KerOo

أغمض عينيك .. تراني

[ker0o]

أنا شخص ضائع لا تتبعني ..

[ker0o]

يارب أنا زعلان اوي وقلبي مخنوق جوا مني.. وانت عالم بالحكاوي اللي فيه وما اتقالتش ..

[ker0o]

بحب الوقت دا من الليل، ومزود جماله منظر القمر والسحاب معدي قدامه. ومش عارف هي حاجة ساذجة ولا لا، لكن أوقات بحس السحاب مرسال للبعيد عننا.

[ker0o]

مابقاش عندي القدرة على إثبات خطأ ظنون غيري فيا. اللي مصدقه صدقه وسيبلي راحة بالي وعمري.

مش بايعك، مش قلة إهتمام، مش كراهية، لكن تعب أنت مالحظتهوش ولا اهتميت بيه.

[wordsforheart]

[ur-daily-inspiration]

[unreadable]

[ker0o]

صباح الخير صديقي العزيز ..

أتمنى يومك يبقى لطيف وخفيف، وأتمنى كمان تصحى تبتسم لنفسك ولغيرك "صدقني هتفرق جدا معاك ومع غيرك".

وأحب أفكرك انك مش مُطالب تغير العالم، انت بس مُطالب تعمل اللي عليك.

وياريت يعني ماتخليش حد يعكر مزاجك، مزاجك غالي ووقتك أغلى. ولو حد ضايقك أعزم نفسك على قهوة أو تمشية.

وأخيراً .. عايز افكرك تشكر ربنا على اليوم الجديد، ايوا افكرك لانك غالبا يا مضايق عشان مأخدتش كفايتك من النوم، يا صاحي بتفكر ايه اللي وراك انهاردة.

ماتنساش تضحك .. دي الضحكة حتى وانت نعسان جميلة 🤍

[ker0o]

[ker0o]

مرهق جدا وتعبان وفي لحظة غضب زعقت مع أخويا وقولتله كلام قاسي شوية فا زعل ومشي، بعدها بشوية باعتله ع الواتساب بقوله فينك ماردش عليا، فا اتعصبت اوي ازاي يشوف الرسالة ومايردش ؟!! ..

بعدها بكام ساعة جه صديق يزورني ويطمن عليا، وواحنا بنحكي قولتله على الموقف اللي حصل مع اخويا. قالي رد جميل اوي بصراحة ..

قالي سامحني يا كيرو انا عارف انك تعبان وكل حاجة، بس هو انت مستكتر عليه يزعل ؟! .. دا انت حتى باعتله تقوله فينك ومافكرتش حتى تعتذر له، أنت خوفته من انه يكلمك تاني.

[ker0o]

عن ذلك الجوع الداخلي لشريك.. لقلب يحتوي قلبك المُرهق من طول الطريق.. لأحشاء تحتضنك وسط برودة الرحلة.. لذلك الصوت الهادي قائلاً لك "لا تخف، سنعبر ذلك معاً"..

عن ذلك الشعور الدائم بالوحدة.. وخاصةً في قلب الزحام.. عن ذلك اليقين بأنه لن يفهمك أحد .. فأنت تساعد الكثيرين وليس لمعونتك احد .. انت تسند الكل، ولكن لا يوجد احد لسنتدك. فانت تصارع وحدك. ولن يوجد من يُترجم لُغة معاناتك وصراعاتك الداخية .. وأنه إن وُجد .. فلن يبذل أحدهم مجهوداً لتخفيف ألمك، فالكل غارق في نفسه، وفي أحبائه..

أما أنت .. وحدك، وستظل تحارب تلك اللعنة مادمت حياً، وستظل تبحث عن سراب "الونيس" وهو ليس لك من البداية، فا

انت ياصديقي العزيز، ستكمل رحلتك وحدك..

[ker0o]

الناس كلها بترغي وتختلف هل فاقد الشئ يعطيه ولا لا ؟ .. ومحدش منهم ركز على شعوره بحرمانه من الشئ نفسه !!.

[ker0o]

ضعيف العقل البشري .. شوية صداع مايقدرش يستحملهم، شوية ذكريات مايقدرش يقاومها، شوية خلل في كيميائه تلاقي مزاجك متغير ويومك مقلوب، أقل ضرر فيه يفقده الذاكرة او يموته .. ورغم ضعفه بنتعايش بيه !.

[ker0o]

على سبيل الفضفضة ..

في ناس ربنا وحده يعلم بمحبة قلبي ليهم، بس هما زعلوا قلبي، وبكامل إرادتهم خاصموني. ورغم شوقي لكلامهم إلا ان نفسي المكسورة مش لاقية كلام تقوله ليهم .. بعد ما كان الواحد مش بيرغي غير معاهم.

إهتمامهم بعد إهمالهم مابقاش له طعم، سؤالهم بعد غيابهم مابقاش له أهمية، حنيتهم بعد قسوتهم ماعالجتش قلبي المُكتئب، كلامهم المعسول بعد خصامهم ماحلاش مرارة اللي قالوه.

جايز أتشاف قاسي في خصامي، بس إزاي قاسي في خصام مش أنا اللي بدأته ولا أنا اللي اتمنيته ؟!.

[ker0o]

تعاطف مع الجميع ولم يعطف على نفسه !..

[ker0o]

[ker0o]

انا اكتشفت ان قرارتي الغلط جت بعد لحظة تردد غيرت فيها قراري اللي كان هيبقى أصح.