BARANGAY AWARENESS: Ano ito?
Sa tagal ng paninirahan ko sa Quezon City, ang pagbisita sa Barangay ay isa sa mga iniiwasan kong gawin. Sa tuwing may kamag – anak o kakilala ako na anpupuntang barangay madalas ay dahil ito sa reklamong pang kapit bahay. Marahil dahil na rin aktibo ang aking pamilya sa aming Homeowner’s association kung kaya’t laging alam nila ang mga balita ukol sa baranggayan na nagaganap sa aming muntimg pamayanan. Ngunit sa pagkakataong ito, binista ko an gaming barangay upang magtanong ukol sa mga bagay na praktikal at dapat malaman hindi lamang ng aking pamilya kundi pati ang mga taong nakatira sa aming barangay.
Sa aking pananaliksik madalas ay nagiging salisi kami ng aming barangay chairman. Kung kaya’t ang mga taong nasa paligid at mga tanod ang nakapanayam ko para sa aking mga katanungan. Sa tagal ng paninirahan ko rito, hindi kailanman kami nagkaroon ng malaking problema ukol sa mga panganib pagdating sa seguridad. Marahil sa kadahilanan na mabilis rumespunde ang mga pulis at kalat din sa buong pamayanan ang mga tanod at mga opisyales na itinalaga ng bunong barangay. Nang akin silang datnan ay bukas ang radio na nakatutok sa balita, at ang telebisyon ay nakalagay sa teleradyo rin. Ang mga pulis naman sa katabing istasyon lamang ng barangay ay may radio rin na nagmumula sa mga istasyon sa karatig na barangay.
Sa bingit ng peligro, unang sinabi nila na marami ang numero ng kabataan sa aming lugar. Marami ring mga daycare center ang nakapalibot dito iba pa ito sa pinaka malaking elementary school sa barangay ang Toro Hills Elementary School na nagsisilbing evacuation center kung sakaling ito ay kakailanganin. Noong sumalanta ang bagyong Ondoy noong 2009 isa ang lugar namin sa hindi binaha. Maswerte an gaming pamaynan dahil nasa mataas kami na bahagi ng lungsod ng Quezon at noong panahon na iyon naalala ko pa na isa an gaming bahay sa mga kinatukan dahil mayroon kaming rubber boat na para sana panggamit kapoag nagbabakasyon. Isa an gaming barangay sa mga nahingan ng tulong. Ayon rin sa aking pagkalap, madalas ang naapektuhan ng mga sakuna at mga aksidente maging siyentipiko man o local ay ang kabataan. Bagkus, sa murang edad pa lamang ay tinuturuan na sila kung paano ang mga gagawin sakaling may mangyaring pananalanta.
Isa sa mga programa ng barangay ay ang pakikilahok sa mga nationwide earthquake drills. Sa ganitong pamamaraan ay natututo hindi lamang ang mga kabataan kundi pati ang kanilang mga magulang tungkol sa mga dapat gawin kapag sakaling may lindol. Proyekto rin ng barangay ang pagtuturo sa mga tao kung ano ang dapat nasa “Survival kit.” Dito pinapaalala nila ang mga dapat mayroon ang bawat bahay para kung sakaling may mangyari ay isahang kuha na lang. Ilan sa mga bagay na dapat nandoon ay ang mga sumusunod:
Pagkaing delata (easy open)
Tubig na maiinom
Biscuit
Pito
Mahahalagang papeles
Disposable underwears
Damit na para sabuong pamilya
Ang barangay ang pinaka maliit na uri ng pamahalaang local. Kung ang bawat barangay ay handa sa anumang sakuna Malaki ang tiyansa na maging ligtas ang maraming tao lalo na’t nagsisimula ito sa maliliit na unit lamang. Ang sakuna ay nangyayari kahit kalian at kahit saan kung kaya dapat laging maging handa at maging alerto sa lahat ng oras.
