Os relatos da miña MAN

As mans transmiten moito máis do que nos poidamos imaxinar. Amósannos sensacións, estados de ánimo, a idade, a profesión dunha persoa…Nesta viaxe imos descubrir os diferentes roles que xogan. Atréveste a ir da miña man?

[beayanez]

"Arriba, abaixo, ao centro e adentro!". Ese é o brindis español máis coñecido. Pero brindar é todo un rito que durante séculos desenvolveuse en todo o mundo. 

As mans xogan un papel clave nestes momentos nos que sempre hai algo que celebrar. Chin-Chin!

[beayanez]

" (...)Cando toca os seus dedos deslízanse coma se bailasen enriba das teclas, sensibles ante o romanticismo do vals de Chopin, enérxicos ante unha interpretación de jazz con 'Tea for twoy', apaixoados ao abordar as raíces da música clásica que arraiga en España con 'Carmen' de Bizet", Flor Gragera de León (El País, 10/05/2014)

As mans e a música, a música e as mans.

Cornetas. Semana Santa de Sevilla 2014

[beayanez]

Nas ceremonias matrimoniais as mans xogan varios papeis clave: no momento de colocar os aneis e cando se entregan as arras.

As arras son trece moedas.  Este xesto significa a promesa de compartir e coidar os bens futuros en conxunto.

Burela.

[beayanez]

"Siempre que vuelves a casa me pillas en la cocina, embadurnada de harina con las manos en la masa", Vainica Doble e Joaquín Sabina.

As mans son un utensilio máis á hora de cociñar.  De feito, axudan a dar ese toque final aos nosos pratos.

[beayanez]

Vivir das mans. Crear con elas e seguir cun oficio que está en perigo de extinción.

Alfareiro. Alfoz (Lugo)

[beayanez]

Descubrir as túas mans.

É un gran paso para ter conciencia dun mesmo e é o primeiro xoguete dos bebés. Grazas a elas podes ir investigando o que tes ao teu redor e ter un contacto directo con todas os obxectos que están ao teu alcance.

Martina. 7 meses

[beayanez]

«No todo es incienso, banda, redoble, zanco, revirá, bambalina, bordado...No te quedes contemplando esa cruz, cógela», pronunciou Francisco Berjano, pregoeiro da Semana Santa de Sevilla 2014.

Xoves Santo. Procesión dos Negritos

[beayanez]

O proxecto fotográfico que se vai desenvolver neste espazo consiste en fotografar mans. Buscarase que esta parte do corpo conte historias de persoas, historias humanas que nos leven a precedir cal é a identidade de quen se agocha detrás deses dez dedos. 

Se non pensamos nunha cara, quizais as mans sexan a peza do corpo que mellor poidan dar información do ser humano. Mans traballando, mans dun bebé, mans dunha persoa anciá... Intentarase buscar aqueles momentos que nos rodean que dan moita información sobre quen é esa persoa e a que se dedica.

O obxectivo é que as fotografías xurdan por si soas e evitar que se trate de instantáneas preparadas. 

Utilizarase unha cámara réflex para levar a cabo este traballo e iranse subindo imaxes cunha periodicidade variable, sempre cun mínimo dunha imaxe por semana ata a exposición de traballos na aula. 

Haberá un pequeno texto que acompañe cada imaxe, nunhas ocasións unha frase e noutras un pequeno parágrafo que axude a comprender a historia que se atopa detrás desas mans.

As fotografías que se expoñen de exemplo son de Anna Jurkovska.

[beayanez]

Proxecto

As mans transmiten moito máis do que nos poidamos imaxinar. Amósannos sensacións, estados de ánimo, a idade, a profesión dunha persoa... Neste proxecto vou intentar contar as historias que hai detrás das mans da xente que me rodea. Intentarase que as fotografías xurdan por si soas e evitar que se trate de instantáneas preparadas.

O equipo que se utilizará será: cámara réflex e móbil.  

[beayanez]

Dandelion School. Trátase dunha escola dedicada á mellora da educación dos nenos das familias de emigrantes de Beijing. O seu obxectivo é proporcionar un ambiente feliz e saudable no que os pequenos poidan estudar, e á vez, disfrutar dos momentos máis lúdicos que lles proporciona o feito de estar con outros rapaces da mesma idade.

[beayanez]

Cidade da Cultura

AXENCIA INTERNACIONAL. O tribunal da Haya investiga os orzamentos das obras da Cidade da Cultura, en Santiago de Compostela.

PRENSA LOCAL. O tribunal da Haya investiga os orzamentos das obras da Cidade da Cultura. 

[beayanez]

Noticia 'Refugiados Sirios', 8/03/2014, El País

Máis de 136.000 persoas morreron na brutal guerra de Siria dende marzo de 2011, e millóns máis fuxiron dos seus fogares. Na imaxe, unha familia de refuxiados en Uskudar, Estambul (Turquía). BULENT KILIC (AFP)

A chuvia fixo que se suspendera a Feira dos Santos de Cerdal. Na imaxe, vendedores ambulantes apuran a recoller todo o material.

Mohamed Arid leva en folga de fame dende o pasado mes de febreiro para conseguir unha vivenda digna para o seus fillos en Carballo. Na imaxe, Mohamed xunto á súa familia resgardándose da chuvia.

[beayanez]

Virginia Rometty (IBM): "Os datos son o recurso natural do século XXI"

                                                    Virginia Rometty. EFE/Alberto Estévez

                       Virginia Rometty nun momento da conferencia. Paul Lara

                                  Conferencia de Virginia Rometty. Sixtocom Suisse

A presidenta de IBM, Virginia Rometty, acaba de afirmar de que os datos son o recurso natural do século XXI, como a electricidade o foi do XIX e os hidrocarburos do XX. Trátase dunha das mulleres máis influíntes e poderosas do mundo, pero descoñecida para o gran público. 

Rometty deu hoxe unha conferencia no Mobile World Congress que se celebra esta semana en Barcelona. Alí afirmou que a tecnoloxía resulta á vez "apaixoante e perturbadora" para todos, tanto para os individuos como para as compañías.

Aproveitou a ocasión para facer o lanzamento dun 'programa de desarrolladores' denominado Watson, coa intención de transladar o potencial do coñecemento na nube aos smartphones.

A directiva non pasou desapercibida e apuntou que ela ve claras tres tendencias que están mudando a paisaxe da tecnoloxía e, por conseguinte, do mundo: os datos, a nube e a conexión co usuario. E estas tendencia, segundo ela, deben ser percibidas polas compañías para  "poder predecir comportamentos futuros e poder converterse en prescriptores de tendencias".

[beayanez]

Chega a nova familia de Nokia para Android

Un dos primeiros eventos oficiais do Mobile World Congress 2014 (http://www.mobileworldcongress.com/) foi o de Nokia. A compañía finlandesa presentou os seus novos smartphones con Android como sistema operativo.

                                                                        Fotógrafo: @elandroidlibre

En total son tres os equipos que chegan ao mercado con estas características: Nokia X, Nokia X+ e o Nokia XL. Este último orientado a aquelas persoas que precisen máis pantalla, polo que soben até as 5 pulgadas, e con cámaras de 2 e 5 megapíxeles.

                                                     Fotógrafo: Fernando Álvarez del Vayo 

Ademais de explicar as súas características técnicas, tamén se falou dos prezos que estes aparellos van ter no mercado. Estes smartphones poden englobarse na gama media-baixa da compañía. 

                                                                           Fotógrafo: Nokia España

O modelo más económico, o Nokia X,  sairá á venda por 89 euros. En canto ao Nokia X+ e o XL,  os seus prezos serán de 99 e 109 euros. Nos tres casos estrearanse antes nos mercados emerxentes.

[beayanez]

Fotografía Xogos Olímpicos de Inverno de Sochi

Datos: 8/02/2014. Fotógrafo: Mike Ehrmann/Getty Images

Nesta fotografía os elementos principais atopámolos nas caras e nas mans das protagonistas. O feito de estar dándose a man e mirándose unha á outra carga de emotividade e sentimento esta foto (ademais son irmás, o que dá máis significado e emotividadade). Estes son os dous puntos fortes que acaparan a atención de quen a ve. As súas miradas teñen moita capacidade de atracción e fan que a persoa que a vexa mire en varias ocasións a dirección das súas miradas, marcándose unha liña imaxinaria entre elas, o que fai que nos deteñamos máis tempo do normal nesta fotografía. Transmítese moito coa súa expresión.

Outro elemento co que se xoga é a simetría. As dúas rapazas levan a mesma vestimenta ao pertencer ao mesmo equipo e parece que se estiveran a mirar nun espello, xa que ademais teñen a mesma cor de pelo e o mesmo peiteado. As cores tamén teñen moita importancia, xa que o fondo é branco e parte da súa roupa tamén, destaca o vermello das súas chaquetas e a liña do fondo.

A profundidade de campo é case inexistente, o que reforza ás rapazas como únicos elementos protagonistas da fotografía.

[beayanez]

Fotografía de Reuters 2013

Datos: Canon 5D Mark III, de 300 mm de la lente, f4, 1/1000, ISO 250 

Esta imaxe tomouna Larry Downing o 29 de xaneiro de 2013. Trátase dunha fotografía tomada aos alumnos de 6º grado da colexio Park Maitland, de Florida. Os pequenos estaban observando como aterrizaba o presidente Barack Obama co seu helicóptero en Marine One. Isto todo sabémolo grazas ao pé de foto, xa que o fotógrafo para facer a súa imaxe máis interesante optou por ocultar o lugar para o que miran con tanta atención os rapaces. 

Nesta fotografía entran en xogo diferentes aspectos da composición e linguaxe visual. En primeiro lugar, chama a atención a acción e movemento que se produce na foto provocada polo vento (que produce o helicóptero de Obama). Isto reflíctese moi ben no movementod do cabelo loiro das rapazas e nos ollos semipechados das persoas que aparecen na fotografía. 

A cor é un dos elementos compositivos principais que utilizou o fotógrafo ao hora de tomar esta imaxe. Todos os rapaces visten con chaquetas vermellas iguais, unha cor que rompe co resto da composición da fotografía. A cor dános máis información desas persoas, identifícaas como un grupo uniforme, neste caso alumnos dun mesmo colexio. Funciona moi ben a cor nesta foto e o fotógrafo conseguiu sacarlle moito partido a este elemento. 

A luz marca a maneira de "ler" a fotografía, que tamén se corresponde coa dirección do vento e coas miradas das persoas que aparecen. A persoa que ve esta foto quere saber que hai nesa dirección xa que todo apunta cara ese lugar.

Os puntos fortes atopámolos nas caras, xa que teñen moita capacidade de atracción. Neste caso, as faces amosan as diferentes sensacións das persoas que aparecen na foto, transmiten moita emotividade. 

En canto á nitidez e a profundidade de campo hai que resaltar o feito de usar un teleobxectivo, que fai que todos os elementos próximos saen enfocados e a profundidade de campo sexa case inexistente e a pouca que hai está desenfocada. Isto consegue unha maior carga de atención nas caras das persoas.