Untitled

[mickeywwl]

my new blog

暫時決定將BLOG 搬到 www.mickeywwl.tumblr.com

[mickeywwl]

第一篇文, 但其實仲未識用.

TESTING

[mickeywwl]

學生的手作仔

之前遇到一位好NICE 的學生, 第一次教人, 好彩她都好叻叻, 上了三堂就可自行完成這件BB衫了.  VERY GOOD!!

[mickeywwl]

2013 Book Fair

今年的書展較特別, 因為我們帶埋囡囡一齊去....她因要坐係車仔到有點扭計呀...唔知到幾大, 可以買完書好似其他小朋友一樣坐係到大家即時一齊睇書書呢... 新雅圖書$100/7本....  掃左21本, 另外在南亞圖書買了10本書... 6本或以上有75折, 講真...南亞唔係平, 另一間買3本已經有75折了叫宗教XXXX  都是賣兒童圖書的, 不過今年佢的書唔係咁齊我想要的野, 南亞齊D, 所以係南亞買... 另外..又到小樹苗買書... 嘩...要成20本以上先有7折定75折... 其餘的都是得8折...其實真係唔駛係 書展同佢買...因我係另一書店是會員每月都可有8折的...不過...書展買開就買左D想睇既書先... 小機苗的果兩本字典真係好正, 原本以為兩本字典都等囡囡2歲幾先睇, 但回家睇清楚D, 原來D字都唔係咁深,好多她都學過的.... 我跟她睇, 一口氣已睇3個CHAPTER, 仲要她都仲有興趣睇, 現在已大約看過成本了... 我相信她其實已經有2/3的字是已經識... 因為..她睇到時...她雖然未識得讀D 字...但唔同的生字...她會發出頭或尾音.   相信如她真是識講雙音時, 應該是識讀的... 買了本摺紙書...HAHA...打算摺D野同佢玩...第時又可教佢...親子遊戲.   又買了套小樹苗的中文圖書...這套是最淺的

自己就買了3本書... 另外又見到清貨玩具, $50一件, 抵..又買下... 原本見到套"我的小書包" 在BOOKLODGE 最平...$490 仲要再有9折...當時怕買得太多書..而且又未睇住所以無買..但這價錢真是好抵呀... 有點後悔無買到... 講真..書展的書真的不是樣樣平.... 好多套裝書仲貴過我平時見到減價時的價錢呀...仲有個個COUNTER D 價都幾有距離, 如我的小書包, 另一間最平都要賣到 $600... 所以呢...真係要睇晒和平時做多點功課先知抵唔抵.

[mickeywwl]

踏入18.5個月的她

嘩! 我一直期待她歲半的日子, 學野真的好快, 真係就來日日都有新鮮事....一來她越來越多口水字, 即大人講乜她又去講, 二來 手眼協調都越來越好, 有時睇到她的行為真的估唔到她會識得咁做. A-Z 她都開始有部份的字睇到自己會讀, 加埋跟口水尾照讀的都有13個字識讀了. 現在開始幫她學戒片...今日她真是叻叻，她第一次早上訓醒片片是乾的，我未抱她出床到就話我知要pee pee 我即刻比佢坐potty , 我執下野，她突然起身望住個potty 話叻叻，果然她痾了點，但她應該未痾晒的因個量唔夠多，我叫她再坐再peepee 她果然一陣又讚自己叻叻=-= 我見都咁上下雖然應該可再多一點，但唔想係咁要她再坐，幫好抹pat 時就真是多謝她請我飲茶，餘下的就在我手和地上@-@” 但今日這樣開始覺得這目標有點希望了， yeah! 食飯方面, 她都可以自己食, 但到尾聲就當然要大手出手...唔係就食少左... 亦都開始有點識用大人FORK 了. 嘗試自己吉生果食. 另外, 最開心是, 前日湊她返99到, 我兩公婆就出去了...到了晚上, 她自己要穿鞋, 自己走去取鞋要著走人...仲有係咁叫媽媽, 99話同了她講3次, 等媽媽返來先穿 鞋, 到第3次她唔肯一定要穿, 一直坐係到等我們回來接她走...一返到去她就好開心...仲有要我們係到先肯除返對鞋, 到我們話回家...她就即刻去取鞋了... YEAH!! 見到個囡識得掛住自己真的好開心, 不枉我出去了也同樣咁掛住她!!  上星期返了一次NODDY PLAYGROUP, 老師讚囡醒目, 走時仲有其他媽媽都話囡囡叻, 好精靈, 問我係咪成日帶她去公園玩, 但真係證明, 自己湊是有成效的...不枉我放棄了金錢和理想.  因平時在會所, 講真, 真的見到係媽媽自己湊的小朋友真的特別醒, 嘩..有些9個月, 11個月就識好多野, 又識開始同人講野...又會打招呼, BYE BYE 等... 真的有所比較到, 工人湊的, 不及老人家湊的, 老人家湊的亦不及爸爸或媽媽湊的. 但真的要多謝老公咁支持我做FTM, 如不是他, 可能我早早就走返出來工作, 仲有...希望可以捱到下去...做得幾耐FTM 就做幾耐.

[mickeywwl]

新進展18個月大

1. 已戒奶咀 2. 已戒奶樽 3. 希兩次成功在POTTY pee pee. 現在26個字母跟口水尾讀都讀到十幾個... 而她自己認得和識讀的都有7, 8個字母, 而且她對字母都幾有興趣, 相信不用太久她會認得更多, 因 每天跟她讀她都認多到1-2個字. 一到歲半真係學野好快, 成日跟你做既野..又開始學你講野... 現在戒埋奶樽, 每天閱讀的書本就更多, 一日三餐奶, 每次食奶時都跟她睇書... 每日睇十本八本就基本了..   所以要入多一點同一程度較簡單的書... 唔係真係講都講到我悶.

[mickeywwl]

今個暑期目標

Update 下隻豬的進展 1. 已戒奶咀 2.只有睡前用奶樽，目標下星期戒埋佢 3. 只成功一次在potty pee pee 4. 可自行進食大半餐飯，之後要餵。

[mickeywwl]

17 個月大的她

現在真是超懶去UPDATE 個BLOG. 好快咁記下她的成長近況, 她現在基本上好多我們大人講的日常說話她都明, 會NOD OR SHAKE head to answer your question. 另外, 因有auntie 送了個玩具廚房比她, 她每天都玩, 這個真的好有用, 她記得晒玩具上的食物名, 和用SPOON 的技巧都好左. 今日開始我早上比小點奶她, 仲開始要求早上用學習杯飲奶, 另外, 再自己用spoon 食通粉都很好, 都不大要我幫忙可自行進食. 都算食得幾企理. 她也開始跟人講說話了, 不過當然都唔係跟得好好... 現在識叫媽媽, Daddy, 哥哥, 姐姐, 奶奶, 爺爺, BEAR, BIRD, BUS, 飽飽, dog, duck,  etc. 會自己洗頭, 但當然要我幫手啦.  會扮BIRD 飛, 會扮swimming.   問佢眼訓嗎? 她眼訓就會扮yawn 去答你. 現在教她的名稱, 教兩三次她就會記得.  今個夏天暑假, 我有三個目標: 1. 要她只有睡前奶用奶樽, 其他的都是用學習杯, 2. 自己進食正餐. 不要餵食. 3. 學介片片, 但這是我最無信心, 因為她唔喜歡坐係potty 到, 佢坐一陣就好快起身. 明知佢要poo poo 我話帶佢坐potty, 佢即刻揮手擰頭,勁唔喜歡. 所以我最無信心教她用POTTY..  有無媽媽有什麼心得可提供,   煩請教路!!  MANY THX!!

[mickeywwl]

是否全世界的老人家都是如此誇張

話說我的囡囡手臂給蚊咬了好幾口, 手臂也腫起來了, 爺爺嫲嫲見到就即刻想搵野比佢塗, 在家中什麼都找出來話要塗上去... 有些一睇就知無可能比2歲以下小朋友用的, 因為那是藥性好勁的藥膏, 於是我CHECK 左那款藥膏女兒是用得的, 我打比 老公回來時順道買, 但爺爺竟心急到話要即時落街買, 但其實我老公只是半小時後就會返到...所以當然比我制止了. 另外...99因為上次煲了的飯是平時大人吃的硬到, 囡囡食兩食就唔食, 於是走去專登買個電飯煲仔, 來專用煲飯比我個女食. 我真的覺得好誇張, 之前她家中的電飯煲壞了都唔捨得買, 現在就專登買個電飯煲仔....講真...有人錫自己個女唔係唔好, 但我好唔鍾意有人錫她錫到咁....唔想有人將她捧到天上有地下無咁樣...他們 好耐之前夠話想換電話, 因為要睇個孫的相片方便點...   佢地錫個孫錫到咁...我諗係人都會諗到...他們會有幾遷就她...我最怕個女到大點, 就會明白到, 爺爺嫲嫲是為住她轉的, 什麼都 會依她的, 到時她的自我中心一定爆滿.   仲有..有機會就想借他們來滿足自己的要求.  我都可能諗佢地唔係成日見個孫, 一星期兩次, (其實問所有朋友都話真係唔係見得少) 可能會特別對個孫咁, 但他們都是這樣縱自己的細女,  咁更何況孫!? 邊個縱我個女我都唔會比, 我會反面... 正所謂學壞一日, 學好三年,  三歲定八十... 我真的十萬個慶幸可以自己湊個女. 不過, 有樣野更慶幸是, 老公和我的教女理念相同, 大家在教女上暫無分歧, 唔係就麻煩了. (發洩完畢)

[mickeywwl]

小病事福

老公腸胃炎了幾天, 當然我都唔希望他病, 但甚少腸胃炎的他, 他終於明白個胃唔舒服, 又成日想嘔的感覺係點, 他話更明白我以前成日腸胃炎有幾辛苦, 仲有懷孕時成日嘔幾慘, 他更明白我那懷孕9個月時的辛勞. 他仲叫女女要聽話, 唔好激嬲媽媽, 聽完有點甜. 就快到母親節, 囡囡仲未好識講野, 但我現在每日就教她講"我愛媽媽" 哈哈, 好白痴, 要由自己去教, 但如果教她識講, 聽到都一樣甜在心頭, 囡囡, 加油呀..快D講比媽媽聽, 氹下我都好啦!

[mickeywwl]

鈎手袋

今次用了以下的CUP CAKE 線冷鈎了個手袋, 整手袋一定要用D 硬身D冷先可以做到, 唔係個袋的形好難出到來, 這手袋用了4.5個CUP CAKE 先可完成, 現希望買一些草繩回來鈎手袋, 應該會更好.

[mickeywwl]

又一給女兒的手作仔

其實我都不知這個款式原本是裙還是衫, 不過照書鈎起後, 只能給女兒當衫著, 最想不到時, 女兒穿上身比就咁睇件衫還要好看. 今次這作品個人真的非常滿意.

    真人示範:       我隻醜樣豬穿起上來又真係好鬼可愛, 即時女仔晒.... (希望大家唔會嘔, 我咁樣讚自己個女, 因為她平時甚少咁女仔, 經常D 人都當她是仔仔)

[mickeywwl]

新作 - 被肩

用了兩個月時間終於完成送給好友的被肩了, 這是一幅相當大的被肩, 一共用了18個冷球完成,  當好友收到時她很開心, 因為SIZE 和款式都 是她所期望的, 真是GOOD...  總算無浪費我的心機... YEAH!!!

[mickeywwl]

養成良好習慣

15個月大的她已介了浴盆, 可以直接坐係浴缸到沖涼了, 初時有點不安, 我比條毛巾她玩下, 她就定下來, 分散下注意力, 現在沖涼, 她已習慣幫我拿毛巾, 片片, 和椅子去浴室, 涼完又會幫我拿大毛巾去放好, 之後再幫我拿椅子放回原位, 再幫手去掉片片.  所以話, 將好的事變成習慣, 做起來就不覺是什麼一回事了.  這點真的抵讚!

[mickeywwl]

新書- 我自己會讀 和 我愛讀

見囡囡睇既中文書都7788, 所以想買套文字小D 既中文書比佢, 現在買了"我自己會讀" 的紅輯和橙輯, 等書展再入貨. 另外, 亦入了兩套 "我愛讀" 第一輯和第二輯, 可能有人覺得好奇怪, "我自己會讀" 本身是想比小朋友學中文字睇的. 現在比她看會否早了? 但我又覺得無問題, 我就是貪佢小字, 現在都係我看圖, 跟住就CREATE 個故仔, 至於 書中的字就不特別要求她去認, 但因為她本身會自己睇圖睇書, 我相信她不其然會認了書中的字.. 現在都是讓她聽故事為主. 等她2歲左右啦, 再睇這書時就會要求她遘下比我聽. 現在已開始了幾本, 都唔錯, 囡囡都肯聽, 現在每日都睇多左書, 因為她開始每日訓一次小睡, 所以多了時間就自然睇書多左, 另外, 她下午茶果餐已經可以完全唔用奶樽飲奶了, 只要她坐在我大腿上, 她就乖乖自己拿著學習杯飲奶, 一邊聽我講故事, 所以 一餐奶都起碼睇3-4本書.

[mickeywwl]

小熊寶寶繪本

這套熊熊書我都唔記得在她幾多個月大開始睇, 到現在她已看了其中的12本, 餘下3本仲未睇, 因為她未有興趣或未接觸過書的內容, 我發現細小的小朋友看書的興趣都要睇下佢有無接觸過書中的內容, 如果沒有, 就算我講比佢聽佢都未有興趣去睇, 好似:午飯/散步"那本 我係專登在日常跟她講, 帶她去散步跟她講出這名詞, 她知道左這字代表什麼她就開始有興趣睇散步果本書, 如午飯果本都是, 一到食午飯時間我就跟她講, 現在食午飯喇...LUNCH TIME... 她聽了幾次明白了這意思她就又開始睇午飯這本了. 這套書都差不多可以退休了, 因為她已記得封面代表是那本故事, 即已經好熟識.  來緊要看其他書了.  因發現她都開始有認字認圖的意識, 所以唔好放過她自己主動學習的機會, 打算買點現在她差不多可以理解的故事書先得. 之前買下的都比較大個先識睇, 我諗要等到2-3歲先可睇D 存貨, 再不是有一套都可以睇下,  不過是簡體, 現在SEARCH 過見到有青田的"我自己會讀" , "我愛讀" 仲有小樹苗的有套 主角叫" 丁丁當當" 都是我杯茶, 我自己會讀一套有成8輯, 買晒好貴呀...打算買一兩套比囡囡睇下先...睇完先再買.

[mickeywwl]

踏入15個月的她

她現在已經明白我們講既野, 好多時叫她玩完的野, 放去邊, 去邊到拿D 咩...沖涼幫我拿毛巾片片, 和去房到拿椅子去廁所, 全部都做到. 但衰在現在開始扭計左, 一得唔到的野, 或拿走她的野就會扭哭咁, 不過, 我唔會怕她, 叫她即管哭, 她就會哭兩聲就收聲. 仲有現在識我得叫我帶佢去邊, 至攪笑去會所食完野, 我問佢你想返屋企定是去PLAYGROUND 到玩, 她就向PLAYGROUND 方向行, 去到點知無開, 我話無開喇..要走喇...她唔捨得走...一路行仲想哭... 去到reception 我問職員去開返比我們玩, 她就即刻好開心... 跟住哥哥好快咁行去, 不過...玩到咁上下, 次次都唔駛我叫..她會自動走人.. 另一樣發現, 她識得呷醋了, 如我抱住BEAR BEAR, 或爸爸攬住我, 她會拉開佢地, 自己走埋來攬住我....哈哈...真係甜在心頭...