سعودی عرب میں ملازمتیں کرنے والے غیرملکیوں کے لیے خوشخبری سعودی عرب میں ملازمتیں کرنے والے غیرملکیوں کے لیے خوشخبری‘تین ماہ تک تنخواہ ادا نہ کرنے والے کمپنی کے ملازمین کفیل بدلنے کے مجازہونگے ریاض(اردو ویوز۔۔۔۔۔۔03نومبر2015)سعودی عرب میں روزگار کے سلسلہ میں مقیم پاکستانی اور دیگر تارکین وطن کے کے لیے خوشخبری ہے کہ تین ماہ تک تنخواہ ادا نہ کرنے والے کمپنی کے ملازمین اب اپنے کفیل کی اجازت کے بغیر کسی دوسری کمپنی میں ملازمت حاصل کرنے کے مجاز ہوں گے۔وزارت لیبر نے یہ اختیار مملکت میں رجسٹر سرکاری ونجی کمپنیوں میں کام کرنے والے ملازمین کی تنخواہوں کو تحفظ دینے کی خاطر شروع جانے والے ایک حالیہ منصوبے میں دیا ہے۔ یہ اقدام حکومت کی جانب سے 100 یا اس سے زائد ملازمین رکھنے والی 3595 نجی کمپنیوں کے 405 590 ورکرز کی بروقت تنخواہوں کی ادائیگی کو یقینی بنانے کے لئے اٹھایا گیا ہے۔اس سکیم کے نتیجے میں ملازمین اور کمپنیوں کے درمیان موجود کئی مسائل حل ہو جائیں گے۔ اگر کوئی کمپنی اس قانون کی خلاف ورزی کرتی ہوئی پائی گئی تو اسے 3000 سعودی ریال جرمانہ ہو گا اور جتنے ملازمین اس معاملے میں متاثر ہوں گے ان سب کی کل تعداد سے اس 3000 سے ضرب دے دی جائے گی۔ اگر کوئی کمپنی تین ماہ سے زائد عرصے تک اپنے ملازمین کی تنخواہیں ادا نہیں کر سکے گی تو اس کی تمام سروسز معطل کر دی جائیں گی اور اس کے ملازمین کو یہ اجازت ہو گی کہ وہ اپنے کفیل کی اجازت کے بغیر کسی دوسری کمپنی میں ملازمت اختیار کر لیں۔ دوسری جانب سعودی محکمہ پاسپورٹ نے ملٹی پل ویزا اور کفیل کی تبدیلی کے عمل کو مزید آسان بناتے ہوئے اعلان کیا ہے کہ ان کاموں کے لئے پاسپورٹ آفس کے چکر لگانے کی ضرورت نہیں رہی بلکہ یہ کام وزارت داخلہ کی آن لائن سروس کے ذریعے بھی کیا جا سکتا ہے۔جوازات میں فنی امور کے اسسٹنٹ ڈائریکٹر جنرل کرنل خالد بن حماد السیخان کا کہنا ہے کہ ابشر سروس کو مسلسل بہتر کیا جارہا ہے تاکہ محکمے کی تمام سہولیات انٹرنیٹ پر میسر ہوں اور صارفین کو پاسپورٹ آفس کے چکر نہ لگانے پڑِیں۔ ابشر کے ذریعے سے سعودی شہریوں اور تارکین وطن کو کئی سہولیات دی جا رہی ہیں جن میں اقامہ” رہائشی پرمٹ “ کا اجراء اور تجدید، مملکت سے خروج، ری اینٹری ویزے کا اجراء ، چھٹیوں میں توسیع، معلومات کے تبادلے اور سفری پرمٹ کا اجراء شامل ہے۔السیخان کا کہنا تھا کہ اس ہفتے ابشر میں مزید اہم سہولیات متعارف کروائی جائیں گی جن میں ملٹی ایگزٹ، ری اینٹری ویزوں کا اجراء اور کفیل کی منتقلی شامل ہے۔ابشر کے اجراء سے اب تک اس سروس کے ذریعے سے 78 لاکھ افراد نے اقامہ کی تجدید کروائی ہے، 60 ہزار نئے اقامہ جاری کئے گئے، تقریباً 8 لاکھ ایگزٹ، ری اینٹری ویزے جاری کروائے گئے ہیں، 13 لاکھ لوگوں نے اپنی چھٹیوں میں توسیع کروائی ہے اور 12 لاکھ سفری پرمٹ جاری ہوئے ہیں۔ کرنل خالد کا کہنا تھا کہ وزارت داخلہ کی جانب سے انٹرنیٹ پر سہولیات کی فراہمی نے کامیابیوں کے نئے دروازے کھول دئیے ہیں اور پاسپورٹ دفاتر میں لوگوں کے دباؤ کو بھی کم کر دیا ہے۔ ان کا مزید کہنا تھا کہ تمام تارکین وطن سعودی پوسٹ کی 'واصل' سہولت سے فائدہ اٹھائیں تاکہ وہ زیادہ سے زیادہ تین دنوں میں اپنے کاغذات حاصل کر سکیں۔
dailybridgerton
stormborns
2087
izzy806
romaincrisis
gummygunk
pixelskylines
theartofmadeline