『 𝑀 𝑜 𝒽 𝒶 𝓂 𝑒 𝒹 』

مساحة واسعة للتدوين، لكنها غير كافية

[imazikaty]

دي بلاي ليست بكل تركاتي ♥️

[imazikaty]

البنات عندهم مصطلح مثير للإهتمام جدا اسمه الصورم والمصطلح ده نادر التداول ومستهجن بين معشر الرجال بدرجة تحسسك انه حصري للبنات فقط، انا نفسي مكتشفتهوش غير قريب مع إن الي فهمته لما سألت على معناه انه بيتقال على البنت الغيورة الحقودة الي ممكن تكره بنت تانية وتحاول فعليا تأذيها بس لمجرد ان البنت دي احسن منها في حاجة معينة من غير ما تكون عملتلها اي حاجة وحشة..

والحقيقة انا شايف ان ده ظلم للبنات لأن الي دخل مطبخ الرجالة هيعرف ان التصرف ده بيحصل هنا اكتر خصوصا مؤخرا لأن مسببات الكراهية والغل عند الرجالة بقت اكتر وعقد النقص ومحفزات الاحساس بالدونية والفشل والضآلة برضه بقت اكتر فا احنا بقينا بنكره بعض على اتفه الاسباب ودايما متحفزين ونادرا لما تسمع راجل بيمدح في راجل تاني بل اوقات الراجل بيبقي اوسخ من اوسخ فتاة الليل المعيوبة .

[imazikaty]

هتعمل ايه يسطا في الموضوع اللي مصدعك دة؟

[imazikaty]

اكتشفت ان اللي مش هيدفع تمن التغيير، هيدفع تمن الوقوف في مكانه.

[imazikaty]

[imazikaty]

الواحد خايف بس يكون بيحاول في المكان الغلط

[imazikaty]

العلاقة اللى ملهاش مسمى بتبقى لطيفة فعلا لحد ما تصحى فى يوم تلاقيه بيعزمك علي خطوبته

[imazikaty]

‏الناس بتشتري رضا المعووج و تتعوج علي اللي شاري.

[imazikaty]

‏ربنا يريح ضهرنا

[imazikaty]

لما تعمل لحد كوباية شاي، وتسأله كام معلقة سكر فيقولك نص معلقة..

تقوم انت من كرمك بقي تحطله معلقة كاملة او اتنين بحسن نية وعشان نفسك تدوقه حلاوة السكر..

وبعدين تتفاجئ انه لما داقه معجبوش!!!

وغالباً كمان ممكن ميكملوش!!

بالظبط نفس المبدأ ف معاملتك مع الناس..

متفرطش ف العطاء والزوق قدام حد مش مدرك قيمتهم،او ماطلبهمش،او مش هيفهم اللي هتقدمه دا

لانه للاسف ساعتها بيتفهم بالعكس وبيلغي حقوقك!!

عامل كل واحد علي قد ادراكه وفهمه للحب..اديله اللي يفهمه و يستطعمه و بس..من غير اي زيادة!!

لا هو طلب زيادة ولا انت هتلاقي منه التقدير مقابل كرمك دا بل هتلاقي العكس!!

[imazikaty]

النهاردة سنوية منة التانية وعدى سنتين، سنتين كاملين وأنا حقيقي مفتقد وجودك جدا في حياتي واوقات كتير انا بكون فيهم مش فاهم حاجة او بتكاسل عن الفهم .. يمكن ادركت انتي فين ويمكن هنتقابل قريب وحاسس بدا جدا في اوقات كتير وبرغم كده أنا لحد دلوقتي مش فاهم انا فين و بعمل إيه اية هنا ..

وبرغم كل محاولاتي للتأقلم مع الحياة من غيرك إلا إنها تكاد بتفشل، ولسه بحاول وبسعي انا متيقن الخطوة اللي اخدتها دلوقتي وياما كنتي بتتحايلي عليها فيها اني ابدء فيها اني فرحانة بيها .. عدي سنتين ودي أطول مُدة قعدنا فيها بعيد

بقيت مُجبر بشكل أو بأخر أتعامل مع حياتي الجايه وأنا بقنع نفسي إنك مش هنا وعلي موعد اننا هنتلاقي بس مجبر مجبر كل يوم ارجع البيت ومعرفش احكي لحد تفاصيل يومي وعملت اية فيه ويفكر معايا بصوت عالي هل انا صح ولا غلط بيجي فبالي كلمة مصطفي ابراهيم لما قال قلب يساع الكون كله ومش قادر يساع صاحبه يمكن جمب ناس كتير واقف معاهم وبدلهم لكن مش عارف اهندل نفسي في اخر كل يوم زي مكنتي هنا ومبقتش اعرف احكي حتي ساكت وبس بس انا بقيت اعمل حاجة انتي كنتي بتبقي مبسوطة وانا بعملها وبطور نفسي فيها كل يوم عن اليوم اللي قبله وبذاكر بقيت شاطر عن اللي كنت عليه وبسعي وبجتهد اكون احسن من اللي كنت عليه ومتاكد انك مبسوطة بيا دلوقتي .

يارب قويني وافضل ادعيلك لأخر يوم في عمري، وبعد مماتي يكون في حد يدعيلنا إحنا الاتنين .. المفروض أطلع كام سما دلوقتي ؟!

الموت مُر .. كل شيء يسرق الإنسان من الإنسان مُر

مش هيجي أعز منك مهما جاني ..

الدنيا وحشة و العالم همجي و الواقع مأساة و رغم كدا كل الحكاية والحواديت دايرة عليكي :"

ربنا يرحمك ويغفرلك ويسامحك و يهون عليا وعلى حبايبك الدنيا وانتي مش فيها و يجعلك قبرك راحة وبراح و أمان و يعوضك بتعبك في الجنة عن كل حاجة وحشة و كل وجع ا توجعتيه في الدنيا

روح و ريحان و ربٍ راضٍ غير غضبان بإذن الله ♥️ 🌿

[imazikaty]

‏بأملك من الأصحاب قليل..

‏لكنهم يساووا كون بحاله

‏- مصعب عبد النعيم

[imazikaty]

أرهقني العمل والعميل والعويل والزميل والفلاحين و ال 5 ٪

[imazikaty]

يا صديقي وعن ثقة وتجربة حياتية حقيقية:

طول ما نيتك خير وقلبك نضيف، ربنا مش هيسيبك، بيفتح لك سككّ مكنتش تحلم بيها، ويحبب فيك خلقه ويوقف لك ولاد الحلال في أي مكان تروحه

البني آدم اللِّي مشتري دماغه، وخالي من الحقد والحسد، ومركز بس في طريقه وإزاي يطور من ذاته، ربنا بياخد بإيده خطوة بخطوة ويسهل له الصعب لحد ما يلمس حلمه ويعانق الوصول.

[imazikaty]

الانسان لا يطمع في كل نعيم الدنيا والله، يكفي بس ان الواحد يحس براحة بال ودماغه تهدي عليه شويه، وميبقاش قلقان او خايف من حاجة ، وان بس الايام متبقاش تقيلة علي قلبه

[imazikaty]

تبقى قاعد لا بيك ولا عليك ومن حيث لا تدري تلاقي عقلك راح مديلك واحدة you’re not good enough تجيب اجلك.

[imazikaty]

نعوض في 27/7/2027 بجد بقااا