[hagwaa]

تخسى اكتب لها قصيده خاصه لما تتعرفين على بنت وتصير من اعز صاحباتك وفجأه تغار وتقارن نفسها فيك وتتغير واخلاقها بخشمها واخر شي تسبك ! هذا اخر شي توقعتها منها وانها تسويه لي انا بالذات لكن اجر ان شاء الله 😂

اوكي يعني انتو صحبات؟

[hagwaa]

‏يا صدفةٍ تسوى عطايا زماني..

#hagwaa

[hagwaa]

ابيي شي عن الصدفه الله يعطيك العافيه

ابشري

[hagwaa]

ابي كلام يعني ببقى احبك رغم فراقنا يعني بكون احبك من بعيد مو لازم نكون نكلم بعض يارب فهمتيني

شوفي بداية اغنية ماجد المهندس رغم البعاد

[hagwaa]

ابغا كلام عن ان هذي سواتك وبان اصلك وهذي تربيتك ومستواك والحمدلله ربي بعدني عنك خيره لي واني من بعدك وانا بخير وكنتي جايبا لي هم وغثا ، ادري كثرت بس ابغا اوصلك الشرح بالضبط وشكرراً❤️

انتي يبيلك قصيدة خااصه😂❤️ اسمعي وليد الشامي طبعي من الله

[hagwaa]

تعديل* ابي كلام انك انت خنت واخترت البعد بيديك ليه جايني تترجاني الحين؟ ادري سواليف سوري😂

‏لا تجي بعضك ويبقى منك باقي

‏لا تجي نصك قسى ونصك شعور

‏يا تجي كلك على قدر اشتياقي

‏او كذا خلك على اخر ظهور

‏كل ما علمتك شلون التلاقي

‏تبني ما بيني وبينك الف سور

‏اختيارك بعد خل البعد راقي

‏لا تهين إحساس ولا تجرح شعور

[hagwaa]

والشوق لو اخفيه ياسعود .. قتّال!

#hagwaa

[hagwaa]

اللسان يخون والبسمه كذوب

‏واصدق التعبير نظرات العيون

#hagwaa

[hagwaa]

هاي ، ابي شي عن انه نظرات العيون اصدق شي وكذا بليز❤️

ابشري

[hagwaa]

انا مع شخص لي ٥ سنوات معه ، المهم صار بيننا شي قطعنا بعض شهر وانا يعني انه ابي ازين كل شي صار ونبدا علاقه جديده بس ياخي هو كلامه متذبذب مره يقول ما ودي ارجع بعلاقة مره يقول انتي كل شوي تتركيني وشفته بعدها رجع لي يومين كويس مره ويقول لي كلميني ويسأل وينك ومدري وشو بعدها رجع زي اول وكل ما اشوفه يناظرني ولما يجلس معي يقول انتبهي على نفسك زين طيب ومدري ايش ، الحين السؤال وش اسوي احاول اني ارجع كل شي ازين من اول لين انا اسحب وتطيب نفسي منه ؟ وترا كنا قراب من بعض بشكل مو طبيعي

طيب سوال، هل انتي من نوعية البنات اللي على اتفهه سبب تجيبين طاري التركه؟ او تطلبين بريك؟ اذا ايه فا عشان كذا الولد متغير، العيال مايحبون اللي يساومهم بالتركه والبنات طبعهم عاطفي فا مع الانفعال يتطرقون لهالباب، مع ان لو مشيتي من هالباب مارح يحس بالامان معاك وبيحسك مستبيعه فا عشان كذا يفضل ان التركه تجي منه ولا انها تجي منك، و واضح ان الولد يحبك من نظراته لك وتوصيته لك على نفسك.. فا انا احس راجعي تصرفاتك معاه وحاولي انك تسالينه عن هذا الانقلاب المفاجئ وايش اسبابه

[hagwaa]

3ndk c2?

No we don’t, but you can talk to us through dm’s if you want😘!

[hagwaa]

انا لي ثلاث سنين مع واحد لكن هو صاحبي واخوي وعيوني يعني علاقتنا جدا جميله وقرررررريب مره لكن بادي يتغير مره لدرجه صار لي موقف مفروض يوقف معاي ماوقف معاي مرت الايام وسألته قال فاقد الرغبه في اني اكلمك وانا ابيك لكن فيه شي يبعدني عنك انا انصدمت قلت ولو انا احتاجك ماتواسيني عشان ذا العذر البايخ! وش السوات بالله وش بيكون موقفك لو صار لك كذا تتركينه

مافيه شى اسمه يبعدني عنك خصوصا في وقت الحاجه، بالنهايه سواءاً كان حب او صداقه فا هي كلها مواقف، لكن عطيه وقته وخليه يفكر وخليك بارده عشان مايحس انه ضامنك.. لان الشخص لمن يحس انه ضامن اللي قدامه ١٠٠٪؜ يطفش، وممكن انه هو كمان طفش من الروتين ولا العلاقه، فا عطيه وقت بريك يبعد فيها ويشتاقلك ويفكر ولو يحبك صدق بيرجع وانتي ب هذا الوقت فكري في نفسك ودلعي نفسك خذيها فتره للنقاهه

[hagwaa]

أبيك تقول ولا تكذب تبيني صدق أو تلعب

ترا أصعب شعور اللي تكون تحب وما تنحب !

[hagwaa]

طحت على الاكاونت حقك بالصدفة هذا اول يوم لي في تمبلر.. الحمدلله على هالصدفة الي عرفتني على اكاونت كذا❤️❤️ بتابعك تويتر مره عجبتني😂❤️

شكرًا حبيبتي نورتي وأبركها من ساعة💙

[hagwaa]

ممكن كلام عن حب من طرف واحد.

كاتم شعور بقلبه الله يهديه

وانا اظن الوضع عادي بيننا

ما فهمته ما عرفته مدري ليه

كنت انا ضايع ولا ادري انا

ما قدر قلبه يطول اللي يبيه

المحبه من طرف واحد عنا..

[hagwaa]

Aby shy 3n “trktk 3shan el 9’roof wla ana 5a6ri fek ll7en bs 93b nrj3 mthl awal” .. thanks

Already answered 👇🏾

[hagwaa]

عادي تكتبين شيء عن ان ترا وجودك وعدمه واحد🌚😂؟ ومافرقت معي

ياجاهلٍ قدري شف شكثر عشاقي

‏ماتهزني دامك معجل بفرقاك

‏اقدر بدونك وكم فالزين بلاقي..