C L O U D

• مشاعر .. ونس .. احتواء •

[bnb20]

رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ ❤️

[bnb20]

يا حلم عمري يلي بخيالي من زمان .. 🫂

[bnb20]

شي حلو انو مجرد حسيت انو في حدا عم يهتم فيتي ،، وانو ممكن يحبني وممكن لا

ولكن في اهتمام حلو ،،

بلشت اهتم بحالي .. لك بلشت قدّر حالي .. بلشت حس بمشاعر حلوة انو أنا نور ما بدي انطفي .

مجرد احساس وهمي هيك عمل فيني ،، كيف لو حُب حقيقي !!

غريب الإنسان شو بحب ينشاف ويستثنى .

[omny-at]

و تظن أنك بحاجة شديدة للإختفاء، بينما أنت في أمسّ الحاجة لمن يجدك فقط.

أحمد خالد توفيق

[bnb20]

❤️‍🩹❤️‍🩹

[bluecloudssssss]

[bnb20]

منايّ كون معك بهي المرحلة 🫂

[bnb20]

رح اعتراف اعتراف ولا مرة اعترفتو بيني وبين حالي

أنا ما عندي ثقة بنفسي .

[ruo7]

هذه الأحاديث التي تعرف طريقها إلى الروح. ♥️

[bnb20]

لا معك ،، بدي احكي بكل شي بكل شفافية ومرح حتى بأخبار الناس ❤️

[bnb20]

عنوان هالمرحلة عندي :

" مقامك أحيثُ أقامك "

بكل حياتي ،، الروحية ،، والعلاقات الاجتماعية .

ننتظر النتيجة ………………..

يتبع ..

[bnb20]

من الأشياء يلي تعلمتها جديد وحابة اكتبها هون لتلبقى واتذكرها دائماً ..

بمرضوع جلد الذات أنا سبّاقة دائماً بجلد ذاتي ،، ع مواقف قديمة ،، وجديدة ،، ومستقبلية حتى بجلد حالي ع شي ما صار بس أنا فكرت فيه

فقلي حدا انو جلد الذات مو من الدين .. وهي من الشيطان

وانو الشيطان مهمتو يخلينا نعيش بحزن ولوم وبيذكرنا بالماضي لنبقى علقانين فيه ونلتفت لورا دائماً بدل ما نطّلع لقدام

وفعلاً هالشي كتير بصير معي ، بس لما عرفت انو هالشي من فعل الشيطان حسيت في شي امع براسي انو لا أنا ما رح اسمحلو يسيطر ع حياتي .

فكان الحل انو أعرف بالدين كيف بحاسب نفسي !!

فتعلمت انو اول شي اعترف بخطأي ،، واحكي لرب العالمين واستغفر ،، وحاول ما ارجع اغلط

وإذا رجعت وأخطأت عادي لأن نحن مو أنبياء ،، والحياة متل ما كتبت من قبل هي عبارة عن محاولات لتوصل وليس قرار بتاخدو وخلص لازم يتنفذ فوراً .

واي شي تاني تعلمتو وكتير لامسني انو اذا حدا نصحني او شفتو بيحكي شي وأحياناً بيعمل عكس ما بيحكي ما احكم عليه انو يطبق ع حياتو بعدين ينظر علينا

لأن ما لازم انطر من حدا يكون مسطرة والبني آدم خطاء ومافي غير الأنبياء معصومين عن الغلط

وهالشي وح يساعدني مع حالي كمان .

ممنونة لرب العالمين أكرم عليّ انو اتعلم هالشغلات ❤️

[bnb20]

من كم يوم كنت بالمكرو ففي صبية حكت مع ابوها ذكروني احكيلكن القصة 🙈

[adel-i]

[bnb20]

ورضا وعامر بالأفراح 🌸

[bnb20]

..🤍

[bnb20]

بيطلع الشخص من حياتنا بس بتبقى ذكرياتنا معو حاضرة ،، احساسها ،، دقاتها ،، ودفئها ..

الذكرى هي الشي يلي بيقبى رغم انعدام مشاعرنا للشخص .. بتخصنا لان كنا جزء أساسي منها ولأن كانت حقيقية

فكرة انو بيوم من الايام عشنا هي التفاصيل وهي المشاعره هالشي عظيم لأي بني أدم

مو بسهولة الانسان بيعمل ذكريات حقيقية وسعيدة ودافية ،، أوقات الذكرى هي الحضن الدافي ،، و أوقات الحضن البارد

مع الأيام بتصير بتعرف ايمت لازم تتذكر لتدفى وايمت لازم تتذكر لتبرد

بتصير بتتحكم بذكرياتك ايمت اجي والأغلب ايمت تروح ..

بس بالاخير الأهم انك تحاول تعيش ذكريات كتير ، تصنعها و تتفن فيها .

[bnb20]

في غنية لفيروز بتقول فيها :

" معقول في أكتر !! ، أنا ما عندي أكتر

كل الجمل يعني عم تنتهي فيك .

بتقصد انو هي عطت كل شي عندها ،، وما رح يلاقي هالشي عند غيرها

و ع العموم إذا في أكتر فهي عطت أقصى شي عندها ..

[bnb20]

بخاف بعد ابقى لحالي ، طيب وبخاف قرب ويكون مو هاد يلي ببالي

وبخاف انطر ويكون النطر وقت ماضي ، وجرب انو بعد ويصير الوضع مو عادي

طيب بين بدي وما بدي .. كيف بعرف شو بدي !!

يا سيدي وحياتك بعرف شو بدي بس ما بدي اعترف انو ما بدي .

[bnb20]

في غنية لفيروز بتقول فيها :

" قال قايل عن حُبي وحبك مش حلو ، اتذكرلي بحياتك هالحُب قديه إلو ..

إن كان حلو وصفى مش حلو ،، ألك مني وعلييّ عيدو من أولو ..

……….

بعدها بترجع تبدع أكتر وبتقول فيروزة قلبي :

" قال قايل أشيا بشعة عني معلش .. معلش

أخبارك مش عم طمني معلش .. معلش

أيامك قدامك الله يخلي أيامك إنتَ ما بيطلع منك إلا كل شي حلو ..

كيف لما تحب شخص وشو ما عمل تبقى تشوف كل شي منو حلو .. لأن حُبو حلو ❤️

[bnb20]

اشتقت لحالي هون .. اشتقت لطبيعتي يلي ما بقدر كون عليها إلا هون .. 🌿