Kalagayan ng Internet sa Pilipinas
Ang internet ay isang instrumento na sumasakop sa halos lahat ng aspeto ng buhay ng Pilipino. Ito’y ginagamit sa edukasyon, sining, negosyo, agham, komunikasyon, paglilibang, at sa iba pang larangan. Ngunit hindi maipagkakaila na ang internet sa Pilipinas ay makupad at mahina ang abot. Mababasa sa isang pahayag ng Philstar na nahuhuli ang Pilipinas sa iba nitong mga karatig-bansa sa Timog Silangang Asya (Porcalla, 2018).
Malaki din ang papel ng internet sa pagnenegosyo. Sa ilan, ito ang mismong negosyo na kanilang ginagawa tulad ng mga online na tindahan. Sa ibang mga negosyo naman, nagagamit ang internet sa ibang paraan tulad ng advertisements o ibang mga karatula na makikitang nakapaskil sa ibat ibang mga websites. Malaki ang ginagampanang papel ng internet sa buhay ng Pilipino. Hindi rin lamang sa negosyo nagagamit ng mga Pilipino ang internet, naipapasok din ito sa ibang aspeto ng buhay ng Pilipino. Ang instant messaging ay isang malaking tulong sa komunikasyon sa araw-araw na buhay ng Pilipino. Inilahad ni Delon Porcalla (2018), na mayroong 67 milyong katao na gumagamit ng internet sa ating bansa. At ayon sa ulat ng Digital 2018, sinasabing ang mga Pilipino ay gumagastos ng average na tatlong oras at limampu’t pitong minuto sa isang araw sa social media na pinangungunahan ng Facebook (Camus, 2018). Karamihan sa mga Pilipino, Lalo na ang mga OFW, ay gumagamit ng internet para sa komunikasyon ng kanilang mga kaibigan at pamilya.
May mga iba’t ibang ISP or Internet Service Provider sa Pilipinas, ngunit hindi sapat ang mga ISP na ito upang maasikaso ang milyon-milyong gumagamit ng kanilang serbisyo sa Pilipinas. At dahil hindi sapat ang dami ng mga ISP, nagkaroon ng pagmomonopolyo sa internet connection na nagreresulta sa pilit na pagbayad ng mas mahal ang mga mamimili para sa internet connection. Maikukumpara sa Hongkong at sa Australya, na mas mura at mas mabilis na internet ang binabayaran nila kesa sa Pilipinas na umaabot ng 25$ hangang 70$. Mas mahal ang sinisingil ng mga ISP ng Pilipinas para sa subscription ng internet connection. Dahil sa kakulangan sa kompetisyon, hindi nailelebel ng tama ang presyo ng internet connection sa Pilipinas.
Ngunit hindi lamang presyo ang isyu ng Pilipino sa kalagayan ng internet sa bansa. Kadalasan ang inirereklamo ng mga mamimili ng mga ISP sa Pilipinas ay ang ang pagkakaiba ng inadvertise na speed kesa sa aktwal na bilis ng internet. Ipinresenta ni Mary Grace Santos isang research fellow sa LIRNEasia sa senado na mas mabagal ang aktwal na bilis ng internet kesa sa bilis na inaadvertise ng mga ISP sa Pilipinas. isinaad sa pinresenta ni Santos na 80 % na mas mabagal ang advertised speed kesa sa aktwal na bilis ng internet na ibinibigay ng ISP sa Pilipinas, at mula sa pag-aaral noong 2011, ang pinakamataas na average internet speed na naabot ay 26.65% lamang ng advertised speed ng ISP. Ayon sa ABS-CBN News (2017), ang pamantayang bilis ng download sa mobile ay umabot sa 11.95 mbps na dati ay 11.95 mbps at pinataas ang ranggo ng bilis sa 94th na dati ay 99ths ayon sa Speedtest by Ookla.
Upang masolusyonan ang isyu sa internet, iniulat ni Pangulong Rodrigo Roa Duterte sa kanyang SONA noong Hulyo 2016 na para makamtam ang mas mabilis at mas murang pampublikong internet, siya ay bumuo kasama ng DICT ng National Broadband Plan o NBP kung saan gagamitin ng fiber optic cables para paunladin ang internet speed sa bansa. Ayon sa Saligang Batas 10844, ang DICT ay ang pangunahing namamahala ng mga proyekto ng National Broadband Policy para mapabilis ang internet speed at mas mabilis ang daan sa pag-iimplementa nito sa publiko. Ang NBP naman ay naghahanap ng paraan para makapgtayo ng mas maraming mga imprastraktura at sa pag ayos ng mga regulasyon para paunladin ang internet connectivity sa Pilipinas. Plano din ng gobyerno na mag akit ng mga foreign internet service provider na pumunta sa ating bansa at magnegosyo, upang maasikaso ang milyon-milyong Pilipinong gumagamit ng internet. Ang Pilipinas ay pang 74 sa 77 na mga bansang sinuri pagdating sa bilis ng 4g connectivity ayon sa Opensignal, Samantalang pang 12 naman ang Pilipinas sa buong mundo pagdating sa bilang ng mga tao na gumagamit ng internet na inilahad ni Delon Porcalla. Ang pagpasok ng mga dayuhang ISP sa Pilipinas ay may naitutulong sa pagpapalago hindi lamang ng ating internet speed kundi pati na din sa ekonomiya. Ngunit sa kabila ng kakuparan ng internet sa Pilipinas, unti-unti itong umuunlad. Mula sa 3.5 mbps noong 2014, ito na ngayon ay umaabot sa 17.62 mbps.
May isang kaugalian tayong mga Pilipino na hindi mabuti at iyan ay magwalang-bahala sa mga bagay bagay. “Bahala na!” Iyan ang mga salitang naririnig natin sa mga taong pumapasok sa alanganing relasyon, sa mga taong patuloy na nagtatapon ng pera sa pamimili ng mamahaling gamit o sa kanilang layaw o sa pagsusugal kahit ubos na pati mga naipong pera. Ang kasabihang “bahala na” ay naging parte na ng mga Pilipino at hindi ito magandang ugali. Hinahayaan natin ang mga bagay na kailangan baguhin kaya tayo ay di nakakagawa ng mabuti. Hirap na hirap na din ang mga ISP sa pag-ayos ng internet connection dahil sa mga pangangailangan natin. Dahil sa kanilang kakulangan sa dedikasyon sa pag-ayos ng kanilang serbisyo halos buong Pilipinas din ay nakakatanggap ng mahinang internet, kasama din dito ang “bahala na” na kultura ng mga Pilipino. Pati ang mga malalaking ISP ay nadadamay na sa ganito kultura. Hindi man ito pangangailangan kasi kaya ng isang tao mabuhay kahit na ito ay wala, babad ang mga Pilipino sa internet at ito ay nagiging parte ng kanilang buhay. Ginagamit ng mga Pilipino ang internet dahil ito din ay ang rason kung paano nakikipagusap sa pamilya na nasa ibang bansa o mga kaibigan. Kasama din dito ang konsepto ng pamilya, pakikisama, at pakikipagkapwa sa kultura ng Pilipino at isa din ito sa sanhi kung bakit dumedepende ang maraming Pilipino sa internet upang maging konektado sa mga mahal sa buhay ng lahat ng oras. Ang mga Pilipino ay may pagka-ugali na tinatawag na "family oriented," at dahil sa internet sila ay nakikipagkomunika sa kanilang mga kamag-anak. 67 milyong katao ang may “access” sa internet sa Pilipinas at isa din tayo sa pinakamataas na gumagamit ng social media araw-araw. Ang internet ang isang bagay na importante sa kultura ng Pilipino, ito'y parte ng buhay ng Pilipino sa maraming aspeto. Ang pagbagal nito ay malaking sagabal sa lipunan sapagkat maaapektohan nito pati ang mga negosyo't ekonomiya sa Pilipinas.
amandla
titsay
prguitarman
vaporwave
romaincrisis
theartofmadeline