Phuu viel gloffe sit em letschte Update! Mir hend rainy Roatan verlah und hend zwei langi Reisetäg vor eus gha. Dank enere kaputte Brugg ufem Festland, hend mir direkt chöne uf San Pedro flüge und eus so 2h Autofahrt erspart! In Comayagua hemmer nume Znacht gesse und übernachtet, het au ned so viel z'büte gha ;-) Am nechste Morge simmer am 5i abgfahre und für meh als 12h underwegs gsi nach Granada, Nicaragua. D'Grenzüberquerig isch e halbi Ewigkeit gange. Trotz de Bestächig vom Grenzbeamte het de sich Ziit lah (öpe 3h) zum 15 Näme und Nationalitäte ufen Fötzel Papier z'chribble... De Tag druf isch volls Programm ahgstande. De Ramon, euse Tagestourguide, het eus zerst ufe Boottour dur de Fluss, wo in Lake Nicaragua flüsst, mitgno. Denn simmer wieter zum Vulkan Masaya. De isch immer no aktiv, scho bitz grüslig, wennd so in Krater abeluegsch 😱 Mer hend auno bimene Märt ghalte, wo nume selber gmachti Sache verchauft het. Zur Krönig vom Tag isch schwümme im Kratersee Apoyo ahgseit gsi!! De Ramon het no sin Zaubertrank aka Rum Punch zuebereitet. Haha die einte hets nach 1 Drink gno, die andere denn nachem 5. 🍹¡Viva el ron! Uf all Fäll en super Tag! Doch jetzt chunnts, es git e wiiteri Story to tell... Wenn ihr sie wennd ghöre, freged eifach weg de Velogschicht in Granada 😏 am gliche Tag vo dere "super Gschicht" hemmer eus uf de Weg nach Ometepe Island gmacht. Isch ned allzu wiit entfernt gsi. Was für e Insle. Sie befindet sich im Lake Nicaragua und het zwei riese Vulkän druf. Das erchlärt au de Name: ome = zwei und tepe = Gipfel. Euses Hotel isch direkt am Wasser gsi und uf die ander Siite hemmer de Volcán Conceptión gha. What more could you ask for?? Will mir immer viel im Bus sitzed hani langsam chli Bewegigsdrang gha und mich entschiede am nechste Tag en Hike uf de Vulkan Maderas z'mache. Miteme lokale Guide und no eim vode Gruppe simmer gmüetlich ufegloffe und hend die super Ussicht gnosse! Bis ganz ufe oder bis ad Spitze vom Conceptión wereds gueti 8 bzw. 10h gsi.. Han mer ja ned gad welle de Rest geh nach 2 Mönet kei Sport 😳 #fuuliusred? Da mir jetzt überall nur no zwei Nächt verbringed, hemmer amig au nume ein ganze Tag zum öpis underneh. So isches au in Monteverde gsi. Nacheme wietere Tag im Bus und überquere vode obersichere Grenze Nicaragua/Costa Rica, hemmer eus in Monteverde vorgfunde. Han mich sehr uf de Ort gfreut, will alli us de Schuel det ane sind und gschwärmt hend. Wieso? Das erfahreder gli 😊 Zum Eine gsehts da bitzli us wie ide Schwiiz mit Berge, normale Chüeh und d'Temperatur het isch au chli gmässigter, zum Andere isches d'Hochburg vode Action Activities!! Bungee, Ziplining, Waterrafting usw. Fast die ganz Gruppe het sich fürs Ziplining ihgschriebe, da das s'Beste vo ganz Amerika seg. Wer wett das scho verpasse ;-)! Läck, vo ewig lange Seil, über Superman bis zu Tarzan Swing. Alles hemmer gmacht. Pretty scaaaary!! Aber es het sich definitiv glohnt! Aber das Mal bini nüm id Fotifalle gheit hihi Ja und am Abig hani no en Night Walk dur de Wald gmacht und monströsi Tarantulas, irgendwelchi cooli, herzigi, flauschigi Tierli und schlafendi Vögel gseh. Was füren super Tag!! Übrigens sorry, wenn die Text amig es komischs Dütsch hend. Han vorher gad zwei Dütschi atroffe und gad chli Müeh gha, zum en gschiede Satz use z'bringe. Das chunnt halt devo, wenn mer mit Aussies und Engländer underwegs isch 🙈...
turnnoffyourmind
snowghoul
izzy806
gummygunk
vaporwave
areudirty
jbbartram-illu