ما وحشتك؟

🖤

[mawahshtk]

دارت الايام وأنتي مثل ما أنتي ‏تجبرين كسور قلبي بـ إبتسامه

‏تنكسف شمس المحبه لا حزنتي ‏ما على جرح الهوى غير الملامه

‏من دخلتي صدري الخايف امِنتي ‏ما بعد رجفة غلاك إلا السلامه

‏قمت أرتب فوضى قلبي من سكنتي ‏موطنك قلبي إلى يوم القيامه

[mawahshtk]

ويش أقول غير اني آسف أنا خانتني العواصف و الفصول آه ياتعب المسافر في اراضي الجرح في بحر المحاجر ما لهذا الحزن آخر

[mawahshtk]

ماني ضعيف إيمان لكني انسان ‏تجرحني الكلمة ويقتلني الظن

‏قصة مشاعر خلفها الف خذلان ‏عاشت وكبرت مثل مايكبر السن

‏انا ضحية صمت في ظلم الأزمان ‏صابر واقول الجاي يارب احسن

‏ياكثر شرهاتي على ماضي كان ‏وياكبر هقواتي على أحلام ماجن

[mawahshtk]

سالبة لبّ المدايح وتيجان الوقار ‏وفارقة في جيل متشابهه نوعيته

[mawahshtk]

من طيب حظي جابتك الأقدار لي ‏ومن عرفتك وانا احبك كل يوم اكثر

[mawahshtk]

أنت يا شرهة معاذيري ، وحلِّي ، واِرتحالي ‏أعْرِفك نجمٍ ما تستوعب مساريه المجرَّة

[mawahshtk]

تمرين واشوف الجمال الباذخ الجبّار ‏وقالوا تغاضى بس ماني بـ متغاضي

‏تعالي وفجّي صدري بـ رمشك البتار ‏من يموت من سلهامتك قانع وراضي

‏تعالي ترى ما أخترت غيرك ولا بختار ‏انا واحدٍ ما عاد يغريني الماضي

‏انا الصادق اللي جابتك صوبه الاقدار ‏محبتك صدق وحب غيرك على الفاضي

[mawahshtk]

تجاوزت ذيك الليلة اللي بدون شعور ‏على صدري رماح الحسايف تركزّها

‏تجاوزتها مجبور .. ولّا ماني بمجبور ‏أنا ماهقيت إني بيوم أتجاوزهـا

‏لياليك راحت دون عفواً ولا مشكور ‏من اللي حصل .. مافيه حاجة تميّزها

‏تلاشت ماباقي منها ملح ولّا نور ‏ولا زينها يلفت .. ولا عطرها يزهى

[mawahshtk]

آفل النور واجتاح الظلام المدينه ‏من يرّد النهار اللي خذتهْ الغداري ؟

‏موصد الباب دون الذكريات الحزينه ‏وش يذرّيك ؟ لا هبّت عليك الطواري

‏خلّ كل الهموم اللي بصدرك سجينه ‏دام محدٍ عن اللي في حناياك داري

‏ما بقى للرحيل إلاّ صعود السفينه ‏ليت الأحلام كانت تستحق إنتظاري

[mawahshtk]

الي مايعرف قدرك مايشوف شر ‏منت ملزوم تفتح عيونه وتداوي عماه

[mawahshtk]

مايطولوني صغار الهقاوي والظنُون ‏عالمٍ ماهي بحولي ولا أنا بحولها

[mawahshtk]

وارثين الخير من كل النواحي ‏ ونحمد الله ما مشينا بالرديه

[mawahshtk]

والله مالوم اللي لا قابلك يرتاح ‏وجه السعَد من قابله ! مايمله

[mawahshtk]

في وسط قلبي أحطك واداريك ‏وتبقى معي هالعمر وتالي سنيني

[mawahshtk]

لك وسط عوج المحّاني مكانٍ يحتويك ‏ذا محلك يا مُنى الروح من بد العربّ

[mawahshtk]

يكفيني رحلت ولا حصل مني خطا وقصور ‏وانا حتى وداعي فيه بصمه تثبت اخلاقي

‏تخير فالديار اللي يغشيها ظلام ونور ‏وفرق النور بالظلمه يبين غلطة فراقي

‏تمرك ليلة تطغى مشاعرها على المغرور ‏تدور فالبشر مثلي ولكن صعبه تلاقي

‏فمان الله يا اخر محطه والسنين تدور ‏فمان الله والهقوه تخيب هقوة الهاقي

[mawahshtk]

زودٍ على زين الطبيعه والقوام ‏العقل راجح والسوالف نادره