Sa milyon-milyong tao sa mundo, may isang taong nakalaan para sa bawat isa. May hinahanap, nagpapahanap at may naghihintay. Sabi nga nila, “true love waits..”. Totoo! Sadyang nakakalungkot minsan ang mag-isa. Oo nga’t nariyan ang ating pamilya upang tayo ay mapasaya. Yung iba nga kontento na. Pero karamahin sa atin ay naghahangad na makatagpo ng isang taong tunay na magpapaligaya at magbibigay kulay sa mundo nating puro problema. Yung taong dadamayan ka sa lahat ng pinagdadaan mo. Yung taong iintindihin lahat ng pagkakamali mo. Yung taong tanggap kung ano man ang mga flaws mo. Yung taong di magsasawang bigyan ka ng suporta sa lahat ng bagay na gagawin mo. Yung taong kahit mapuyat, mapagod, at magutom sya, masamahan ka lang at mabigyan ka ng saya. Yung taong handang gawin lahat para mabigyan ka ng importansya at malaman mo ang salitang pagpapahalaga. At yung taong mamahalin ka ng higit pa sa sarili nya para lang maging buo ka.
May mga taong sadya ding mapaglaro. Minsan nagmahal at nagpahalaga ka, pero sa huli mababalewala dahil di naman pala sya marunong mag-alaga. Yung tipong nabigay mo na ang lahat sa kanya, pero parang wala lang sa kanya. Yung kahit masaktan ka, susuyuin ka tapos sasaktan ka ulit. Yung pakiramdam na parang sa una lang masaya, tapos sa huli, parang ikaw nalang ang nagbibigay o bumubuhay para sa relasyon nyong dalawa. Yung kahit siguro makipaghiwalay ka e OK lang sa kanya, dahil baka yun din naman pala ang hinihintay nya. SAKLAP DIBA?
May mga tao din naman CHILL CHILL lang pagdating sa LOVE. Yung landi dito, landi doon. Si number 1 dito, tapos may number 2345 doon. Yung taong gusto lang na may makasama, pero walang commitment na involve. Sila yung mga taong, mas pinipili nalang ienjoy kung anong meron sa kanila. Yung tipong mas magiging maayos kung sila pero hindi sila. (Gets?!). Yung para kayong magsyota, pero wala kayong relasyon o commitment. Yung hindi ka pwede magdemand dahil HINDI NAMAN KAYO. Yung kahit makipagfling ka sa iba e Ok lang. Yung hindi ka pwede mangealam sa mga gusto nya. FREE ka kumbaga.
May tao naman na may pag ka mangkukulam. Yung taong sinumpa na lahat. Sinumpa ang ex bf nya, sinumpa ang buong angkan ng ex nya. Sinumpa ang sarili nya dahil pakiramdam nya nagpakatanga sya. In short, yung mga taong seryoso na halos ibinuhos na lahat sa pag-ibig at wala ng itinira sa sarili nya, tapos masasaktan at iiwanan lang pala. Yung mga taong nagsasabing “HINDI NA AKO MAGMAMAHAL!!”, MAGPAPARI / MADRE NA LANG AKO!”, “SINUSUMPA KO LAHAT NG MGA MANLOLOKONG BABAE/LALAKI!!”. Sila yung mga haters talaga. Na hindi na nag-e-entertain ng kahit sino sa buhay nila.
May mga tao din SAKSAKAN NG BITTER. Yung akala mo ang kanyang umagahan, tanghalian, hapunan ay AMPALAYA. Yung taong lahat na lang ng Makita sa paligid nya e kinasusuklaman nya. Yung lahat ng makikita nyang magkarelasyon e magrereak na “ MAGHIHIWALAY DIN KAYO!”, “NAKU HINDI KAYO MAGTATAGAL, SA UNA LANG YAN!”, “WOOOH! WALANG POREBER! LETSE!”, “SHIT NAKAKAUMAY MAKAKITA NG MAGJOWA!!”. Sila yung mga taong hindi maka MOVE ON. Yung kahit magpaka busy sya sa lahat ng bagay, kahit magpakalayo layo sya, at kahit pilit nyang gustong makalimot ay hindi nya magawa gawa. Sila yung taong nagmamahal parin, kahit hindi nila aminin. Yung taong hindi na makuha ang gusto nya, dahil pagmamay ari na ng iba. Yung taong sobrang nasasaktan parin, kahit alam nyang wala na talaga syang hinihintay pa. SAKIT DB?
May mga tao naming naniniwala sa FOREVER. Sila yung mga taong positibo sa lahat ng bagay yung kahit ano man ang mangyari sa kanila, hindi sila nagpapadala sa pinagdadaanan nila. Yung mga taong GO-WITH-THE-FLOW. Yung mga taong marunong maghintay sa kung ano mang darating. Mga taong naniniwalang habang may buhay may Pag-asa. (May pag-asang magkakajowa!). Yung hindi nagmamadali dahil alam nilang dadating din naman si MR./MS. RIGHT. Yung kahit wala man syang karelasyon ngayon, e nakokontento na sya sa pagmamahal ng pamilya at mga taong nakapaligid sa kanya. Sila yung mga taong dapat nating tularan. Dahil sa buhay pag-ibig, hindi madali ang lahat. Lahat parang may proseso. Lahat dapat sineseryoso. Dahil ang pag-ibig ay hindi para sa panandalian. ITO AY PARA SA PANGMATAGALAN. Matuto tayong kumapit sa kung anong hawak natin. At matutong pahalagahan ang mga taong nagpapahalaga din sa atin. Ang buhay pag-ibig. BOW!
yousharknotpass
blakekathryn
snowghoul
janainaart
germansingergirl
annaxmalina
romaincrisis
prguitarman