Untitled

[markkifrost]

Ang dali dali lang sabihin para sa iba na hindi natigil ang mundo ng isang tao the moment na mawalan siya ng mahal sa buhay. Ang hindi nila alam, hindi lahat ng tao magkakaparehas. Siguro sobrang lakas nila to the point na hindi natigil ang mundo nila the moment na mawalan sila ng minamahal.

Hindi lahat kagaya niyo. Merong mga tulad kong hindi nakakausad sa buhay matapos ng mga ganung kaganapan. Hindi dahil sa ginusto kong hindi makausad kundi dahil sa hindi ko talaga kayang makalimot at mamuhay.

Miss na miss na kita Mommy. Miss na miss na kita, Lola.

[markkifrost]

ANG NAIS KONG PAG-IBIG

isang pag-ibig na malinaw na kahit nakapikit ay nakikita ng mga mata isang pag-ibig na tahimik na ang tanging sigawan na madirinig ay mga pusong nananabik sa bawat isa isang pag-ibig na marahan ngunit mabilis na nakakaintindi at umuunawa at isang pag-ibig na mapayapa na walang ibang pipiliin kundi ang magkaisa

ang nais kong pag-ibig ay ang pag-ibig na nais ay ako lamang pag-ibig na di magbibigay tulay sa mga salitang patawad at paalam pag-ibig na walang katulad pagka't kami lang ang tunay na makakaalam isang pag-ibig na wagas, magaan sa isip at pakiramdam

[markkifrost]

MAHIRAP MAGMAHAL NG DALAWA

ang pag-ibig daw ay para lamang sa dalawang taong nagmamahalan pero papaano kung ang puso ay nahumaling sa ibang tahanan aling pag-ibig ang totoo, aling pag-ibig ang dapat piliin pagsabayin nga ba ang tamang sagot kung ito ang sinisigaw ng damdamin

kailan nga ba mali ang magmahal, hanggang saan lang ba ang nararapat may mga alituntunin bang dapat sundin, mga katwirang dapat ilapat hindi daw napapagod ang pagmamahal, kaya kung mapagod ma'y kasinungalingan ikaw ba naman ang magmahal ng dalawa, paniguradong pagtigil ay di maiiwasan

sa bawat palitan ng hininga ay may kakaibang kabang nadarama mahihigpit na yakap sa mga gabing ayaw lamang na mag-isa mga nakaw na sandaling magkahawak ang mga kamay buong maghapong magkadantay habang sa kinabukasan ay nag-aantay

ngunit hindi naman talaga natin maiwawaksi ang magmahal ng higit sa isa pagkat ang pagmamahal ay hindi lamang para sa ating sinisinta ito'y nagsisimula sa ating sarili bago paman tuluyang umabot sa iba ngayon mo sabihing isang malaking pagkakamali ang umibig ng dalawa