Gusto kitang kausap, wala man akong masabi.
Online sya, online ka pero hindi naman kayo nag uusap.
Mag Hi kaya ako, Goodevening? Kamusta? o Goodnight.
Teka paano ko ba to sisimulan?
Minsan kahit gustong gusto mong kausapin ang isang tao hindi mo naman magawa dahil hindi mo naman alam ang sasabihin mo sa kanya. Hindi mo alam kung paano sisimulan, hindi mo rin alam kung paano magtutuloy tuloy ang pag-uusap nyo na hindi sya naboboring sa mga sinasabi mo sa kanya. Kadalasan naman kaya hindi mo na sya kakausapin kasi ayaw mo rin naman maging istorbo, baka kasi may ginagawa syang importante. O kaya, baka marami rin syang kinakausap na ibang tao. Ayaw ko rin naman makisali baka mareplyan lang ako ng.. “Ahhh”, “Haha”, ang saya diba?
Ayaw mo rin naman magmukhang suitor, o taong porma, feeling close o taong naghahabol sa kanya kahit naghahabol ka naman talaga. Minsan kasi nakakaramdam ka rin ng takot, yung takot na maramdaman mong wala naman syang pakialam sayo o sa mga bagay na sinasabi mo sa kanya. Parang hirap humingi ng oras no? Oras ng isang taong gusto mong makausap, oras ng isang taong gusto mo. Oh dahil lang siguro kasi gusto mo sya kaya nahihiya kang gumawa ng kahit ano. Sabihin na rin naten na natatakot ka, baka kasi may masabi kang mali, magawang hindi maganda, mawala pa sya bigla bigla. Pero kapag andyan ka naman ilang layo sa pinagkakatayuan ko. Gusto man kitang lapitan pero marami namang taong nakapalibot sayo. Dami ring taong natutuwa sayo eh no? parang tuwang tuwa rin sila sa mga bagay na sinasabi mo o baka na rin sa makulit kang tumawa at nakakatawa ka kung magkwento. Saya ng mga ngiti mo eh no? At ang lambing mo ring tingnan. Nanlalambot tuloy ang puso ko.
Pero alam mo marami akong gustong ikwento sayo at interesado rin akong marinig ang mga nangyari sa buhay mo. Pagkalipas ng araw o kahit ano pang mga bagay basta may mapag-usapan lang o basta magkausap lang tayo o basta makausap lang kita. Gusto kasi kitang kausap, gusto kong marinig ang boses mo, gusto ko marinig yung tawa mo, yung tawa mo sa mga korni kong kwento. Ang lambing rin kasing pakinggan, lalo na kapag tinatawag mo ko sa pangalan ko. Alam nyo hindi naman madamot ang pagkakataon saken eh sa katunayan nga madalas akong pagbigyan nito. Pero sa tuwing andyan na ang pagkakataong makasama at makausap ka, marami ring bagay o pangyayaring humahadlang para magkasama tayo.
Ang labo diba? O siguro sinusubukan lang ako kung sino ba talaga ang uunahin ko, and dapat ba o ang gusto ko. Ngayong gabi nakatingin ako sa pangalan mo, nakasandal ang ulo sa aking kamay, iniisip ko kung kakausapin ba kita pero di ko naman nagawa kasi hindi ko naman alam ang sasabihin ko sa’yo. Sana magkausap ulet tayo, sana makasama ulet kita, kasi kapag andyan ka dun ko lang nasasabing masaya ako.
areudirty
blakekathryn
andulkaphoto
origamiaround
vaporwave
kaledo-art
turnnoffyourmind
kianamaiart
