جمّيزة

تحت الجميّزة اتّكيت ,,

[jommaizeh]

كمان كم سنة بدي أبقى أكتب مذكرات عن الأشكال بنت ال$&@٪؜ الي مرت بحياة الواحد

[jommaizeh]

قبل شوي عقلي وصل لآخره، صرلي فترة طويلة متجاوزة حدود نقطة التعب والإحباط وطلوع الروح الي الواحد صار يلاقيه بوجع عضامه وراسه وعينيه وكل اشي

كل هدول صرت بعمللهن إعادة تدوير من وقت للتاني عشان أعرف أكمل يومي وأخلص الي عليي

كتير أوقات بيخطرلي انه خلص لهان بكفي، لأ طول الوقت

بس فش حلول متاحة

اليوم حسيت راسي بطل مجمع وبتلاقي وعيك صار بهدول اللحظات/الدقايق/مجموع الوقت القصير، صار سامع دبة النملة في الصين، وراسك بتصير تقيلة وبتوقع وكل اشي مش متوازن

رحت ع المطبخ طلعت السكاكين التلاتة الحاميات عندي، حميتهن على المسن على قد ما الله يعطيني

بتحس وجهك صار متلج ومنمل وفي لسعة زي الكهربا، وراسك بتلف وعينيك مزغللة، وانت صرلك شوي مش حاسس بمحيطك

[jommaizeh]

الرعب الأكبر

لما تنزل من بيتكو ع الشارع بعد فترة سيئة بحياتك

لحظة، توصيف الفترة بالتحديد، الفترة الي بتوصل فيها لآخر اشي بكل شي

بتكون الأشياء الي بتسلّي حالك فيها وبتطلّعك من حفرة الاكتئاب كل مرة، فقدت مفعولها بالكامل

الفترة الي بيضلّش فيها إلك اشي، الي بتكون فيها فصفصت تفاصيل الكون كله

وانزل ع الشارع

كل شخص بتلمحه بالشارع للحظة رح تفكر بكم تفاصيل مرعب عنه

بواب المحلات، الشجر، السيارات، كل اشي

رح يكون رعب الـ “أحا كيف صار هيك” بس

تعيطش ع حالك بالطريق

[jommaizeh]

أنا بكره الأواعي

[jommaizeh]

(via https://www.youtube.com/watch?v=ZPUpr_CmEEE)

[jommaizeh]

الشخص الأول الي اخترع وثبّت فكرة إنشاء جماعات للدفاع عن أو حماية “المجموع”، أغلب الظن إنه كان عرص إنك تعوّد كل فرد على إنه يركن على الحماية، هاد بيودّيك لمطرحين، إنك تفقد ممارستك الطبيعية لمحاولة البقاء، وإنه يبدا خلق هالكم الخرافي من “أصحاب المسؤولية”

جزء كبير من حياة الفرد هو عملية دفاعه عن حاله ومحاولة البقاء واختباره لقدرته على هيك اشي

فكرة الجماعات والجهات الي بتفرض الحماية أو الخخ، هي سرقة لأكثر من نص حياتك

الحماية مقابلها كل اشي، هاي الناس رح تشوف إنه مسموحلها تطلب أو تجبرك أو تفرض أو الخخ

من العيلة للسلطة للحزب للجيش لأكبر اشي بهالعالم

[jommaizeh]

بعض النصوص أو الأغاني أو المشاهد أو حتى الذكريات تملك من الكمال أو التوافق مع "حزنك" أو حتى بؤس الكون مجتمع، ما يكفي لتصيبك بالذعر. أغنية "وحدهن" كتب كلماتها الشاعر اللبناني طلال حيدر، لحّنها زياد الرحباني وغنتها فيروز عام 1979، ودخلت في فيلم "نهلة" للمخرج الجزائري فاروق بلوفة، كان أول فيلم عربي يتناول الحرب الأهلية اللبنانية، وكان الفيلم أقرب للتوثيق من كونه "تمثيلي". عثرت على "وحدهن" بصوت فيروز منذ ما يقارب 7 سنوات، كانت حصرت حزن الكون بشكل مرهق، ليس من باب المبالغة، لكنها أشبه بلعنة تحتاج لطاقة وحزن مضاعف لتتمكن من الاقتراب منها وتسمح لها بإغراقك. من السهل أن تصل لقصة "وحدهن" التي تم تداولها، حول ثلاثة شبان كان يراهم الشاعر طلال حيدر من شرفة منزله صباح كل يوم ذاهبين للغابة وعائدين في نهاية كل يوم، وفي أحد الأيام لم يعودوا من تلك الغابة، فسمع خبر حول ثلاثة شبان فلسطينيين قاموا بعملية فدائية وسط فلسطين المحتلة، وعندما شاهد صور الشبان عرفهم، فكتب قصيدته "وحدهن"، ويبدو أن هذه القصة غير صحيحة، وكأنه كان ينقص هذه الأغنية بالذات مزيد من الدراما. بالأمس وجدت "وحدهن" مختلفة، وحدهن تضعك في سياق محدد من الحزن، الحزن الذي يمكن احتماله، كانت بصوت الممثلة ياسمين خلاط "نهلة" في الدقائق الأولى من الفيلم ضمن مشهد تتجوّل فيه شابة فلسطينية "هند" مع صحفي جزائري "العربي" في أحد المخيمات الفلسطينية في لبنان، تضعك في سردية حول ماضيك وحاضرك كفلسطيني. جميعنا بحاجة لإنصاف مشاعرنا والتجاوب معها حتى أكثرها بؤساً، لكن أحياناً نصل لنقطة "اللا عودة"، حين تعود لمشاهد الفيلم ستبدو "وحدهن" أكثر ارتباطاً وألفة هذه المرة وأقل تعب، لن تصاب بالذعر، ستعطي حزنك حقّه، سيوجّهك لأكثر من تجاه سواء أكثر بؤساً أو العكس، لكن ليس لحافة الانتحار، ما يستطيع أن يصل لهشاشتك يقرّب المسافة بينك وبين الانتحار، أظن "وحدهن" كما غنّتها فيروز كانت كذلك. خلال عام 2014 انتهى المخرج الفلسطيني فجر يعقوب من فيلمه "وحدن"، بالعودة مجدداً لطلال حيدر والقصة الخاصة التي ستصنعها هذه القصيدة والأغنية مجدداً. وحدهن - من فيلم “نهلة” 1979 وحْدُن بيبقوا  متل زهر البيلسـان  وحْدهن بيقطفوا وراق الزّمان  بيسكّروا الغابة  بيضلّهُن متل الشتي يدقّوا على بوابي  يا زمان  يا عشب داشِر فوق هالحيطان  ضوّيت ورد الليل عَ كتابي  برج الحمام مْسَوّر وعـالي  هجّ الحمام بقيت لحـالي يا ناطرين التلج  ما عاد بدكُن ترجعوا  صرِّخ عليهن بالشّتي يا ديب  بَلْكي بيسمعوا  وحْدُن بيِبقوا متل هالغيم العتيق  وحدهن وجوهن وعتم الطّريق  عم يقطعوا الغابة وبإيدهن متل الشتي يدِقُّوا البِكي وْهنِّي على بوابي  يا زمـان  من عمر فَيّ العشبْ عَ الحيطــان  من قبل ما صار الشجر عالي  ضوِّي قناديل وانطُر صْحابي  مرقوا فلّوا بقيت ع بابي لحالي يا رايحين وتلج ما عاد بدكن ترجعوا صرّخ عليهن بالشتي يا ديب بلكي بيسمعوا

[jommaizeh]

شفت حلم بشوفه من وقت للتاني بس بيختلف شوي كل مرة بكون في مشوار طويل وبمشي طريق كتير بعيدة بس كل مرة هالطريق أو المشوار مختلف بوصل سوبر ماركت بضل ألف فيه أدور ع شوكلاتة وبلاقي، بس بحتار بالأنواع وباخد وقتي وانا بختار، بالأخير بلاقي حالي جمعت كتير أنواع لما كنت أختار نفس المحل كل مرة بس خلص الحلم

[jommaizeh]

احنا اشي كثير هش وضعيف كيف بنكابر هيك

[jommaizeh]

أنا خايفة إنه ما يخلص الوقت

وانضل ندور بنفس المجال بس يزيد العيار كل مرة

وخايفة يخلص الوقت قبل ما نخلص من المجال ذاته

الخوف بحد ذاته صعب نتحمّله

والانتظار صعب

والملل صعب

والتعب

وغالبا ما بنعمل اشي غير هيك

بس التعب لسة بيخليك تميّز إنك عملت اشي

إنه في وقت ما راح بالهوا

أنا نعسانة، وصار لازم أروح للجلي

[vintageegypt]

60s ad for Palestine Cigarettes

[jommaizeh]

[belalalaa]

لا تبك على الزمن المسكوب، دع الأيام تمر

سيكون عليك حين يأتي زمان الوحدة، ألا ترتجف، ولا تبحث عن أصدقاء الأسبوع الواحد، أو رفاق الجلسة الليلية الذين تتضجر منهم،  سيكون عليك أن تتعلم ترويض التنانين، الوحدة تنين، كل ما سترميها به، ستأكله وتكبر، كل الحواجز التي ستصنعها ستقربها منك أكثر، وكلما ظننت نفسك تزدادا خبثا ، ستزداد ألاعبيها، سيكون عليك أن تتقبل ،هشاشتك بشكل تام، وأن تنهزم بيسر، دون مقاومة، ودون ضجيج، لا تبك على الزمن المسكوب، ودع الأيام تمر ، لا تجري هنا وهناك بحثا عن أفق جديد، لا جدوى، حين يأتي الأوان، الأفق الجديد سيركض خلفك، وحينها سيكون من الأفضل ألا تكون منهكا، من علاقات مزيفة طويلة، أو حذرا أكثر من اللازم نتيجة لضياع مجهودات أيام الوحدة كلها دون معنى، وبروح شيخ زاهد ذهبت دنياه، ٍسيكون عليك أن تحتفظ بقلبك شابا، مستعدا للفرح كأنه يدخل الحفلة للمرة الأولى  

[jommaizeh]

(via https://soundcloud.com/ebtesammokhtar/emam-zedny?utm_source=soundcloud&utm_campaign=share&utm_medium=tumblr)

[jommaizeh]

(via https://www.youtube.com/watch?v=vJX5rDatm68)

الفيديو مهم

[jommaizeh]

(via https://www.youtube.com/watch?v=R9YS7wAagfs)

[jommaizeh]