أفضل كتب لتعلم السينما من وجهة نظري المتواضعة ومن ما قرأت.
————————————————————————-
قبل أي حاجة إقرا الكتاب ده وبعدين نتكلم
The War of Art: Break Through the Blocks and Win Your Inner Creative Battles by Steven Pressfield
كتاب مهم لكل فنان مهما كان نوع فنه.
————————————————————————-
Screenplay: The Foundation Of Screenwriting by Syd Field
الكتاب الأشهر والمدخل لأي شخص لم يقرأ عن السيناريو من قبل، الكتاب مشكلته إنه أمريكاني قوي وبيحط قواعد صارمة لفن المفروض يكون في تجديد، لكنه بالتأكيد مفيد لتعلم القواعد المتعارف عليها في هوليوود.
The Writers Journey: Mythic Structure for Writers by Christopher Vogler
كتاب مهم عن رحلة البطل، يحلل الخصائص المتشابهة في رحلة أي بطل إن كان من الأساطير أو من القصص الدينية أو في الأفلام، كتاب مهم لكتابة شخصية البطل وكتابة رحلته لما يضيف للبطل.
Story: Substance, Structure, Style and The Principles of Screenwriting by Robert McKee
من وجهة نظري أفضل كتب تعليم السيناريو وسرد القصص على الإطلاق، كتاب في غاية الأهمية وقرائته بشكل متواصل ومتكرر ضرورية، أنا شخصيا بقراه كل ما بكون بكتب أي سيناريو، ومهما بعيد قراءته بتعلم ثاني.
Save The Cat! The Last Book on Screenwriting You’ll Ever Need by Blake Snyder
لو إنت من الناس اللي بتزهق وعايز كتاب سريع وسهل وعن الكتابة “بفكاكة” يبقى إقرا الكتاب ده، هو مش هايضيف للي فاتوا ولا بديل عنهم بس هو في نصايح سريعة ومفيدة.
Your Screenplay Sucks!: 100 Ways to Make It Great by William M. Akers
كتاب فيه ١٠٠ سبب يخلوا السيناريو بتاعك سيء، كتاب مش عبقري بس مفيد بعد ما تخلص كتابة تعدي على الأخطاء الشائعة وتتآكد إنك ماوقعتش فيهم.
Screenwriters’ Masterclass: Screenwriters Talk About Their Greatest Movies by Kevin Conroy Scott
ده كتاب كله حوارات مع كتاب عن طريقتهم في الكتابة وإزاي بيكتبوا، كتابات الحوارات مع الصناع في رأيي مفيدة جدا ومن أكثر الكتب اللي بتضيفلك.
Adventures in the Screen Trade: A Personal View of Hollywood and Screenwriting by William Goldman
ده كتاب كتبه واحد من أهم كتاب السيناريو في تاريخ هوليوود وبالتأكيد أفضل دكتور سيناريوهات في تاريخ هوليوود، كتاب مفيد جداً من قلب الصناعة.
————————————————————————-
Film Directing Shot by Shot: Visualizing from Concept to Screen by Steven D. Katz
مدخلك لتعلم مبادئ الإخراج والقواعد الأولية، أنا نفسي عمري ما قريته بس لما تصفحته على كبر إكتشفت إنه كان هايقصر عليا خطوات كثير.
The Visual Story, Second Edition: Creating the Visual Structure of Film, TV and Digital Media by Bruce A. Block
أكثر كتاب إخراج أضاف ليا وأعتقد إنه من أهمهم على الإطلاق، كتاب عن الفرق ما بين المخرج اللي بيحكي القصة والمخرج المصوراتي اللي مش فاهم إختياراته ومش عارف بيحكي إيه.
The Five C’s of Cinematography: Motion Picture Filming Techniques by Joseph V. Mascelli
كتاب كلاسيكي ومهم عن التصوير والإخراج، برضه من الكتب اللي ماينفعش ماتتقريش.
Cinematography for Directors: A Guide for Creative Collaboration by Jacqueline B. Frost
كتاب عن التصوير للمخرجين، لامم كل المعلومات اللي المخرج محتاج يعرفها عن التصوير، كتاب مش عبقري بس هايطمنك لو حاسس إن معلومات التصوير ناقصة من عندك.
Every Frame a Rembrandt: Art and Practice of Cinematography by Andrew Laszlo
لو حابب تفهم أكثر عن التصوير وإختيار الأسلوب العام لصورة الفيلم وإزاي ممكن تتأثر بأي نوع فن ثاني وتطبقه على فيلمك إقرا الكتاب ده.
In the Blink of an Eye Revised by Walter Murch and Francis Ford Coppola
أفضل الكتب عن المونتاج السينمائي
If It’s Purple, Someone’s Gonna Die: The Power of Color in Visual Storytelling by Patti Bellantoni
كتاب يساعدك تفكر في الألوان، وعلى أي أساس بتختار الألوان لفيلمك.
Directing Actors: Creating Memorable Performances for Film & Television by Judith Weston
مشكلة معظم المخرجين هي إهتمامهم بالصورة على حساب التمثيل مع إن التمثيل أهم عامل في الفيلم بعد القصة، والكتاب ده أهم كتاب عن توجيه الممثل، وعن الأخطاء الشائعة في توجيه الممثل، كتاب مهم جدا.
Making Movies by Sidney Lumet
كتاب كتبه واحد من أهم مخرجين هوليوود ومخرج كثير من روائعها، سيدني لوميت، كتاب عن تجربته وطريقته في الإخراج، كتاب كل صفحة فيه هاتضيفلك.
Moviemakers’ Master Class: Private Lessons from the World’s Foremost Directors by Laurent Tirard
حوارات مع كثير من المخرجين عن أسلوبهم وأفكارهم عن الإخراج، مفيد للغاية برضه.
————————————————————————-
أنا كتبت أول فيلم ليا وبعته من غير ما أقرأ ولا كتاب من دول، وأعظم الفنانين في التاريخ عملوا أفلام عظيمة قبل ما الكتب ديه تتكتب أصلاً، وأكثر جملة عن الفن إتعلمتها هي “الإبداع يسبق النقد” يعني في ناس أبدعت وجربت وعملت أفلام حلوة فالحلوين المحللين والنقاد كتبوا الكتب ديه على أساس تحليل إبداعاتهم.
ماتخليش قلة القراية توقفك، أكثر حاجة هاتعلمك تجربتك الشخصية والتعلم من أخطاءك
الكتب ديه لو بتقراها من غير ما بتكون بتكتب وبتجرب تخرج مش هاتفهم معظمها، هي بتيجي تفهمك غلطك أكثر ما هاتعلمك تعمل الصح.
في كتب أكثر من الكتب ديه بكثير، وفي منهم مفيدين برضه، بس أنا رأيي من تجربتي الشخصية تقرا دول الأول وبعد ماتخلصهم كمل بعدهم، وإوعى تحس إنك قريت كفاية، على طول إقرا وجدد معلوماتك.
قبل ما تسأل، لو مابتعرفش تقرا إنجليزي إتعلم، ماعتقدش الكتب ديه مترجمة وماعرفش لو كانت بتتباع في مصر، أحسن طريقة تطلبهم من على أمازون ويجولك لحد البيت، لو ماعندكش كارت إئتماني شوف حد عنده.
في ورشة مجانية عملناها أنا ومحمد دياب إسمها الأفلامجية بنشرح فيها معظم اللي في الكتب ديه بإختصار ممكن تشوفها لو تحب وديه لينكاتها:
الأفلامجية الجزء الأول - الأفلامجية الجزء الثاني
أنا بكتب برضه كتاب باللغة العربية العامية عن صناعة السينما إسمه (القرداتي - دليل طانع السينما الهاوي للإحتراف) وهاينزل في آخر ٢٠١٣ أو أول ٢٠١٤ لإنه واخد مني مجهود كبير.
البوست ده هافضل أعدل فيه كل ما أفتكر كتب ثانية كنت ناسيها أو لو قريت كتب ثانية.
لو حسيت البوست مفيد زقه وباصيه لأصحابك المهتمين بصناعة السينما وماتبخلش بعلمك على حد.
jacobvanloon
jbbartram-illu
yousharknotpass
prguitarman
dailybridgerton
gummygunk
