toku hauora, whitikihia ki toku koira, ki a uu, ki a whanake ake te whatu manawa a waiaro noki
Ka whakamahi ahau i tenei wharangi hei whakaputa i aku wheako ki nga ahuatanga o te hauora-a-te-hinengaro, etahi o nga tumomo ahutanga patu-hinengaro/wairua ara te âmental healthâ me toku ake hiikoi me enei tuuahuatanga o te - anxiety me te - depression.
kua tata ki te 10 tau ahau e whawhai ana ki tenei o nga taniwha, heioi ano, ki roto i nga tau e 6 ahau kua tino rongo, a, kua whai maramatanga e paana ki nga tuukinotanga o enei ahua patu-hinengaro/wairua, ka rangona na runga i oku ake wheako.
ehara i te mea, i whanau penei mai te tangata, e kao. i roto i tenei ao hurihuri, nui nga wheako, nga wero, nga tuuahuatanga o te tipu mai i te tamaiti ki te rangatahi ki te ao pakeke noki ka paa ki te wairua a te tangata, otira ka titaha nga whakaaro waiaro, na tenei ka titaha te tangata.
heioi ano, he wero tenei ki ahau ano,ki te whai waa ki te whakapuaki i aku nei koorero, i te mea, koia tetahi o nga raru, i etahi waa, kahore te tangata ka paku korero mo enei kaupapa na te taumaha, te whakamaa ranei, a, taria te waa, ka pookea katoatia i nga whakaaro koretake/pouri/taumaha.. na, ka raru te waiaro, nga karearoto, me te hinengaro.Â
he korero taki noa tenei.
me mohio marika koe, he nui rawa taku aroha mo taku whanau, ta tatou taiao me nga koiora katoa o roto. he nui nga kaupapa hei aru kia kaupare i te noho ki tera kokona taumaha/pouri. MAHA nga kaupapa ki a whai hei whakahikohiko/whakawhaanui i te hinengaro, manawa, whatumanawa.Â
âe rapu ana koe i te aroha kei roto i a koe kee, e hika maa, ko koe hoki te aroha hihiri e rapu nei a koeâÂ
~ MAURI TUU, MAURI ORA~Â Â
pixelskylines
snowghoul
s-u-f-j-a-n-s-t-e-v-e-n-s
blakekathryn
andulkaphoto
