熱豆腐仔

喜歡文字 因為文字更能帶給讀者無窮想像。https://www.facebook.com/hothottofu

[hottofuzai-blog]

再大方嘅女朋友 都有呷醋嘅一日

情況就如，再鋒利嘅刀 都會有生銹嘅一日…

話說之前女朋友上咗嚟屋企，無意中喺枱面見到我隻手錶 . 「咦～隻錶幾靚喎，你幾時買架？」 我轉身望住佢手上攞緊前度送俾我隻錶 . 出事鳥！ . 「呃..人地送～」 「人地？你個ex 呀？！」 . 哇！！痴線！神探福爾摩斯呀！！ 阿爸、阿媽、阿哥、朋友親戚咁多人都唔估… 係要講埋呢啲衰嘢~ 但我又唔想呃佢. 「係…咁我見隻錶無壞..咪放係到..」 「唔洗咁緊張～我都無話叫你唔要隻錶..」 正當我放下心頭大石之際，佢無啦啦笑住叫我坐底.. ............................ . 「不過..拍咗拖咁耐都無聽你講過前度啲嘢..」 「嘻嘻～有咩好講..傻豬嚟～」 點住佢無出聲望住我，但我呢刻生命彷彿受到威脅… 「你有好多秘密咩～！？」 「無..無…呢個世界邊有咁多秘密ha…但我講完你唔好嬲..」 「我邊似咁小氣、咁易呷醋姐～」 如是者我就信咗佢 將以前同前度嘅嘢都講出嚟 . 我地點樣識、點樣同佢係樓下傾電話傾到唔捨得返屋企、係巴士站唔捨得分開 講講吓..就發覺開始唔對路.. . 「哇..你地都好開心喎～～」 從佢親切嘅笑容、微笑嘅眼睛.. 嗱嗱嗱～係咪衰呢，出事架嘛 講又死唔講又死，你話點搞嘞～ . 好難捉摸呀！！！ . 「同你一齊最開心啦～最多我以上嘅嘢全部同你做一次..唔好呷醋啦」 「我無呀！」 又嚟啦！！演藝嘅奴隸～ . 「我唔要再重複你地嘅事～因為我要同你有新嘅、只係屬於我地之間嘅事」 突然之間，我覺得女朋友變咗另一個人…好體貼、好窩心 . 我扮晒嘢周圍望 「你搵咩呀！」 「我想搵番自己女朋友，呢啲說話無理由係佢會講…」 「食屎啦！」 . 雖然係咁，其實女仔肯呷自己醋，都係一件開心幸福事 . P.S 前度同現任永遠都係有一種奇妙關係 . ig:hottofuzai . 同埸加映 寧願等多一班車，我都想陪多你一陣 https://www.facebook.com/hothottofu/photos/pb.1495196734076859.-2207520000.1461504826./1679636685632862/?type=3&theater 為左唔想收線，我傻到lift都唔入 企係樓下徘徊 https://www.facebook.com/hothottofu/photos/pb.1495196734076859.-2207520000.1461504826./1686090054987525/?type=3&theater

.

FB:https://www.facebook.com/hothottofu

IG:instagram.com/hottofuzai

Tumblr:https://www.tumblr.com/blog/hottofuzai

[hottofuzai-blog]

《只想你記得有我這個人曾經出現過》

生命中過客千萬人，或許現實生活不會像戲劇一樣誇張，因為穿越時空而忘記一個人 但一天你在街上遇見那熟悉又陌生的身影 那一刻，你可能也像是裝作失去記憶一樣 因為那個人，就是你的前度。 . 也許，你們有一段不快回憶 也許，當天有一方做錯事情 也許，你仍然耿耿於懷 但其實，已經不再重要 無論深愛過、討厭過；開心過、傷心過 那個他、那個她，當天的一對手、一個身軀，一切都已成過去 . 現實中，或許我們都希望有一個人可以像渠頭哥一樣，愛一個人愛到寧願將所有痛苦自己一個承受，明知對方將會消失在自己的世界，但仍然選擇這樣做 目的，就是為了她。 一切，只是為了她。 . 如果真的要選擇，你會希望永遠忘記那個她？ 還是，寧願獨自承受，也要將那段記憶永久保存心裡.. . 忘記，也許就不會再痛苦。 可是，當日的快樂也會同樣消失，就連回味的時刻也沒有了… 你，又捨得嗎.. . 人生匆匆數十年，我們錯過多少、又剩下多少.. 也許結局並不是預期，但我只希望你記得有我這個人曾經出現過，那就足夠了.. #記得比忘記痛苦 #但當真的要忘記 #你又捨得嗎 . P.S 集集都有睇 王浩信的確好正，唔怪得咁多人討論ha～ . ig:hottofuzai fb:熱豆腐仔 

FB:https://www.facebook.com/hothottofu

IG:instagram.com/hottofuzai

Tumblr:https://www.tumblr.com/blog/hottofuzai

[hottofuzai-blog]

如何哄回吃醋的女友- 【理想與現實版】 首先... 你要係宋仲基..haha #太陽的後裔 #宋仲基 #宋慧喬 #韓劇 #熱豆腐仔 . ig:hottofuzai fb:熱豆腐仔 . 同埸加映: 《第一次同女朋友去韓國玩，佢竟然叫我扮宋仲基》...

首先... 你要係宋仲基..haha

[hottofuzai-blog]

第一次同女朋友去韓國玩，佢竟然叫我扮宋仲基...

第一次同女朋友去韓國玩，真係好興奮又緊張呀

但原來好快就會見真章..佢竟然叫我扮宋仲基… . 有人話去過一次旅行，就會更加了解對方、認識更深，所以更加容易有磨擦 初初我都唔信..咪一齊去玩咋嘛，有咩問題姐 所以亦都有人話感情未夠深厚既，第一次會去好易出事 我唔信！我唔信呀！(方力申mode) 我咁愛佢 . 同女朋友單獨去旅行，講到「出事」通常都係班豬朋狗友叫我小心啲唔好做爸爸，就算出到國都要做足安全措施 Hi你！講呢啲 我職安真漢子黎架！ 不過同女朋友去旅行玩梗係開心架啦，邊有人會諗咩出唔出事 傻豬黎既，諗咁多 但估唔到我踏入飛機艙門個一刻，我最期待既畫面就出現了 . 「係喎，你有無租到wifi蛋？」 聽到呢個既陌生又熟悉既字詞，我好似出左事 「吓..唔係話你搞咩..」 . 有請黑面神！ 歡迎光臨，好耐無見，請問有咩幫到你 . 「喂大佬呀！我已經好忙架啦，又Plan行程又盛，叫你做少少野都唔記得！」 . . 無言的…親..親..親. 先生！有少少難聽... . 「Sorry..呃… 機埸有得買SIM卡架嘛，依加好方便架啦」 好彩我人有三急，急智生才 總算又再次拯救左地球 . 搭完一輪飛機真係人都散... 前面個BB仲要鬼殺咁嘈喊足3.6小時 . 今次真係喊出黎！ . . 輾轉反側，終於去到酒店。 check in完就梗係上房攤一攤先 女朋友突然攞張A4紙出黎比我睇 「BB我地等陣食完野就去shopping囉」 . 做咩姐你~ 「會唔會密左啲..你一個人買咁多野？」 係咪有時差呀？係咪天氣太凍呀？點解我口都震埋既 . 「呢啲我既，呢個我朋友既，呢個比媽咪既，呢個….」 呀呀呀！！！！好多人呀！！！好迫呀！！！ . 算！黎到韓國都預左佢會大手入貨 「但係你個gap..呃唔係..你個喼咁細，夠位咩？」 呢個時候佢已經展現左天真好邪既笑容，仲要望住我個行李仔 「嗱嗱嗱！！咪呀你..我都有野買架..」 「得啦~ 我放少少咋嘛」 . 少少… 無啦無啦..今次一定超額完成啦 . . 休息夠，我地就離開酒店出去行下 係浪漫既首爾街頭，真係忍唔住大叫一聲안녕하세요 an-nyeong-ha-se-yo 而我望住佢既眼神，就知道佢韓劇又上晒腦... . 雖然無可否認，劇入面啲仔仔囡囡又的確幾正幾吸引既，但始於現實還現實，理想還理想，又點可以… 「不如你扮宋仲基」 ……………… 我都未講完佢就亂入… . . 「下？要我扮哥基？」 「宋仲基呀！太陽的後裔呀！」 「哦…. Son of the Sun」 我咁好笑既笑話，女朋友無理到… 轉頭就攞左部手機出黎.. 「你等陣就個邊行過黎..我要拍片影住你」 雖然我單眼皮，身高接近180，體重71kg，星座係天蠍座，末代AL考生.. 其實全部都唔關事，但估唔到我都有今日 . 「得啦！拍完，去食飯！」 「未得呀，未得呀！玩多一個shot啦..呃…你扮佢挑走我部電話呀…不過用你個部..」 . 我..挑你... God Damn It . 係咪衰呢，係咪衰呢 都話唔好成日拍埋晒咁既劇本…教壞晒..做壞規矩 你話嗱..依加點算？ . 「你有冇睇架..咪有真人示範左唔得囉..我只係凡人黎架咋..」 「Umm..都岩..電話好貴..咁啦..我地轉第個情景」 呢一刻我真係笑而不語，究竟一個超級韓迷可以去到幾盡呢？ . 開始！ 我對住個鏡頭，好大聲叫一句「sa rang hae yo！！」 CUT~~!!!! ................. . 「男仔要講sa rang hae사랑해，女仔先係hae yo」 其實我唔知有咩分別..講真呢刻我寧願佢叫我扮哥基 汪汪汪！！！ 講乜都係汪汪汪！！ . 「OK！開始」 我帶點憤怒望住個鏡頭大叫 「sa rang hae(X你老X)」 . 就係咁..第一日黎到韓國就變左宋仲基... 唔得..真係要醫下個肚先，我驚好快升仙..真係做左太陽之子.. . P.S 大家身邊有無「韓劇導演」？一齊切磋下 ig:hottofuzai (無錯 點播室又係我) fb:熱豆腐仔 

FB:https://www.facebook.com/hothottofu

IG:instagram.com/hottofuzai

Tumblr:https://www.tumblr.com/blog/hottofuzai

[hottofuzai-blog]

【班房回憶】笑到痴線既校園軼事😂

中學係人生最難忘既成長階段之一，除左窩心熱血之外 相信班房都發生過唔少經典搞笑事，諗番都仲會笑到gap gap聲 以下部份係高登討論區集思廣益(揀左D比較好笑既share) 之後我都會講下自己經歷 . 中一隔離班有個同學上聖經堂畫左條丁係耶穌到，比呀sir發現 sir :你畫左啲咩係耶穌到？ :-( :冇出聲 sir :我問你畫左啲咩係耶穌到呀？ :-(: jerjer (細聲) sir:大聲啲！ :-(: jerjer!!!! (超大聲) 跟住成班笑到仆街😂😂 . 個同學訓左，呀蛇叫個同學起身答問題，隔離位同佢講刷黑板，真係出去刷😆 . 有次中文堂有篇課文係講古人如何賞菊。 然後有越黎越多同學開始淫笑，之後missy讀讀下都笑埋一份，然後全班失控大笑。 有人好大聲咁問：missy 你笑咩呀?😎 . 中學時就有個好肥o既肥婆 成日捉住啲男同學黎打 啲男同學又好鬼驚佢 見到佢走都走唔切 有次肥婆個髮型轉左 我食完飯番去啲男同學好似動物大遷徙咁係咁跑 再大叫 「快啲走啊！肥婆剪左頭髮威力勁啲咖」笑到high high 之後有一次班男同唔知做乜抬起頭來 拎住學生凳去搵肥婆 再大叫「叉野豬！叉野豬」然後逼左肥婆埋牆 學生凳四隻腳叉住牆 肥婆kick住係中間不繼掙扎 個樣仲好似想殺人咁濟 但個埸面真係好似漁農處捉野豬咁 好0好笑😂😂😂😂 . 個呀sir講講下書，突然有個女仔大嗌「收聲啦!」 呀sir O晒嘴😨，然後全班喪笑 其實個女仔係想鬧前面個乸形😂 . 有次個miss唔係好識用電腦，開word唔小心放到d字體好大 之後咁岩個“奶“字放到成個moon都係 有個同學指住個moon大叫：嘩好大個奶呀！ 之後全班爆笑，個miss個樣好老尷🙈😂 . 話說有條友成日幫手拉條screen落黎 但係佢得1米5幾 所以平時拉果陣都係跳高拉 有次佢跳左3次都拉唔中 無啦啦有條友大叫：三振出局！ 成班即刻靜左幾秒再一齊笑 連個miss都係😂😂 . 中學數學堂教整統計圖 阿sir對某女同學講: 比我望下你個bar🌝 . 小息完左開住門，然後啊sir已經入左黎 咁岩有個同學遲返，入黎就好大力'bom'埋道門，之後個啊sir同全班望住佢，隔左幾秒 SIR: 道歉呢？ 佢: 對唔住啊sir SIR: 唔係同我道歉啊，同道門道歉啊! 佢:.......對唔住門哥 全班:....傻仔啊😂😂😂 . 收埋部D電子念佛機係班房暗角位播 ... 個班主任以為撞鬼👻 . 有同學訓覺…阿SIR拍左兩下手…無反應…就一路拍… 我地幾個FD又跟住拍…好似鼓掌咁… 跟住阿SIR對住全班點一點個頭… 🌝 全班一齊鼓掌… 個同學半夢半醒咁跟住拍😂😂 . 有個死肥仔上中文堂訓教，訓到個miss話要隔離同學淋水落佢個頭度 個同學唔制 Miss真係走去淋佢，個肥仔即醒 個樣勁撚嬲 拍撚哂枱望住隔離個同學😂 個同學即刻話 唔係我呀唔係我呀😢😢😨 . -高登講完就到自己開心share-🙆🏻😎 . . 以下是小弟經歷~ 中四個陣同朋友係櫃桶玩緊PSP既足球GAME, 跟住補時入波忍唔住振臂大叫「YES！」💪🏻 MISS見我對住個櫃桶講野，就淫笑叫我個名 「你咁開心即係識答啦？」 我「………..」 😲 . 我地個班上堂好嘈，呀SIR講左幾次都無乜人理佢… 最後呀SIR發脾氣成支咪轟落張枱：「我唔教啦！」 全埸靜晒望住佢行出班房，但班友仔仲好似無事發生咁 而十秒之後呀SIR行番入黎…攞起支咪想講野個陣，先發覺支咪爛左… 呀SIR個樣灰到好似食左屎咁..但我地仲笑緊....😂😂😆 . 有次晨會集隊，校長係台上面講緊野，有個出左名幾「廢」既阿SIR疊紙比D風吹跌左，佢一路仆住咁追番D紙，最尾全埸人靜晒望住佢仆街 個時見到校長眼神明顯有D不屑，之後三個月後就無再見過佢🤔 . 有次8:03a.m就遲到同幾個朋友一齊跑番學校，因為8:05 就會閂閘💨 個個就好似陸運會一百米上身咁飛奔，成功入閘之後大門就真係閂左，呢個時候先發現肥東係閘門外好無奈咁望住個呀叔(校工) 而我地就笑到收唔到聲，仲好狗咁對住佢敬禮，就好似零零漆咁揮手講byebye👋🏻😆 . . #多少往事甜在心頭 那些年課室中的笑喊位，你地仲記唔記得呢？:) 開心share啦，可能當年既同學仔會有共嗚架haha . P.S 我發覺唔止班學生痴線… 原來有D呀SIR MISS都係痴L線 Credit: HKGolden 原Post: http://forum7.hkgolden.com/view.aspx?type=EP&message=6255384                                                           

FB:https://www.facebook.com/hothottofu

IG:instagram.com/hottofuzai

Tumblr:https://www.tumblr.com/blog/hottofuzai

[hottofuzai-blog]

《為左唔想收線，我傻到lift都唔入 企係樓下徘徊 》

熱豆腐仔:「因為我怕話題終止左...就再無藉口打比你」

曖昧讓人變得貪心 那年為你做既傻事又點止唔上巴士咁少... . 流行曲有云：戀愛大過天 第一次嗅到戀愛氣味既男女就好似中左毒一樣，不能自拔 而呢一種毒就彷彿世上只有一隻解藥， 呢一個晚上，我又中左毒.. . . 當我正正係歸家既路途上面，發現你突然打比我 我望住部電話突然有點不知所措，始終我地傾電話既次數唔多.. . 我故意chok一chok左自己把聲先肯接，仲要帶極度溫柔既語氣 就好似變左林峰一樣 . 「你返到屋企未呀？」 「我差唔多返到啦，你呢～」 「我返到啦，所以第一次時間同你報平安囉haha」 「哈哈，好聽話喎～」 說時慢那時快，轉眼間自己已經到左屋企樓下 「係呢，不如你陪我傾陣電話呀」 突然聽到對方呢一個請求，試問我如何說不呢 我望住樓下道大閘，為左唔想叫你收線，我竟然傻到lift都唔入...一個人企係大堂 「好呀～」 . . 對話之中都係一D肉麻到痺既內容，旁邊既人都係盡量唔好聽太多 唔經唔覺已經講左15分鐘，我係大堂望住架lift不停咁來回上落幾十次 但係，我一次都無入到 期間我真係好怕保安叔叔會走過黎以為係陌生人或者痴線佬，唔知係到打咩主意 所以我最後決定行番出去 . . 呢個時候就見到隔離單位個陳師奶落街散步，佢望一望我，大家互相微笑點下頭佢就離開左 「係囉，我覺得個主角真係好衰囉～」 「係囉，好彩你唔係咁姐haha」 「呵，唔知架haha～睇下D人對我好唔好囉」 「我知你實唔捨得既ha」 . 嗱！講左架啦～實係肉麻到痺架 我知架喎～ . . 傾電話呢樣野，原來真係可以甜蜜到一發不可收拾 唔經唔覺已經接近一個鐘，就連陳師奶都已經散完步返黎 從佢咁驚奇既眼神得知，心諗一定覺得你係無帶鎖匙，有家歸不得既慘慘豬 . 而我又再尷尷尬尬打個招呼就轉身離開 . 或者係外人角度真係覺得好慘，係樓下企住吹風吹左成粒鐘 但係你耳邊聽住佢把聲，心入面始終會不自覺咁微笑 . 此時此刻，對方終於突然盲腸 「你個邊咁嘈既？咩你仲未返到屋企咩？又話就到既」 「吓..其實，我….到左樓下啦」 「你岩岩就係一直係樓下陪我傾計？傻架咩你～～」 「haha..我唔捨得叫你收線呀嘛…」 「傻佬黎架，快D返去啦…出面好凍呀！下次記得同我講啦」 聽見對方咁關心自己既語氣 只係吹風一個鐘，又算得係乜 . 傾電話相信係曖昧男女間另一種必做既甜蜜行為，尤其深宵夜埸 當你係張床上面碌來碌去成幾個鍾都未訓教，就係為左同對方進一步連繫 係夜幕低垂之下既環境，大家都似乎表現得更加大膽，說話更加骨痺 恨不得即刻飛奔去你屋企一樣，將你一擁入懷 . 呀～變態!!! 但又真係幾sweet既:) . . 即使現今科技已經進步到又test又voice msg，但始終都比唔上傾電話個種即時性既互動同專注 用wtsapp、wechat個類你可以同時間同好多對象一齊傾計，甚至應應下唔見左人都可以 但如果一個人肯同你煲電話粥，代表佢真係願意專心咁花時間同精神係你身上 . 呢一種另類既「專一」，係通訊軟件比唔到你既感覺 . 有時候 我為左陪你傾電話，即使好夜好眼訓我都覺得值得 因為我知道電話另一端既你，同樣為我而選擇不眠亦不休 . 得閒無野做既，咪多D打比佢囉~ (呃唔係.. 有野做都可以打既.. ) . P.S 曖昧熱戀既男女，總係特別有精神動力( 但Only You)

                                                        FB:https://www.facebook.com/hothottofu

IG:instagram.com/hottofuzai

Tumblr:https://www.tumblr.com/blog/hottofuzai

[hottofuzai-blog]

《寧願等多一班車，我都想陪多你一陣》

＊真人真事

有人話「曖昧」係最正最爽皮既階段，個種大家都捉唔透、望唔透，但又好想靠近既感覺真係既神秘又興奮

對方每一個若隱若現既行為都可以令你十分期待 有時可能會無乜話題，但大家似乎都好鍾意同享受

呢種感覺，你仲記得嗎？ .

「我今日玩到好開心呀…多謝你~」

「haha我都係呀~」

兩個就係咁企左係條街到，有種難捨難離既感覺 或者第一次見面，呢種離別感覺更加強烈 .

「不如…我陪你等車呀..」

男方終於鼓起勇氣，踏出第一步 而Tracy亦點點頭，一個微笑示好

畢竟兩個都未曾拍過拖 對方每一言一語、每一個行為都衝擊緊自己感官 .

街邊太多人與車 沿住巴士站既長龍，兩個嘗試緊不斷去搵話題

「係呢，你等陣搭咩車走呀？」

Tracy望住阿賢，而對方又有少少面紅回避佢眼神 .

「呃..呃….好似..我對面都有巴士…118」

「118？我屋企樓下都好似有喎～」

「真係架？但你唔係住南昌咩？」

「係呀～架巴士會去旺角方向架嘛～」

阿賢對於平時自己搭開既巴士路線，點都會有印象 .

「但係..好似唔經南昌..係咪長沙灣個邊呀？」

Tracy 係一個典型既路痴，只有中四既佢並唔知道太多交通路線

「好似係…南昌都好似幾近長沙灣~你信我啦」

如是者巴士路線就成為左兩個之間既話題

當你鍾意對方，真係咩都傾到一餐 .

「咁好啦我同你一齊上車，順便送埋你返屋企先再搭車走啦。不過如果你記錯，就要送我返屋企haha」

可能Tracy就係等緊阿賢呢一句說話

「吓！唔制haha」 .

未久，巴士就已經埋站

其實阿賢本身住港島，明明附近都有車可以返屋企，但可能心入面都想再同Tracy相處多一陣，所以最後都決定一齊上車

只係幾個站既時間，原來Tracy真係住得好近 但同時阿賢開始覺得唔對路..發覺平時118真係好似唔經呢到

但既然都已經上左車，就硬住頭皮繼續去 .

一落到車阿賢真係知道應該「奶左野」，發現周圍既環境都唔同左

「Tracy..呢到好似…我印象中好似架車唔係呢邊…」

「咩呀..無理由喎..我記得個就係個到」

Tracy指住前面一個車站 但阿賢仍然覺得唔對路，但避免Tracy唔開心都覺得唔緊要 . . 或者處於曖昧階段既兩人都真係好著緊對方想法，如果比著平時個FD老點左你仲唔粗口都出埋咩！

而兩個人最後就好似遊客咁逐個逐個車站牌去睇 .

「無喎..」

「前面仲有」

呢個時候佢地同時間望住其中一個車牌..寫住18.. .

「哈哈..點解會少左個1字既」

Tracy用一個笑容去逃避呢個事實

而對呢個情況，阿賢都只可以一齊去笑

「你死啦，你要送我返屋企啦haha」

「吓…唔好啦…放心…我會幫你搵到既..ha」

「講笑姐，放心啦，我會搵到架！不過我要睇下自己係邊先！」

阿賢就攞左個google map出黎 .

「我知啦，我行番出去長沙灣個邊就有巴士啦」

「咁我陪你過去啦」

「唔洗啦，都到左你樓下，不如..我送埋你返去先啦」

「唔洗啦..我陪你等埋車先啦」

兩個又再次拉拉扯扯 其實，大家都唔捨得對方 .

最後變左好似情侶一樣飯後散步，一齊行去長沙灣 .

呢個時間又唔知點解條街無乜人，又或者好少人會行呢段路 就係呢十幾分鐘，成個世界就真係得番兩個人

雖然雙方都無乜講野，但相信佢地好想條路可以長D .

「咦，係咪你架車呀？」

突間一架118係馬路經過

「算啦，我廢時跑，好快有下架」

而可能因為岩岩走左車，個站完全無人排隊 .

「你依加仲有冇咁凍呀？」

阿賢突然碰一碰Tracy隻手

「依加好D啦」

「但你都仲係凍喎」

阿賢突然將自己雙手包圍住Tracy雙手

「你等陣返到去記得wtsapp我，小心D」

「嗯.」 .

五分鐘又有架118黎緊 歡樂既時光過得真係特別快

「你..有車黎啦」

Tracy望住遠處既巴士，嘴內頭非常之依依不捨

阿賢見到佢咁既樣，都有D唔係好捨得

曾經佢有諗過再陪番Tracy返屋企先..但係最後都無做 . .

而就係巴士埋站之際，阿賢並無走上車

「你做咩呀，架車走啦～」

阿賢仲係原地不動，最後兩個一齊望住架巴士離開 .

「我..想陪多你一陣…」

從Tracy呢刻既笑容，相信已經勝過一切千言萬語 就係咁，佢地兩個就傻下傻下咁繼續吹風 . .

初戀之所以咁難忘、深刻 係因為大家都會不知覺咁為對方做一D好傻既事 .

為左你唔捨得上車，為左你願意一齊係街到吹風 你一笑一動都彷彿牽動著我，離別之時還將手牽到最後一刻先放開

係旁人眼中或者你地兩個真係傻傻地 但呢種傻事，絕對成為初戀其中一個印記 .

其實自己都唔知點解會咁 但淨係知道…我只想陪多你一陣 . .

年月流逝，或者好多人拍耐左拖已經忘記左最初既呢種感覺

那些年呢D傻事、呢份甜蜜，你地仲記得幾多呢？                                                               

FB:https://www.facebook.com/hothottofu

IG:instagram.com/hottofuzai

Tumblr:https://www.tumblr.com/blog/hottofuzai

[hottofuzai-blog]

《你說你好累 已無法再愛上誰》

當你愛一個人愛得很累的時候，你變得冷淡 很想放手

可是，其實對方面對你的冷淡，同樣也會很累..

.

這城市中的小巷，雨下一整晚 我駕著車來等候你，只是遲遲還未看到你的身影

我開始有點擔心，你會發生了什麼事嗎 於是我也忍不著撥動電話 .

那接駁鈴聲，怎麼你早就換了別的？ .

「我到了，你在那？」

「家」

「那…為什麼不出來..？」

電話內頭的她，語氣早就不同了 .

愛情變淡，很多時候都不是一朝一夕的事 也許，只有我仍然懵然不知吧 .

「這天…我很累..」

「但是我已經到了，你能出來一會兒嗎，我就在你家門前」

「嗯」

我忍受著風雨，一直奔跑到你家的門前 此刻，我感受到你的不妥

遠處看著你側臉，只是依舊很美 .

「你是那裡不舒服嗎？」

只見你搖搖頭

這短短的距離，你站的方位，卻跟我中間隔著淚 .

我不明白，我也不懂得 .

我將眼光慢慢追近你，卻竟聽見你的哭泣聲

「你..沒事吧..」

「對不起…我真的很累…」

我只能無奈地看著她 .

這一種感覺，是無能為力 . .

有些事我們一直很努力付出和經營，只是愛情並不是單方面付出就有結果

微弱燈光下，我看著中間隔著一道無型的牆 .

你的手，亦不再牽著我 .

我應該怎樣做才能留住這段記憶，我應該怎樣做才可以留住你 多給我兩分鐘，原來也改變不了什麼 .

我看著驟變的天空，不斷在車窗外面徘徊

你轉身向背，遠遠離開了 .

看著後視鏡裡的世界，只是越來越遠的道別

眼見街景一直在後退，我的崩潰亦在窗外零碎

「對不起，我們分手吧。我不知道如何再跟你相處下去，每次見面我們都吵架，我真的很累、很累，不想再糾纏在這裡…對不起」

手機傳來了她最後的告別 而我的眼框早已經淚水朦朧了視線 .

「你有別的男生？」

「不是。只是我真的很累…」

我沒有再追問，反正你都要離開了 .

這年冬天，離開有你的季節

車輛飛快在公路上奔馳 我踏盡油門加速超越，卻甩不掉緊緊跟隨的傷悲

這一個彎位任憑方向盤怎樣轉動，卻只是迴轉著我的後悔 .

也許，是我未夠好 .

一句對不起，真的有用嗎 一句我很累，就結束了嗎 .

‪#‎風在山路吹‬ ‪#‎過往的畫面全都是我不對‬ ‪#‎停止狼狽‬ ‪#‎就讓錯純粹‬ .

後視鏡中看著自己的樣子

原來，愛一個人真的會很累... .                                                             

FB:https://www.facebook.com/hothottofu

IG:instagram.com/hottofuzai

Tumblr:https://www.tumblr.com/blog/hottofuzai

[hottofuzai-blog]

《一眼百年》

戀愛旅途你我跌跌撞撞，尋尋覓覓

有人花光氣力，努力去忘記一個人 有人費盡方法，只想去記起一個人

曾經牽過的手，輕輕揮過衣袖 卻再也沒然後 曾經的動人記憶，亦只限留在今夕 .

越想忘記，越是記起 想記住的，卻忘了愛

遺下的，就只有最後嘆息 .

誰都曾經用心愛過，更耗盡了畢生的氣力 .

假若他朝一覺醒來，我忘了你的話 如果記憶是這樣痛苦的話

如果難過，請你忘了我 .

記住　忘記我 再沒有不散落筵席 . .

曾經深愛過，無論是忘記或是記得，原來都是一個好不了的傷口

一轉眼，已百年。 .

‪#‎遺下最後嘆息漫無目的‬ ‪#‎願忘掉朝夕‬

‪#‎記住忘記我再沒有不散落筵席‬                                                             

FB:https://www.facebook.com/hothottofu

IG:instagram.com/hottofuzai

Tumblr:https://www.tumblr.com/blog/hottofuzai

[hottofuzai-blog]

《陌路人》

「你永遠都記得，這段日子內，你們的生命曾經交疊在一起 。」

「如一天我們分開了，你覺得我們會怎樣？」

「說什麼啦！」

「沒有啊，只是假如…」

「我不要去想啦！我們不會分開的」 .

我們會互相憎恨對方嗎？

我們…還會保持聯絡嗎？ .

或許，我們就永遠消失在對方的生活圈子內

當朋友問起時，你只能帶點微笑搖搖頭… 然後假裝開心沒事一樣帶過 .

但你永遠都記得，這段日子內，你們的生命曾經交疊在一起 . .

習慣了每天聽你分享生活細節 大家曾經走過的每段路、每個街口，都留下了彼此的足印

我們都很努力為大家的戀情拼湊、一起見證成長

一切一切，你還記得嗎？ .

也許當天你為了他，令自己在其他人的圈子中消失了一陣子

「又不出來吃飯？說好的聚會呢！」

「對不起啦，我約了她吃飯…」

你像是花了全部的心機在對方身上，差點連自己的呼吸都忘了

可是一天即使多麼不願，還是發生了 .

這位陌路人，沒想過最後真的出現了一個安全的天空界線 .

每天我們會遇到很多見過或者從來沒見過的人

迷迷離離，行色匆匆，彼此擦身而過 .

遠處的那位，印象是那個漸行漸近的身影

突然這刻你有點不知所措，只知道想在人來人往的人海中回避 .

你向左走，我卻故意向右走 那個他..為何你會怕再次遇上呢..？ .

是你不知道有何話題？

還是你已經不知如何面對？

可是地球還真的是圓的，世界還真的這麼細小 .

你故意抄別的路 原來…對方亦一樣..

是緣是份？你也弄不清楚 大家都轉了個圈，卻走到了遇見的起點 .

也許，我只能笑著帶過 .

你我輕輕擦過，已經再沒有話題可以說了 . .

原來回憶都是我 好不了的傷口 .

今天偶然的相逢，也只能說是偶然

我一個人孤零地站著看著，寒冷的風和雨點無情地拍打在臉上，可是也彷彿再毫無知覺… .

不是說已經沒事了嗎？ .

這條舊路上我依舊走左笑左

但是，怎麼眼淚像是落了下來..

‪#‎終於聽見下雨的聲音‬ ‪#‎於是我的世界被吵醒‬

‪#‎就怕情緒紅了眼睛‬ ‪#‎不捨的淚在彼此的臉上透明‬

發現你始終 很靠近

FB:https://www.facebook.com/hothottofu

IG:instagram.com/hottofuzai

Tumblr:https://www.tumblr.com/blog/hottofuzai

[hottofuzai-blog]

【聽。回憶】屬於我們青澀的學生時代

那首曾經K房熱唱的飲歌，那個曾經插班生甲的他，原來都不曾忘記...

歌曲仍然這麼鏗鏘，回憶仍然這樣深刻   

「 ‪‎無論日後路怎麼走‬　 彼此老友角色似舊‬ 」

聽著一首一首熟悉的旋律，回憶會一段一段在你腦海不斷浮現嗎？

‪#‎原來朋友仔感情再天真‬

在演唱會伴隨你左右的，是你認識多年的閨蜜好友嗎？

‪#‎亦是我永遠也會愛惜的人‬

這天演唱會上，你們彷彿回到上課的第一天 .

校園鐘聲響起，每天也想著課室內那個鄰座密友 還記得誰通電至夜深也不願掛線嗎？

‪#‎無論是為甚麼都好首先最錯我的態度‬

也許你們曾為一些誤會而爭吵 也許你們曾為那個他而妒忌 .

也許我曾經責罵你 對不起，只因我常常在你附近，便拿著你出氣 .

如果一天你愛著他人，也記住別忘了我..知道嗎..

你的愛將會被分了一半，但剩餘的還要記住留給我..好嗎

‪#‎原來朋友比戀人更高分‬ ‪#‎亦讓我開始懂得不記恨‬

這段友情得來不易

年月流逝，更加發覺原來這份情已經不是愛情可以取替了 .

愛情令人開心，也令人傷心，感謝你在我失戀時仍然在我左右… 我們都長大了，不會再因小事而責怪你..

‪#‎若大家都敏感我更要永遠記得拒絕再因小事怪人‬ .

脫下校服，踏入社會，很多事再沒有校訓可以跟隨

無論日後失意失戀，遇上什麼困難，沿途即使顛簸也記著有我為你打氣 .

離開校園多年，在社會鬧市中，你我再次握握手　 只想你以後　有眼淚　放心流 .

因為我會在你的左右

‪#‎無論日後路怎麼走‬　 ‪#‎彼此老友角色似舊‬

不用怕會麻煩我，不用怕會打擾我

因為冷淡更加令人難受 . .

當有天你穿上畢業袍、套上了婚紗，希望站在你左右為你高興的仍然是我

就如當日紀念冊上的話語一樣　 .

「萬里長城長又長 我倆友誼比它長」

‪#‎我也不想記起為當天襯衫似你便心急妒忌‬ .

這天，你們不再為了相同的衣著而感到氣憤，反之更相擁合照 此刻，你更學會珍惜這段時光 .

即使演唱會完埸散席，但彼此的回憶卻不會淡忘.. .

P.S 朋友仔，你記得嗎 不彷跟你的閨蜜說聲愛你，男生怕尷尬咪tag下佢囉~ (又比人話hehe)

‪#‎Twins2015‬ ‪#‎LOL‬ ‪#‎演唱會‬ ‪#‎我的少男少女時代‬ ‪#‎中學回憶‬

FB:https://www.facebook.com/hothottofu

IG:instagram.com/hottofuzai

Tumblr:https://www.tumblr.com/blog/hottofuzai

[hottofuzai-blog]

《那些年 我SMS你》

熱豆腐仔:「個陣電話無得上網都成日攞住部手機..其實就係為左同你SMS...」

記得中二個年鬧出個笑話 我同個心儀既女同學講遲D SM你 之後…佢就當左我係變態.. . 其實..我只係想SMS你咋… . SMS，全名叫做Short Message Service 係Smartphone仲未普及既年代，除左煲電話粥之外，好多時候大家都係SMS或者MSN去互相聯絡 如果你要鬥年紀大既，你都可以講埋ICQ既… . 記得我間中學係東區，唔知點解班上面好多人都係用緊「李嘉誠」台，有Ｄ明明本身唔係既，但為左追個女仔都專登去轉台 . 點解？因為大家都知道同台SMS係唔洗錢架 如果要收錢既話，男女神本身想回你都唔得啦 . 個時仲係用緊細細部既接機、推機，邊有話依加成隻手掌咁大部，真係分分鐘仲大過你塊面 記得個陣第一句同女神SMS既開埸白係咁 「你係咪都係X台架？:)」 「係呀 你又知既？」 . 「haha我估架咋」 「哦」 . 其實邊有話估，一早做足功課啦 雖然女神回應極其冷淡，但個陣時已經好滿足開心 . 可能個陣無得check佢係咪「在線上」，唔知佢係咪雙藍剔「已讀不回」 每日都痴痴的等，個種又期待又興奮既心情真係好鬼正 . 直到同女神既對話有進一步發展，個種坐過山車既起伏真係爽到甩皮 點知有進展？睇佢表情符號啦 個陣時SMS仲未有wtsapp咁多選擇，而且唔係每部機都有內置emoj 所以最常用既就係傳統式。姐係: :) :P :D :( :S :@ :*  etc 其實真係好重要,你睇下個效果 . 我「哈哈呢個好似你呀:P」 女神「食屎啦:P」 內心感受: 睇得出女神鍾意一齊講笑 . 我「哈哈呢個好似你呀:P」 女神「食屎啦」 內心感受: 睇得出女神真係想我食屎 . 同你既愛人曖昧過～ 「你去左邊呀:D」 「你屋企樓下囉:P」 「haha咁你仲快D上黎」 「等你落黎接我:P」 . 曖昧既感覺，實在太狂妄啦～ . 即使最後無一齊到，但呢一刻既滿足快樂 我真係忘記唔到.. . 基本上個時個電話淨係通話同SMS功能，出街都唔會上網做其他野 個陣我地成日攞住部電話唔係上網唔係睇新聞… 而係為左同你SMS… . 尤其當年青澀既學生時代用SMS表白過既.. 呢段回憶就更加刻骨銘心 . . 那些年..仲記唔記得比人SM過:)？ 

FB:https://www.facebook.com/hothottofu

IG:instagram.com/hottofuzai

Tumblr:https://www.tumblr.com/blog/hottofuzai

[hottofuzai-blog]

《我的小童時代》

熱豆腐仔:「 相信係每個人心中，都有屬於自己一個美好既小童時代」

話說琴日咁岩我day off唔洗返工，又咁岩我阿姨有野做，於是我受母親大人之命去幫手接我小三既表弟放學，話怕得佢一個人係屋企會有危險。 . 既然人命關天，於是我大約三點幾就去左表弟間小學等佢 . 無錯..原來好多小學早就已變左全日制返學，比起當年我剩係返上下午校真係辛苦少少 一返到屋企，表弟衫褲都唔換就坐係梳發玩手機，不斷對住個屏幕係咁掃..呢一種勤力同專注..又點會係讀書個到出現.. 或者每個小學雞都一樣，讀書就眼訓，打機就精神 . . 百無聊賴，甚少玩手機遊戲既我就打開電視，睇下有咩好睇.. 始終自從升左中學之後，實在好似無係呢段「卡通時間」睇電視… 又或者我已經同卡通脫左節.. 我望住部電視機..我睇唔透.. . 「俊賢，你知唔知呢套野咩黎架？」 「唔知」 . 佢一眼都無望過我，仍然好專心咁係屏幕上面掃下掃下 . 「你平時放學唔睇卡通片架咩？」 我對住部電視..就好似自言自語咁 大概十秒之後，佢先反問我 . 「吓？咩呀」 「我話，你平時放學唔睇卡通片架咩？」 「無呀，好無聊架D野」 . 但我仲睇緊一套比小朋友話無聊既卡通片… 身為一個理科生，追求真相係我地既使命 呢個時候我就攞左部電話，搵下TVB個節目表睇下咩名 3:45PM 寶石寵物III 4:15PM 大頭公主愛作戰 4:50PM Think big 天地 5:20PM Smile光之美少女 . ……................... . 或者我真係見識少，對於呢Ｄ名真係一頭霧水 . 然而近日上映既《數碼暴龍大冒險tri》又牽起一陣話題，每個人都即刻「想當年」 的確當年，我記得「小學雞」時代每一日放學第一時間衝番屋企就係為左打開電視睇卡通片。 當然更加唔少得熱血既數碼暴龍，一聽到進化歌我都忍唔住一齊跟住轉圈 . 超人迪加、數碼暴龍、寵物小精靈、百變小櫻Magic咭、IQ博士、多啦A夢、蠟筆小新、超速搖搖、外星毛查查、超級小黑咪、足球小將、BomBom彈珠人、櫻桃小丸子等等，實在多到不能盡錄 . 二十大90後最愛的粵語卡通片 https://www.youtube.com/watch?v=UK05Zxw_z58 90後經典卡通片主題曲 https://www.youtube.com/watch?v=1i_zlLBtrZw . 就算去到星期六日既時間都唔會放過每一套 好多都陪伴我成長，渡過愉快既童年，依加諗番都仲好有畫面 . 反而到左呢個年代連卡通片都好似無乜人睇…咁唔好仲講咩兒歌.. 又或者係因為近年既質素真係大不如前，加上智能手機已經成為新一代小學雞既玩物 . 一切一切更加令我諗番起當年除左睇卡通片之外，仲有十大兒歌金曲頒獎典禮，個時既我真係會坐停停係電視機面前 . 數碼暴龍 1 (自動勝利 Let's Fight) - 鄭伊健] 踢出我天地 (黃金入球) - 周國賢 數碼暴龍 3 (馴獸師之王) - 林峰 超級小黑咪 - 陳慧琳 櫻桃小丸子 (問題天天都多) - 歐倩怡 哈姆太郎 (跅跅步哈姆太郎) - Twins 寵物小精靈 - 陳浩民 百變小櫻Magic咭 (百變小櫻) - 曾嘉莉 鋼之鍊金術師 (不死傳說) - 陳奕迅 激鬥戰車 (一千倍動能) - 蕭正楠 美少女戰士 - 周慧敏 王馨平 湯寶如 外星毛查查 (我愛毛查查) - 古巨基 叮噹 / 多啦A夢 - 陳慧琳 . 十大兒歌金曲頒獎典禮表演片段 (上) https://www.facebook.com/jackzblog/videos/vl.685027744966527/1197123113636531/?type=1&theater 十大兒歌金曲頒獎典禮表演片段 (下)： https://www.facebook.com/jackzblog/videos/1197533426928833/ （轉載至 Jackz） . 太多太多實在數唔晒，但又出奇地好聽 呢D真係一種好好既童年回憶 . 個人甚至覺得林峰首數碼暴龍3 (馴獸師之王) 直頭好聽過佢個D 「Chok」多多聲… 講真個句，我真係幾幸運自己係屬於果個年代既小學雞. . 回看番我表弟，都好過好似佢咁日日玩手機.. 「俊賢，咁你平時上堂有冇睇ETV架？」 「一時時啦，唔好阻住我打機啦！」 . …………… . 依加D細路真係好忙，不過講起ETV又諗番起一段學校回憶 「一里通馬國明」 相信唔洗講，好多人聽到都識繼續唱落去 . 教育電視(ETV)片頭主題曲 https://www.facebook.com/jackzblog/videos/vl.685027744966527/1198445223504320/?type=1&theater （轉載至 @ Jackz） . . 或者，呢一種就係我地80-90年代共同擁有既回憶！ . . . . 回望我表弟打機打到頭都側埋.. 相信係每個人心中，都有屬於自己一個美好既《我的小童時代》 . P.S 老啦老啦,已經要開始想當年.. frown 表情符號 題外話 [蠟筆小新] 大家有無諗如果小新小葵生得似佢老豆廣志會係點... 小弟係ig畫左張圖,haha 歡迎黎恥笑下我:P Ig: hottofuzai

                                                     FB:https://www.facebook.com/hothottofu

IG:instagram.com/hottofuzai

Tumblr:https://www.tumblr.com/blog/hottofuzai

[hottofuzai-blog]

《男鞋子》

女孩說:「也許，男人就像鞋子一樣。」

一天女孩在櫥窗外看見一對心儀的鞋子，難得遇上了自己所愛，女孩當然不想錯過便快步跑到店舖內試穿。

她將腳穿進鞋子內，可惜卻發現有一點點頂趾，但全店就只剩下一對.. 對於這鞋子女孩實在是愛不釋手，想著穿久了也許會撐大一點，便硬著頭皮把它帶回家。 可是經過一段時間，卻發現腳一直在磨皮，令她痛得很 女孩不甘心，希望總有一天鞋子能夠穿得下 可是自己的皮肉傷口愈來愈大，愈來愈痛。

. 終於，她只能不捨地將鞋子放下... 而她也似乎明白到，縱使強求，受傷的亦只會是自己。 . 皮肉的痛，也不及內心的痛。 女孩跟他的關係不斷在拉扯，然而她不願就此放棄，仍然努力不斷磨合，盼望總一天能夠成為幸福的愛侶 可是，事實卻事與願違。 即使多麼喜歡、多麼不捨，原來不屬於自己的..還是始終不能勉強 . . 只是，女孩仍然喜歡這雙鞋，但再也不能穿了。

題外話

高登惡搞(小弟主唱)

《氣味如仙》- 改編自《歲月如歌》

 https://www.facebook.com/hothottofu/videos/1664401567156374/?video_source=pages_finch_main_video&theater                                                   

FB:https://www.facebook.com/hothottofu

IG:instagram.com/hottofuzai

Tumblr:https://www.tumblr.com/blog/hottofuzai

[hottofuzai-blog]

《一首歌。想著一個人》

熱豆腐仔:「如果回憶只有歌曲短短的四分鐘，相信我們也不會這樣心痛。一首歌..始終想起一個人..」

耳筒隨機播放著每首流行歌，一個偶爾的巧合 這首歌，一段段記憶都往你心坎裡去

你輕閉著雙眼，你開始記得他的模樣。 一首歌，想著一個人

. .

曾經，這首是你最愛的歌 曾經，這首歌記錄著你們之間的回憶

或許有一天當你再次聽到這首歌，回憶一段段的回放.. 眼淚會不自覺地流下來

.

身邊的他，早已經不再挽著你手 你呆呆地看著窗外的風景，卻被眼淚模糊了視線

也許自己都被自己欺騙了，以為可以把心中的他放下 但當音樂再次在耳邊回放，曾經的那個他，仍然會在腦海出現 .

年月流逝，時間慢慢把一切沖淡 當一天無意間聽到這首歌，那段回憶像失控地湧上心頭

. .

女孩記得首次遇上他，心跳面紅，盡是戀愛的氣味 她依靠著巴士的窗邊，耳機播著她最愛的歌曲，手機中正在和他互傳訊息

此時，她沒太會留意歌曲的內容，因為腦海內都只有到眼中的他

但人類很奇怪，對於一首歌曲，他們可以一段時間不斷回放但卻不會膩

而她也一樣

.

由初相識到熱戀期間，耳機內仍舊播著那首歌

在巴士上，他們甜蜜地依靠在一起，每人分享耳機的一邊聽筒，同樣是播放那女孩最愛的歌

不知不覺間，潛移默化地，這首歌就成為了他們的回憶之一

一首「回憶之歌」 .

.

時日慢慢過去，情侶間出現爭吵不滿 開心過、快樂過；痛過、傷過，而最後不知何時何秒開始厭棄對方

過往的甜蜜快樂，都被男孩的一句「分手」而全都擊破 自始，那女孩並沒有再聽過那首歌 .

時日如飛，生活依舊 女孩每天如常上班，忙於工作

這天，已經滿身傷痕的她，再次帶著疲憊的身軀依靠著巴士的窗邊

她呆呆地看著窗外風景，也許連日的忙碌工作把她完全透支了 手機內隨機地播放著每首歌曲。 .

曾經，女孩以為自己可以灑脫面對

.

可是當這個旋律再次回放，聽著歌中的詞。

她，終於崩潰了 .

原本一首愛不釋手的歌曲，卻變成了催淚曲 . . .

「那時的你說　要和我手牽手　一起走到時間的盡頭」

…

「從那一天起　我忘記了呼吸　眼淚啊永遠不再　不再哭泣」 . . .

如果回憶只有歌曲短短的四分鐘，女孩相信不會這樣痛心..

一首歌..始終想起一個人.. . .

日昇月沉，每天的生活就不斷重複 女孩已經慢慢習慣了沒有他在身邊，也習慣了獨自一人回家

手機中的他，早已被女孩拋到垃圾箱內 .

年月逝去 直至一天女孩終於再次遇上一段新戀情，開始投入另一個人的懷抱內

雖說女孩的傷痕遂漸減退，但對於舊情，仍然有點耿耿於懷 所以她一直也刻意逃避那首歌曲 .

或許等到某一天、某一秒，無意間再次響起了熟悉的前奏

也許你會以為自己會很失落、很傷心 . .

原來，卻在不知不覺間放下了... .

FB:https://www.facebook.com/hothottofu

IG:instagram.com/hottofuzai

Tumblr:https://www.tumblr.com/blog/hottofuzai

[hottofuzai-blog]

《點解約個旅行都咁難？》

「畢業旅行大家旅費並唔多，但勝在大家都夠熱血，個個都未出發先興奮。反而踏入左社會，呢種熱血，對旅行既熱衷好似慢慢消失緊..」

唔知大家有無經驗，約自己朋友去旅行，真係死好多細胞

「大家去唔去旅行呀？」

「幾時呀？」

「去邊先？」

「有邊個呀？」

「用幾錢先？」 . .

去旅行，其實都係由「時地人錢」四個因素主導 .

「都係亞洲地區啦，台灣、日本、泰國、韓國個Ｄ都可以，短短地玩五日，我諗都係$5000-7000姐，如果有抽到機票仲平Ｄ添。我手頭上都有幾日大假，連埋星期六日隨時都得架啦，可以大家再傾下」

「睇下點啦」

「唔知架，可能都可以既」

「哇咁貴，邊有錢呀」

甚至已讀不回..送你藍剔一個

原來答晒所有問題，最後都係回到起點 旅行四大要素，原來我忽略左最重要一環..　係「人」

. .

旅行既意義，每一個人都未必相同

有人鍾意一種浪漫， 「同鍾意既人一齊，去邊都無所謂」

有人鍾意一種熱鬧， 「同一大班朋友一齊，先係最盡興」

有人鍾意一種溫馨， 「同屋企人一齊，家庭樂先最放鬆」

.

但無論屬於邊一種，同伴的確擔當住旅行最主要既考慮因素 所以當你心血來潮想去旅行，熟識既朋友當然係首選

但可惜既係最重要既因素，偏偏亦係最難解決既問題 關鍵在於「人」

. .

自從大家都踏入社會，朝九晚六，再無暑假Sem break 旅行，好似變得更加難約.. .

或者就以一般打工仔為例

假若你一年有十二日大假，月入萬四蚊 如果連埋星期六日一齊，只需要請三日大假就可以即刻起行

萬四蚊雖然並唔係高收入，扣除家用同日常開支，如果有心既話，一個月儲蓄4000蚊係絕對可行

當然你話無左呢4000蚊會連兩餐都成問題既，全家人又等你筆錢開飯，咁當我無講過啦.. . .

畢竟，生命係重要過玩樂既.. .

但假若4000蚊你可以做到，可能只需要儲蓄兩三個月既時間， 基本上已經有足夠既金額應付短線旅遊 .

或者歐遊實在太貴，而且時間比較長

根據「時地人錢」既考慮因素，已經令好多人自動打消念頭 所以，短線亞洲地區成為左大部份港人既首選，

包括身邊既朋友 . .

既然講到咁容易，假期又有，旅費又有，地方又係亞洲短線地區，咁仲等咩呀？

驀然回首，人呢？ .

原來呢樣係最重要，亦都係最難磨合既一個因素 . . . .

大家都係打工仔，同樣既假期，同樣既人工，同樣既地方 點解人地可以一年去三次，你就一年都去唔到一次呢？ .

當班朋友個個都話想去旅行，但原來都係得個「講」字 每個人都懶懶閒，遲遲都唔肯一齊計劃一下 .

直至你費盡唇舌，花盡心機

旅行計劃總算有點眉目 .

但遺憾既係，到真係有少少共識，好快又會有人放架飛機出黎

「我都係唔得呀，公司好多野做」

「呢排洗大左，唔夠錢呀..」

每一個所謂原因，其實都係一個「走數」既藉口 有D甚至離譜到

「去泰國？泰國好危險架..之前又話搶遊客野..語言又不通..」

當一個人想逃避既時候..原來真係咩都講得出

咁你真係小心出街，香港人多車多，都可以好危險架

. . .

講到尾，其實係睇下有無心去做決定

所以，有時真係好羨慕讀書時期既畢業旅行 .

雖然大家旅費並唔多，或者好多人更加要問屋企人借

但個陣勝在大家都夠熱血，個個都未出發先興奮 淨係Plan行程大家已經手舞足蹈，跳晒開心舞 .

但反而踏入左社會，呢種熱血，對旅行既熱衷好似慢慢消失緊

係大家關係疏離左，定係大家已經變左？ .

或者呢個年紀，大家都變得只懂向錢看，就連大假都換成腥臭既金錢

即使我地搵到錢，有大假，但卻搵唔到同伴.. . . .

傾左十年，講左十世，原來最後都係去唔到..

既然又要考慮同伴感受，又怕大家唔岩玩，又怕會有爭執

所以有人可能已經看破紅塵，唔再考慮「人」既因素， 自己一個去旅行算Ｌ數 . . . .

或者人大左，考慮既野唔可以好似之前咁，咩都無所謂，咩都做左先算 .

人地話，去一個旅行就知道佢係咪你既兄弟知己 . .

的確

最後我發現，原來要搵一個可以陪你癲、陪你玩、陪你去旅行既朋友，真係好難.. . .

如果你身邊仲有呢班熱血戰友，千其唔好咁輕易放過佢地..

捉晒佢地一齊去玩、去旅行啦！！ . . .

P.S 　Tag你個朋友，點醒佢！                                                              

FB:https://www.facebook.com/hothottofu

IG:instagram.com/hottofuzai

Tumblr:https://www.tumblr.com/blog/hottofuzai

請即投稿，成為讀行俠一員：http://hkwriterhub.tumblr.com/submit

[hottofuzai-blog]

《一個人旅行》

「 言語始終難以解釋行動所思所感。或許親身嘗試一次，就明白自己是否究竟能夠一個人旅行。」

人地話一個人旅行，會令自己有意想不到既收穫。

尤其係女仔，更加令自己變得獨立，唔會咩都依賴身邊既人，係一個好好既成長體驗。

. .

至於你問點解要自己一個？ 除左上述提到既好處之外，其實早係《點解約個旅行咁難？》既文章已經討論過，旅行伴侶實在太難遷就時間，最後好多人都寧願選擇自己一個去算L數

不過講係咁講，對於一D平時好依賴同伴，自己認路又差既朋友黎講真係一個大挑戰。除左要靠自己搵路搵食、處理突發事情之外，你仲要唔怕一個人悶

. .

曾經有個女性朋友同我講，佢做D咩、去邊到都要有人陪，仲話絕對唔會自己一個人食飯，寧願買外賣返屋企公司，又或者食件三文治就算都唔會自己一個食，直頭好似無人陪會死一樣

咁當一個人咁怕身邊無人陪，自己一個旅行又係咪真係咁易呢？ 說易行難，當真係要你自己一個出發既時候，你又準備好未？

. .

我打呢篇文章之前就問過下身邊既朋友，發覺原來令最多人卻步既原因，就係怕身邊無伴無人傾計，會覺得悶.. 直頭覺得唔似去玩一樣...

的確，有人鍾意去旅行既原因之一就係同一班朋友吃喝玩樂，玩到攰就返酒店傾下計、飲下野，一齊瘋狂自拍High到第二朝

而我自問都係一個鍾意熱鬧既人，如果你叫我一星期旅行唔出聲既話，都真係唔係咁易.. .

當然，可能有人已經質疑純粹係地點同內容問題姐。

打個比喻，你話去外國睇下藝術野、影下相，感受下當地文化咁「文青」既活動，咁聽落去當然好似無乜問題 但相反如果去泰國玩水上活動，去台灣瘋狂掠食咁熱鬧興奮既時候，得番自己一個又真係幾無癮既

.

講左咁耐，最後都唔知接唔接受到自己一個人旅行。 其實去邊、玩乜都係其次，最重要係睇自己既心態，睇下自己接唔接受到就只有自己一個既旅程

. .

香港雖然地方唔大，但並唔係所有地方自己都去過，而且有好多古蹟舊區、鄉郊地方其實我地未必有仔細去留意，但呢個其實都會係一個唔錯既試驗同體驗

上個星期日夜晚突發其想，想嘗試自己一個人去香港未去過既地方，隨意漫遊。於是連夜睇下香港有咩好去處，睇下交通、附近有咩好食、日落時間等等 之後就準備影相工具同一個背囊，準備第朝就出發。 .

星期一朝早，當大部份朋友都返緊工既時候，我就請左一日假 望住窗外陽光燦爛既日子，的確有種旅行既感覺。

有人可能已經話係香港點算旅行呀，個感覺都唔同啦！ 正如我都提到，一個人旅行最睇自己心態，雖然唔洗搭飛機過關，但你有一個旅行既心態，其實都一樣可以玩得好開心 . .

搭車期間，我嘗試放低晒手機，就連數據都熄埋，睇下自己會唔會習慣身邊就只有自己一個，會唔會覺得苦悶

轉身間黎到舊區，一個陌生地方，就要靠自己一個去探索下，無得再依賴身邊既同伴。 沿住海旁一直走，發現有好多畫面原來都好悠閒、好舒服，釣下魚、跑下步、放下狗..但其實呢D畫面每日都發生緊，只係自己困左係一個辦公室入面，無辦法去留意細味 .

行下行下，HEA下HEA下，咁就已經過左大半日。 夕陽西下，小弟facebook icon既相成為今日旅程既最後畫面..

期間我無刻意去做、無去諗，但發現原來自己成個旅程都無玩過電話，無同朋友聯絡過 其實又唔係想像中咁難做

. .

旅途中有狗仔同主人經過，大家笑笑口打個招呼，就算彼此素未謀面，但都有種親切既感覺.. 當中亦有旁人需要幫忙合照，大家都互相交流道謝

反而這群路上的陌生人，卻變了我的「短暫旅伴」。

. . .

其實一個人既感覺係點，相信每個人都有唔同既結論。

有人可能覺得好悶，做乜野都係得自己一個，好孤獨。 但有人就覺得好自在，唔洗每次做D乜、去邊到都要就人地，好輕鬆。

又或者，一個人旅行並唔係代表自己孤獨寂寞，而係比機會用自己既角度出發去感受身邊既事和物，唔需要比旅伴既行為限制自己、打擾自己，隨心出發

.

雖然可能只係短短一日，無可能足夠體驗晒所有野，但從過程中自己心態既變化仍然可以感覺到。

自己會唔會忍唔住玩手機傾Wtsapp？ 會唔會覺得一個人食飯好慘？ 會唔會覺得自己一個好孤單好悶？

.

言語始終難以解釋行動所思所感。或許親身嘗試一次，就明白自己是否究竟能夠一個人旅行

.

旅行的意義，其實就係在乎自己既心態。 一個人旅行，其實唔難..

. . 更多圖片

ig : hottofuzai https://instagram.com/hottofuzai . . 延續閱讀

《點解約個旅行都咁難？》 https://www.facebook.com/hothottofu/photos/pb.1495196734076859.-2207520000.1447643599./1622443461352185/?type=3&theater

FB:https://www.facebook.com/hothottofu

IG:instagram.com/hottofuzai

Tumblr:https://www.tumblr.com/blog/hottofuzai

請即投稿，成為讀行俠一員：http://hkwriterhub.tumblr.com/submit