Gebedspunte: Vas en Gebed - 21 Dae
Joël 2:13 – Skeur julle harte , nie julle klere nie. Kom terug na My toe, vas en treur! Hy is genadig en barmhartig; Hy is lankmoedig en vol liefde . Hy is bereid om straf te herroep.
· Vader , ons wil terugkeer na U en ons sonde bely en kom in verootmoediging en berou.
· Here , help ons om ontslae te raak van elke afgod in ons hart. Breek elke vesting af wat ‘n vashou plek het in ons lewens.
· Help ons om te kies teen sonde en te breek met dit wat verkeerd is in ons lewens.
Jes.45:22 – Kom na My toe dat julle gered kan word, almal op die aarde, want Ek is God, daar is geen ander nie.
· Ons bely en erken dat U die enigste ware God is en ons begeerte is om U alleen te dien.
· Ons bid dat elke volk, stam en nasie na U toe sal draai , sodat hulle gered kan word.
· Vader , ons as gemeente wil terugkeer na U en ons begeerte is om U alleen te dien en te gehoorsaam.
· Ons gebed is dat U ons sal lei en leer deur U Gees.
1 Joh.1:9 – maar as ons ons sonde bely – Hy is getrou en regverdig , Hy vergewe ons ons sondes en reinig ons van alle ongeregtigheid.
Ps. 24:3&4 – Wie mag klim op die berg van die Here ? en wie mag staan in sy heilige plek ? Hy wat rein van hande en suiwer van hart is.
· Bely nou jou sondes eerlik teenoor God en vra Hom om jou sondes te vergewe.
· Vra dat die Heilige Gees jou sal herinner aan dit wat nie in lyn is met Sy woord en Sy wil nie.
· Bid dat die Here jou ‘n suiwer hart en rein hande sal gee.
· Bid dat God ons sal verlos van ‘n kritiese gees, veroordeling, pessimisme en ongeloof.
· Vader ek bely dat ek en ons as gemeente so dikwels ons eie koers stap , vergewe ons asb.
· Vergewe ons dat ons so dikwels ons hoop in mense stel en nie in U nie.
Luk.5:16 – maar Jesus het Hom gereeld in ‘n verlate plek afgesonder om te bid.
· Vader help my om getrou en gereeld in aanbidding voor U te kniel en stil te word.
· Jesus U het die Vader in stilte opgesoek om Sy wil te ken en te gehoorsaam.
· Help my asb om gereeld en getrou tot U te nader met gebed en in stille gehoorsaamheid.
1 Kon.19:12 – Net na die aardbewing was daar ‘n verskriklike vuur, maar die Here was ook nie in die vuur nie. Na die vuur was daar ‘n groot stilte en iets soos ‘n stem wat fluister.
· Vader help my om stil te word in U teenwoordigheid, sodat ek U stem kan hoor.
1 Kron.16:29 – Prys die Here om die eer van sy Naam! Kom na Hom toe , bring vir Hom offers. Buig voor die Here by sy heilige verskyning.
· Ons verlang met ons hele wese om U te aanbid. Ons wil U krag en U grootheid beleef.
· Ons wil U loof met lofsange en met ons hart en hande.
· Vader, ek bring aan u al die eerbied wat ek in my hart het , mag dit vir U aanneemlik wees.
Heb.13:15 – Laat ons gedurig deur Hom aan God lofoffer bring, dit is die vrug van die lippe wat Sy Naam bely.
· Vader ons bring aan U ‘n offer van lof vir al die seën, genade en goedheid in my lewe en ook vir al die seën oor ons as gemeente.
Hand.1:8 (NLV) – maar wanneer die Heilige Gees oor julle kom, sal julle krag ontvang en oral mense eerstehands van My vertel – in Jerusalem, oor die hele Judea , in Samaria en tot in die uithoeke van die aarde.
· Vader , help ons as gemeente om gehoorsaam te wees aan U opdrag om die Evangelie na die uithoeke van die aarde te neem.
· Ons bid vir die Leraars en die Kerkraad(KR) dat hulle elke besluit en vergadering sal onderwerp aan U heilige wil en plan vir en met hierdie gemeente.
· Ons bid vir die KR vergadering van 31 Maart dat U volkome in beheer sal wees.
· Ons bid dat U soos in Sag.12:10 oor ons gemeente ‘n gees van gebed en smeking sal uitgiet.
· Dankie Vader , vir elkeen wat so hard werk en rees ‘n verskil maak in U koninkryk.
Kol.1:9b (NLV) – Ons vra God dat Hy dur al die wysheid en insig wat die Gees gee, julle Sy wil duidelik sal laat ken, sodat julle tot eer van die Here sal lewe ,deur net te doen wat Hy verlang.
· Vader ons vra dat U ons Leraars en leiers sal toerus en lei deur U Gees en deur die wysheid wat van U alleen af kom. (Jak.1:5)
· Ons bid dat hulle U wil duidelik sal ken en totaal en al gehoorsaam sal wees om U wil uit te voer.
· Ons bid dat hulle in totale afhanklikheid, nederige en heilige lewens sal lei.
· Ons bid dat hulle U sal volg en gehoorsaam , sodat ons hulle kan volg .
Woordverkondiging en eredienste
Jes.55:11 – (NLV) Net so is dit met die woord wat uit my mond kom. DIt sal nie leeg na My toe terugkeer nie, maar dit sal doen wat Ek verwag en die doel bereik waarvoor Ek dit gestuur het.
· Bid dat die gemeente die heerlikheid van God en die kragtige werking van die Heilige Gees tydens eredienste sal ervaar.
· Bid dat gemeentelede met ontvanklike harte sal luister en gehoorsaam sal wees aan wat die Gees ons leer.
· Bid vir die lofprysingspanne - dat hulle skoon instrumente in U hande sal wees.
· Ons bid dat U o Heilige Gees die woord sal bekragtig met tekens en wonderdade.
· Ons bid ook vir die tegniese spanne , gasvryheid - , ondersteuning spanne ens wat tydens die erediens betrokke is en ons bid dat U o Heilige Gees ons almal in ‘n Goddellike eenheid en in harmonie sal laat saam werk tot U eer.
tangentwithtanner
romaincrisis
jbbartram-illu
pixelskylines
kaledo-art