Matagal tagal din yong napagsamahan natin. Madaming saya, lungkot, hindi pagkakaunawaan, pero ni minsan hindi natin hinayaan na mag hiwalay. Ngayon, ikaw nalang yong masaya, ako eto trying sa pag momove on. Malungkot, umiiyak, hindi niyo alam yong nasa dibdib ko. Oo, andon yung galit ko sayo, sa pamilya mo, sa mga magulang mo, pero ni minsan hindi ko kayo kayang bastusin.
Ikaw padin yong pinipili ko kahit araw araw akong nasasaktan. Lagi kitang iniisip, lagi kong hinihingil na sana magising ka isang araw na ako parin yong hahanapin mo. Yong ako parin yong mahal mo. Yong ako parin yung nagpapasaya sayo kahit ang daming problema.
Masaya ako kapag alam kong masaya ka na. Ang sakit lang kasi kahit alam mong nasasaktan ako, wala lang sayo. Hindi ko na kayang ipakita sa lahat na umiiyak ako. Na nasasaktan ako. Ang hirap mag kunwari. Akala nila okay na ako. Akala nila masaya na ulit ako. Pinapakita ko lang sakanila. Kasi ayoko isipin na ang oa ko na masyado.
Ayokong ipangako na ito na yong huling message ko para sayo. Alam ko din namang hindi mo to mababasa kasi dito lang yong safe space ko. Dito ko lang nilalabas lahat ng gusto kong sabihin sayo na kahit kailan hinding hindi mo malalaman.
Tumigil mundo ko. Hindi ko na alam gagawin ko sa susunod na oras. Hindi ako makapag isip. Ang gusto ko nalang nasa loob ng kwarto walang gawin, mag yosi, uminom, gawin yong mga ayaw mong gawin ko sa sarili ko noon.
Pasensya ka na kung hanggang ngayon mahal parin kita. Alam kong masayang masaya ka na, irerespeto ko yon.
Hindi naman ako mang gugulo pa eh. Pipilitin kong maging masaya. Hindi ko lang alam kung hanggang kelan ako magiging malungkot.
Kumukuha nalang ako ng lakas ng loob sa anak natin. Heto, siya kasama ko ngayon, umiiyak nalang sa tabi niya. Dami kong gusto ko malaman, matanong, masabi pero wala naman akong masabihan.
Wag ka mag alala, magiging okay din ako. Malakas ako diba? Alam mo naman yon. Kaya nga siguro madali nalang din sayo na iwan ako. Akala mo kaya ko. Akala ko din.
Oo, tatanggapin ulit kita. Mahal kita eh. Ikaw lang minahal ko ng ganito.
Balik ka na. Balik ka na samin. Miss na miss na kita.
amandla
pixelskylines
prguitarman