MĂ€kelborger in Bayern 2
Dat ward langsĂ„m Tied, dat ik einâ Fuurtsettung schrief. de Exkursion was schon vorlestâ WĂ€k, Ćwer laten wi uns von dor nich kĂŒmmern. de Exkursion was natĂŒrlich superinteressant! Tauierst gĂŒng dat tauân Starnberger See. Wo irtĂ€uft, was dat sihr prĂ€chtich! DornĂ„ gĂŒngen wecke von uns tauân AmmerdĂ„l bi den Kalktuffquellen. An den Dach sniedete dat bannig! Leider dĂ€uchte de Snei de anner DĂ„châ wech.Â
Doch gĂ„hn wi taurĂŒch tauân Exkursionen. An den See wieren WintervĆgel tau irtĂ€uwen. Ă penbor kĂ„men de ganzen WintergĂ€st, also de ganzen WintervĆgel, ofteins ut (natĂŒrlich) Skandinavien un Nuurdrussland. Uns sĂ€d man, dat de russischen VĆgel schuucher wieren, wiel sei öfter schĂ„ten warden. Nu verstĂ„h ik ok, wurĂŒm mÀÀnigein ReigerĂ„nten (Aythya fuligula) ihr wechswimmen. Man wi wieren ihrer up de SĂ€uk nach Prachtdukers (Gavia arctica). Dat was ierst tĂ€mlich swor, denn de Daukers swimmen meist in de Midd von den See. Datau sĂŒnd sei in den Winterkleed. Liekers kĂŒnnen wi wat sĂ„hn. Einmal liekers verwesselt ik einen Prachtduker mit einen MeerrĂ„ben (Phalacrocorax carbo). De sĂŒnd etwa gliek grot, doch de MeerrĂ„b höllt sienen Kopp hoch un SnĂ„wel hett einen HĂ„ken, wieldĂ€m bi den Dukers hei spitz un ein bit dicker is. ReigerĂ„nten geef dat wunnerlichwies nich so vĂ€lâ. Ein paar Grau Ă nten (Anas platyrhynchos) wieren doch ok. Ok flögen SĂ„chdukers (Mergus merganser) vorbi. Ein sall nich vergĂ€ten de FĂŒerduker (Podiceps cristatus) und sogor nich wenige Brilldukers (Bucephala clangula). In de Fiern sĂ„hn wi ein Schittreiger (Ardea cinerea).Â
Nach ein Middachpaus gĂŒng dat tauân AmmerdĂ„l, wat ein Schuttgebeet is. Dank den Kommilitonen heff ick lihrt, wat ein Rotrandig Bomswamm (Fomitopsis pinicola) is, de schon sihr jichtenwo der TĂŒnnerswamm (Fomes fomentarius) utsĂŒht. Ćwer wat sihr snĂ„ksch was, was ein Rup von de Graskluck (Euthrix potatoria) und ein Streckerspinne (Tetragnatha sp.) midden inân Snei! Ach, dat geef ok WĂ„termuss und WĂ„terminz (Mentha aquatica). Man irtĂ€uft ein blot den Muss unner WĂ„ter un dat dortau inân Winter, man beide wieren unner WĂ„terâŠ. inân Winter. Un natĂŒrlich geefât dor VĆgel: den Rotböster (Erithacus rubecula), den Turmfalk (Falco tinnunculus) un ein Schwarm von Ellerziesken (Spinus spinus). Un in de Ammer, der lĂŒtte Strom, wieren bannig Insektenlarven, meist von Maifleigen (Ephemroptera, Ecdyonurus sp.) un ok von KriebelmĂŒggen (Simuliidae), den Rest heff ik lieder schon vergĂ€tenâŠ. Ach ja, wi segen ok tĂ€mlich vĂ€lâ BĂ€verdieken (Castor fiber).
Dat was för hĂŒt, ik hoff dat hat juuch gefreut. Bis tauân anner Mal!
