My tastes and views @dhaneshv-blog - Tumblr Blog

വിഷത്തിന്റെ വിത്ത്

എന്‍ഡോസള്‍ഫാന്‍, ഒരു നാടിന് മുഴുവന്‍ വില്ലന്‍.ജനിച്ചവര്‍ക്കും, എനി ജനിക്കാന്‍ പോകുന്നവര്‍ക്കും ഇവന്റെ വിഷകൈകള്‍ ഊട്ടും.പണ്ടൊരു മലയാള സിനിമയില്‍ ഒരു കഥാപാത്രം പറഞ്ഞിട്ടുണ്ട് “ഡല്‍ഹിയിലുമുണ്ടെടാ എനിക്ക് പിടി” എന്ന്, അതു പോലെ പറയുന്നത് ഇപ്പോള്‍ എന്‍ഡോസള്‍ഫാന്‍ ആയിരിക്കണം, കാരണം ഡല്‍ഹിയില്‍ അവന് ആളുണ്ട്,പരിസ്ഥിതി ക്കും ക്രിഷിക്കും വേണ്ടിയുള്ള മന്ത്രിമാരാണവര്‍.അവര്‍ ഊന്നി തന്നെ പറയുന്നു, എന്‍ഡോസള്‍ഫാന്‍ ആളൊരു പാവം അവനെ ഒന്നും ചെയ്യെണ്ടാന്ന്. പണ്ട് സുരേഷ് ഗോപി പറഞ്ഞ ഒരു ഡയലോഗ് പോലെ “കാക്കിയിട്ടവന്റെ നേരെ കൈയ്യോങ്ങിയാല്‍ തനിക്ക് നോവില്ല......” ഇവിടെ ആയിരങ്ങളുടെ കണ്ണീര് കണ്ടാല്‍ മന്ത്രിക്ക് നോവില്ല, പക്ഷെ വിഷം നിരോധിക്കാന്‍ പറഞ്ഞാല്‍ നോവും”.Hindustan Insecticides Limited നെ രക്ഷിക്കാനാണോ അതോ മറ്റ് വല്ല വന്‍‌കിട ടീമിനേയാണോ എന്ന് അറിയില്ലാ.63 ല്‍ അധികം രാജ്യങ്ങളില്‍ നിരോധിച്ച ഈ വിഷം വീണ്ടും പകരാന്‍ പറയുന്നത് രജ്യം രക്ഷിക്കേണ്ട മന്ത്രിമാര്‍.യഥാര്‍ത്ഥത്തില്‍ വിഷത്തിന്റെ വിത്തുകള്‍ നമ്മുടെ മന്ത്രിമാര്‍ അല്ലേ???????

വിഷു ആശംസകള്‍....

കൂട്ടരെ നിങ്ങള്‍ക്കെന്റെ വിഷു ആശംസകള്‍...................

#vishu #konna #kanikkonna #vishukkonna

പാരഡി രാഷ്ട്രീയം

പാരഡി ഗാനങ്ങള്‍ക്ക് ഒരു കാലത്ത് നാട്ടില്‍ ഒരു ഹരമായിരുന്നു,“പൂമുഖവാതില്‍ക്കല്‍ സ്നേഹം വിടര്‍ത്തുന്ന.....ഭാര്യ” എന്ന് ഏതോ ഒരു കവി പാടിയപ്പോള്‍ “പൂമുഖവാതില്‍ക്കല്‍ പുച്ഛിച്ചുനില്‍ക്കുന്ന പൂതനയാണെന്റെ ഭാര്യ” എന്ന് പണ്ട് വി.ഡി.രാജപ്പന്‍ പാടിയിട്ടുണ്ട്.ഇന്ന് ആ കാ‍ലം മാറി പാട്ടുകള്‍ ഇപ്പോള്‍ വരുന്നത് റീമിക്സ് എന്ന പേരില്‍.പക്ഷെ ഈ തിര്‍ഞ്ഞെടുപ്പ് ചൂടില്‍ പാരഡിക്ക് വീണ്ടും മാര്‍ക്കറ്റ്....എന്താ കാര്യം എന്നല്ലേ? എപ്പോള്‍ നമ്മുടെ നേതാകന്മാര്‍ മുദ്രാവാക്യത്തിന്റെ കൂടെ പാരഡി ഗാനങ്ങള്‍ കൂടി ചേര്‍ക്കുന്നു.ഓ മാമ മാമ....ചന്ദമാമ(ഒരു തല്ലിപ്പൊളിപ്പാട്ട്) എന്ന പാട്ടിന്റെ പാരഡി ഇപ്പോള്‍ “ഓ മാമ മാമ....അച്ചുമ്മാമാ....” എന്നായി.സത്യത്തില്‍ ഈ പാട്ട് കേള്‍ക്കുമ്പോള്‍ ചിരിയാണ് വരുന്നത്.പിന്നെ ഇത് കൊണ്ട് കുറച്ച് പാട്ടുകാര്‍ കഞ്ഞി കുടിച്ചോ, ബിരിയാണി തിന്നോ ജീവിച്ച് പോകും(100 രൂപയും പിന്നെ ഒരു കോഴി ബിരിയാണി, അതാണ് ഇപ്പോള്‍ ഒരു പ്രകടനത്തിന് പോയാല്‍ കൂലി എന്ന് വാമൊഴി).പാരഡി രാജാക്കന്മാര്‍ക്ക് ഒരു വോട്ട് അതാണ് ഇപ്പോള്‍ നടക്കുന്നത് വാല്‍ക്കഷണം: മിനിട്ട് മിനിട്ട് വച്ച് റിയാലിറ്റിഷോകള്‍ വരുന്ന ഈ കാലത്ത് എനി രാഷ്ട്രീയക്കാര്‍ക്കായി ഒരു റിയാലിറ്റി ഷോ കൂടി വന്നേക്കാം അത് ചിലപ്പോ “പാ‍രഡി സ്റ്റാര്‍ സിംഗര്‍” എന്നോ “സൂപ്പര്‍ പാരഡി സ്റ്റാര്‍“ എന്നോ“ ഗന്ധര്‍വ്വപാരഡി സംഗീതം” എന്നോ ആകാം.ജഡ്‌ജസ് ആരാകുമോ എന്തോ???? രാഷ്ട്രീയക്കരുടെ ഷഡ്‌ജം പോകുമോ????അതോ ഷഡ്‌ജം കീറുമോ?.....

മൂര്‍ച്ചയില്ലാത്ത “ഉറുമി”

പ്രുഥ്വിരാജ് പ്രധാനവേഷത്തില്‍ എത്തുന്ന സന്തോഷ് ശിവന്‍ ചിത്രം ഉറുമി തിരക്കഥയിലെ പാളിച്ചകള്‍ കോണ്ട് മാറ്റ് കുറഞ്ഞ ഒരു ചിത്രമായി മാറി.താരനിബിഡമായി മാറിയ ഈ ചിത്രത്തിന്റെ കഥ തികച്ചും സാങ്കല്പികമാണെങ്കിലും, പ്രേക്ഷകരില്‍ ത്രില്ലടിപ്പിക്കുന്ന ഒന്നും ചിത്രത്തിന് നല്‍കാന്‍ കഴിഞ്ഞില്ല.കഥ നടക്കുന്നത് വടക്കന്‍ കേരളത്തില്‍.അവിടെ വാസ്‌കോഡഗാമാ കാപ്പാട് കപ്പല്‍ ഇറങ്ങുന്നത് മുതല്‍ കഥക്ക് വ്യാപ്തി.സിനിമ തുടങ്ങുന്നത് ഒരു ഭൂവില്പനയിലാണ് എന്നത് മറ്റൊരു കഥാതന്തു.പരസ്പരം ബന്ധമില്ലാത്ത നായകനും നായികയും കണ്ടുമുട്ടുന്നത് പോലെയുള്ള സ്ഥിരം “നമ്പറുകള്‍” ഇതിലും ഉണ്ട്.തിരക്കഥയിലെ പാളിച്ചകള്‍ ഇടയ്ക്ക് കഥ(ഉണ്ടെങ്കില്‍) വഴിമാറി പോകുന്നതായി തോന്നും.പൊന്ന് കൊണ്ടുള്ള് ഉറുമിയും, ഉറുമിയുടെ നാഥനും നടത്തുന്ന ഒരു പ്രതികാരത്തിന്റെ കഥ അതാണ് “ഉറുമി”.ദീപക് ദേവിന്റെ സംഗീതം നന്നായെങ്കിലും,ഗാനരംഗങ്ങള്‍ പാട്ടിന്റെ മികവിന് ഉരു വിലങ്ങ് തടി പോലെ ആയി.ക്യാമറ വര്‍ക്ക് നന്നായി എന്ന് പറയാതെ വയ്യാ...ഹാറ്റ്‌സ് ഓഫ് റ്റു സന്തോഷ് ശിവന്‍.പ്രുത്വിരാജ് തന്റെ കഥപാത്രം നന്നാക്കാന്‍ ശമിച്ചു,ജഗതി വീണ്ടും തന്റെ അഭിനയ പാടവം പ്രേക്ഷകര്‍ക്ക് സമ്മാനിച്ചു,വിദ്യാബാലന്‍,തഭു എന്നിവര്‍ക്ക് കാര്യമായ റോളുകള്‍ ഇല്ല, ജനീലിയ അവ്തരിപ്പിച്ച അറക്കല്‍ ആയിഷ മികവിനൊത്തില്ല(പഴ്ശ്ശിരാജയിലെ പത്മപ്രിയയുടെ റോള്‍ എത്രയോ നല്ലത്....).പഞ്ചിഗ് ഡയലോഗുകള്‍ നല്‍കാന്‍ തിരക്കഥാ‍ക്രുത്ത് ശദ്ധിച്ചില്ല എന്നത് മറ്റൊരു പോരയ്മ.ഹരിഹരന്‍ ചിത്രം പഴശ്ശിരാജയുമായി താരതമ്യപ്പെടുത്തിയാല്‍ അടിത്തെങ്ങും എത്താത്ത പ്രകടനങ്ങള്‍.മികച്ചത് എന്ന് പറയാവുന്നത് പ്രഭുദേവയുടെത് മാത്രം.....5.5/10

സ്വപ്ന സാഫല്യം

ലോകകപ്പ് വിജയലഹരിയില്‍(തെറ്റിദ്ധരിക്കല്ലേ...ഞാന്‍ ആള് ഡീസന്റാ...) ഒരു പോസ്‌റ്റ് ഇടാന്‍ മറന്നു പോയി.ഇന്ത്യയുടെ വിജയം അങ്ങനെ മഹാമഹം ആയി, അത്യുഗ്രന്‍, കെങ്കേമം ,കിടിലോല്‍ക്കിടിലം......അങ്ങണെ ഒടുവില്‍ സച്ഛിന് സ്വപ്ന സാഫല്യം.നീണ്ട 21വര്‍ഷത്തിന് ശേഷം ഇന്ദുചൂടന്‍ വീണ്ടും വന്നിരുക്കുന്നു (വിഷയം മാറിയോ? ഹേയ് ഇല്ല) സച്ചിന് കാത്തിരിപ്പിന്റെ സാക്ഷാത്കാരം.ക്യാപ്‌റ്റന്‍ എന്ന നിലയില്‍ ധോണി നന്നായി കളിച്ച ദിവസം, യുവതാരങ്ങള്‍ അവരുടെ രംഗം ഭംഗിയായി നിര്‍വ്വഹിച്ച ദിവസം, ഫീല്‍ഡില്‍ മേലനങ്ങി പണിയെടുത്ത ദിവസം അന്നാണ് ഇന്ത്യ കപ്പ് നേടിയത്.യുവതാരങ്ങള്‍ സച്ചിനെ തോളിലേറ്റി പോകുമ്പോള്‍ 121 കോടി ജനങ്ങള്‍ക്ക് സന്തോഷത്തിന്റെ കണ്ണുനീര്‍.യുവി സീരിസിലെ താരമായി തിളങ്ങി, ഒടുവില്‍ ആ സ്പെഷ്യല്‍ പേഴ്‌സണ്‍ സച്ചിനാണ് എന്നും പറഞ്ഞു വാല്‍ക്കഷണം:താരങ്ങള്‍ക്ക് ക്കൊടികള്‍ കോണ്ട് തുലാഭാരം നടത്തുമ്പോള്‍ സോഷ്യല്‍ നെറ്റ്‌വര്‍ക്കുകളില്‍ താരമായത് മലയാളികളുടെ താരം ശ്രീശാന്ത് തന്നെ, പക്ഷെ തലവാചകം മിക്കതും ഇങ്ങനെ “ഈ വര്‍ഷം ഏറ്റവും കൂടുതല്‍ നോക്ക് കൂലി വാങ്ങിയ മലയാളി”..വാസ്തവമാണോ?......

ക്രിക്കറ്റ് ഇതിഹാസത്തിലെ ദശാവതാരം

ഭാരത ഇതിഹാസമായ മഹാഭാരതത്തിലെ ഒരു പ്രധാന കഥാപാത്രമാണ് ശ്രീക്രഷ്ണന്‍,മഹാവിഷ്നുവിന്റെ ഒന്‍പതാമത്തെ അവതാരമായി അതിനെ കണക്കാക്കുന്നു.ആകെയുള്ള 10 അവതാരങ്ങളും ഏതെങ്കിലും ഒരു ലക്ഷ്യം നിറവേറ്റാന്‍ വേണ്ടിയാണ് എന്നാണ് വിശ്വസം.ക്രിക്കറ്റിലെ മഹാവിഷ്ണു എന്നത് സച്ചിന്‍ ആണ്.ഭൂമിയെ രക്ഷിക്കാന്‍ മത്സാവതാരവും, കൂര്‍മ്മാവതാരവും എടുത്തത് പോലെ ടീമിന്റെ വിജയഠിന് പല പല ഇന്നിംഗ്‌സുകളായി ആ ദൈവം അവതരിച്ചു.ഫാസ്‌റ്റ് ബോളുകള്‍ എറിയുന്ന ഹിരണ്യാക്ഷന്മാരെ ബാറ്റ് കൊണ്ട് നശിപ്പിച്ച ചരിത്രമാണ് എന്നും നടന്നത്.ഗൂഗ്ലികളും,ലെഗ്‌ബ്രേക്കുകളുമായി വന്ന ഹിരണ്യകശിപുക്കളെ സിക്സറുകളും ബൌണ്ടറികളും പായിക്കുന്ന നരസിംഹമമായി അങ്ങ് ഷാര്‍ജായില്‍ അവതരിച്ചു.100 മൈല്‍ വേഗത്തില്‍ വന്ന അസുരന്മാരെ വാമനരൂപിയായ ഈ അഞ്ചടി അഞ്ചിഞ്ച്‌കാരന്‍ തന്റെ ഫൂട്ട് വര്‍ക്കിനാല്‍ പാതാളത്തിലേക്ക് താഴ്ത്തി.പരശു എറിഞ്ഞ് ശത്രുക്കളെ വീഴ്ത്തുന്ന പരശുരാമനെപ്പോലെ തന്റെ ബോളിംഗ് കൊണ്ട് അനേകം ബാറ്റ്‌സ്മന്മാരെ വീഴ്ത്തി.ശ്രീരാമനെ പോലെ എന്നും മാത്രകാപുരുഷോത്തമനായി നിന്ന് മറ്റുള്ളവര്‍ക്ക് മാത്രകയാകാനും, രാവണ കരങ്ങളുമായി വരുന്ന ഒലോംഗമാരെയും, ലീയെയും കാലപുരിയിലേക്ക് അയക്കാന്‍ ഈ ദൈവം അവതാരമായി പിറന്നു.ബലരാമന്റെ കലപ്പയെപ്പോലെ ആ ബാറ്റിന്റെ ശക്തി എന്നും അജയ്യം.പതിനാറായിരത്തെട്ട് ഭാര്യമാരാണ് കണ്ണന് കൂട്ടെങ്കില്‍ മുപ്പത്തിമൂവായിരത്തിലധികം റണ്‍സാണ് ബാറ്റിംഗിലെ ഈ കാളിയമര്‍ദ്ദന് കൂട്ട്.എനി കാണാനുള്ളത് കല്‍ക്കിയെപ്പോലെ എല്ലാം നശിപ്പിക്കുന്ന സംഹാരമാണ്.ആസ്ട്രേലിയയുടെ പതനത്തോടെ അത് ആരംഭിക്കുകയും, പാക്കിസ്ഥാന്റെ വീഴ്‌ച്യോടെ അത് ശക്തി പ്രാപിക്കുകയും ചെയ്തു.എല്ലാം(എല്ലാ ടീം എന്ന് വ്യഗ്യാര്‍ത്ഥം) നശിപ്പിച്ച് ലോകം കൈയില്‍ ഒതുക്കാന്‍ ക്രിക്കറ്റ്മതവിശ്വസിയായ ഭക്തര്‍ ക്രിക്കറ്റ് ദൈവത്തോട് പ്രാര്‍ത്ഥിക്കുന്നു....

#god of cricket #sachin god #lord sachin #cricket god #dashaavathaaram

ആവേശഭരിതം.....

മാര്‍ച്ച് 30,2011 ന് നടന്ന ഇന്ത്യ-പാക് ലോകകപ്പ് സെമിഫൈനല്‍ മത്സരം വളരെ ആവേശം നിറഞ്ഞ ഒരു മത്സരം ആണെന്നതില്‍ തര്‍ക്കമില്ല, ബാറ്റിംഗ് തിരഞ്ഞെടുത്ത ഇന്ത്യക്ക് സച്ചിനും,സെവാഗും ചേര്‍ന്ന് സ്വപ്നതുല്യമായ തുടക്കം നല്‍കി.ഉമര്‍ ഗുല്ലിനെ സെവാഗ് അടിച്ച് പമ്പരം കറക്കി എന്നല്ലാതെ എന്ത് പറയാന്‍, അവസാനം ഗുല്‍ “സുല്ല്” പറയേണ്ടിവന്നു.വെടിക്കെട്ടുകാരന്‍ പോയതോടെ പിന്നെ സച്ചിന്റെ ബാറ്റിന്റെ ചൂടാണ് പാക് കളിക്കാര്‍ അറിഞ്ഞത്,6 അവസരങ്ങളാണ് സച്ചിന്‍ അവര്‍ക്ക് നല്‍കിയത്, 85 റണ്‍സ് എടുത്ത് സച്ചിന്‍ പുറത്തയെങ്കിലും ഇന്നിംഗ്‌സ് ടോപ്പ് സ്കോര്‍ സച്ചിന്റെതാണ്.ധോണിയുടെ പതിവ് തുഴ്ചച്ചില്‍ വീണ്ടും ദര്‍ശിക്കനുള്ള “ദുര്‍”ഭാഗ്യം ഈയുള്ളവന് വീണ്ടും കിട്ടി,അവസരത്തിന് ഒത്ത് റെയ്‌ന കളിച്ചു.നിന്റെ പന്ത് ഞാന്‍ ഗാലറിയില്‍ എത്തിക്കും എന്ന ഭാവത്തോടെ ഹര്‍ഭജന്‍ ചാടി അടിക്കാന്‍ നോക്കി പക്ഷെ ഔട്ടായി....അവസാനം സ്കോര്‍ 260.പാക് ബാറ്റ്‌സ്മന്മാര്‍ ആദ്യമൊക്കെ നന്നായി കളിച്ചെങ്കിലും വിക്കറ്റ് ഇടക്കിടെ ദാനം നല്‍കി “ലവന്മാര്‍” തിരിച്ചുപോയി.മിസ്‌ബായാണ് യദാര്‍ത്ഥഠില്‍ ഇന്ത്യയെ രക്ഷിച്ചത്...മുട്ടി..മുട്ടി അവന്‍ കളിച്ചില്ലായിരുന്നെങ്കില്‍ അവന്മാര്‍ പാ‍ട്ടും പാടി ജയിച്ചെനേ(ക്ഷ്മിക്കണം പാട്ട് ഏതാണ് എന്ന് ഞാന്‍ ഓര്‍ക്കുന്നില്ല....)എല്ലാ ബോളര്‍മാര്‍ക്കും 2 വിക്കറ്റുകള്‍ വീതം നല്‍കി പാക് കളിക്കാര്‍ ഇന്ത്യയെ അനുഗ്രഹിച്ചു....കളി കഴിഞ്ഞ് ഇന്ത്യന്‍ കളിക്കാര്‍ സ്റ്റമ്പ് മുഴുവന്‍ എടുത്ത് ഓടി വാല്‍ക്കഷണം:അത്ഭുതമെന്നു പറയ്യതെ വയ്യാ. ഇന്നലെ നമ്മിടെ മുനാഫ് വിക്കറ്റ് കിട്ടിയപ്പോള്‍ ആഹ്ലാദപ്രകടനം നടത്തി “അതെന്താപ്പാ അങ്ങനെ വിക്കറ്റ് കിട്ടിയാല്‍ ആരും സന്തോഷിക്കില്ലേ?” എന്ന് ചോദിച്ചാല്‍ തെറ്റി, സാധാരണ വിക്കറ്റ് കിട്ടിയാലും ടിയാന്‍ നിര്‍വികാരനായി നില്‍ക്കാറാന് പതിവ് പക്ഷെ ഇന്നലെ ആ പതിവ് തെറ്റി....

#sachin #india-pak Semifinal #World cup Semifinal #Sachin's85 Vs pakistan #Second WC semifinal march 30

ആഗസ്‌ത് 15‌-ഒരു മോട്ടോര്‍ ബൈക്കിന്റെ കഥ

കഴിഞ്ഞ ആഴ്‌ച റിലീസായ മമ്മൂട്ടി-ഷാജികൈലാസ് ടീമിന്റെ ചിത്രം യഥാര്‍ത്ഥത്തില്‍ എന്താണ് ഉദ്ദേശിച്ചത് എന്ന് മനസ്സിലായില്ല,കൂടുതല്‍ സമയവും കണ്ടത് ഒരു മോട്ടോര്‍ ബൈക്ക് മാത്രം,പിന്നെ അതില്‍ സദാ കൂളിംഗ് ഗ്ലാസ്സും വച്ച് നടക്കുന്ന പെരുമാള്‍ എന്ന പോലീസ്‌കാരനും.എല്ലാ ഷാജികൈലാസ് പറടങ്ങളെപ്പോലെ ഇതിലും അടിയും ഇടിയും, വെടിയും ഒക്കെയുണ്ട്.പിന്നെ ഒരു കാര്യം പ്രത്യേകം എടുത്ത് പറയേണ്ടതാണ്, വില്ലന്‍‌മാര്‍ അടികൊണ്ട് പറന്ന് പോകുമെങ്കിലും മമ്മൂട്ടിയുടെ കൂളിംഗ് ഗ്ലാ‍സ്സ് സദാ ഭദ്രം, ഒരു തവണ വില്ലനെ ഒന്ന് “നോക്കി പേടിപ്പിക്കാന്‍“ വേണ്ടി എടുത്ത് മാറ്റുന്നതല്ലാതെ....പിന്നെ എസ്.എന്‍.സ്വാമിയുടെ പഴയ പരിപാടി ഇപ്പോഴും ഉണ്ട്....അതാ‍യത് ഡമ്മി...ഇപ്രവശ്യം പരീക്ഷിച്ചത് കാറിലാണെന്ന് മാത്രം,ഡമ്മി വിട്ട് ടിയാന് യാതൊരു കളിയും ഇല്ല എന്ന് മനസ്സിലായി....പാര്‍ട്ടിക്കാരായാണ് മിക്ക നടന്മാരും ഇതില്‍ ഉള്ളത്,പിന്നെ പാര്‍ട്ടി ഡയലോഗുകള്‍ക്കിടയില്‍ പശ്ചാത്തലസംഗീതം മുമ്പിറങ്ങിയ ലാല്‍ ജൊസ് പടം ‘അറബിക്കഥ’ യിലെ ഒരു പാട്ടിന്റെതാണ്(ചോര വീണ...).പിന്നെ വില്ലനായി സിദ്ദിഖ് നന്നായെങ്കിലും പഴയ വിഗ്ഗ് താടി വച്ച് ആള്‍മാറാട്ടം നടത്തന്‍ തന്നെയാണ് ഈ സിനിമയിലും ഉള്ളത്...പിന്നെ അവസാനം ഷാജിയുടെ ക്ലൈമാക്സിലെ “മറ്റൊരു വില്ലന്‍ “ പരിപാടി ഇതിലും ഉണ്ട്....കൂടെ നില്‍ക്കുന്നവരില്‍ ആരെങ്കിലും ആകണമല്ലോ അത്....അതാണ് ക്ലൈമാക്സ്....പിന്നെ വീണ്ടും ബൈക്ക് യാത്ര....പടം തീര്‍ന്നു.

#august 15 malayalam movie #mammootty #s n swami #malayalam movie august 15

എനി ഒരു ലോകകപ്പിനില്ലാതെ....

സച്ചിന്‍,പോണ്ടിംഗ്,കാലീസ് എന്നിങ്ങനെ യായിരുന്നു ആ പേരുകള്‍, ഇവര്‍ക്കിത് അവസാന ലോകകപ്പ്.ഇതില്‍ പോണ്ടിംഗ് ഒഴിച്ചാല്‍ മറ്റ് രണ്ട് പേര്‍ക്കും ലോകകപ്പ് അപ്രാപ്യമിരുന്നു, ഒരാള്‍ ബാറ്റിംഗിലെ സര്‍വ്വ റെക്കോര്‍ഡും തിരുത്തീയെഴുതിയയാള്‍ മറ്റേയാള്‍ ഏറ്റവും നല്ല ആള്‍‌റൌണ്ടര്‍,ഇവരില്‍ ഒരാള്‍ അല്ലെങ്കില്‍ 2 പേരും ലോകകപ്പില്ലാതെ കളി അവസാനിപ്പിക്കേണ്ടിവരും,.....എങ്കില്‍ അങ്ങനെ തന്നെ സംഭവിച്ചു, ഇതാ ഒരാള്‍ മടങ്ങൂന്നു, ഭാഗ്യം അത് സച്ചിനല്ല, പിന്നെ ആര്....അതെ കാലീസ്...പാവത്തിന് എനി ഒരു ലോകകപ്പ് ഉണ്ടാകുമോ? സച്ചിന്‍ കപ്പില്‍ മുത്തം ഇടുമോ?....കണ്ട് തന്നെ അറിയാം....

Earth Hour

ഞാന്‍ എര്‍ത്ത് അവറില്‍ പങ്കെടുത്തത് 2009 ആയിരുന്നു, അന്ന് എനിക്ക് വന്ന ഒരു ഇ-മെയില്‍ സന്ദേസത്തിലൂടെയാണ് ഞാന്‍ അതിനെക്കുറിച്ച് അറിഞ്ഞത്, അന്ന് അതിന്റെ പ്രചാരകന്‍ അമീര്‍ ഖാന്‍ ആയിരുന്നു,ഒരു അമീര്‍ ഖാന്‍ ഫാന്‍ ആയതിനാലാകം ഞാന്‍ അന്ന് പങ്കെടുത്തത്, പിന്നെ ഒരു രസത്തിനും, അന്ന് ഒരാളെ മത്രമേ എനിക്ക് കൂടെ പങ്കെടുപ്പിക്കാന്‍ സാധിച്ചുള്ളൂ,കൂടെ ഉണ്ടായിരുന്ന രണ്ടുപേര്‍ വെറും തമാശയായി കണ്ടു.2010 ലും ഞാന്‍ പങ്കെടുത്തു, പക്ഷെ കൂടെ കുറഞ്ഞത് 5 പേരെങ്കിലും പങ്കെടുപ്പിക്കാന്‍ കഴിഞ്ഞു, ഇത്തവണയും ഞാന്‍ പങ്കെടുക്കാന്‍ തീരുമാനിച്ഛു, ഫേസ്‌ബുക്കിലൂടെ കുറെ പേരെ ഞാന്‍ ഈ കാര്യം ഓര്‍മ്മിപ്പിച്ചിട്ടുണ്ട്,2010 ല്‍ വന്‍ വിജയമായ ഈ പരിപാടി കൂടുതല്‍ വിജയം കാണട്ടെ എന്ന് ആശംസിക്കുന്നു.......എന്നാല്‍ കഴിയുന്നത് ഞാന്‍ ഈ ലോകത്തിന് വേണ്ടി ചെയ്യുന്നു,..അത്ര മാത്രം.....

ക്യാപ്‌റ്റന്റെ ഇന്നിംഗ്‌സ്...

ക്യാപ്‌റ്റന്‍ എങ്ങനെ കളിക്കണം എന്ന് പോണ്ടിംഗ് കാണിച്ചുകൊടുത്തിട്ടും നമ്മുടെ ധോണിക്ക് മനസ്സിലായില്ല, ഫോം ഇല്ലാതിരുന്ന പൊണ്ടിംഗ് 104 റണ്‍ അടിച്ച് ഹീറോ ആയപ്പോള്‍ ഇന്ത്യക് വേണ്ടി നമ്മുടെ ക്യാ‍പ്‌റ്റന്റെ സംഭാവന 7 റണ്‍സ്,ടീമിലെ മറ്റംഗങ്ങള്‍ രണ്ടക്കം കടന്നപ്പോള്‍ നിസ്സാരമായ ഒരു ഷോട്ടിലൂടെ ടിയാന്‍ മടങ്ങി, കഴിഞ്ഞ 8 ഇന്നിംഗ്‌സുകളിലായി ആകെ എടുത്തത്125 റണ്‍സ്, അതായത് ശരിയായ വേസ്‌റ്റ്.....ശരിക്കും പറഞ്ഞാല്‍ നോക്കുകൂലി വാങ്ങുന്ന ഒരു ക്യാപ്‌റ്റന്‍

വിറയ്‌ക്കുന്നത് അവരോ അല്ല ഇവരോ?.....

24.3.11 ന് നടക്കാന്‍ പോകുന്ന ഇന്ത്യ-ആസ്‌ട്രേലിയ മത്‌സരത്തെക്കുറിച്ചാണ് ഞന്‍ പറയുന്നത്,എല്ലാവരും പറ്യുന്നു ആസ്‌ട്രേലിയ മോശം ഫോമിലാണ് എന്ന്, ആയിരിക്കാം, പക്ഷെ ഒന്ന് ചോദിച്ചോട്ടെ ഇന്ത്യയുടെ നില എന്താ???????11 അംഗ ടീമില്‍ കളിച്ചത് നാലോ അഞ്ചോ പേര്‍ മാത്രം,ധോണി ഇപ്പോള്‍ തോണിയിലാ‍ണ്, അതായത് തുഴച്ചില്‍....ക്രീസില്‍ എത്തിയാല്‍ തുടങ്ങും അയാളുടെ ഈ പരിപാടി.പന്ത് എറിയാന്‍ ഇഷ്‌ടം സഹീറിന് മാത്രം, നെഹ്രയും,മുനാഫും നടുവിന് കൈയും കൊടുത്ത് നില്‍ക്കുന്നത് കണ്ടാല്‍ സഹിക്കില്ല “എന്നെ എന്തിന് കളിക്കാന്‍ കൂട്ടി” എന്ന മട്ടാണ് അവന്‍‌മാര്‍ക്ക്, ബാറ്റിംഗില്‍ സച്ചിനും സെവാഗും ആവ്ശ്യത്തിന് യുവരാജും കളിക്കും.സച്ചിനും സെവാഗും പോയാല്‍ “എന്നെ ഒറ്റയ്‌ക്കാക്കി പോകല്ലേ ഞാനും വരുന്നു“ എന്ന പോലെ എല്ലാവരും ക്രീസ് ഒന്ന് ദര്‍ശിച്ച് മടങ്ങി വരുന്നു.......പിന്നെ ശ്രീശാന്ത് കളിക്കതിരിക്കുന്നതാണ് നല്ലത്......പന്തിനു പോലും അതാണ് നല്ലത്.........കണ്ട് തന്നെ അറിയാം......ആര് ആര്‍ക്ക് കുഴി തോണ്ടും എന്ന്....വണക്കം.......

മുട്ടന്‍ പണി....

സിനിമ കാണാന്‍ പോകുമ്പോള്‍ കമ്പനിയായി പോകുക എന്നത് രസമുള്ള കാര്യമാണ്.കഴിഞ്ഞ തവണ സിനിമ കാണാന്‍ പോയത് ഞങ്ങള്‍ 5 പേരാണ്,ഒരു ചെറിയ ബറ്റാലിയന്‍ ആയി...എനി ആണ് രസം.കിടിലന്‍ ഡയലോഗുകള്‍ ഇഷ്ടപ്പൊടുന്നവരാണല്ലോ നമ്മള്‍ മലയാളികള്‍, പക്ഷെ അത് നല്ല നടന്മാര്‍ പറയണം എന്ന് മാത്രം, കൂടെ പടം കാണുന്നവന്‍ പറഞ്ഞാ‍ലോ???? ഇവിടെ അങ്ങനെ ഒരു കാര്യം നടന്നു, കൂടെ വന്നവനില്‍ ഒരുവന്‍ സ്വയം ഡയലോഗുകള്‍ “കാച്ചാന്‍” മഹാ താത്‌പര്യമുള്ളവന്‍, ഈ കാര്യം മറ്റ് 4 പേര്‍ക്കും അറിയാം(അനുഭവം ഗുരു.....), സിനിമാ കൊട്ടയില്‍ ആദ്യം കയറിയത് ആ ടിയാനും പിന്നെ മറ്റൊരുവനും (അവന്റെ കാര്യം ഗോവിന്ദാ.....!!!!)ബാക്കിയുള്ളത് മൂന്നേ മൂന്ന് സീറ്റ്, എന്റെ കൂടെ ഉണ്ടായിരുന്ന മറ്റൊരു മഹാന്‍ തത്രപരമായി ഒരു സീറ്റ് വിട്ട് അകന്നിരുന്നു, എനി 2 സീറ്റ്,അടുത്തത് എന്റെ ഊഴം, ഞാന്‍ ചാടിവീണ് അടുത്ത സീറ്റ് പിടിച്ചു...പാ‍വം അഞ്ചാമന്‍, കുരുക്ക് അവന്റെ കഴുത്തില്‍..പിന്നെ നീണ്ട 3 മണിക്കുര്‍, തിരശ്ശീലയിലും, തൊട്ടടുത്ത് നിന്നുമായി അവന് ശരവര്‍ഷം പോലെ ഡയലോഗുകള്‍.....ഇടക്ക് അഞ്ചാമന്റെ മുഖത്ത് നോക്കിയപ്പോള്‍ ദയനീയമായി “എന്നോട് ഈ ചതി വേണമായിരുന്നോടോ” എന്ന മട്ടിലുള്ള അവസ്‌ഥ...അടിത്തിരുന്ന ഞങ്ങള്‍ 2 പേര്‍ ഇത് കണ്ടിരുന്നു, അവനോടുള്ള സഹതാപത്തിനേക്കാള്‍ രക്ഷപ്പെട്ടതിന്റെ ആശ്വാസമായിരുന്നു നമുക്ക്....ഒരു കാര്യം പറയാതെ വയ്യ സിനിമാ നന്നായി ആസ്വദിച്ചത് ഡയലോഗ് വീരന്‍ ആയിരുന്നു എന്നത് .......

#cinema

സിനിമാ നിരൂപണം....

സിനിമാ നിരൂപണമോ? “ബേണ്ടാത്ത പണിക്ക് പോണ്ടാ മോനെ, അന്നെക്കൊണ്ട് അതൊന്നും പറ്റൂല്ലാ” എന്ന് എന്റെ മലബാറി സുഹ്ര്യുത്തുക്കള്‍ പറയും എന്ന കാര്യത്തില്‍ ഒരു “ബേജാറും” വേണ്ട.പക്ഷെ ഞാന്‍ തുനിഞ്ഞിറങ്ങി...എന്നാല്‍ കേട്ടോളൂ പടം നമ്മുടെ ലാലേട്ടന്റെ ക്രിസ്‌ത്യന്‍ ബ്രതേര്‍സ്,താരങ്ങളൂടെ ഉന്തും തള്ളും ഉള്ള ഉരു യമകണ്ടന്‍ പടം, പക്ഷെ ട്വന്റി20 യുടെ ഒരു ആവര്‍ത്തനവിരസത തോന്നുന്നില്ലേ എന്ന് ഡൌട്ട്!!!!എന്തായാലും പടം കൊള്ളം, കണ്ടിരിക്കാന്‍ ഒരു “ഇത്ണ്ട്” ഏത്? ഒരു രസം.സാദാ അടി ഇടി പടം പോലെ ഇവിടെയും തോക്കും, വെടിയും പുകയും ഒക്കെയുണ്ട്(ഉണ്ടയുണ്ടോ? എന്ന് ചോദിക്കരുത് ഞാനത് കണ്ടില്ല), കൊലയും ഉണ്ട്, തേങ്ങാക്കൊല! അത് ഏത് സിനിമയിലാ ഇല്ലാത്തത് എന്ന് തോന്നാം,പക്ഷെ അത് കഴിഞ്ഞ് ഡയലോഗ് ലാലേട്ടന്‍ പറഞ്ഞാല്‍ അത് വേറെ....ദീപക് ദേവിന്റെ പാട്ട് കൊള്ളാം...ദിലീപിന്റെ കോമഡി (ഭാഗ്യം ഇപ്രാവശ്യം ട്രാജഡി ആയില്ല) കൊള്ളാം...സുരേഷ് ഗോപിയുടെ അഭിനയം കോള്ളാം.....എടുത്ത് പറയേണ്ടുന്നത് സായ്‌കുമാറിന്റെ അഭിനയം വാല്‍ക്കഷണം: ആനക്ക് ട്രൌസര്‍ അടിക്കുക എന്ന് കേട്ടിട്ടുണ്ടോ?ഇല്ലേങ്കില്‍ അങ്ങനെ ഒരു ചൊല്ല് ഉണ്ട്(സമ്മതിച്ച് തരണം....).ഇവിടെ ഇപ്പോള്‍ അത് കാവ്യ മാധവന് ജീന്‍സ് ഇടീക്കുക എന്നാക്കാം...മഹാ ബോറ്....പെറ്റ തള്ള കണ്ടാല്‍ സഹിക്കില്ല...ലണ്ടനിലായിരുന്നു പോലും ഷൂട്ടിങ്ങ്..അവളങ്ങാനും അവിടെ വീണിരുന്നെങ്കില്‍ ലണ്ടന്‍ കിടുങ്ങിയേനെ

അങ്ങാടിയില്‍ തോറ്റതിന് അമ്മയോട്........

ഈ ചൊല്ല് എല്ലാവര്‍ക്കും അറിയാം, “അല്ലപ്പാ അതിപ്പം ഇബ്‌ടെ പറയണ്ട കാര്യം എന്ത്ന്ന്” എന്ന് എന്നെപ്പോലുള്ള മലബാറികള്‍ ചിന്തിക്കും, കാര്യം ഉണ്ട്.....സ:വി എസിനെ മത്‌സരിപ്പിക്കേണ്ട എന്ന തീരുമാനം ആദ്യം ഉണ്ടായെങ്കിലും പിന്നീട് അത് പി.ബി.ഇടപെട്ട് തിരുത്തിയല്ലോ,യഥാര്‍ത്ഥത്തില്‍ തിരുത്തല്‍ നടന്നത് പാര്‍ട്ടിയിലെ സമുന്നതനായ ഒരു നേതാവിന്റെ തീരുമാനമാണ്(അതിനുള്ള അധികാരം ഉള്ളയാളാണ് ഈ ടിയാന്‍).പക്ഷെ പത്രസമ്മേളനത്തില്‍ ടിയാന്‍ പറഞ്ഞത് “ഞാനൊന്നും അറിയില്ല രാമ നാരായണാ” എന്ന രീതിയിലാണ്.പക്ഷെ ക്ലൈമാക്സ് ആയില്ലാ, മറ്റൊരു വെദിയില്‍ പഴി മുഴുവന്‍ പത്രക്കാര്‍ക്ക്, അപ്പോള്‍ നമ്മുടെ ചൊല്ല് സാര്‍ത്ഥകമായില്ലേ......എന്താ?............ അങ്ങാടിയില്‍ തോറ്റതിന് അമ്മയോട്........പണ്ട് മുത്തശ്ശിമാര്‍ പറയുന്നത് പോലെ “കലികാലം”

ഒടുവില്‍ വി.എസ് തന്നെ,,,,

അങ്ങനെ ഒടുവില്‍ വി എസിനെ മത്‌സരിപ്പിക്കാന്‍ തന്നെ പാ‍ര്‍ട്ടി തീരുമാനിച്ചു.ജനണ്‍ഗളുടെ വികാരം മാനിച്ഛാണോ എന്ന ചോദ്യത്തിന് ഉത്തരം നല്‍കാന്‍ പറ്റില്ല,കാരണം പര്‍ട്ടി ഔദ്യോഗികമായി ഒന്നും പറഞ്ഞിട്ടില്ലായിരുന്നു, അതായത് വി.എസ്.മത്‌സരിക്കുമോ അതോ ഇല്ലയോ? എന്ന്.പക്ഷെ ഒരു കാര്യം തീര്‍ച്ചയാക്കാം അവസാനം വിജയം ജനങ്ങള്‍ക്കും വി എസിനും മാത്രം വാല്‍ക്കഷണം: വി.എസിന്റെ അനുകൂലികള്‍ വി.എസിന്റെ ചിത്രം പതിച്ച ബനിയനുകള്‍ ധരിച്ഛപ്പോള്‍, നോക്കുകൂലി വാങ്ങി “കഷ്‌ടപ്പെട്ട്” ജീവിക്കുന്ന നമ്മുടെ തൊഴിലാളി സഖാക്കള്‍ അത് നിര്‍ബദ്ധമായി അഴിപ്പിച്ച് വസ്ത്രാക്ഷേപം ചെയ്ത് വാര്‍ത്തകളീല്‍ ഇടം പിടിച്ചു.(സ്ത്രീകള്‍ ഇടാത്തത് ഭാഗ്യം!!!)എനി ഇപ്പോള്‍ അവര്‍ തന്നെ ചിലപ്പോള്‍ ആ ബനിയന്‍ ഇടെണ്ടി വരും...കണ്ടു തന്നെ അറിയാം.....

വി.എസ്. ഇല്ലാതെ എന്ത് ഇലക്ഷന്‍ആഘോഷം.....

മലയാളത്തിലെ പ്രശസ്‌ത നടന്‍ പറഞ്ഞത് പൊലെ, വി.എസ്. ഇല്ലാതെ ഇടത് പക്ഷം ഇലക്ഷനെ നേരിടണോ??കഴിഞ്ഞ 5 വര്‍ഷം സര്‍ക്കാര്‍ എന്ത് ചെയ്‌തു എന്ന് ജനം ചോദിച്ചാല്‍ സര്‍ക്കാറിനും പര്‍ട്ടിക്കും പറായാന്‍ വി.എസി ന്റെ പ്രവര്‍ത്തികള്‍ മാത്രമേ ഉള്ളൂ.എന്നിട്ടും വി.എസിന് സീറ്റ് നിഷേധിച്ചത് തികച്ചൂം അസംബദ്ധം ആയി എന്നല്ലാതെ എന്ത് പറയാന്‍.പാര്‍ട്ടിയിലെ മഹാന്മാര്‍ പറയുന്നുണ്ടാകും “തോറ്റ് പ്രതിപക്ഷത്തിരുന്നാലും വി.എസ് മത്‌സരിക്കേണ്ടാ എന്ന്”,പണ്ടാരോ പറഞ്ഞത് പോലെ “ആങ്ങള പോയാലും വേണ്ടില്ല നാത്തൂന്റെ കണ്ണീര് കാണാം“ എന്ന അവസ്ഥയാണ് ഇപ്പോള്‍ നടന്ന് കൊണ്ടിരിക്കിന്നത്, ഇങ്ങനെ പോയാല്‍ എട്ട് നിലയില്‍ പൊട്ടൂ‍ൂംഎന്ന കാര്യത്തില്‍ ഒരു സംശയവും വേണ്ടാ.......നമ്മെ പോലുള്ള പാര്‍ട്ടി അനുഭാവികള്‍ക്കുള്ള ആകെ പ്രതീക്ഷ കഴിഞ്ഞ തവണ പോലെ അവസാനം വി.എസി നെ സ്ഥാനാര്‍ഥിയാക്കും എന്നാണ്....കണ്ട് തന്നെ അരിയാം.....പാ‍ര്‍ട്ടിയില്‍ നിന്ന് പോയവരെ കുലംകുത്തികള്‍ എന്ന് വിളിക്കുന്നവരെ തന്നെ എനി തിരിച്ചും അത് തന്നെ വിളിക്കേണ്ട അവസ്ഥ വരുമോ?

Trending Blogs

Recently Viewed Blogs

My tastes and views