（非甜故～）ig琴晚post左，呢到都要留下記錄 😁
之前我無諗過寫佢，因為一切正常，無咩特別，估唔到今日真係要記錄下。
我無忘記我一開始寫文既原意，就係記錄，以後可以以此為鑒。不過以我呢種m性人格，我諗我以後都係死性不改嫁啦 🤐
係最開始既時候，我係ig純文字分享，無j圖，乜圖都無，佢搵左我傾計，真係純聊天。傾左d咩，無咩印象，大概都係d無聊野同少少sex既話題。我開過幾次live，佢好似都有聽，陪我傾計。
後來我決定約返，所以我地約左第一次既出街plan。佢黎左我屋企附近接我，一見面佢俾左盒細細盒既朱古力我，竟然有人約我會準備埋禮物？算係有用心。
一開始佢無拖我手，好似朋友咁行街食飯，食完飯之後，搭叮叮車去食甜品既時候先拖住我，同埋攬攬錫錫果d。當時係幾有feel既，不過我諗都係一時。做得ptgf，就要係呢段時間入面俾到拍拖既感覺人，如果自己都有feel，果一刻係開心，不過之後處理得唔好，就會後患無窮。
等食甜品既時候我地傾左好多野，雖然我只記得佢叫我返去聽一首周杰倫既舊歌。之後佢就送我返屋企附近個地鐵站，臨走佢俾左錢我。
果次之後，我同佢都各自去左唔同地方旅行，互相買左手信俾對方。所以搵時間出黎俾大家，但時間好難夾，唯有各自見完自己fd之後夜晚出一出黎。係九龍塘月台見面之後，佢話送我返屋企，所以又上左車。搭左幾個站之後，佢話觀塘今晚有「與神同行」，問我睇唔睇。當時都幾夜，但呢套戲我之前都話過想睇，所以就去左睇。
去到已經差唔多開場，拿拿臨買完飛就衝入去睇啦。我好專心睇戲，印象中好似有拖住手。睇完之後，佢送左我搭的士走。
返左屋企之後，佢話一直猶豫緊應唔應該俾錢我，我話無所謂啦。我真係無所謂既，當一齊睇場戲姐，佢又無做d咩。
2月14，我約左佢，理由係我唔想俾人追。或者係我咁講，令佢覺得我好多人追，而當時我的確唔想再拍拖，不過呢d野邊話得埋嫁。話唔想拍拖姐，咁唔通遇到啱既都唔想拍咩……
果晚去左食一間西餐，佢話果間餐廳對佢好有意義，係佢中學既時候追一個女仔，追左好耐好耐，呢間餐廳係佢第一次約果個女仔正正式式咁食一餐飯，仲好有心咁特登上網搵好曬有咩出名，有咩特色。當時佢係拖住我隻手講既。（而我不知道佢點解要係此時此地講d破壞氣氛既野，係呢個男人唔識講野，定百無禁忌，定係唔當我係一回事呢？）
食完之後搭巴士去行年宵，好多人好逼，係出面都等左一段時間。我企到攰左，挨係佢到，佢一手攬住我，呢下真係好拍拖feel。不過，我係佢fd？ptgf？ptfd？好混亂。點解要咁做 😪 明知我係一個容易心動既衝動無腦女人，仲咁對我，到底想點？
有人話「佢都係想同你做姐。」咁佢大可以揀ml plan，why not？又有人話：「你只係遇到個比較正常，有風度，唔會谷精上腦但始終本性鹹濕既男人姐，你唔好ff人地中意你先得嫁。」我接受呢個答案，幾合理。
我都驚係我自己諗多左，所以我曾經問佢：「你會唔會中意我？」佢話會，不過同我一齊會害左我，所以唔會追我。但從我地相處既種種，佢已經超過左「追我」。
至少，我唔會接受同追我既人身體接觸，我唔會接受追我既人話掛住我，中意我；我更加唔會主動問追我既人中唔中意我。
如果真係中意一個人係唔會顧及咁多，唔會覺得自己俾唔到幸福佢，最起碼會盡力試左先。所以我唔知佢個答案咩意思，大概係唔想我誤會我地將來會有d咩，但係又未捨得我離開，因為佢仲未得到佢想要既野？
一直以黎，佢問左幾次可唔可以做佢sp。係我地最後見面既前幾日，佢又問我，唔通我仲唔明咩。我答佢：「我應承同你做一次，但以後唔可以搵我。」其實我內心覺得佢都幾好，但係以我呢種性格，真係無一次唔搭沉船，人地對我好少少，就中個頭埋去，我真係唔想再咁。一次之後唔再聯絡，都係一種自救方法。
「如果係咁，咁我寧願繼續做你既朋友，起碼可以係你有咩心事既時候陪住你。」
最後一次見既果晚，我特登著左黑絲短裙，因為佢話未見過我著。我地約左好早食晚餐，係一間串燒店，好似七點幾八點就食完。佢好似刻意無搵其他節目例如睇戲，兩個人係街上「漫無目的」咁行左一陣，行左去時鐘酒店附近。
我早就預左，所以就好順其自然咁上左去。佢付出過心機同時間，已經比其他男人好。
果晚之後，我地之後果幾晚都會傾電話，唔知係咪我表現得比之前熱絡左，以至於佢反而冷淡左。諗起「男人就係犯賤」呢句所謂金句，我決定唔理返佢，一於專心做自己野，同時可以避免自己太依賴一個人。
呢段時間我做左好多無聊野，女人（可能只係我）真係好變態。對一個人上心起黎，會用盡氣力去睇一切有關佢既野。當然我係一個科技白癡，除左將佢ig由頭睇到落尾，再由尾睇返上頭之外，我無野可以做到。於是，我一邊煲劇，得閒又睇下；一邊行街，醒起又睇下。哈，真係好變態。
不過見到佢ig打d感情野，同之前佢同我講既有好似有d出入，搞到我一頭霧水。亦都開始諗，佢到底係一個點既人呢？
但未黎得切了解，已經係時候斬纜。經過幾日既冷落，佢都算有搵過下我既。但講唔夠十句，佢無啦啦好輕鬆咁同我講：「係啊，我同我個ex一齊返。」
佢之前講過，如果以後我寫佢，佢要叫做j先生，而我係k小姐，源自周杰倫-你聽得到。
（呢篇文由於太過新鮮出爐，實在詳盡得可怕，以後睇返應該會歷歷在目。）
izzy806
dailybridgerton