Ari

The Only reason I come here is to make gifs for one direction. 1D reblogged my gif!

[arivaan]

အခုက အသက် 28 မပြည့်ခင် နာရီပိုင်းအလို စိတ်ထဲမှာ ခံစားချက်တွေသိမ်းဆည်းဖော်ထုတ်ချင်လို့ ဒီစာလေးရေးလိုက်ပါတယ်

တကယ်တော့ ဘာမှသိပ်မထူးလှတဲ့နှစ်တွေဖြတ်သန်းခဲ့ရသလို ခံစားချက်ကြီးဖြစ်နေတယ် တကယ်လဲ ကိုယ်ခံစားချက်မဲ့တယ်ထင်ခဲ့တာ 1 နှစ်ကျော် 2 နှစ်ရှိလောက်ပါပြီ တကယ်က အပြင်မှာလုပ်စရာပိုများလာတယ် ကိုယ်ကလဲ အလုပ်ကပြဿနာတွေပိုကိုင်တွယ်နိုင်လာတစ်ကြောင်း ကံကူလို့ရောတစ်ကြောင်း ဘဝကအေးဆေးဖြစ်နေတယ်။ တကယ်ပဲကိုတော်တာလားကံကူတာလာမသိပေမယ့် တကယ်ကို စိတ်အပူပန်အနည်းဆုံးဖုစ်နေတယ်။ ဒါမှမဟုတ် အရာအားလုံးအဆင်ပြေသွားမယ်ဆိုတဲ့ခံစားချင်ကြောင့်ပဲလားမသိတော့ပါဘူး။ အဖြေလဲမရှာတော့ဘူး ဒီလိုခံစာချက်လေးကို ထိန်းဖို့ ဒီလိုစိတ်ကဘေးအေးချမ်းဖို့ ကြိုးစားဖို့ဆုံးဖြတ်ထားတယ်။

အလုပ်ကလဲ ဘာတွေဘယ်လိုဖြစ်လာမှန်းမသိ အကောင်းဆုံးတော့ဖြစ်ဖို့ပဲမျှော်မှန်းပါတယ်။

ဒီနေ့ ဖေ့ဖေ့ကိုသတိရတယ် သူရှိရင်ဆိုတဲ့အတွေးတွေနဲ့ သူရှိရင်တစ်ချို့အရာတွေဖြစ်ဖို့မရှိဘူး။ သူ့ကိုတော့ပြောပြချင်တယ် တစ်ချိန်ကသူ့သမီးပိစိလေးက ခု လူတွေကိုဦးဆောင်ရတဲ့သူဖြစ်လာပြီဆိုတာ။ ကျောင်းစာမတော်ပေမယ့် Master ရနေပြီဆိုတာ။ မိန်းမလေး လူကြောက်တတ်ပေမယ့် Seniors manager ဖြစ်နေတယ်ဆိုတာ အလှအပမကြိုက်တတ်ပေမယ့် ခုကိုယ့်ကိုကိုယ် ဂရုစိုက်တတ်နေပြီဆိုတာ ခွေးလေးတွေမွေးထားတယ်ဆိုတာ တူလေးရနေပြီး သူရှိခဲ့ရင်အဖိုးဖြစ်နေပြီဆိုတာခုထိလဲတစ်ကိုယ်တည်းအပျိုကြီးဖြစ်နေတယ်ဆိုတာ အဲ့ဆိုတာတွေပြောပြချင်တယ်။ လွမ်းတယ်။ သူလဲအမြင့်တစ်နေရာကကြည့်နေမယ်ဆျိုာ ယုံကြည်ပျါယ်။ ချစ်တယ်။

တကယ်ပြန်စဉ်းစားရင်ဒီနှစ်ကမေမေလဲပိုကျန်းမာလာတယ် မသိမ့်လေးလဲ ကျောင်းတစ်တန်းပြီးတယ်။ ပိုပြည့်စုံလာတယ် ပိုပျော်ရွင်ရတယ် ပိုလန်းဆန်းလာသလိုပဲ။ အဲ့အတွက် အရမ်းကျေးဇူးတင်တယ်။ ပြဿနာထဲကနေအကောင်းဆုံးရှင်သန်ပေးတဲ့ကိုယ့်ကိုကိုယ်လဲကျေးဇူးတင်တယ်။ အဲ့လိုဖြစ်အောင်လုပ်ပေးတဲ့ အားလုံးကိုကျေးဇူးတင်တယ်။ နောက်နှစ်လဲ ကိုယ်ချစ်တဲ့သူတွေကို သူတို့မလိုအပ်လဲပိုလျံအောင်ထောက်ပံ့ပေးချင်တယ်။

ခုထိအနာဂတ်ကိုတွေးရင်လိုအပ်နေတုန်းပဲငွေရေးကြေးရေးရော အချစ်ရေးရော။ ငွေကြေးအနေနဲ့ပိုရချင်တယ် အချစ်ရေးကတော့ ကိုယခ့အပေါ်နားလည်ချစ်ပေးထောက်ပံ့ပေးနိုင်တဲ့သူပေါ်လာမှစဉ်းစားမယ်လို့စဉ်းစားထားတယ်။ ဒါပေမယ့်အရင်ကတည်းကရဖူးချင်တဲ့ ပေးချင်တဲ့အချစ်တစ်ခုကိုတော့ လက်ခံချင်တယ် ပြန်ပေးချင်တယ်။ ဘယ်ချိန်ဘယ်လိုလဲမသိပေမယ့် ခုလိုပျော်ရွှင်ရတာ အချစ်လို့နာမည်တပ်ကြတဲ့ ဆက်ဆံရေးနဲ့ကင်းနေလို့တူပါတယ်။

အိမ့်ရေ ဒါမှမဟုတ် Ari ရေ အရာအားလုံးကို နောင်တကင်းစွာ အကောင်းဆုံးကျော်ဖြတ်ခဲ့တယ်။ ဒီနှစ်ပြည့်မွေးနေ့ကစပြီး ပိုပြီးကောင်းမွန်တဲ့ဘဝ အလုပ် တွေကို ပိုင်ဆိုင်ရရှိမှာမို့လို့ အဆင်သင့်ပြင်ပြီးအရင်လို ထုံးစံအတိုင်း အကောင်း‌ဆုံး နောင်တကင်းကင်း အချစ်တွေနဲ့ဖြတ်သန်းပေးပါနော်။

14 jun 2025

23:35

[inharrystyles]

Last group hug of the OTRA tour in Sheffield, 10/31/15.

[dailytomlinson]

OT5 in the bread van in Rio De Janeiro, Brasil, 2014

[arivaan]

ဒီနေ့ကတော့ကိုယ့်ဘဝရဲ့အလင်းတန်းလေးတဖြစ် မျှော်လင့်ချက်ရောင်ခြည်လေးတဖြစ်အမြဲရှိခဲ့တဲ့ တစ်ဦးတည်းသော ပထမဆုံးအချစ်ဦးဖြစ်တဲ့သူက လောကကြီးကိုနှုတ်မဆက်ပဲထွက်ခွာသွားခဲ့ပါတယ်။

သူ့ရဲ့နောက်ဆုံးချိန်ခဏလေးမှာဘယ်လိုတောင် နာကျင်ခံစားနေရမလဲဆိုတာမတွေးရဲလောက်အောင်ပါပဲ။

သူလိုအပ်ချိန်မှာ ကိုယ်မရှိခဲ့မိလို့ တောင်းပန်ချင်မိတယ်။ ကိုယ့်စိတ်ငြိမ်းရာအတွက်သတင်းတွေ ကနေအဝေးဆုံးမှာနေထိုင်မိခဲ့တယ်။

ဘာတွေဘယ်လိုကြောင့်ပဲဖြစ်ဖြစ် သူကယ်တင်ခဒ့တဲ့ဘဝတွေကများလွန်းလှတဲ့အတွက် အဲ့ကောင်းမှုကုသိုလ်တွေနဲ့အတူ နောက်ဘဝများရှိခဲ့ရင် သူလိုချင်အတောင့်တဆုံးပေါ့ပါးလွတ်လက်တဲ့ ပျော်ရွှင်မှုတွေနဲ့အတူ ရရှိဖြတ်သန်းနိုင်ပါစေ။

ထာဝရသတိရလျက်

17 oct

[arivaan]

ဒီနေရာလေးမှာ ဘဝရဲ့တွေ့ဆုံမှုအကြောင်းလေးတွေလာရေးလေ့ရှိပေမယ့် ရေးမယ်ကြံတိုင်းအရေးဖြစ်နဲ့ ခုထိရွေ့လာခဲ့တာပါပဲ။

ဒီစာလေးမှာ သက်တမ်းကုန်မယ့်ရက် အချိန်တစ်ခုပါတယ် ဒါမယ့်အဲ့ရက်အတိအကျကိုလဲမသိနိုင်သလို ဒီစာကိုစောစောရေးခဲ့ရင် မေတ္တာတရားချစ်ခြင်းတရားတွေပြည့်နှက်နေမယ်ဆိုပေမယ့် ခုဒီစာရေးတဲ့ချိန်တစ်‌ဖြည်းဖြည်းတိမ်ပါးနေပြီး အချိန်နဲ့အမျှတိမ်ပါးကုန်ဆုံးသွားမှာမို့ သက်တမ်းကုန်မယ့်ဒိတ်လေးက နီးလာပြီလား ဝေးသေးလားသိနိုင်စွမ်းမရှိတာအမှန်ပါပဲ

သူနဲ့စသိခဲ့တာ ခုဆိုတစ်နှစ်နီးပါးရှိတော့ပေမယ့် ခင်မင်မှု ရင်းနှီးမှုက ပိုပိုဝေးလာသလိုခံစားရတာအမှန်ပါပဲ။ သူနဲ့တွေ့ဆုံမှုကဆန်းကြယ်ပါတယ်။ သနားလို့ စာပြန်ရင်း ခင်မင်လာခဲ့တယ်။ သူရဲ့စူပါပါဝါကတော့ အမြဲ သူ့ဘက်ကစတင်ပြီး စကားပြောခြင်းနဲ့ လက်မလျော့ခြင်းဖြစ်မယ်တူတယ်။ စကားတွေ‌မပြောလဲ သူဘက်ကစပြီး စကားပြောချင်လာအောင်ကြိုးစားခဲ့တယ်။ ပြောလဲပြောဖြစ်ခဲ့တယ်။ စာမပြန်လဲပြန်ချင်လာအောင်လုပ်တတ်တဲ့အကျင့်လေးကလဲ သူရဲ့ချစ်ဖို့ကောင်းတဲ့အချက်တစ်ခုပါပဲ။

သူက တစ်ယောက်သောသူနဲ့တူပေမယ့် မတူတဲ့အချက်က ဘယ်တော့မှအပြစ်မမြင်တာပါပဲ။ အိမ့်ကအမြဲအဲ့လိုပဲ အိမ့်ကအဲလိုပဲ အိမ့်ကစိတ်ထင်နေတာ အဲ့လိုထက် တောင်းပန်ပါတယ်ဗျာ မှားပါတယ်ဗျာဆိုတဲ့ စကားတွေက ဒီသူရဲ့စိတ်ကိုယိုင်လဲစေတယ်။ အဆက်သွယ်ဖြတ်ဖို့စိတ်ဆင်းရဲအောင် တွယ်ကပ်နေခဲ့တာတွေ အဆက်အသွယ်မလုပ်ခဲ့တာတွေ တစ်ကိုယ်ကောင်းဆန်နေခဲ့တာတွေ ပြုမူခဲ့ပေမယ့် သူဘက်က ဘယ်တော့မှအပြစ်မမြင်ခဲ့တာ သူနဲ့ခုထိချိတ်ဆက်ရှိနေသေးတဲ့အကြောင်းပြချက်တွေပါပဲ။ နှစ်ယောက်သားကဘဝရဲ့အဆိုးဆုံးဆိုတဲ့အချိန်မှာတွေ့ခဲ့ကြရသလိုပဲ တစ်ယောက်ကိုတစ်ယောက်ဖေးမခဲ့ကြပေမယ့် အကောင်းဆုံးဆိုတာတွေပေးဖို့ကံကြမ္မာမဖန်ခဲ့သလိုပါပဲ။

သူနဲ့ဆက်ဆံရေးပြောင်းလဲခဲ့တဲ့အဓိကတရားခံက ကိုယ်ကိုတိုင်‌ဖြစ်နေခဲ့တော့ ဘာဆက်လုပ်ရမှန်းမသိအောင်ခေါင်းစားခဲ့တာ ခံစားခဲ့တာ အမှန်ပါပဲ။ ဘယ်နေ့ဘယ်ချိန် ဘယ်လိုရပ်တန့်မှန်းမသိတဲ့ဆက်ဆံရေးတစ်ခုကို ဖက်တွယ်နေမိတဲ့ကိုယ့်ကိုလဲအံဩမိတယ်။ ဖြစ်နိုင်တာကသူရဲ့လက်မလွှတ်တတ်တဲ့အမြဲအပြစ်မတင်တတ်တဲ့ စိတ်ထားလေးကြောင့်ဖြစ်မယ်တူတယ်။

သူ့ကြောင့် ကိုယ့်နောက်မှာအမြဲရှိနေမယ်ဆိုတဲ့လူသားတစ်ယောက်ရှိတယ်ဆိုတဲ့ခံစားချက်ကြောင့်လုံခြုံရတယ်။ ခံစားချက်တွေဖွင့်ထုတ်လို့ရတဲ့ လူသားတစ်ယောက်ရှိတယ်ဆိုတဲ့ခံစားချက်ကြောင့် သက်သာရတယ်။ မကောင်းမှန်းသိပေမယ့်ဒေါသတွေပုံလို့ရတယ်ဆိုတယ့်လူသားတစ်ယောက်ကြောင့် စိတ်ပင်ပန်းမှုတွေဖြေဖျောက်ခဲ့ရတယ်။ တစ်ဖက်မှာလဲ ငါ့အမှားတွေလားနဲ့ အပြစ်တင်စိတ်တွေနဲ့ အနာဂတ်မရှိတဲ့မျောလွှင့်နေတယ့်နေ့ရက်တွေမှာ ယောင်လည်နေရတယ်။

ဘယ်ချိန်ထိမှန်းမသိပေမယ့် ကံပါသလောက်တို့တွေဆုံတွေ့ပြီးခွဲခွာရအုန်းမယ်ဆိုတော့ အပြစ်တွေနဲ့နောင်တတွေမရှိအောင်နေထိုင်ရင်း ဘယ်ချိန်ထိကံလမ်းခင်းထားအုန်းမလဲတွေးတောရင်း ဆက်လျှောက်နေရင်းး

31may24

[arivaan]

မရေးရတာအတော်ကြာပြီဖြစ်တဲ့ဒီနေရာလေးမှာ ရေးစရာတွေရှိတောင် စိတ်ခံစားချက်ကတတ်ကြွမနေတော့ လာပြီးတခုတ်တရမရေးဖြစ်တာကြာရော

ခုတော့ အားခဲပြီးရေးချင်တာ သိမ်းချင်တာ ရင်ဖွင့်ချင်တာတွေ သိမ်းဆည်းထားမယ်

ဘဝက အနိမ့်အမြင့်အတတ်အကျတောင်သေချာမသိ အနိမ့်ချည်းပဲလား မြင့်မလာတာလား နိမ့်ကိုမသွားနေတာလားမသိတော့ပါဘူးရင်ထဲမယ် ပြောင်းလဲမှုမရှိ လစာကထပ်တိုးပြီး ကိုယ့်အသက်အရွယ် ကိုယ့်နေရာနဲ့ များပါတယ်ဆိုတဲ့ လစာရှိလဲ ‌အထူးတလည်ပျော်‌မနေဘူး။ ရယ်နေလဲ စိတ်ကတစ်ခြားမှာ ပျော်နေလဲစိတ်ကတစ်ခြားမှာ စကားတွေပြောနေလဲ စိတ်ကတစ်ခြားမှာ။ စိတ်ဓာတ်တွေပဲကျနေတာလားမသိတော့ပါဘူး။ ဘာပဲဖြစ်ဖြစ် ညစ်လဲညစ်လို့ ပျော်ရင်လဲပျော်လို့လို့ပဲ ထားလိုက်တော့တယ် လက်ရှိစိတ်ခံစားချက်ကိုအကောင်းဆုံးထားလိုက်တော့တယ်။ ဒါမယ့် စိတ်ညစ်မှု မရေရာမှု ပျော်ရွှင်မနေမှုတွေကရှိမြဲရှိနေတာပါပဲ။ ဘာပဲဖြစ်ဖြစ် အကောင်းဆုံးရှင်သန်ဖို့ပဲ ကြိုးစားဖို့ စိတ်ပိုင်းဖြတ်ထားတယ်။ မကြိုးစားမိလဲမငြိုငြင်ဘးး ကြိုးစားရင်လဲ အားပေးဖို့ စိတ်ပိုင်းဖြတ်ထားပါတယ်။ အဲ့လိုပိုင်းဖြတ်ထားလဲ ခုစာရေးနေချိန်မှာ စိတ်ထဲဝယ် ကျနေသလိုခံစားရတယ် ‌universe ရဲ့ energy တွေကြောင့်ပဲလားမသိ အားလုံးအဲ့လိုခံစားနေရသလိုပဲ energy တွေလဲအမြန်ဆုံးအကောင်းတွေပဲသယ်ဆောင်လာပေးဖို့ ဆုတောင်းပါတယ်။

တကယ်ကတော့ရေးမှာကတစ်ခြားအကြောင်းအရာ ရေးမိတာတစ်ခြားအကြောင်းအရာဖြစ်သွားမိ။ ကြိုးစားမယ် လက်ခံမယ် ရှေ့ဆက်မယ်

#28apr24

[arivaan]

ဘယ်သူမှမရှိတဲ့ဒီနေရာလေးမှာလာလာ ရင်ဖွင့်သိမ်းဆည်းထားရတာနှစ်သက်နေမိတော့ ခုလဲ နှစ်မကုန်ခင်လာရင်ဖွင့်သိမ်းဆည်းပါရစေ။

2023 ကတော့ဘဝရဲ့အမှတ်တရပေါင်း ‌အခက်အခဲပေါင်းများစွာဖြတ်သန်းရတဲ့ ဖြတ်သန်းနိုင်ခဲ့တဲ့နှစ်လို့ဆိုရမယ်။ ပုံမှန်ရာထူးကနေတစ်ဆင့်တတ်ခြင်းခံရတယ် အဲ့နောက်မှာကိုယ့်ကိုကိုယ်မယုံကြည်မှုတွေကြောက်ရွံ့‌မှုတွေနဲ့ ဘယ်လိုရှေ့ဆက်လို့ဆက်ရမှန်းမသိဖြစ်ခဲ့တယ်။ အဲ့အတိုင်းအကောင်းဆုံးတွေလုပ်ရင်း ရှေ့ဆက်နိုင်ခဲ့တယ်။မမျှော်လင့်ပဲရာထူးလဲထပ်တိုးခဲ့တယ်။ လုပ်ချင်တဲ့အရာတွေအကောင်အထည်ဖော်နိုင်ခဲ့တယ်။ ဒီနှစ်အတွက်ထူးခြားချက်ကတော့ နှစ်အစမှာ ငါဒီလိုဖြစ်အောင်လုပ်မယ်ဆိုတဲ့အရာတွေလုပ်နိုင်တယ်။ ပိုဦးဆောင်နိုင်လာတယ်။ ချဲ့ထွင်လာနိုင်တယ်။ ဆုံးဖြတ်လာနိုင်တယ်။ ရင်ဘောင်တန်းနိုင်လာတယ်။ အလုပ်မှာ အနိမ့်အမြင့်အတတ်အကျပေါင်းများစွာကိုဖြတ်ကျော်နိုင်ခဲ့တယ်။

နောက်ထူးခြားတာကတော့ စာဖတ်ဖြစ်ခဲ့တယ်။ ဒီနှစ်မှာ 7 အုပ်လောက်စာဖတ်နိုင်တဲ့အတွက် ရှက်ရှက်နဲ့ပြောရရင် ဘဝမှာအထူးခြားဆုံးနှစ်တောင်ပြောလို့ရတယ်။ ရုံးအပြန်စာနည်းနည်းစီဖတ်ရင်းက‌နေ မဖတ်ရမနေနိုင်အောင်စွဲလမ်းတဲ့စာအုပ်တွေလဲရှိခဲ့တယ် မနည်းဖတ်ခဲ့ရတဲ့စာအုပ်တွေလဲရှိခဲ့တယ်။ ‌စာဖတ်လေလေ အတွေးပိုချဲ့လေလေ ပိုနားလည်သဘောပေါက်ခံစားတတ်လေလေ ကိုယ့်ကိုကိုယ်နားလည်လက်ခံလာ‌လေလေ လူတွေနဲ့ပြောဆိုဆက်ဆံရတာ ပေါင်းသင်းရ‌တာအဆင်ပြေလာလေလေ ဆိုတာ ခုလက်တွေ့ခံစားမိတယ်။ နောက်နှစ်လဲစာဖတ်တတ်တဲ့အကျင့်လေးယူကိုယူသွားဖို့ဆုံးဖြတ်ထားတယ်။

သက်တန်းအနေ စာအနေနဲ့တော့ အတန်းအသစ်တွေတတ်ဖြစ်တယ် ဆုံးခန်းတိုင်မဟုတ်တောင်နားလည်သဘောပေါက်တဲ့အထိသင်ကြားနိုင်ခဲ့တယ်။ ဒီနေရာမှာ စာမေးပွဲဖြေမယ်ဆုံးဖြတ်တာတွေတော့ မဖြစ်နိုင်ခဲ့ဘူး ဒါမယ့်နောက်နှစ်အစောပိုင်းပြီးအောင်ကို လုပ်ရမယ်ဆိုတဲ့အတွေးနောက်မှာပျင်းရိခြင်းတွေကိုဘယ်လို တော်လှန်ရမလဲအတွေးတွေနဲ့ ကြိုးစားကြည့်အုန်းမာ်လို့တွေးထားတယ်။

အပေါင်းအသင်း‌အနေနဲ့ဒီနှစ်ကသိပ်များများတိုးများမလာပေမယ့်ရှိတဲ့သူတွေနဲ့ပိုခင်လာတယ် ပိုရင်းနှီးလာတယ် ပိုအချိန်ပေးဖြစ်လာတယ်။ အလုပ်တွေကြားထဲသူတို့အတွက်အချိန်ပေးရတာတစ်ခါတစ်လေပင်ပန်းမိပေမယ့် တန်ကိုတန်ပါတယ်။ ချစ်ခင်ရသူတွေအတူရှိနေခြင်းကလဲလူ့ဘဝရဲ့စည်းစိမ်တစ်ခုပဲ။

‌ဒီနှစ်ကတော့ နေမကောင်းဖြစ်တာတွေ ပိုများလာပြီးချူချာခဲ့တယ်။ အလုပ်တွေပိုလုပ်နိုင်ပြီး ပိုကိုင်တွယ်နိုင်ခဲ့တယ်။ ပိုကျွမ်းကျင်လာတယ်။ စာတွေလဲဖတ်လာတယ်။ မသိသေးတဲ့နယ်ပယ် အားနည်းတဲ့နယ်ပယ်ဖြစ်တဲ့ကိန်းဂဏန်းအရာတွေကိုပိုနားလည်ပြီး ပိုဆွေးနွေးနိုင်လာခဲ့တယ်။ မိသားစုကိုအချိန်ပေးနိုင်ခဲ့တယ်။ အချစ်တွေပိုပေးနိုင်ခဲ့တယ်။ ပိုလဲလှူလာနိုင်တယ် လှုလဲလှုဖြစ်ခဲ့တယ်။ နောက်နှစ်တော့ပိုကျန်းမာခြင်းပိုလှူဒါန်းနိုင်ခြင်းနဲ့အတူ အလုပ်အရာအဆင်ပြေခြင်း ဘဝတစ်ဆင့်တတ်ပြီး ကျန်းမာခြင်းစိတ်ချမ်းသာခြင်းနဲ့ပြည့်စုံတဲ့မိသားစုနဲ့ဖြတ်သန်းချင်မိတယ်။

‌ဘာတွေဘယ်လိုပဲဖြစ်ဖြစ် မပြောင်းလဲသေးတာအချစ်ရေးပါပဲ။ နှစ်စကလဲတစ်ယောက်ထဲခုလဲတစ်ယောက်ထဲ။ ဘယ်လိုပဲအချစ်နဲ့တွေ့အောင်ကြိုးစားစား ကိုယ်ပဲထွက်ပြေးနေခဲ့တာလား ကိုယ့်ဆီပဲမလာတာလား ဆိုတဲ့အဖြေကိုခုထိရေရေရာရာမသိ‌သေးဘူး။ ခုချိန်ထိဘာဆုံးဖြတ်ချက်မှမချဖြစ်ပေမယ့် ခုရှိနေတဲ့အဖော်ပြုပေးနေတဲ့သူကိုနောက်နှစ်ထိရှိနေခဲ့ရင်ပိုကောင်းမှာပဲလို့မျှော်လင့်မိတယ်။ မရှိခဲ့ရင်လဲဘဝကပြောင်းလဲမှာမဟုတ်ပေမယ့် ရှိနေခဲ့ရင်တော့ ကောင်းခြင်းပြောင်းလဲခြင်းပဲရှိဖို့မျှော်လင့်တယ်။ နောက်နှစ်ကျလဲဒီနှစ်လို့ နှစ်စလဲ တစ်ယောက်လဲ နှစ်ဆုံးလဲတစ်ယောက်ထဲလို့ပြောရမလား တွေ့ဆုံခွင့်ရတာပျော်ရမလားလို့ပြောမိမလား ဒါမှမဟုတ်

အချစ်ရေးရော အလုပ်ရော ဘဝရောအဆုံးသတ်ဖြစ်ပြီး ဒီစာတွေမရေးနိုင်အောင် ဒီကမ္ဘာမြေပေါ်ကပဲစွန့်ခွာနေရမလားမပြောတတ်တော့ပါဘူး။

ဖြစ်ချင်တာတွေဖြစ်ခွင့်ရမယ်ဆို ပိုလှူချင်တယ် ပိုကျန်းမာချင်တယ်။ ချစ်ရတဲ့သူတွေမိသားစုတွေနဲ့အချစ်တွေပိုပေးချင်တယ် ပိုရချင်တယ်။ ဒီကမ္ဘာမြေကြီးကိုလဲချစ်ခြင်းမေတ္တာတွေနဲ့ပိုကျန်းမာခြင်တယ်။ အကောင်းဆုံးတွေမျှော်လင့်ရင်း နှစ်တစ်နှစ်ရဲ့အဆုံးနဲ့အစကိုစပြီးအားတင်းဖြတ်သန်းဖို့ဆုံးဖြတ်ထားတယ်။

30 dec 23

23:52

[arivaan]

ဒီနေ့နေရင်းထိုင်ရင်းအသက်ရှူကြပ်လာတယ် ဘာကဘယ်လိုကြပ်စေလဲမသိ တစ်ယောက်ယောက်က ရင်ဘတ်ကိုဆွဲဆုတ်နေသလိုပဲ။ တစ်နေ့လုံးရုံးမှာပျော်ပျော်ပါးပါးလုပ်ခဲ့သမျှ အိမ်အပြန်အတွေးနယ်ချဲ့ခဲ့သမျှ ပြန်အလာပေါ့ပေါ့ပါးပါးအလုပ်လုပ်ခဲ့သမျှ ခုမွန်းကြပ်နေတယ်။ မသိခြင်းကပိုပြီးမွန်းကြပ်မှုကိုအားပေးသလိုပဲ။ ဒီချိန်မှာများသေသွားခဲ့ရင်ဆိုတဲ့အတွေးကလဲ လောင်စာလိုပဲပိုပေးတွန်းအားပေးနေတယ်။ သေသွားရင်သေချာတာမနက်မှသိကြလိမ့်မယ် ကိုတိုင်းလေးသာသိခဲ့ရင်စောစောသိကြမှာပေါ့။ ရုံးကလူတွေကိုပြောပြဖို့ဖုန်းကိုဖွင့်ပြီး ဆက်ကြလိမ့်မယ်။ ရုံးကလူတွေလဲလန့်ကြလိမ့်မယ်။ အမိန့်ပြန်ဖို့စဉ်းစားရင်စဉ်းစားကြလိမ့်မယ်။ အိမ်ကိုလာကြမယ်။ သဂြိုလ်ဖို့စီစဉ်ကြမယ်။ အိမ်မှာထားမှာမဟုတ်သလို ကိုတိုင်းလေးကလွမ်းကျန်ခဲ့မှာအသေအချာပဲ။ လွမ်းဆွတ်ကြလိမ့်မယ် မပြောဖြစ်လိုက်တာတွေမပြောလိုက်ရလေခြင်းလို့တွေးမိကောင်းတွေးမိလိမ့်မယ်။ လူမူစာမျက်နှာမှာကြေငြာကောင်းကြေငြာမယ် ကျောင်းကတစ်ချို့ကတော့ဝမ်းနည်းကြောင်းပြောရင်လဲပြောကြလိမ့်မယ်။ ငါသိပ်ချစ်တဲ့ဒီးလေးတော့ယူကြုံးမရဖြစ်နေမှာအမှန်ပဲ။ တစ်ချို့ကလဲဒီသတင်းကြောင့် လန့်ပြီးရောက်တဲ့နေရာကလဲပြန်လာနိုင်သလို သနားခြင်းထပ်ပိုပြီးခံစားမှုရှိရင်မှရှိလိမ့်မယ်။ သဂြိုလ်ပြီးရင်သတိရတဲ့သူကရမယ် ဒါမယ့်အားလုံးကသူ့ခရီးသူဆက်ကြမယ်။ ကြုံရင်သတိရမယ်။မကြုံရင်သူတို့ဘဝသူတို့ရှေ့ဆက်ကြလိမ့်မယ်။ သွားဖို့စီစဉ်ထားတဲ့ခရီးတွေသူတို့ဆက်သွားဖြစ်ချင်မှသွားဖြစ်ကြမယ်။ လုပ်ဖို့စီစဉ်ထားတာတွေလုပ်ဖြစ်ချင်မှလုပ်ဖြစ်ကြမယ်။ ဒါမယ့် တစ်နေ့ကြရင်သူတို့ဘဝသူတို့ရှေ့ဆက်ကြလိမ့်မယ်။ ငါဆိုတဲ့သူကလဲသရဲဖြစ်ရင်ဖြစ်နေမယ်။ အောက်ဘဝရောက်ရင်ရောက်နေမယ် အဖန်ငါးရာငါးကမ္ဘာကျင်လည်ရင်လဲကျင်လည်ရလိမ့်မယ်။ ဘုရာသခင်နဲ့လဲတွေ့နိုင်တယ် တစ်ခြားတန်ခိုးရှင်နဲ့လဲတွေ့နိုင်တယ်။ သိကြားမင်းနဲ့လဲတွေ့နိုင်သေးတယ်။ ဒါမှမဟုတ်နောက်ဘဝဆိုတာမရှိပဲဘဝကျင်လည်မှုကရပ်တန့်သွားနိုင်တယ်။ သေခြင်းရဲ့နောက်ကွယ်ကိုမသိနိုင်သလို ရှင်သန်ခြင်ူရဲ့မနက်ဖြန်ဟာလဲမရေရာဘူး။ ဘာကြောင့်ဘာရယ်မသိ အတွေးတွေကအစွန်းရောက်လွန်းတယ် မသိဘူး မရှိဘူး ဆိုတဲ့မရှိခြင်းမသိခြင်းတွေကပိုနှိပ်ဆက်သလို ဒီမှာဖွင့်ချလာဖို့လဲတွန်းအားပေးနိုင်တယ်။ ဘာမှန်းမသိတဲ့ဘဝကိုရှေ့ဆက်ဖို့အသက်ရှု‌သံတွေကိုသတိထားစောင့်ကြည့်ရင်း အားယူလိုက်ပါအုန်းမယ်

[arivaan]

အခုအချိန်မှာ ခံစားချက်က နှစ်ပိုင်းကွဲနေတယ်။ ပထမတစ်ပိုင်းကလွမ်းဆွတ်ခြင်းသတိရခြင်းခင်တွယ်ခြင်း နဲ့ဒုတိယအပိုင်းက ကြောက်ရွံ့ခြင်း ခက်ခဲခြင်း။

လွန်ခဲ့တဲ့ 2 နှစ်ကိုပြန်လှန်လှောကြည့်ရင် 2021 ဇွန်လမှာ အခုအလုပ်လုပ်နေတဲ့ အလုပ်ရတယ်။ အလုပ်လုပ်ခွင့်ရတာလဲ အရင်ကကိုယ့်လူကြီးပေမယ့်အခုဆရာလို့လဲပြောလို့ရသလို leader လို့လဲပြောလို့ရတဲ့ သူက ကိုယ့်ကိုရှာတွေ့ခဲ့တယ်။ ကိုယ်ကလဲ အလုပ်ရှာနေတဲ့အချိန်ဆိုတော့အကိုက်ပေါ့။ ကိုယ်လေးစားဖူးတဲ့လူတွေနဲ့လုပ်ခွင့်ရတော့လဲ။

နှစ်တွေကြာတယ် အလုပ်ထဲမှာပဲ အပြောင်းအရွေ့တွေ စီးပွားရေးအခက်အခဲတွေ နိုင်ငံရေး ကျန်းမာရေးအ‌ခြေအနေတွေက အနှိမ့်အမြင့်ပေါင်းစုံနဲ့ အလုပ်ရဲ့ရသကို ဇာတ်ရှိန်တတ်စေတယ်။ အလုပ်ကလဲ ဆက်လက်ရှင်သန်ဖို့အတူကြိုးစားခဲ့ကြသလို ပိုအရာရောက်ဖို့ မီတင်ပေါင်းများစွာ ဆွေးနွေးမှုပေါင်းများစွာ တူတူဖြတ်သန်းတိုက်ပွဲဝင်ခဲ့ကြတယ်။ ဆရာ့ရဲ့လမ်းညွှန်မှု စောင့်ရှောက်မှုအောက်မှာ အဆိုးတွေကြုံရင်တောင်နွေးထွေးစေတယ်။ အံတုနိုင်တယ်။ ရင်ဆိုင်နိုင်တယ်။ အဲ့လိုလုံခြုံတဲ့ဆရာတဲ့အောက်ကနေ ဆရာသူ့အိမ်ကိုသူပြန်တော့မယ်ကြားလိုက်ရတဲ့အခိုက်ကတော့ ပြိုလဲတော့မလိုပါပဲ။ အိမ်အပြန် အငှားကားပေါ်မှာ ထိန်းမရအောင် ရှုံးပွဲချငိုမိတယ်။ အဲ့အချိန်မှာဘာကြောင့်ငိုကြွေးခဲ့ရလဲဆိုတဲ့အဖြေမရှိဘူး။ ခံစားချက်တွေကပေါင်းစုံလို့ လူ့သဘာဝအရငိုကြွေးမိတယ်။ အငှားယာဉ်မောင်းကပြောပါတယ် နောက်ဆုံးတော့လဲပြီးသွားတာပဲတဲ့ ဘားမှမဟုတ်ဘူး ဒီအခိုက်အတန့်တွေက ဆိုပြီးတရားနာခဲ့ရပါတယ်။ မှန်ပါတယ် သူပြောတာလဲလက်ခံတယ်။ ဒီလိုနဲ့ ဆရာကလဲ သူမရှိတော့ရင်ဆက်ရှင်သန်‌နိုင်အောင်တိုက်တွန်းခဲ့တယ်။ အားပေးတယ်။ ရင်ဆိုင်ခိုင်းတယ်။ သူအကာအကွယ်အောက်ကနေ ရှေ့ကိုထွက်ခိုင်းခဲ့တယ်။ သူမရှိရင် ကိုယ်တွေထွက်သွားရင်ကောင်းမယ်လို့စဉ်းစားနေတုန်း အလုပ်တစ်ခုခေါ်စာရတယ်။ အဲ့တုန်းကထက်မြင့်တဲ့ရာထူးနဲ့ပေါ့။ ကိုယ်အမြဲလုပ်ချင်တဲ့အလုပ်ရာထူးကလဲအခုထက်သာဆိုတော့ နောင်တမရချင်တာနဲ့ပထမအင်တာဗျူးဖြေတယ်။ ပါတယ်နောက်တစ်ဆင့် အဲ့အချိန်မှာလဲဆရာက ကိုယ်တွေရာထူးတိုးဖို့အတွက် တိုက်တွန်းပြီးပြောပေးနေတယ်။ ဆောင်းတွင်းနှစ်သစ်မပိတ်ခင် နောက်တစ်ဆင့်မဖြေခင် သူကစကားတစ်ခုပြောတယ်။ ကိုယ်ကြိုးစားပေးထားတာ် အနည်းဆုံးဒီလိုလုပ်လို့ရမလားဆိုပြီး။ မသေချာပေမယ့် အကိုကြိုးစားပေးထားတယ် ဆိုတဲ့စကားကြားတဲ့အချိန် သူက ကြိုးစားပေးနေတာ ကိုယ်က ကျေးဇူးကန်းဖို့စဉ်းစားမိသလိုမျိုးပါပဲ။ အဲ့အချိန်အိမ်ကိစ္စ ကျန်းမာရေးကိစ္စကလဲရှုပ်ယှက်ခက်နေတော့ အဲ့အချိန်အဲ့မိနစ် အဲ့ မီတင်ခန်းထဲမှာဆုံးဖြတ်ချက်ချလိုက်တယ် နောက်တစ်ဆင့်ကိုမဖြေတော့ပဲ ငါဒီမှာ 6 လ 9လ ပိုင်းထိဘယ်မှပြောင်းရွေ့ဖို့မစဉ်းစားဖူးဆိုပြီး ဆုံးဖြတ်ချက်ချခဲ့တယ်။ သူ့ရဲ့ကျေးဇူးတွေလဲဆပ်လို့ကုန်မယ်မထင်ဘူး

အခုတော့ 31 မတ် ဆရာ့ရဲ့နောက်ဆုံးနေ့ ဘာဆိုဘားမှမလုပ်နိုင်ဘူး ငိုကြွေးချင်ပေမယ့်ထိန်းချုပ်နေမိတယ်။ ကိုယ်ငိုရင် ဆရာလဲစိတ်ပိုဆင်းရဲရမယ်ဆိုတာသိတယ်။ လွမ်းဆွတ်ခြင်းတွေက တစ်ရိပ်ရိပ်တတ်လာတယ်။ အတူစားဖူးတဲ့ 4000 ပဲကုန်တဲ့ထမင်းဆိုင်ရယ် 5000 ပဲကုန်တဲ့ထမင်းဆိုင်ရယ် ရေခဲချောင်းတွေရယ် ရွှေရင်အေးတွေရယ် ငုံဥကြော်တွေရယ် ပြောင်းဖူးဖုတ်တွေ ဈေးလျော့ရတဲ့အအေးတွေ ဘူဖေးဆိုင်တွေ မွေးနေ့စပရိုက်တွေ မီတင်တွေ မီတင်ထဲကရန်ပွဲတွေ ညှိနှိုင်းမှုတွေ ကိုယ်တွေပဲနားလည်တဲ့ သင်္ကေတတွေ စကားတွေမလိုမျက်လုံးချင်းဆုံဖို့မလို့ စိတ်ထဲကစကားသံတွေ အဲ့အရာတွေကပြန်မရတော့သလို တစ်ဖြည်းဖြည်းမှေးမှိန်လာတော့မယ်ဆိုတာသိတိုင်းဝမ်းနည်းတယ်။ ဒါမယ့်ပြန်ဆုံတွေ့ခွင့် ရှိနိုင်သေးတယ်ဆိုတဲ့စိတ်ကလေးတစ်ခုနဲ့ အားတင်းထားခဲ့ရတယ်။ သူပြောတဲလိမ်လိမ်မာမာနေနော်ဆိုတဲ့အောက်မှာ ဒီ့ထက်ကြိုးစားရမယ်ဆိုတြ့အသိတွေနဲ့ နောက်ဆုံး တစ်ရက်ဆုံမယ်လေဆိုတဲ့အောက်မှာမျော်လင့်ချက်တွေ။ ဆရာ့ရဲ့ ဆုံးဖြတ်ချက်ကိုလဲ နားလည်မှုတွေနဲ့ ဒီနေ့ 2 ရက်နေ့ ပူဆွေးမှုတွေအဆုံးသတ်ပြီးကိုယ့်လမ်းကိုဆီ အကောင်းဆုံးလျှောက်လှမ်းရတော့မယ်။ သူထားခဲ့တဲ့အတိုင်းကောင်းမွန်မှုဆက်ထိန်းသိမ်းပြီး ဒီ့ထက်ကောင်းတာတွေပဲဖြစ်အောင် ကြိုးစားဖို့ဆုံးဖြတ်ထားတယ် 9 လ ပိုင်းထိဘယ်မှမ‌ပြောင်းဖူး ဆိုပေမယ့် မသိသေးဘူး။ ဒီ့ထက်လဲ ကြာရင်ကြာမယ်။ အခုလဲ အခွင့်အရေးတစ်ခုခက်လွတ်ခဲ့ရတယ်။ ဒီမှာနေဖို့ဆုံးဖြတ်ထားလို့။ ဘာပဲဖြစ်ဖြစ်သူပြောတဲ့ 3 လလုပ်ကြည့်မကြိုက်ရင်တော့ပြောင်းဖို့စဉ်းစားပါ မတားပါဘူးဆိုတဲ့အတိုင်း သူမရှိတော့ပျော်ဖို့ကောင်းပါ့မလားလို့ကြောက်ရွံ့စိတ် တွေကမပျော်လဲပြောင်းတာပေါ့ဆိုတဲ့ ပေါ့တန်တန်အဖြေတော့ထွက်လာတယ်။ အခုထိတော့အခွင့်အရေး2 ခုလက်လွတ်ပြီးပြီ။ ပြောင်းတယ်ဆိုတဲ့အချိန်တစ်ခုတွေ့ဖို့ပဲမျော်လင့်တယ်။

ကြောက်ရွံ့စိတ်အောက်မှာမပျော်ရွှင်ရတာထက် ဒီအရွယ်နဲ့ ဒီ အတွေ့အကြုံနဲ့မှာ ဒီတာဝန်တွေထမ်းဆောင်နိုင်ပါ့မလားဆိုတဲ့ကြောက်ရွံ့စိတ်တွေကပိုနေတယ်။ ငါ့စကားတိုးပေါက်ပါ့မလား ငါ့သူ့လိုတွေးနိုင်ပါ့မလား ငါသူ့လိုစွမ်းဆောင်နိုင်ပါမလား ရှေ့မှာကာကွယ်ပေးထားတဲ့ဆရာ့ရဲ့တံတိုင်းမရှိတော့ ကိုယ်ကိုတိုင် တံတိုင်းလုပ်ရတော့မယ်ဆိုတော့ ငါ ကာကွယ်ပေးနိုင့်ပါ့မလား ငါ့ကူညီပေးနိုင်ပါ့မလားနဲ့ ရှေ့ဆက်ဖို့ကြောက်နေတယ်။ လုပ်ရမယ့်အရာ‌တွေ ကအသစ်ဖြစ်သလို ခက်ခဲနေသေးတဲ့အခြေအနေ ဖြစ်နေတယ်။ ကြောက်တယ်လို့ သူ့ကို ခွဲခွာခါနီးပြောပြီး ဖက်လိုက်တဲ့အချိန် မှာပြောချင်ပေမယ့်သူပိုစိတ်ပူသွားမှာစိုးလို့ပြောမထွင်ခဲ့ဘူး။ လုပ်ဖော်ကိုင်ဖက်တစ်ယောက်ထက်ပိုတဲ့ ဆရာတစ်ယောက်လို အကိုတစ်ယောက်လို သူငယ်ချင်းတစ်ယောက်လို ဆက်ဆံပေးတဲ့သူ့အတွက်ကိုယ်လုပ်ပေးနိုင်တာ သူဖြစ်စေချင်တဲ့သူ‌မြင်စေချင်တဲ့ သူပုံဖော်ပေးခဲ့တဲ့ကောင်းမွန်တဲ့အရာတွေထက်ပိုကောင်းမွန်မှုတွေကိုပဲ ပေးဖို့စိတ်ဆုံးဖြတ်ထားတယ် အခုဒီစာကတစ်ချိန်မှာ ကားအငှားဆရာပြောခဲ့သလို ‌ပြီးရင်လဲပြီးသွားတာပါပဲ ဆိုတဲ့အတိုင်း အမှတ်တရတစ်အဖြစ်နဲ့ သိမ်းဆည်းသွားမှာပါပဲ။ ဒီဇာတ်လမ်းကစခဲ့တဲ့ ဒီနေ့ 2 ရက်နေ့ရဲ့ chapter အသစ်တစ်ခုကတော့ ကောင်းမွန်ခြင်းတွေအောင်မြင်မှုတွေ နဲ့ ဇာတ်လမ်းတစ်ခုဖြစ်ဖို့ပဲ အကောင်းဆုံးစွမ်းဆောင်မယ်လို့ပဲ ဆုံးဖြတ်ထားခဲ့မိတယ်။

[arivaan]

ဒီစာတွေရေးခဲ့ပြီး နောက်၉ လအတွင်းမပြောင်းဖူးဆိုတဲ့နောက်ကွယ်မှာ ထပ်စွန့်လွှတ်ခဲ့ရတဲ့လာကမ်းလှမ်းခဲ့တဲ့အခွင့်အရေးတွေရှိခဲ့တယ် ပြတ်ပြတ်သားသားပဲငြင်းခဲ့တယ် မုသာဝါဒသုံးဖို့လိုလဲ သုံးခဲ့တယ် မတွန့်ဆုတ်ဘူး အခုဒီအလုပ်ကိုချစ်မြတ်နိုးတဲ့စိတ် ပရောဂျက်တွေပြီးအောင်လုပ်ချင်တဲ့စိတ် ပရောဒတ်တွေထုတ်ချင်တဲ့စိတ်တွေကပိုအားသန်နေခဲ့တယ်ပြောရမယ်။ တစ်ခါတစ်လေ တစ်နေ့ကျတစ်ခြားအခွင့်အရေးတွေ မရတော့ရင်ဘယ်‌လိုလုပ်မလဲ တကယ်ပဲ ကွန်ဖော့ဇုန်ထဲမှာနှစ်မြုပ်နေပြီလား ကြောက်ရွံနေမိတာတော့အမှန်ပဲ။ ဒါမယ့် ပန်းတိုင်တစ်ခုကိုရောက်ဖို့ရာရှိရင်တော့စွန့်လွှတ်ရမယ်ဆိုတဲ့စိတ်အပြည့်နဲ့ဆုံးဖြတ်ရင်းအားတင်းထားခဲ့တယ်။ အခု ရာထူးအသစ်တစ်ခုကို တရားဝင်အသိပေးစာတွေနဲ့ရပြီး ၄ လကျော်တဲ့အချိန်မှာ ကိုယ်ဟာနောက်တစ်ဆင့်ရာထူးကိုရခဲ့ပြန်တယ်။ တကယ့်တကယ်တော့ ဒီနှစ်ကုန် နောက်နှစ် ၄ လပိုင်းမှဖြစ်လောက်မယ်ထင်တာရယ် ပြီးတော့ဒီလောက်လဲခုန်တတ်သွားမယ်မထင်တာရယ်ကြောင့် တကယ်လဲ စပရိုက်ဖြစ်ခဲ့ရပါတယ်။ ကံကောင်းလို့ပဲပြောပြောတိုက်ဆိုင်လို့ပဲပြောပြောအများအမြင်မှာ ရာထူးမသိမ်ငယ်အောင်‌ချက်ချင်းရာထူးတိုးပေးတာဆိုပေမယ့်လေ တကယ်ကျေနပ်မိတယ်။ ရာထူးတိုးခြင်းနောက်ကွယ်မှာကံကောင်းလို့လို့ထင်ခဲ့မိပေမယ့်တကယ့်တကယ်ပြန်တွေးပြန်ပြောကြည့်တော့ အလုပ်ချိန်ပြင်ပ တစ်ပတ်ကို ၁၀ နာရီကျော် မိနစ် ၆၀၀ ကျော်လုပ်ခဲ့တယ် ၇၀၀ကျော်တဲ့ရက်တောင်ရှိတယ် ညဘက် နောက်ကျမှအိပ်ခဲ့တာရှိတယ် ရေချိုးခန်းထဲမှာငိုခဲ့တာရှိတယ် ဖယ်ရီအပြန်မှာ သက်ပြင်းတွေအရမ်းချ‌ခဲ့ရတောတွေရှိတယ် မျက်ရည်တွေ ဝဲလာပြီးမငိုအောင်ထိန်းရတာရှိတယ် မနက်ကနေညနေထိတောက်လျောက်မနားတမ်းလုပ်ရတာရှိတယ် ထမင်းစားချိန်ကျော်လွန်ခဲ့တာရှိတယ် အဲ့တာတွေက ကံဆိုတဲ့အလုပ်ရဲ့အကျိုးဖြစ်တဲ့ရာထူးတိုးခြင်းကပ်ပါလာတယ်ပဲဆိုရမယ်။ ပျော်လဲပျော်တယ် ဒါမယ့် ကိုယ်ရုံးမှာကိုယ့်ရဲ့ဘက်တော်သားလို့ပျော်ရတဲ့သူလဲတိုးတော့ပိုလဲပျော်တယ် သူလဲကျေနပ်မယ်ထင်တယ်။ ရာထူးတိုးခြင်းနောက်ကွယ်မှာ တာဝန်တွေဝတ္တရားတွေကပ်ပါလာခြင်းမလာခြင်းမသိပေမယ့် တာဝန်ယူမှုတွေ စီမံခန့်ခွဲနိုင်မှုတွေက အရေးကြီးတဲ့နေရာမှာဝင်လာလိမ့်မယ်နဲ့တူပါတယ်။ ပိုကြိုးစားရမယ် ပိုစီမံနိုင်ရမယ် အလုပ်အပြင်လူတွေပါ သူ့နေရာနဲ့သူ အလုပ်ရဲ့လိုအပ်ချက်ပြည့်မှီအောင်စီမံနိုင်ရမယ်။ ပိုနူးညံ့ရမယ်ဒါမယ့် မပျော့ညံ့ရဘူး ပို‌ယဉ်ကျေးရမယ်ဒါမယ့် အနှိမ်မခံရဘူး ပိုရဲရင့်ရမယ် ဒါမယ့်မကြမ်းတမ်းရဘူး။ အဲ့တာတွေပြုပြင်ရင်းကိုယ်တစ်နေ့ရောက်ချင်တဲ့ပန်းတိုင်းဆီတစ်လှမ်းချင်းသွားရမယ်။ ပန်းတိုင်လဲပျောက်သွားလို့မရဘူး။ အလုပ်အတွက်ပေးဆပ်ရင်းကိုယ့်အတွက်တိုးတတ်အောင်လုပ်ဖို့မေ့နေတဲ့သူမျိုးမဖြစ်ဖို့ပြုပြင်ရမယ်။ ဒီအရွယ်နဲ့ဒီရာထူး ခုန်တတ်လာတဲ့လှေကားထစ်တွေမှာမချော်ကျဖို့ဂရုစိုက်ရင်း ဘယ်နေ့ဘယ်ချိန်ထိ ဒီလမ်း‌ဆက်လျောက်မိမလဲတွေးရင်း ခရီးဆက်နေမိအုန်းမယ်။

11Aug23

13Aug23 00:10

[arivaan]

အခုအချိန်မှာ ခံစားချက်က နှစ်ပိုင်းကွဲနေတယ်။ ပထမတစ်ပိုင်းကလွမ်းဆွတ်ခြင်းသတိရခြင်းခင်တွယ်ခြင်း နဲ့ဒုတိယအပိုင်းက ကြောက်ရွံ့ခြင်း ခက်ခဲခြင်း။

လွန်ခဲ့တဲ့ 2 နှစ်ကိုပြန်လှန်လှောကြည့်ရင် 2021 ဇွန်လမှာ အခုအလုပ်လုပ်နေတဲ့ အလုပ်ရတယ်။ အလုပ်လုပ်ခွင့်ရတာလဲ အရင်ကကိုယ့်လူကြီးပေမယ့်အခုဆရာလို့လဲပြောလို့ရသလို leader လို့လဲပြောလို့ရတဲ့ သူက ကိုယ့်ကိုရှာတွေ့ခဲ့တယ်။ ကိုယ်ကလဲ အလုပ်ရှာနေတဲ့အချိန်ဆိုတော့အကိုက်ပေါ့။ ကိုယ်လေးစားဖူးတဲ့လူတွေနဲ့လုပ်ခွင့်ရတော့လဲ။

နှစ်တွေကြာတယ် အလုပ်ထဲမှာပဲ အပြောင်းအရွေ့တွေ စီးပွားရေးအခက်အခဲတွေ နိုင်ငံရေး ကျန်းမာရေးအ‌ခြေအနေတွေက အနှိမ့်အမြင့်ပေါင်းစုံနဲ့ အလုပ်ရဲ့ရသကို ဇာတ်ရှိန်တတ်စေတယ်။ အလုပ်ကလဲ ဆက်လက်ရှင်သန်ဖို့အတူကြိုးစားခဲ့ကြသလို ပိုအရာရောက်ဖို့ မီတင်ပေါင်းများစွာ ဆွေးနွေးမှုပေါင်းများစွာ တူတူဖြတ်သန်းတိုက်ပွဲဝင်ခဲ့ကြတယ်။ ဆရာ့ရဲ့လမ်းညွှန်မှု စောင့်ရှောက်မှုအောက်မှာ အဆိုးတွေကြုံရင်တောင်နွေးထွေးစေတယ်။ အံတုနိုင်တယ်။ ရင်ဆိုင်နိုင်တယ်။ အဲ့လိုလုံခြုံတဲ့ဆရာတဲ့အောက်ကနေ ဆရာသူ့အိမ်ကိုသူပြန်တော့မယ်ကြားလိုက်ရတဲ့အခိုက်ကတော့ ပြိုလဲတော့မလိုပါပဲ။ အိမ်အပြန် အငှားကားပေါ်မှာ ထိန်းမရအောင် ရှုံးပွဲချငိုမိတယ်။ အဲ့အချိန်မှာဘာကြောင့်ငိုကြွေးခဲ့ရလဲဆိုတဲ့အဖြေမရှိဘူး။ ခံစားချက်တွေကပေါင်းစုံလို့ လူ့သဘာဝအရငိုကြွေးမိတယ်။ အငှားယာဉ်မောင်းကပြောပါတယ် နောက်ဆုံးတော့လဲပြီးသွားတာပဲတဲ့ ဘားမှမဟုတ်ဘူး ဒီအခိုက်အတန့်တွေက ဆိုပြီးတရားနာခဲ့ရပါတယ်။ မှန်ပါတယ် သူပြောတာလဲလက်ခံတယ်။ ဒီလိုနဲ့ ဆရာကလဲ သူမရှိတော့ရင်ဆက်ရှင်သန်‌နိုင်အောင်တိုက်တွန်းခဲ့တယ်။ အားပေးတယ်။ ရင်ဆိုင်ခိုင်းတယ်။ သူအကာအကွယ်အောက်ကနေ ရှေ့ကိုထွက်ခိုင်းခဲ့တယ်။ သူမရှိရင် ကိုယ်တွေထွက်သွားရင်ကောင်းမယ်လို့စဉ်းစားနေတုန်း အလုပ်တစ်ခုခေါ်စာရတယ်။ အဲ့တုန်းကထက်မြင့်တဲ့ရာထူးနဲ့ပေါ့။ ကိုယ်အမြဲလုပ်ချင်တဲ့အလုပ်ရာထူးကလဲအခုထက်သာဆိုတော့ နောင်တမရချင်တာနဲ့ပထမအင်တာဗျူးဖြေတယ်။ ပါတယ်နောက်တစ်ဆင့် အဲ့အချိန်မှာလဲဆရာက ကိုယ်တွေရာထူးတိုးဖို့အတွက် တိုက်တွန်းပြီးပြောပေးနေတယ်။ ဆောင်းတွင်းနှစ်သစ်မပိတ်ခင် နောက်တစ်ဆင့်မဖြေခင် သူကစကားတစ်ခုပြောတယ်။ ကိုယ်ကြိုးစားပေးထားတာ် အနည်းဆုံးဒီလိုလုပ်လို့ရမလားဆိုပြီး။ မသေချာပေမယ့် အကိုကြိုးစားပေးထားတယ် ဆိုတဲ့စကားကြားတဲ့အချိန် သူက ကြိုးစားပေးနေတာ ကိုယ်က ကျေးဇူးကန်းဖို့စဉ်းစားမိသလိုမျိုးပါပဲ။ အဲ့အချိန်အိမ်ကိစ္စ ကျန်းမာရေးကိစ္စကလဲရှုပ်ယှက်ခက်နေတော့ အဲ့အချိန်အဲ့မိနစ် အဲ့ မီတင်ခန်းထဲမှာဆုံးဖြတ်ချက်ချလိုက်တယ် နောက်တစ်ဆင့်ကိုမဖြေတော့ပဲ ငါဒီမှာ 6 လ 9လ ပိုင်းထိဘယ်မှပြောင်းရွေ့ဖို့မစဉ်းစားဖူးဆိုပြီး ဆုံးဖြတ်ချက်ချခဲ့တယ်။ သူ့ရဲ့ကျေးဇူးတွေလဲဆပ်လို့ကုန်မယ်မထင်ဘူး

အခုတော့ 31 မတ် ဆရာ့ရဲ့နောက်ဆုံးနေ့ ဘာဆိုဘားမှမလုပ်နိုင်ဘူး ငိုကြွေးချင်ပေမယ့်ထိန်းချုပ်နေမိတယ်။ ကိုယ်ငိုရင် ဆရာလဲစိတ်ပိုဆင်းရဲရမယ်ဆိုတာသိတယ်။ လွမ်းဆွတ်ခြင်းတွေက တစ်ရိပ်ရိပ်တတ်လာတယ်။ အတူစားဖူးတဲ့ 4000 ပဲကုန်တဲ့ထမင်းဆိုင်ရယ် 5000 ပဲကုန်တဲ့ထမင်းဆိုင်ရယ် ရေခဲချောင်းတွေရယ် ရွှေရင်အေးတွေရယ် ငုံဥကြော်တွေရယ် ပြောင်းဖူးဖုတ်တွေ ဈေးလျော့ရတဲ့အအေးတွေ ဘူဖေးဆိုင်တွေ မွေးနေ့စပရိုက်တွေ မီတင်တွေ မီတင်ထဲကရန်ပွဲတွေ ညှိနှိုင်းမှုတွေ ကိုယ်တွေပဲနားလည်တဲ့ သင်္ကေတတွေ စကားတွေမလိုမျက်လုံးချင်းဆုံဖို့မလို့ စိတ်ထဲကစကားသံတွေ အဲ့အရာတွေကပြန်မရတော့သလို တစ်ဖြည်းဖြည်းမှေးမှိန်လာတော့မယ်ဆိုတာသိတိုင်းဝမ်းနည်းတယ်။ ဒါမယ့်ပြန်ဆုံတွေ့ခွင့် ရှိနိုင်သေးတယ်ဆိုတဲ့စိတ်ကလေးတစ်ခုနဲ့ အားတင်းထားခဲ့ရတယ်။ သူပြောတဲလိမ်လိမ်မာမာနေနော်ဆိုတဲ့အောက်မှာ ဒီ့ထက်ကြိုးစားရမယ်ဆိုတြ့အသိတွေနဲ့ နောက်ဆုံး တစ်ရက်ဆုံမယ်လေဆိုတဲ့အောက်မှာမျော်လင့်ချက်တွေ။ ဆရာ့ရဲ့ ဆုံးဖြတ်ချက်ကိုလဲ နားလည်မှုတွေနဲ့ ဒီနေ့ 2 ရက်နေ့ ပူဆွေးမှုတွေအဆုံးသတ်ပြီးကိုယ့်လမ်းကိုဆီ အကောင်းဆုံးလျှောက်လှမ်းရတော့မယ်။ သူထားခဲ့တဲ့အတိုင်းကောင်းမွန်မှုဆက်ထိန်းသိမ်းပြီး ဒီ့ထက်ကောင်းတာတွေပဲဖြစ်အောင် ကြိုးစားဖို့ဆုံးဖြတ်ထားတယ် 9 လ ပိုင်းထိဘယ်မှမ‌ပြောင်းဖူး ဆိုပေမယ့် မသိသေးဘူး။ ဒီ့ထက်လဲ ကြာရင်ကြာမယ်။ အခုလဲ အခွင့်အရေးတစ်ခုခက်လွတ်ခဲ့ရတယ်။ ဒီမှာနေဖို့ဆုံးဖြတ်ထားလို့။ ဘာပဲဖြစ်ဖြစ်သူပြောတဲ့ 3 လလုပ်ကြည့်မကြိုက်ရင်တော့ပြောင်းဖို့စဉ်းစားပါ မတားပါဘူးဆိုတဲ့အတိုင်း သူမရှိတော့ပျော်ဖို့ကောင်းပါ့မလားလို့ကြောက်ရွံ့စိတ် တွေကမပျော်လဲပြောင်းတာပေါ့ဆိုတဲ့ ပေါ့တန်တန်အဖြေတော့ထွက်လာတယ်။ အခုထိတော့အခွင့်အရေး2 ခုလက်လွတ်ပြီးပြီ။ ပြောင်းတယ်ဆိုတဲ့အချိန်တစ်ခုတွေ့ဖို့ပဲမျော်လင့်တယ်။

ကြောက်ရွံ့စိတ်အောက်မှာမပျော်ရွှင်ရတာထက် ဒီအရွယ်နဲ့ ဒီ အတွေ့အကြုံနဲ့မှာ ဒီတာဝန်တွေထမ်းဆောင်နိုင်ပါ့မလားဆိုတဲ့ကြောက်ရွံ့စိတ်တွေကပိုနေတယ်။ ငါ့စကားတိုးပေါက်ပါ့မလား ငါ့သူ့လိုတွေးနိုင်ပါ့မလား ငါသူ့လိုစွမ်းဆောင်နိုင်ပါမလား ရှေ့မှာကာကွယ်ပေးထားတဲ့ဆရာ့ရဲ့တံတိုင်းမရှိတော့ ကိုယ်ကိုတိုင် တံတိုင်းလုပ်ရတော့မယ်ဆိုတော့ ငါ ကာကွယ်ပေးနိုင့်ပါ့မလား ငါ့ကူညီပေးနိုင်ပါ့မလားနဲ့ ရှေ့ဆက်ဖို့ကြောက်နေတယ်။ လုပ်ရမယ့်အရာ‌တွေ ကအသစ်ဖြစ်သလို ခက်ခဲနေသေးတဲ့အခြေအနေ ဖြစ်နေတယ်။ ကြောက်တယ်လို့ သူ့ကို ခွဲခွာခါနီးပြောပြီး ဖက်လိုက်တဲ့အချိန် မှာပြောချင်ပေမယ့်သူပိုစိတ်ပူသွားမှာစိုးလို့ပြောမထွင်ခဲ့ဘူး။ လုပ်ဖော်ကိုင်ဖက်တစ်ယောက်ထက်ပိုတဲ့ ဆရာတစ်ယောက်လို အကိုတစ်ယောက်လို သူငယ်ချင်းတစ်ယောက်လို ဆက်ဆံပေးတဲ့သူ့အတွက်ကိုယ်လုပ်ပေးနိုင်တာ သူဖြစ်စေချင်တဲ့သူ‌မြင်စေချင်တဲ့ သူပုံဖော်ပေးခဲ့တဲ့ကောင်းမွန်တဲ့အရာတွေထက်ပိုကောင်းမွန်မှုတွေကိုပဲ ပေးဖို့စိတ်ဆုံးဖြတ်ထားတယ် အခုဒီစာကတစ်ချိန်မှာ ကားအငှားဆရာပြောခဲ့သလို ‌ပြီးရင်လဲပြီးသွားတာပါပဲ ဆိုတဲ့အတိုင်း အမှတ်တရတစ်အဖြစ်နဲ့ သိမ်းဆည်းသွားမှာပါပဲ။ ဒီဇာတ်လမ်းကစခဲ့တဲ့ ဒီနေ့ 2 ရက်နေ့ရဲ့ chapter အသစ်တစ်ခုကတော့ ကောင်းမွန်ခြင်းတွေအောင်မြင်မှုတွေ နဲ့ ဇာတ်လမ်းတစ်ခုဖြစ်ဖို့ပဲ အကောင်းဆုံးစွမ်းဆောင်မယ်လို့ပဲ ဆုံးဖြတ်ထားခဲ့မိတယ်။

[arivaan]

ဒီနေ့တော့ပင်ပန်းတယ်။ တစ်ခါတစ်ရံလုပ်ချင်တာတွေကြားထဲမှာ လူကမလိုက်နိုင်သလိုခံစားရတယ်။ လုပ်ရမယ့်ဟာတွေလဲပုံလာတယ်။ လုပ်ချင်တာတွေလဲပုံလာတယ်။ မပြီးမြောက်နိုင်တာလဲများလာတယ်။

ပစ်လှဲပြီးအိပ်ချင်ပေမယ့်အိပ်မပျော်နိုင်သလို

ဘယ်တုန်းက draft အနေနဲ့ထားလိုက်မှန်းမသိတဲ့ post လေး

[arivaan]

31 Dec 2022 (23:50)

ဒီနေ့က 2022 ရဲ့နောက်ဆုံးနေ့။

2021 ရဲ့ နောက်ဆုံးနေ့နဲ့ 2022 ရဲ့နောက်ဆုံးနေ့ဟာ တူတူနီးပါးပါပဲ။ ထူးခြားတာမရှိ မိသားစုနဲ့ညစာပြင် တိတ်ဆိတ်စွာ နှစ်သစ်ကိုကူးဖြတ်တာမျိုးပါပဲ။

ပြောင်းလဲသွားတာကတော့ မှတ်မမိနိုင်လောက်အောင်များနေတာလား ဘာမှထွေထွေးထူးထူးမရှိတာလားတော့မသိ။ ကြီးမားတဲ့ကောင်းသောပြောင်းလဲခြင်းတွေကလွဲလို့ တစ်ခြားဟာထွေထွေထူးထူးမရှိ။

2022 မြန်မာနှစ်သစ်ကူး‌အကျော်မှာ သက်သက်လွတ်စစားဖြစ်တယ်။ အပြည့်အဝသက်သက်လွတ်မဟုတ်ပေမယ့် အသားရှောင်ခဲ့တာ ခုဆို 8 လကျော်ပါပြီ။ ကိုယ့်ကိုကိုယ်မယုံနိုင်ဘူး။ အသားအရမ်းကြိုက်တဲ့ကိုယ်က အခုလိုမစားတော့တာကို။

July မှာတော့ ကိုယ့်ရဲ့နာမည်နောက်မှာ MBA (International Business) လို့ ထည့်ခွင့်ရတာပါပဲ။ စင်ပေါ်တတ်ယူတဲ့အချိန် immigration ဖြတ်တဲ့အချိန် လေယာဉ်ပေါ်တတ်တဲ့အချိန်တွေဟာ အရင်အချိန်တွေပြန်အမှတ်ရစေတယ်။ အချိန်တွေဟာမြန်တယ် ဒါမယ့် ဖြတ်သန်းခဲ့ရတာတော့မလွယ်ကူလှဘူး

Dec အခုလက်ရှိနေရာထက် ခုန်ပျံကျော်လွှားပြီး ရချင်တဲ့ဝင်ငွေလောက်နီးနီးရဖို့အခွင့်အရေးရခဲ့တယ်။ တစ်ခြားနေရာပြောင်းရွေ့ဖို့စဉ်းစားပေမယ့် လက်ရှိကသံယောဇဉ်တွေနဲ့ ကံကြမ္မာမျက်နှာမပေးမှုကြောင့် လက်ရှိနေရာမှာပဲ ရချင်တဲ့မျှော်မှန်းချက်တွေပြည့်ဖို့ အကြောင်းဖန်လာခဲ့တယ်။

တကယ်တော့ပြန်စဉ်းစားကြည့်ရင် ဘုန်းဘုန်းကိုသိက္ခာထပ်ခွင့်ရတယ်။ အလုပ်မှာ အနိမ့်အမြင့်အတတ်အကျ ရိုက်ထိုးမှုတွေကိုခံနိုင်လာတယ်။ ဘဝကိုအချစ်ဆုံးနဲ့ emotional support ပေးနိုင်တဲ့ ကိုတိုင်းလေးကိုအမှတ်မထင်ပိုင်ဆိုင်ခွင့်ရတယ်။ ချစ်ရတဲ့ သူငယ်ချင်းနဲ့ပိုနီးစပ်ပြီး ပိုအချိန်ပေးလာနိုင်တယ်။ အလှူတွေပိုလုပ်လာနိုင်တယ် စတုဒိသာတွေပိုကျွေးလာနိုင်တယ်။ စဉ်းစားကြည့်ရင်ကောင်းမွန်ချင်တွေပိုများလို့ ဒီနှစ်ဟ‌ာ blessing ရတဲ့နှစ်တစ်ခုပါပဲ။ ဒီထက်လဲ blessing တွေပိုရချင်တယ်။ လောဘကြီးတယ်ပဲပြောမလား အခုနှစ်အတိုင်းလေး ကောင်းမွန်ခြင်းတွေခေါ်ဆောင်လာနိုင်ဖို့မျှော်လင့်တယ်။ ရည်မှန်းချက် ရည်ရွယ်ချက်ထက် ကံကြမ္မာ ဇာတ်ဆရာအလိုအကျအတိုင်း အကောင်းဆုံးဖြတ်သန်းပြီး ကောင်းခြင်းတွေပဲယူဆောင်လာဖို့ဆုံးဖြတ်ထားတယ်။

ဘယ်လိုပဲဖြစ်ဖြစ် ကိုယ်ချစ်တဲ့သူတွေကို ကိုယ်ဖြည့်ဆည်းချင်တာတွေဖြည့်ဆည်းခွင့်ရချင်တယ်။

နောက်နှစ်ကျ ဘာတွေဖြစ်နေမလဲ။ ကိုယ်ရောအသက်ရှင်ခွင့်ရပါ့မလား။ ဘာ‌‌ေတွပြောင်းလဲနေအုန်းမလဲ ပိတ်ကားမှာဆက်လက်စောင့်ကြည့်တာပေါ့။

ကျေးဇူးပါ အိမ့် ပင်ပန်းခဲ့တယ်။ ဒါမယ့် ကျော်လွှားနိုင်ခဲ့တယ်။ ပျော်ရွှင်စရာမဟုတ်သေးသ၍ ဇာတ်သိမ်းတစ်ခုတော့မဟုတ်သေးဘူး။

[arivaan]

21 July 2022

ဒီနေ့ကတော့ ဘဝမှာ confort zone ထဲကထွက်လာဖို့ဆုံးဖြတ်လိုက်ပြီးကိုယ်ရောက်ချင်တဲ့နေရာအတွက် အထောက်အပံ့ပြုနိုင်မယ့် လမ်းကို ပြီး‌ဆုံးအောင်ရောက်နိုင်ခဲ့တယ်ပြောရမှာပဲ။ ဒီနေ့မှာ career တစ်ဆင့်တတ်တဲ့အနေနဲ့ ကိုယ့်အနောက်မှာMBA in International Business ကိုofficially ထည့်ခွင့်ရတဲ့နေ့ပါပဲ။

ဒီလမ်းတစ်လျှောက်မှာ ကိစ္စအမျိုးမျိုးအတွေ့အကြုံအမျိုးမျိုးနဲ့အတူ အဆုံးသတ်ချင်စိတ်တွေ ရှေ့ဆက်မသွားနိုင်လောက်တဲ့ထိ ‌ဟိုးအောက်ဆုံးထိကျခဲ့တာတွေက အခုချိန်မှာတော့ အားလုံးကိုပြန်ပြောနိင်တဲ့ ဂုဏ်ယူရတဲအဖြစ်အပျက်တွေအဖြစ် ပြောင်းလဲသွားပြန်ပြီ။

အတွေ့အကြုံအသစ်တွေနဲ့အတူ ကျောင်းကိစ္စ လူမူရေးကိစ္စတွေမှာလဲ လဲကျရင်ပြန်ထရင်းဇာတ်သိမ်းတွေမှာအရာအားလုံးအဆင်ပြေချောမွေ့စွာပြီးဆုံးသွားမှာပါ။ ပျော်ရွှင်စရာမဟုတ်ရင်အဲ့တာတကယ့် ဇာတ်သိမ်းမရောက်သေးလို့ ဆိုတဲ့ခံယူချက်တွေနဲ့အတူ စာနာစိတ် ကြင်နာစိတ် တစ်ခြားသူအပေါ်ဂရုစိုက်မှုတွေနဲ့အတူ အမြဲလေ့လာချင်စိတ်တွေပိုတိုးလာတာကတော့အမြတ်တစ်ခုပါပဲ။

အရာအားလုံးအတွက်ကိုယ့်ကိုကိုယ်ကျေးဇူးတင်တယ်။ ကိုယ်သာ မသန်မာခဲ့ရင် အခုလိုအချိန်ဆိုတာရှိမှာမဟုတ်ဘူး။ ကျေးဇူးပါအိမ့်အိမ့်လေးရေ ဆက်ပြီးသန်မာပြီး ကိုယ့်ကိုပိုသန်မာစေမယ့်ဟာတွေကိုပဲ ဆက်လုပ်နေပါနော်။

တစ်ခြားကျေးဇူးတင်စရာတော့အများကြီးပဲ ငွေအားဖြင့်စိုက်ထုတ်တဲ့သူတွေ ကိုယ်ဆက်ရှင်သန်ဖို့ အားထုတ်ပေးတဲ့သူတွေ တကယ်လဲကျေးဇူးတင်သလို တစ်သက်လုံးလဲအဲ့ကျေးဇူးတွေမေ့မှာမဟုတ်ပါဘူး။

ခုလိုကိုယ်လိုချက်တဲ့ career ကိုဆက်လျှောက်ရင်း စိတ်အေးချမ်းစွာနေထိုင်နိုင်ဖို့ကိုဆက်လက်ရှာဖွေတော့မယ်။

[arivaan]

15.06.2022

ဒီနေ့ည 9:45 ဆို အသက် 25 နှစ်တင်းတင်းပြည့်ပြီ။ 25 ဆိုတာက သက်တမ်းစေ့နေရရင် လူ့ဘဝရဲ့ 3 ပုံ 1 ပုံကုန်ဆုံးပြီးသွားပြီ။ သက်စမ်းနေခွင့်ရှိရင် ‌နောက် ၂ ပုံစာပဲနေခွင့်ရှိတော့တယ်။ သက်တမ်းစေ့နေရဖို့တော့ခုလို သက်တမ်းတိုလာကြပုံနဲ့တော့ နေရဖို့တော့မမြင်။ ကိုယ့်ထက်ကြီးသူတွေက ၂၅ ဆိုတာ ငယ်ရွယ်နုပျိုတုန်းထင်ကြမယ်။ ကိုယ့်ထက်ငယ်တဲ့သူကျ အသက်အရမ်းကြီးနေပြီထင်ကြမယ်။ လူ့သက်တမ်း ၃ ပုံ ၂ ပုံမြောက်မွေးနေ့မှာ ဒီစာဖတ်ပြီး ငါ နုပျိုတုန်းက အသက်ကြီးတယ်ထင်နေခဲ့တာပဲလို့လှောင်ရယ်နေမိမလားမသိ။ ဘယ်လိုဖြစ်ဖြစ်အသက်ကတော့ကြီးလာပြီ။ လူ့သက်တမ်းမှာ ဒီပထမဆုံးဖြတ်သန်းရတဲ့သက်တမ်းက အခက်အခဲဆုံးလို့ပဲထင်တယ်။ လမ်းလျှောက်တတ်ဖို့ စကားပြောတတ်ဖို့ စာရေးတတ်ဖို့ ကမ္ဘာကြီးအကြောင်းတို့ ပြီးတော့ အရှုပ်ထွေးဆုံးလူ့အကြောင်းတို့ လောကဓံ တို့ သင်ယူခဲ့ရတယ်။ ခုရခဲ့တဲ့အတွေ့အကြုံတွေနဲ့ဆိုတော့ နောက်သက်တမ်းတွေ အခုလောက်ခက်ခဲမယ်မထင်မိဘူး။ ဒီ ၂၅ နှစ်အတွင်း ‌ပျော်စရာ စိတ်လှုပ်ရှားစရာ စိတ်ဆင်းရဲစရာ အတော်တွေ့ကြုံခဲ့ပြီးပြီ။ ခုချိန်ထိမလဲမပြိုပဲ ရပ်တည်နိုင်သေးတဲ့ကိုယ့်ကိုကိုယ် ကျေးဇူးအထူးတင်မိတယ်။ အမှတ်ရဆုံးကတော့ ဒီနှစ် သင်္ကြန်အပြီးမှာ အရမ်းကြိုက်ခဲ့ပါတယ်ဆိုတဲ့အသားကို လုံးဝ မစားနိုင်တော့တာပဲ။ ဘယ်နေ့ဘယ်ချိန်ပြန်စားဖြစ်မလဲမသိပေမယ့် လူ့စိတ်ရဲ့ မမြဲတရားကိုတော့ ရှုမိတယ်။ အင်းး ဒီချိန် ဖေဖေသာရှိရင်ဆိုတဲ့အတွေးမျိုးကတော့ ဒီလိုနေ့မှာ အမှတ်ရဆုံးပါပဲ။ တကယ်လဲ သတိရတယ်။ ကိုယ့်ကိုကိုယ် reflect လုပ်ရရင် 25 နှစ်အတွင်းတော့ သိလိုက်ရတာက လူတွေဟာ အတောမသတ်နိုင်တဲ့လိုချင်မှုနဲ့ပြည့်စုံနေတယ်။ ခုစိတ်ညစ်မှု အခက်အခဲတွေရင်ဆိုင်ရတိုင်း ခုစိတ်ညစ်နေတာတွေကို နောင်အနာဂတ်ကကိုယ်ကလှောင်ရယ်နေမှာအမှန်ပဲ။ မဖြစ်စလောက်လေးကို ညစ်နေရလေခြင်းဆိုပြီးပေါ့။ ဘဝမှာ အခက်အခဲဆိုတာပိုပိုပြီးခက်ခဲမှု level ကမြင့်လာတာပဲ အဲ့ဒါကြောင့် ခံနိုင်ရည်အားနဲ့ အကောင်းဆုံးပြန်လည်ထူထောင်နိုင်မှုပဲလိုတယ်။ လူ့ဘဝမှမဟုတ် ဘဝတိုင်းဟာ တိုတောင်းတယ် ဒီနေ့မှာရှိနေတဲ့အရာအားလုံးဟာ မနက်ဖြန်မှာ ထာဝရပျောက်ကွယ်သွားနိုင်တယ်။ ရှိနေစဉ်ပဲ တန်ဖိုးထားလို့ရတာဆိုတာပဲ။ လူတွေကရှုပ်ထွေးတယ်အကောင်းဆုံးက ကိုယ့်ပျော်ရွှင်မှုက မည်သူ့ပေါ်ကိုမှမမှီခိုနေတာအကောင်းဆုံးပဲ။ ဒီ၂၅ နှစ် ရခဲ့တဲ့သင်ခန်းတွေထဲက ဒါတွေက နေ့တိုင်းလိုလို အမှတ်ရနေအောင်မှတ်မိနေတဲ့ လောကကြီးကသင်လိုက်တဲ့ သင်ခန်းစာပါပဲ။ ငယ်ငယ်က 25 ဆို အိမ်ထောင်ပြုရမယ်လို့ ဘယ်သူရိုက်သွင်းခဲ့လဲမသိ အဲ့‌အတွေးကရှိနေတယ်။ တကယ့်လက်တွေ့မှာတော့ တစ်ခါမှတောင် အချစ်ဆိုတဲ့အရသာ မခံစားဖူးသေးတဲ့ လူတစ်ယောက်ပဲ။ ထူးဆန်သလို တစ်ချို့ကျလဲ မယုံဘူး။ ဘာဖြစ်လာမလဲမသိတဲ့အနာဂတ်မှာ အချစ်နဲ့တော့ထိတွေ့ဖူးချင်တယ်။ နာကျင်ရမှာလဲကြောက်တယ်။ နုပျိုလန်းဆန်းမှုတွေပြည့်နှက်နေတဲ့အရွယ်မှာ နာကျင်ဖို့ထိုက်တန်တဲ့သူနဲ့ ချစ်ခြင်းတရားကို မြည်းစမ်းကြည့်ချင်မိတယ်။ လူတွေလှောင်ကြတယ် ပြောကြတယ် တစ်ခါတစ်လေ ဝမ်းနည်းချိန်မှာဆုပ်ကိုင်ပေနိုင်မယ့်လက်တစ်စုံမျှော်လင့်မိပေမယ့် များသောအားဖြင့် တစ်ယောက်ထဲ နေခြင်းကလဲ ငြိမ်းချမ်းမှုလို့ ခံစားရပြန်ရော။ ဒီလက်ကျန်သက်တမ်းမှာတော့ နုပျိုလန်းဆန်းတဲ့အရာတွေ ထိတွေ့ပြီး ငြိမ်းချမ်းစွာနေထိုင်သွားချင်တယ်။

ဒီပေါ်မတင်ဖြစ်ပဲ Note ထဲမှာပြီးသွားတဲ့အတွေးတွေများ‌လွန်းလို့ လက်တန်းပဲရေးချလိုက်တော့တယ်။

မွေးနေ့မှာပျော်ရွှင်ပါစေ အိမ့်ရေ။ အားတင်းပြီး‌ေပါ့ပါးပျော်ရွှင်စွာ အချိန်တိုင်းဖြတ်သန်းပေးပါနော်။

[arivaan]

ဦးနှောက်ထဲမှာသိမ်းမထားချင်တော့အရာတွေကို ဒီကိုလာပြီးသော့ခတ်သိမ်းထားလေ့ရှိတယ်။ ရေးဖို့အကြောင်းဖန်လာပေမယ့် လွမ်းဆွတ်မှုတွေကို ရင်မဆိုင်နိုင်လို့ ကြောက်ရွံနေခဲ့တယ်။ အကယ်၍ သူနဲ့စကားပြောဖို့အကြောင်းဖန်မလာခဲ့ရင် တွေ့ဆုံဖို့မဆုံးဖြတ်မိခဲ့ရင် ဖေဖော်ဝါရီ၁ရက်နေ့မှာ အနာဂတ်တွေကို ဆုတ်ပြတ်သတ်အောင် ဖျက်ဆီးမယ့် သူတစ်ယောက်ပေါ်မလာခဲ့ရင် အခုချိန်ဘာတွေဖြစ်မလဲဆိုတာ သိချင်မိတယ်။ အခက်အခဲကြားကတွေ့ဆုံမှုတွေနဲ့အတူ ဟာသတွေတစ်လှေကြီးပြောပြီးရယ်မောခဲ့တာတွေ နည်းလွန်းပေမယ့် ဖျောက်ဖျက်မရတဲ့အမှတ်တရတွေ ခွင့်လွှတ်နားလည်ပေးမှုတွေ စိတ်ကလေးတစ်စိုးတစ်စိမှ မငြိုငြင်ခဲ့တာတွေ ရစ်သမျှ စိတ်ရှည်စွာ ပြန်ဖြည်ပေးခဲ့တာတွေ ဂရုစိုက်မှုတွေ စည်းမျဥ်းတွေကိုနားလည်ပေးခဲ့တာတွေ ကရုန်းထွက်ဖို့ခက်အောင်ရစ်ပတ်ခဲ့ပေမယ့်လဲ မသေချာတဲ့စိတ်တွေကြားမှာတစ်ဝဲလည်နေခဲ့တယ်။ သူလိုချင်တာအတွက် ကိုယ့်ကိုကိုယ် မစတေးသလို နားလည်ပြီးစောင့်ဆိုင်းပေးခဲ့တယ်။ ကမ္ဘာကြီးသာ စတွေ့တဲ့အချိန်တွေလိုလည်ပတ်နေခဲ့ရင် ဒီနေရာမှာပဲ ဇာတ်သိမ်းမိမှာပဲ။ ဒါပေမယ့် အားလုံးရဲ့အနာဂတ်အိမ်မက်တွေ တစ်ခဏအတွင်းဖျက်ဆီးခံလိုက်ရတဲ့အချိန်မှာ အတွေးထဲမှာ စိုးရိမ်စိတ်တွေနဲ့အတူ သူရောက်လာခဲ့တယ်။ ပူလောင်ပေမယ့် ကိုယ်တိုင်ကို လောင်မြိုက်ခံနေရတာကို ကျေနပ်နေသလိုပဲ။ ရုန်းထွက်ဖို့မကြိုးစားသလို ပျော်ရွှင်စွာကပ်ငြိနေတဲ့ ခံစားချက်တွေနဲ့။ သူရဲ့​ပျော်ရွှင်မှုတွေက အနာဂတ်တွေ ဖျက်ဆီးခံလိုက်ရလို့ နာကျည်းမှုတွေ ပူလောင်မှုတွေကို အေးချမ်းမှုတွေ ဖြန်းပတ်ပေးလိုက်သလိုပဲ။ ခံစားချက်တွေအကြောင်း မိုးလောက်အောင်ပြောပြချင်ပေမယ့် ပူလောင်မှုတွေ ပူပန်မှုတွေက စကြာဝဠာလောက်ကြီးနေပြန်တော့ အခွင့်မသာမိခဲ့ဘူး။ အဲ့နေ့က ပြောပြချင်တာတွေ လုပ်ချင်တာတွေ များပြားပေမယ့် ရင်ထဲကမီးတွေက ပိုတောက်လောင်နေခဲ့တော့ တွေ့ခွင့်ရတဲ့အချိန်လေးက ရင်ထဲမှာ အပူတွေငြိမ်းသတ်သလို ခေတ္တ အေးခဲသွားပြန်တော့ ​ဒီတိုင်းလေးအတူရှိနေခွင့်ကို ပိုလိုချင်နေခဲ့တယ်။ မွေးကတည်းက ကပ်ပါလာတဲ့ စိုးရိမ်စိတ်တွေဟာ မီးစတွေလို အစပျိုးနေမိခဲ့တာ သတိမထားမိသလို သူကလဲ မပြောပြပဲ ကြိုးစားမြဲ ကြိုးစားပြီးနားလည်ပေးသလိုပါပဲ။ ကိုယ်မဖြတ်သန်းချင်ဆုံးနေ့အတွက် လက်ဆောင်တွေပို့ပေးပြီး သူရဲ့နားလည်ပေးမှုကို ပြန်အသိအမှတ်ပြုဖို့ပြင်ခါမှ ရင်ထဲကပူလောင်နေမှုတွေ အပြင်ကမုန်တိုင်းတွေက စိုးရိမ်ပူပန်မှုတွေကို ပိုပြီးမွေးဖွားခဲ့တယ်။ သူ့အတွက်တော့ စိုးရိမ်ပူပန်မှုထက် နာကျည်းမှုတွေကပိုများနေခဲ့တယ်။ ရပ်တန့်ဖို့စဥ်းစားသလို စတင်ဖို့လဲ မစဥ်းခဲ့ဘူး။ အတူရှိနေနိုင်မယ့်အချိန်တွေ ဘာခေါင်းစဥ်မှမပါပဲ ဖြတ်သန်းချင်မိရုံပဲ။ ဒါပေမယ့် မီးစတွေ ပိုပိုတောက်လာပြီး မီးတောင်လို ပေါက်ကွဲလာတဲ့အချိန်မှာ ဇာတ်သိမ်းပိုင်းကိုရောက်လာခဲ့ပြန်တယ်။ နောင်တတွေမပိုက်ထားချင်လို့ ကြိုးစားပြီး ကုစားပေမယ့် လိုချင်ခဲ့တဲ့ ကျင့်သုံးခဲ့တဲ့ နားလည်မှုချစ်ခြင်းတရားတွေနဲ့ ပြီးပါပြီလို့ စာတန်းထိုးတဲ့အထိရောက်လာပါတော့တယ်။ သူ့ရဲ့နွေးထွေးမှုအရသာတွေ ဟာသလေးတွေ မနားတမ်းစကားပြောနေတဲ့အသံလေးတွေ နေ့တစ်နေ့ရဲ့အစနဲ့အဆုံးကို သူနဲ့ဖြတ်သန်းခဲ့တာတွေ ကိုယ့်ရဲ့အားနည်းချက်တွေကို မေးခွန်းမထုတ်ပဲ လက်ခံပေးခဲ့တာတွေ နှစ်သိမ့်ပေးခဲ့တာတွေ အတူတူခက်ခက်ခဲခဲ တွေ့ဆုံခဲ့ရတာတွေ ကို ဒီမှာသော့ခတ်သိမ်းထားပေမယ့် ဘယ်လိုမှမေ့ပျောက်လို့မရနိုင်ပါဘူး။ မဖြစ်နိုင်တော့ပေမယ့် သာမာန်ခင်မင်မှုကိုလိုချင်နေတာအမှန်ပါ။ သူ့အတွက် ခက်ခဲစေမှာဆိုးလို့ ဒီအတိုင်းလေးဖြတ်သန်းသွားဖို့ ဆုံးဖြတ်လိုက်တယ်။ သူလဲအကောင်းဆုံးဆိုတဲ့ဆုံးဖြတ်ချက်တွေနဲ့ ဖြတ်သန်းနေမယ်လို့ယုံကြည်တယ်။ သေချာတာကတော့ သူက နာမည်နဲ့လိုက်အောင်စွဲလမ်းစေပြီး သူနဲ့ပတ်သတ်သမျှမှာ မမေ့နိုင်ဆုံးကတော့ "hee u hugged me".

Good night n love ya.

မရေရာတဲ့ခံစားချက်တွေနဲ့နောက်ဆုံးမှာ အော် ငါ ရစ်ပတ်နှောင်ဖွဲ့ပြီး အမုန်းတရားတွေ လျော့ပါးအောင်အတွက် လက်နက်တစ်ခုလိုအသုံးပြုမိတဲ့ကိုယ့်ကိုကို အပြစ်တင်မိတယ်။ ပူလောင်မှုက ကိုယ့်ဆီလောင်ကျွမ်းစေလို့ပဲ။

28May21

150622

[arivaan]

သူ

သူနဲ့စတွေ့တာကျောင်းမှာ ဘဝမှာဖြစ်ချင်ရာဖြစ်စွန့်စားပြီးထွက်လာတဲ့အချိန်ပေါ့

သူနဲ့စခင်တာပထမဆုံးအတန်းတတ်တဲ့နေ့ လွယ်အိတ်ချပြီးထွက်သွားတာတောင်ဘေးမှာလာထိုင်ဖြစ်အောင်ကံကြမ္မာကဖန်ပေးတာ

သူနဲ့ပထမဆုံးအဖွဲ့လိုက်စာလုပ်ရတာ အမြင်ကတ်တယ်ပထမတော့

သူနဲ့ဆက်ပြီးတူတူထိုင်ဖြစ်တယ် ရင်ခုန်တာမျိုးရ်လို့မရှိ

သူအမြဲသင်ပေးတယ် ပံ့ပိုးပေးတယ် ဖေးမတယ်

သူ ကိုယ့်ကိုအမြဲတစ်စေလိုက်ကြည့်ပြီး ဘာစားတတ်တာမျက်နှာကဘယ်လိုဖြစ်နေတာ မူမမှန်ဖြစ်နေတာကအစ သိပြီး အကြောင်းမရှိရင်ထုတ်မပြတတ်သူ

သူမျက်ရည်စတွေနဲ့ စာကြည့်တိုက်အခန်းထဲဝင်လာတဲ့နေ့ အကြောင်းပြချက်ကိုယ်စီနဲ့ အနှောင်အဖွဲ့ကင်းတဲ့ ဆက်ဆံရေးကိုရောက်ခဲ့တယ်

သူလူရှေ့ဆိုထွက်ပြချင်ပြီး လူကောင်း၁ယောက်ကိုယ့်ဘေးမျာမရှိမချင်းနေပေးဆိုတဲ့ ကြွေစေတဲ့ကတိတွေနဲ့

သူသွားအတူလာအတူ စနေတနင်္ဂနွေတိုင်း

သူသစ္စာတရားကို တန်ဖိုးထားရကောင်းမှန်းမသိလို့ အမြဲရန်ဖြစ် နောက်ဆင့်မတတ်နိုင်ခဲ့ဘူး

သူစိတ်ညစ်မှုစိတ်ပင်ပန်းမှုတွေကိုယ့်အတွေးတွေမှာ ဒုက္ခပေးတယ်

သူစိတ်ကောက်စရာမလိုဘူး ပြန်ချော့ပေးတယ်

သူ​ကပ်ဆိုးကြီး၁ခုကြောင့်ပိုနီးစပ်ခဲ့ပေမယ့် သိက္ခာတရားကိုတန်ဖိုးထားတဲ့သူ

သူကဘာမှန်းမဝေကွဲသလို ဘယ်ချိန်ထိ ဘယ်လိုမျောနေအုန်းမလဲမသိပြန်ဘူး

ကောင်းခဲ့တာ ပံ့ပိုးခဲ့တာ လမ်းပြခဲ့တာ စည်းစောင့်ခဲ့တာနဲ့တင် နောင်တမရလောက်ပါဘူး #21jun20

အိပ်မပျော်ခင်ဖေဖေ့လွမ်းချင်းတင်ရင်း သူ့နဲ့အမှတ်တရတွေသိမ်းထားချင်လို့

[arivaan]

ဒီနေ့အဖေများနေ့။ အဖေများနေ့က ပုံမှန်ရက်ရယ်မဟုတ်ပဲရွေ့ရွေ့ပေမယ့် ဖေဖေကအမြဲရင်ထဲရှိတယ်။ သူရှိရင်ဆိုတဲ့စိတ်ကလေူက ပိုပြီးဝမ်းနည်းစေတယ်။ ဖြစ်လာစရာအကြောင်းမရှိတဲ့အရာတွေကြီးပဲ သူသာအနားမှာခုထိရှိသေးရင်။ ဒီနေ့ဒီလို၁အိမ်လုံးမှာ ကုတင်ပေါ်၁ယောက်ထဲ ရှိနေမယ်မထင်။ သူ့ကိုရိုနာရောဂါကြီးအကြောင်း ဝေဖန်ချက်တွေ ဟာသတွေနှောပြီးရေးနေအုန်းမအမှန် သတိရတယ်။ ဘုရားရှိခိုးတိုင်းအမျှဝေတာ မီးရဲ့အမြဲတမ်းပေးမယ့်လက်ဆောင်ပါ။ မီးအမြဲတမ်းလက်ဆောင်တွေနှစ်တိုင်းပေးခဲ့ပေမဟ့် မပေးဖြစ်တာ ၅နှစ်ရှိပြီပေါ့။ သတိရတယ် ချစ်လဲချစ်တယ် အမြဲ ဖေဖေဂုဏ်ယူရမယ့်သမီးအဖြစ်နေသွားမယ် ချစ်တယ် Happy Father day ပါနော်