The poet

painter and a poet

[madartistsblog]

وحدي إذن أنا العاجز عن النوم. أقضي الأيام والأعوام في تلفيق صلح مع نفسي لا يعيش طويلاً. ما إن أقول إنني عملت ما كان ينبغي عمله حتى يهزأ مني شئ في داخلي فأجري الي الخمر والنساء مثلما كان حالي وانا مراهق وشاب !

ولكن اين هي براءة العمر الاولي ، عندما كانت الاشياء سهلة وبسيطة ، وطمأنينة النفس تأتي دون تعب ولا تعقيد .

رواية ( واحة الغروب )

[kawthar11]

"كلما عزمتُ أن أصير شريرًا،

خانني قلبي؛

تسبقني دمعة،

ويستوقفني نداء،

ويُسقِط عزيمتي

اعتذارٌ عزيز.

العالم شحيح،

وأنا فيّاض..

ولذلك لا نلتقي."

[madartistsblog]

Hello.. How long have you been painting for now ?

About 6 years

[madartistsblog]

peacock

Ink on a4 size paper

[madartistsblog]

Marilyn Monroe

Graphite on paper

[madartistsblog]

Frida kahlo

Ink study

[madartistsblog]

Modigliani

Ink on paper

[madartistsblog]

Portrait of picasso ink on paper

[madartistsblog]

أول كلامنا صدفة

صدفة حلوة منغير لقا ولا شوف

غريبة كنتِ

وكنت أنا

كنت عيل من يومين

ولسة أنا

كنتِ ضحكة في العينين

عين ما شافت غير أنين

وابتسامتك غيري أنا

ابتسامتك م القلب كانت

وابتسامتي .. م العينين الكدابين

في العينين ذكري بتوجع

والكلام الحلو طالع

من شفايف مجروحين

ناقصة خبرة يا حبيبتي

والعلام كان فيكِ انتِ

وانتِ برده يا حبيبتي

كنتِ ساذجة ..

واعذريني

الاعتذار لازم صريح

والاعتذار م القلب طالع

والعلام مش سهل برده

انا وانتي كنا .. صحبة حلوة

واكتر شوية من صحاب

انا وانتي كنا أحلي غنوة

لو حتي فيها الحب غاب

أصل كان فيه بينا ألفة

وبيت امان مليان دفا

طاب فين دفاكِ يا حبيبتي

طاب فين أماني اللي اختفي

خمس سنين

مش كفاية ؟

مش برده مفروض فيهم شفا !

صعب الشفا من ضحكتك

من خِفتك

م الدلع وسط الهزار

من حكاويكِ ..

من صوتك ولو منهار

من سؤالك لما اغيب

من صبرك وانا محتار

طاب نعيد الوقت تاني ؟

و العلام ميتنسيش

ارجع وأقول مش همشي تاني

مش هسيبك ..

متخافيش !

طاب نشيل اخر يومين

او نقول مش محسوبين

طاب نشاور

او نسلم من بعيد

ولا حتي سؤالي يمكن ..

يصحي وجعك من جديد !

[madartistsblog]

لسة ليالي الفرح اكيد

لسة ليالي الحزن كتير

لسة القلب طارح غناوي

لسة الشوف مادد بعيد

لسة حنين بينادي امبارح

لسة حايشني قصر الايد

لسة كتير

لسة بعيد

لسة معايا ..

مين غيري انا

وفيا بعافر ومش مبسوط

ومش مكتئب

ومش راسي ومش مجنون

ولا واضح ولا مألوف

ولا برايا  قادر اشوف

ولسة كتير

ولسة بعيد

ولسة الحلم جي أكيد

لسة طريق مفروش بالورود

بوشوش الحبايب وصوت الونس

لسة عبيط

ولسة ضعيف

لسة سجايري حايشة اسرار

لسة دمار

والنار بتزيد

وصوت الأغاني

ورنة ضحكتي من جديد

وتتعاد الليالي

ولسة الحب جي اكيد

وبرده عبيط

ولسة كاره صحبتي

ولسة بعشقني بجنون

ولسة زاهد قلوب دايبة

وبتشد لأغمق عيون

لسة أنا

ولنفسي معاكس

في حضني انا

و لسة في خناقي ماسك

ولسة عليا بتصالح

ولسة معايا بختلف

ولسة كتير هنتخاصم

ونرجع تاني نئتلف

ولسة الحلقة مفروغة

ولسة طريقنا ممدود

ولسة طريقنا يستاهل

مادام القلب موجود

ولسة مكروهة الحياة

ولسة معشوق الوجود

[madartistsblog]

النهاردة صحيت علي حلم سعيد

غريبة شوفتني وسمعتني بضحك

بعلو الصوت..

 ف وسط صحبة

صوتهم ضعيف

وممسوحة الوشوش

لكن غناويهم مالية الكيان

مالية المكان

شايف ايادي مربطة بحنان

سامع حكاويهم.. منغير ما اميز كلام

ماليني إحساس الونس

ماليني إحساس الأمان

والعقل سارح ف الغنا

سارح وناسي الأسئلة

غريبة قادر ينبسط

 منغير كلام

قربت الحلوة همست ف الودان

عالخد طبعت بوسة

وف ايدي شبكت ايد

القلب نور من جديد

وصبحت انا درويش

وكأن كل هموم العالم مفيش

وكأني مولود من جديد

شربت من كاس الخلود

ونفخت دخان الحياة بثبات

ورقصت زي المسطولين

وندمت عالحزن اللي فات

سرحت بصيت للسما

غريبة خالية من السحاب

غريبة صافية

غريبة كل الحزن غاب

غمضت عيني لثانيتين

للحظة فلتت دمعة فرح

دمعة حنين

للحظة ..

حسيت الهوا بارد

وارتعش جسمي الضعيف

للحظة ظهر الحزن طيف

للحظة تحتي الأرض داخت

ف لحظة راح حلمي السخيف

والصحبة دخان اتنفخ

ويا الغيوم

والحلوة ضحكة اتبخرت

ويا الهموم

كل الحكاوي والغناوي

كل الوشوش فجأة اختفت

وبقيت انا

وفتحت عيني من جديد

في سريري انا المألوف..

نفس القلق والخوف

نفس السكوت

نفس السيجارة بتنطفي..

قبل الخيال ما يفوت

نفس الليالي بتتسرق

من لهفة المكبوت

نفس السكوت

والانتظار ..

[madartistsblog]

قهوة _ شاي _ ينسون _ كركاديه 

قهوة _ شاي _ ينسون _ كركاديه

قهوة _ شاي _ ينسون _ كركاديه

رسم _ قراية _ مسلسلات _ اغاني

 رسم _ قراية _ مسلسلات _ اغاني 

رسم _ قراية _ مسلسلات _ اغاني

 لولولولولولولولولولي !

[madartistsblog]

[madartistsblog]

ارقص .. ارقص يا ورق الشجر ف الهوا بدلال غنوة باسم الحياري العيال كانوا العيال .. جوا الحواري .. لعب وأونطة ولا حد داري كانوا .. ولا الموج لو عشق .. ما يقلق يا هوي ولا يداري كانوا .. اول ربيع بكري .. شقشق بنور الورد جوا الحواري كانوا عيال الهبل فيهم بس مش اشكال ما دام الحب نية حلال حق الربيع يطرح غناوي كبروا العيال .. عرفوا القهاوي واشتد عودهم واخشن صوتهم وبقينا نسمع منهم فتاوي وصبح النسيم دخان يزرع ف روحهم وهم الأمان أحسن طبيب ..يسمع حكاوي .. وشوف العيال .. كبروا العيال .. وكل عيل عنده شكاوي أحد العيال ..قال كام سؤال قال جينا امتي ؟ وليه ومنين ؟ وكمان هيبقي مصيرنا فين ؟ ومفيش ياعيني جواب يداوي أحد العيال هجر البشر وف نص صحرا زرعله شجر وف ضله نام ..همه انبدر والرمل صار لهمومه حاوي وأحد العيال بص ف مرايته ومشفش ميزة تثبت وسامته والشك صاب ف عيونه قيمته والقلب ترّب عالقهاوي وشوف العيال .. كبروا العيال وكل عيل جواه بلاوي أحد العيال صياد عتيد والايد شابكها ف أي ايد في العشق واحد م العبيد والذل رزق لكل غاوي وكتير عيال بكتير وجع القهوة ملّت يا جدع وكل فنجان فيه البدع وكل سر عايزله حاوي وشوف العيال .. اه م العيال   أول ربيع زاره المطر من دون خريف دق الخطر بارت قلوب زادت عيوب وتحت الغيوم..  دبل الشجر

________________________________

Ziad Ayman 

4/8/2021

[madartistsblog]

اااااااااااه من لسعة الشوق وبعد الحبيب وطيفه القريب وعشقه اللي فينا ! ما بينا بلاد ولسة بعاد لكن برده مدفينا.. حبة أمل حبة أمان حبة دفا وحبة ونس ولو انخرس .. احساسنا فينا ! و اااااااااه من نبضك الزايد يا ساكن ف الضلوع رايد.. لو تنطلق ترسم دواير ف الهوا وقلوب عن المحبوب ولو شوقك بنار قايد

ولو حتي الحبيب قاسي ولو سابق ف الخطا ومادد ما بينا الف كلمة وقول وليلنا يطول.. يغني للنجوم حكايات ترسّينا .. وترشدنا بحبة نور وترمينا علي مينا بجزيرة بعيد ونظراتنا تقوّينا ابوس الخد تتكسفي وعن عينك تدارينا وانا قاصد حبيبتي اكيد اسيب ف الخد نور أحمر .. واسيب خجلك يدفينا ..

منا زيك بطبعي عنيد لكن ف مشاعري حرية.. حبيبتي وانت عارفة أكيد جناني وكل ما فيا وعارفة كلامي يتردد ويتلحن كدا بنفسه ويبقي حنيني اغنية تفوتني وتجري علي بابك ويفضحني غُنا عنيا فا لو يا حبيبتي اخبيها اخبي ازاي انا عنيا وانا اللي ف قلبي ع لساني وطيفك ف الحروف ديا بحبك أيوة يا حبيبتي ! وشوقي يا قلبي قسّاني وانا من بعد حرماني ادوب ف العشق من تاني وعايزاني قال اكتمها ولو يا حبيبتي عشقاني هقولها ف كل اغنية بحبك لو معانداني !

وبكتبلك وانا مسافر.. للحظة انا فيها انا وانتي ف قلب ديوان بنتمشي وبحكيلك حكاوي كتير واشوف عينك بتندهلي وتبعت بوسة حلوة تطير ..

تسمعني حكايات اساطير! حكاوي عجيبة

 أجمل من حكاويا اشوف فراشات وجنية تحوم يا حبيبتي حواليا واشوف أنهار وزرع كتير ونسمة حب تحضنني ونور يداويني ف عنيا

واهي نظرة حب غلبتني ونستني حكاويا وبقيت يا حبيبتي بتعلم علي ايديكي الجمال تاني مهو انتي حبيبتي عشقاني يعود الفرح علي قلبي   وليلنا طويل وبيخبي حكاوي كمان ونظرة كمان يبارك حبنا المستور ويكشف جوا منا أمان

__________________________

20/7/2021

Ziad Ayman

[madartistsblog]

يا بحر يابو المقامات التمام يا فارش ع الوجود هيبتك وفي حضرتك يحلا الكلام حبيت أغني.. عن فخامتك.. عن غرورك عن عجايبك ..عن امورك حبيت أقولك.. اني زيك تمام هقولك ليه .. الضهرية.. زوارك بالألوفات العصرية.. زوارك بالميات المغربية.. زوارك بالعشرات والعشا 3 شنبات وبرنسيسات الزاير يجيك ترويح يهلل ويزيط ويصيح او يلطم زي المجاريح وكأنك بير للحكايات و بتفهم ف النفسيات او بلسم كدا للتقاريح بيطيب كل الاوقات بس يا بحر مفيش سكان أخرك زوار للعنوان بيلبوا الندا لو كان الشوق ويودعوا وقت الزهقان مفيش ف جمالك واختلافك ده جمال مش معقول بس الملل ده تمامك لو قعدتك تطول وانا.. يا بهي اللون يابو طلة جنان انا زيك مجنون ومليان حنان واسرار وغرور وصبر وغدر وإبهار انا زيك نوّار ومليش أحباب أخري الاعجاب راح الاعجاب فا مفيش إبهار يروحوا احباب ويهلوا احباب المح اعجاب ف عيون زوار واسمع ف كلام حلو وأشعار اه يا واد فنان اه يا فيلسوف جنبك علطول واهو بكرا نشوف واهو ياما وعود حلوة وبتفوت عالقلب تمام وتمامها حروف واهو لسة الضي فيا والغيوم واهو لسة الرمل أبيض ف العموم والنهاردة اهو فيه احباب واهو بكرا هييجي احباب محلا أيام العذاب اه يا بحر يا مهموم

_____________________________

Ziad Ayman

30/6/2021

[madartistsblog]

يا ليل ميّل وهل بنسايم بردك الدفيان وضلل شمسنا بنسمة تخبينا ويرجع ضيّنا فينا وتستر جرحنا المكشوف وتدفن دمعنا فينا.. ف الجوف.. وتصبح روحنا لحم ودم وجناحات.. فا تطير ونشوف الكون ولا الاساطير يا ليل فيك الدفا .. والونس.. زي السرير الروح تحبك.. وتشكيلك.. وتحكيلك ايه اللي جرا والياما كان ايه اللي كان ف لحظة هوان تسمحلي.. اعشق معاك البحر واشكي.. لكن بشرط ابكي لكن بشرط تخفي جميع البشر واشوف الرمل.. مد البصر وارسم بغصن الشجر ع الرمل آهة واصرخ.. بكل تفاهة زي الغجر وبعد البكا والنوح والصراخ والبوح اضعف .. واترمي عالرمل دايخ واضحك.. والضحك.. يخرج مني بايخ مليان انين كما المجانين واقوم وارقص من جديد زي الغجر اقلع واغطيني .. بأوراق الشجر واغني اغني يمل الصبر مني فا ابكي تاني تمر أيام ويفضل من جناني جسمي الضعيف وورقة مطوية عليها رسمة طير ونفس القصيدة ديا وجملة كلها جنان عشت حزين.. لكن فنان!

________________________

28/6/2021

Ziad Ayman