Allskonar

Ýmislegt af allskonar

[arnayrs-blog]

Georg og félagar hafa nú gefið út nýtt app sem hjálpar hressum krökkum að læra stafrófið og tölustafina. Appið er í boði fyrir snjallsíma og spjaldtölvur með Android eða iOS stýrikerfi.

Hér er hægt að sjá hvernig Georgs appið virkar. Þó þetta sé frá Íslandsbanka er samt engin skylda að vera viðskiptavinur við þeirra og kemur hvergi fram að þetta sé frá Íslandsbanka. 

[arnayrs-blog]

Upplýsingatækni í tómstundastarfi

Upplýsingatækni nýtist langflestum í tómstundum. Það er alltaf að verða meira og meira um það að við verslum, spjöllum saman, “hittumst”, borgum reikninga, leikum okkur og margt margt annað á internetinu. Ef við höfum í huga að skreppa erlendis þá fer vinnan við að ákveða áfangastað, kanna flug, kanna hótel, kanna verðlag á viðkomandi áfangastað, finna afþreyingu, ,skoða nánasta umhverfi og annað fram á netinu. Svo þegar við erum komin að niðurstöðu pöntum við flug og hótel á netinu. 

Ef við höfum í hyggju að fá okkur góða bók á bókasafni og hafa það huggulegt, notum við síður eins og leitir.is og gegnir.is til að finna á hvaða bókasafni viðkomandi bók er laus. 

Ef okkur langar að hitta vin sem býr í útlöndum, öðru bæjarfélagi eða jafnvel bara í næsta húsi getum við séð og spjallað við viðkomandi í gegnum netið. 

Þetta er bara partur af óteljandi möguleikum sem við getum notað upplýsingatæknina til tómstunda. Hvet ykkur til að lesa ykkur til um upplýsingatækni á þessari síðu. 

[arnayrs-blog]

Notkun félagsmiðla í kennslu.

Blogg, Twitter, Facebook og fleiri félagsmiðlar geta nýst vel í kennslu. Þetta eru forrit sem krakkar i dag eru mikið að nota og gæti það aukið áhuga þeirra á námsefninu ef það er kynnt eða unnið í gegnum þessa miðla. Nemendur gætu fundið meira fyrir því að þeir seu hluti af heild og sumir gætu fundið fyrir auknu sjálfstraust í námi ef það fer fram á svæði sem eistaklingurinn kann vel á. Nemendur sem blogga sjálfir þjálfast í að skrifa sem og ritvinnslu. Facebook hópar eru mjög sniðugir, nemendur get þar rtt saman um verkefnið og annað. Það auðveldar nemendum að vera í sambandi við hvorn annan, ef nemandi hefur einhverra hluta vegna misst af getur hann spurt hina í hópnum hverju hann hefur misst af. 

Hægt að lesa nánar um þetta hér. 

[arnayrs-blog]

Ætla að prófa að hafa þennan girnilega fiskrétt í kvödmatinn :)

[arnayrs-blog]

Kaffi

Ég er alltaf að átta mig betur og betur á því hvað kaffi er gott. Ég hélt að ég myndi aldrei komast á það stig að finnast kaffi gott því fyrsti kaffisopinn var ógeðslegur! Svo þegar ég var orðin tvítug fékk ég mér einn og einn bolla þegar ég var í þannig aðstöðu að það var fyrir framan mig. Svo með tímanum fór kaffið að verða betra og betra. Í dag, rúmum 10 árum eftir minn fyrsta kaffibolla, elska ég kaffi og drekk mikið af því. Og mér finnst gaman að kaupa mismunandi baunir og smakka allskonar kaffi. Í morgun drakk ég 4 kaffibolla og naut hvers bolla.

[arnayrs-blog]

[arnayrs-blog]

Ed Sheeran - Lego House

[arnayrs-blog]

Velferð barna og unglinga

Úrdráttur úr Velferð barna og unglinga

Mikilvægt er að börnum og unglingum líði vel í skóla og sínu daglega starfi. Í skólunum hvílir töluverð ábyrgð á kennurum og starfsfólki skólanna að sjá til þess að nemendur finni fyrir öryggi og vellíðan í skólanum. Mikilvægt er að börn búi við öryggi og gott atlæti almennt. Barn sem býr við tilfinningalegt öryggi og félagslega festu er líklegra til að ná árangri á eigin forsendum. Vinna þarf markvisst að því að börn finni ekki fyrir til dæmis einelti, niðurlægingu eða ofbeldi af neinu tagi í skólanum.  

[arnayrs-blog]

Ég verð að viðurkenna að ég er algjör sælkeri og ég leyfi mér að fullyrða að þú hafir trúlega einhverja sætindaþörf líka… En ekki örvænta því sykurleysi hefur aldrei bragðast eins vel! Á meðan okkar 21 dags sykurleysis áskorun á sér stað munum við senda þér vikulega tölvupósta með innkaupalistum, uppskriftum, og hollráðum sem koma þér af stað út í sykursnautt líferni.

Hvet alla til að prófa að vera sykurlausir í 21 dag. 

[arnayrs-blog]

[arnayrs-blog]

If you live long enough, you'll make mistakes. But if you learn from them, you'll be a better person. It's how you handle adversity, not how it affects you. The main thing is never quit, never quit, never quit.

William J. Clinton

[arnayrs-blog]

Þegar bananarnir eru orðnir brúnir skaltu alls ekki henda þeim. Það er til fullt að góðum uppskriftum af til dæmis bananabrauði. Sniðugt er að skera bananana í bita og frysta þá og nota svo í allskyns boost. Einnig er gott að nota þá í þennan holla og góða ís sem er einfaldur og mjög hentugur til í að leyfa börnunum að spreyta sig í ísgerð. Einnig er mjög gott að skera bananana í bita og setja ísspýtur í gegnum þá og stinga þeim í frysti. Taka þá út eftir klukkutíma, dýfa þeim í brædd súkkulaði og setja svo kókos og aftur inn í frysti. Þá ertu komin með gott snarl fyrir kvöldið. Svo með einföldu gúgli geturðu fundið fullt af sniðugum hugmyndum til að gera allt annað við bananana en að henda þeim.

[arnayrs-blog]

Skipuleggja þrifin

1. Alþrif

Taktu ákveðinn dag í hverri viku til þess að sinna stórþrifum eins og að ryksuga, skúra, skipta um á rúmum, þrífabaðherbergi, setja í þvottavélar og þurrka af. Sunnudagar, um og eftir hádegi hafa reynst mér vel og öll verkin taka í kringum eina og hálfa klukkustund (fer eftir stærð heimilis).

2. Eldhúsið

Settu það sem reglu að vaska upp eftir máltíðir og/eða í lok hvers dags ef þú ert ekki með uppþvottavél. Strjúktu svo af borðum og eldavél í leiðinni. Þetta tekur í kringum 5-10 mínútur og sparar manni tíma síðar meir.

3. Baðherbergið

Ryk og óhreinindi geta orðið áberandi á baðherberginu og ef þú notast við hreinsiklúta til að þvo þér í framan á kvöldin er sniðugt að strjúka af vaskinum/klósettinu annan hvorn dag með því sama og henda því svo í ruslið.

4. Þvotturinn

Hver kannast ekki við að heilu fjöllin af þvotti safnist upp á örfáum dögum? Kíktu í þvottakörfuna annan hvorn dag og sjáðu hvort eitthvað þarf að þvo eða hvort eitthvað er á snúrunni/í þurrkaranum sem þarf að brjóta saman. Þá sleppurðu við að eyða heilum dögum í þvott.

5. Gólfin

Mér finnst góð regla að rykmoppa gólfið á 2-3 daga fresti á milli þess sem ég ryksuga eða skúra til að forðast ló og ryk á gólfinu. Klútarnir sem fást á rykmoppur eru sniðugir að því leyti að þeir draga í sig óhreinindi um leið og efnið í þeim gerir gólfið glansandi fínt!

6. Fötin

Ég er hræðileg með fatahrúgur og óskipulagðan fataskáp, en ef maður hengir fötin upp sem maður ætlar ekki að vera í þann daginn skapast hellings pláss og tími við að leita að þeim á morgnana :)