Nang makarating ako sa terminal ng bus,
Sabi ko, buti na lang eh nandito na ako.
Nacheck ko yung oras at nakita ko
alas onse trenta na pala ang nasa relo
Tatlompung minuto na lang pala ang natitira
Kaya chineck ko lahat kung dala ko.
Ticket ko? Check.
Dala dala ko ang ticket ko sa mga kamay ko.
Yung mga kamay ng tamad sabi mo,
Yung mga kamay na makinis at di sanay sa trabaho,
yung mga kamay ng tamad na masiglang kumakaway at malumanay magbabay.
Yung mga kamay na gumagawa ng aprub sa lahat ng ginawa mo para sa sarili mo, sa pamilya mo, at sa atin
Yung mga mga kamay na humawak sayo hanggat umaga
yung mga kamay na kaso, bumitaw, tinaas dahil kainailangan.
Yung ticket ko pala sa last trip na ito, akalain mo? produkto pa ng kamay ko mismo.
Bitbit ko? Check.
Dyusko, ang bigat ng mga dala dala ko.
Bitbit ko sa last trip na ito lahat lahat ng pagmamahal ko sayo
Dahil walang na atang paglalagyan ang mga ito
At isama mo na rin lang ang lahat lahat ng galit ko sa iyo
dahil wala akong planong ipagtatapon ito sa ibang tao.
Ngunit di lang naman puro yun ang dala ko.
Dala ko na rin sa byaheng ito lahat ng masisiyang araw nating dalawa ng magkasama
Yung mga byaheng tulad nito ngunit kasama ka at kahawak,
yung mga araw na tulad nito na ang oras ay ginasta na parang ginto
yung mga oras na ito na magkatabi tayo sa kama at malamang mahimbing ang tulog habang nakakandong ako sayo.
At Ako? siyempre, Check na check.
Oo ako.
Wala nang iba pang paraan kundi dalhin ko ang sarili ko.
Dalhin sa kundisyon na kailangan ko nang umalis.
Umalis, Kasi wala akong karapatan pang magpapaiwan.
Wala naman akong lugar sa puso mong punong puno ng pagmamahal sa panibago mo, diba?
Aalis ako dala dala ko ang mga ito malapit sa puso ko.
At dadalhin ko ang mga ito sa malayo para pakawalan ng unti unti
Na para bang mga pagong na pinapalangoy sa dagat ng nakangiti.
At huwag kang mag-alala, dahil babalik din ako pagkatapos ng lahat ng ito.
Tiwala lang na makakaya ko to, tulad ng sabi mo
Na iniwan mo ko dahil sabi mo kaya ko naman sarili ko.
At oo nga naman di naman lahat one way lang, may round trip pa naman diba?
Kaya babalik ako.
babalik ako, di na para sayo, kundi para sakin.
Babalikan ko ang sarili ko sa kung ano pa man ito, bago sayo.
At pramis sa pagbalik ko, wala na akong bitbit na kung ano ano, Bitbit ko lang sarili ko, yung “ako” na minahal mo, yung pinaglaban mo, yung sumuko sayo, yung iniwan mo, at ngayo'y yung “ako” na panibago.
At ayan, alas dose pasado na.
Dala ko na lahat ng kailangan ko para sa last trip ko.
Handang handa na akong mag babay sayo.
Kaya babay na at ingat ka lagi ha?
mahal kita pero hanggang dito na lang talaga.
yousharknotpass
romaincrisis
jbbartram-illu
areudirty
janainaart
germansingergirl
2087
annaxmalina
