنها وكل حاجه هتبقي احسن ان شاء الله .

[aml-mamdouh]

هو انتِ متجوزة فعلاً؟ 😃

اكتر سؤال بتسأله ف المجره وتقريبا كل يوم وخصوصاً بعد مانزلت شغل ! أنا مش باين عليا ابدا إني متجوزه ولا إني أُم .. بقيت بستقبل الخضه ال بتحصل بعد ما أي حد يعرف بضحك واعتياد من كتر تكرار السؤال .. ال هوا ازاي وامتي ومستحيل واي دااا مش باااين ، بس آه انا اتجوزت بدري وبقيت اصغر مامي وحاجه قمرر يعني وشكرا.