Z

sumusulat | nagmamahal | umuunawa

[juanitazacada]

Marahil pareho nating kinailangan ang pagkikitang iyon.

MMXXV

[juanitazacada]

9/11/24 | Naniniwala. Nagtitiwala. Nananalangin.

[juanitazacada]

Sa bawat hakbang sa kalsada ng Diliman at sa paggugol ng halos tatlong oras sa apat na sulok ng silid na 'to, laging ipinauunawa sa akin ang napakaraming bagay na hindi ko pa alam, mga taong hindi ko pa kilala, at mga sitwasyong hindi ko pa nararanasan. Laging ipinapaalala sa akin na makatwirang mangatwiran. Ang hanapin ang sariling kabuluhan at katuturan ng pag-iral. Higit sa lahat, ang piliing maging mabuti sa sarili at sa kapwa.

MMXXIV

[juanitazacada]

Mahalagang kahit paano'y naaalala ang mga mumunting alaala.

MMXXIII

[juanitazacada]

Parang kumurap lang ang Abril.

May mga alalahaning patuloy na ipinagdarasal, mga biyayang laging ipinagpapasalamat, at tuwinang hinihiling ang sapat na karunungan upang higit na maunawaan ang mga walang katiyakan.

Malapit nang mangalahati ang taon, maraming nangyayari, maikli lang ang buhay, kailangang mabuhay. Isabuhay ang buhay.

MMXXIII

[juanitazacada]

May kani-kaniya tayong ingay na dapat ihinga at ipahinga.

MMXXII

[juanitazacada]

Pareho nating madalas na nakakalimutan ang sarili. Pero iba ang araw na ito. Mas ramdam nating totoong masaya tayo. Dahil sa pagkakataong ito, higit nating inalala ang sarili higit sa anoman nang walang pag-atubili.

MMXXI

[juanitazacada]

Marahil, mas mainam kung ipapahinga muna natin sandali ang sarili mula sa lungkot, takot, at mga alalahanin.

MMXXI

[juanitazacada]

Humihigit sa kinakailangan ngunit ang totoong kinakailangan ay kinalilimutan.

MMXVIII

[juanitazacada]

Marahil, ito na ang panahong hindi na tayo nasasabik pa sa pagbabahagi ng isa sa mga pinakamahahalagang pangyayari ng ating buhay.

MMXXI

[juanitazacada]

Totoong marami ang nangyari, mga pangyayaring hindi na natin ipinaubaya pa sa lente ng ating mga kamera. Sa halip, mas pinili na lamang nating panatilihin bilang bahagi ng ating pinauunlad na karanasan, ng ating pinanghahawakang mga alaala.

MMXXI

[juanitazacada]

May kaniya-kaniya tayong laban na iilan lamang ang nakaaalam.

MMXX

[juanitazacada]

Maraming Filipino ang nilapitan, dinayo at pinangakuan ninyo para maluklok sa kinauupuan ninyo ngayon. Sa pagkakataong ito, sila naman ngayon ang lumalapit, pumapalahaw at nagmamakaawa sa tulong, sa atensiyon, at sa serbisyong publikong ipinangakong ibibigay ninyo.

Ngayon natin gamitin ang kapangyarihan, ang koneksiyon, ang yaman para makatulong sa iba, sa higit na nangangailangan. Nakakapanghina na ang araw-araw na balitang may namamatay at may humihingi ng tulong. Mas nakadidismaya rin ang kawalan ng kongkretong plano sa lahat ng pinagdadaanan ngayon.

Filipino tayo. Babangon tayo. Malalampasan natin 'to. Pero mas masaya siguro kung mapagtatagumpayan natin ito nang kompleto at sama-sama. Walang maiiwan 'di ba?

[juanitazacada]

Walang sinoman ang makauunawa sa halaga ng iyong silbi kundi ang iyong sarili. Magpatuloy ka!

MMXX

[juanitazacada]

[juanitazacada]

Ipagpapasalamat mo talaga ang mga biyayang hindi mo lubos na inaasahan.

MMXX

[juanitazacada]

iniluwa ng sinag ng araw

isang ngiting nagniningning

nangungusap na

mga matang nagsasabing

"Magandang umaga!"

MMXV