FJCK

Kunwaring Manunulat // Walang bilangan, Tugmaan lamang. TW:ckimjavierflor

[plumanadiz]

Puro laro sa una, ayoko pa ngang maniwala Ngunit habang tumatagal ang lahat, pakiramdam nag iba. Kusa nang nililinga ang telepono, Umaasang pangalan mo ang makikita ko Sinisilip sa araw araw ang mga litrato, At umaasang baka may bago. Napansin ko, 'di na 'to laro Totoo na 'to. Umabot sa puntong, sumabog na ako, Pinakawalan 'tong nararamdaman at ipinaalam sa'yo. Sinta, ninais mo din ba ako? Totoo ba 'yang nararamdaman mo? O isa lang ako sa mga laruan mo? Sinta, iba ba talaga ako sakanila? O puro ka lang sa salita? Ninais mo ba talagang makita ako? O pinaaasa mo lang sa mga ilusyon mo? Sana alam mo na 'di na 'to biro, MAHAL NA KITA, 'yan na ata karma ko. Maski na alam kong masasaktan lang ako, Gusto kong ituloy 'to. Ngingiti na lang ako maski nang alam kong 'di lang ako. Magpapaka bulag sa mga pandaraya mo, At ituturing ka pa ding panalo.

[plumanadiz]

3 13 16

Bakit mo pa ako ipinipilit na manatili? Kung sa bawat araw na dumadaan siya pa din ang 'yong pinipili? T'wing kausap kita halos araw araw akong nagdudusa; Nagdudusa na makitang mas mahal mo siya. Ninais ko nang umalis noong una, Ngunit sinabi mong manatili ako dahil ayaw mo akong mawala. Mahal, t'wing sasapit ang panibagong araw na may ikaw, Ginugusto kong magmahal at bumitaw; Ginugusto kong magmahal dahil may "IKAW" na dapat pang mahalin, Ginugusto kong bumitaw dahil mayroon na "SIYANG" mas binibigyan mo nang pansin. Gayunpaman, 'di ko alam kung bakit pa ako naririto, Mas matimbang pa din ang pagmamahal ko sa'yo kaya siguro. Ngunit 'di ko sa'yo maipapangako na kakayanin 'to ng matagalan, 'Di ko maipapangako na pang habang-buhay mapagtitiisan. Pero hangga't kaya ko pa naman, Mananatili akong hawak ka sa kabila nang bigat nang paghawak mo sakanya, Mananatili akong ngingiti sa t'wing nakikita ko kung paano ka niya napapasaya, Mananatili akong titingin sa'yo na tila bang ikaw lang at ako. Mananatili ako kahit na KAYO at hindi TAYO.

[plumanadiz]

…Sinta, ‘di ko hiniling lahat ng 'yong ibinigay, ngunit nagpapasalamat pa din ako sa'yong buhay. Minahal kita, Oo, ngunit madami nang nagbago ngayon, maaaring minahal kita noon pero 'di na ngayon. May mga bagay na matatag na minsan din kinailangan mabuwag, may mga pangakong 'di na dapat matupad, at may mga pagmamahalan ma kailangang hangganan.

[plumanadiz]

Isang Buong Araw

Nakikita kong napapatawa kita, Napapangiti kita. Sa bawat kwentong walang ka-kwenta kwenta, Nilalaan mo pa din ang 'yong tenga. Pinagmamasdan ko ang pag lubog ng araw mula sa bintana, Napansin ko na pinagmamasdan mo din ako ng tahimik kaya umiwas bigla. Sa bawat hakbang ko papalayo, Binabalik ako nitong mga paang 'to sa'yo. Ninanais ko nang makasama ka, 'Di lamang na makatabi ka. Pinapanalangin na lagi ka na lang tulog Upang sa balikat kong ito, mga magagandang panaginip mo ay mahubog. Ang saya mong kasama, Walang pagkakataong malamya. Kaya mong buoin ang isang taon ko gamit ang isang araw na ikaw ang kasama ko. Habang nagpapahinga ka sa balikat ko, "Napaka swerte niya sa'yo" ika ko. 'Di ko alam bakit noon 'di ako pumayag, 'Di ko alam kung tanga o duwag. Ngayon nakita ko ang halaga ng 'sang tulad mo, Araw araw kong pinagsisisihan kung bakit 'di naging tayo. Grabe no? Sa isang buong araw lang, Sobrang daming memoryang bumalik at nabuo, 'di mabilang.

[plumanadiz]

Ang hirap manumbat, Sasabihin puro satsat.

Ang hirap manguna Dahil sasabihin nilang mapapel ka.

Ang hirap magbahagi Lalo na’t wala silang paki.

Ang hirap magsabi ng tama, Sa tingin kasi nila'y nagmamalinis ka.

Tatahimik ka na nga lang, Masasabihan ka pang mangmang.

Mabuti man o masama, Mali man o tama,

Kahit ano ang gawin mo, Lagi ka pa ding talo, Lagi ka pa ding mali, ‘Di pa din katanggap tanggap ang 'yong gawi.

Ang hirap kumilos sa mundong 'to, Ang hirap makisama sa mga taong naririto.

[plumanadiz]

Sa'yo na nga ang sa'yo, sa'yo pa din ang akin?

[plumanadiz]

Bakit ka ba umaasa? Kung minsang mo nang hiniling na 'wag sana?

[plumanadiz]

Sa nakalipas na panahon, Ikaw at ang mga sugat mo na lang ang nakaahon. Dala ng unos na bitbit niya, Lungkot sa mga mata hanggang sa kaluluwa may naiwang marka. Masakit ang dinadala, Ngunit tila bang wala. Iniyakan mo noon, Pero bakit mo binabalikan ngayon? May galit ka pang nadarama, Pero bakit inaala mo pa din ang mga proweba? Tapos na, Pero inaangkin mo pa din ang wala na. Umiiyak ka kamo sa poot, Pero ang mga luha mo sa pangungulila nanunuot. Pilit mo pang itinatanggi, Pero alam kong binabalikan mo dahil may nananatiling paki. Ang hilig mong balikan ang mga bagay na minsan ka nang sinira, 'Di pa ba sapat na winasak ka? Sira na binabalikan mo pa, Ano pa bang pinanghahawakan mo ha? Tama na, wala na at sawa na siya.

[plumanadiz]

Nakahiga sa isang lugar na napapaligiran ng matataas na damo, Habang nakatingala at pumipito. Ang malamig na simoy ng hangin, Damang dama ngunit 'di alintana at nakatingala pa din. Sa madilim na kalangitan, May kumikislap na kagandahan. Kalimitang 'di napapansin, Ang gandang 'di maipapaliwanag maski bigkasin. Sa ngayon, iniisip ko kung nakikita mo din ba 'to, Nakatingala ka din ba habang inaalala ako? Iniisip ko kung nakikita mo ang kagandahan ng mga tala, Kasing ganda ng pagsasama natin noon na naantala. Iniisip ko kung ako ba ang naaalala mo t'wing nakikita mo ang mga 'to O nagbago na dahil iba na ang katabi mo? Napapangiti na lang ako, Ano ba namang kalokohan 'to. Wala na nga tayo, Ikaw pa din ang iniisip ko. Pasensya ka na kung ilang beses mo nang nakagat ang dila mo, 'Di ko lang kasi maiwasang isipin ka at 'yung dating tayo. Kasama kasi dapat kita dito, Sabay sana nating pinagmamasdan ang mga 'to habang gumagawa ng ating mga plano. 'Di bale na, tapos na. Hihiga na lang at ipipikit ang mga mata.

[plumanadiz]

Nagtatapos ngunit 'di lang 'to hanggang dito.

[plumanadiz]

KAARAWAN

Isang araw na naman ang lumipas, Isang araw na naman ang nadagdag sa tulad kong palipas na nang palipas. Lubos pa din namang nagpapasalamat, Dahil nandito at nadagdagan pa din ng taon maski na ang dinadala ay sobrang bigat. Talaga namang mabuti ang May Kapal, Maski na gaano kahirap ang buhay, kasiyahan pa din talaga ang makapal. Sa isa na namang parte ng libro ang natapos, Ngunit ramdam ko na agad ang umpisa na madami na namang ibubuhos. Gayunpaman, gaano man yan kahirap, Alam kong dasal lang ang kailangan upang maharap. Nawa'y patuloy na patnubayan at gabayan, Patuloy na puro pagmamahalan at wala nang masaktan. Nawa'y matuto at maging malakas, Maging maayos at masaya ang bukas.

[plumanadiz]

BALIKAN

Dumating na ang pagkakataon, Ang banta mo noon malapit ng mangyari ngayon. Nakakapagpabagabag dahil maski anong oras maaari ka nang umalis. Parang kahapon lang ano? Grabe! Sobrang bilis. Tuwing umaga pangamba ang hinaharap ko, Dahil baka wala nang masilayang ikaw ang mga matang 'to. Takot na baka umalis ka na walang paalam, Iwan mo ako na walang kaalam alam. Ang hirap maging masaya sa tabi mo, Baka lalong mahulog at mahirapan sa paglayo. Gusto kong sulitin ang bawat pagkakataon, Ngunit parang ang hirap ng gawin ang ganun. Paano pag natuloy ka na? Paano mabubuo ang araw at umaga? Tititigan ko na lang ba ang kinauupuan mo noon? Mangungulila na lang ba sa prensya mong nandito lang kahapon? Ayoko ng ganito. Nasanay na akong nandito ka sa tabi ko, Mauuwi na lang ba sa kalimutan? 'Di na kasi ako naniniwala sa "BABALIKAN"

[miloi]

Ang susunod na liham ay rated kkpg ito ay may temang, Katangahan, kaharutan, pagluha at g, game? Djk wala sa g uhm mura ‘yon 😂 na hindi angkop sa mga tanga.

Dear ms. Flor,

We are pleased to inform you That your birthday is today so yeah let’s party hahaha i guess jk 😂 okay bye hahaha joke hahaha bye na talaga, oh, tula para sa'yo, tutal tulalera ka naman, oh 'yung title oh para sa'yo talaga. Hahaha bye:

Likhang tanga

Magandang umaga, tanghali, hapon Abutin man ng gabi, pagbasa sana'y patuloy Maski na ginaya o mali ay naroroon Damdamin sa tula ko, sana'y dumadaloy

Sana ang panimula ko ay naintindihan Sapagkat ang tula kong ito'y para sa iyong kaarawan Masaya kami At maligayang bati

Huwag kang mag-alala Kung mali ay naririto Ipagpaumanhin ho ninyo Kaarawan niyo ho pala, araw na ito

Kung mali ulit ay nasa tulang ito Paki tama upang ako ay matuto Alam kong ikaw ay dalubhasa na Sa paggawa ng tula, gaya nito

May sasabihin ako sa iyo At dahil may nakita ako Nahanap ko tumblr mo 'Wag kang magagalit dahil ngayon ay kaarawan mo

Regalo ko ay simple lamang Hindi ko pa alam kung iyon ay iyong magugustuhan Dahil napag-alaman ko, ikaw ay tagahanga Ng librong sadyang kahanga-hanga na inilisan sa pelikula

Tama ka, ako'y isa ring tagahanga Sandali, parang ako'y naliligaw na Ikaw ay nakalimutan na Paano ba iyan? Paalam na

Dumako naman tayo sa ibang lengwahe Tulang gawa ko sa salitang ingles Medyo corny, pero taos sa puso Pakibasa nalang po

We’re happy to have you We are pleased to inform you…(HP) I guess It’s sarcastic You’ll know it automatic

The one who write this poem He’s adorable and his name is em Lol 😂

Sana napasaya kita Sa simpleng tula Na aking ginawa Na parang tanga😂😂😂

Hahahaha lol gawa gawa ko lang iyan😂 okay lang na itama mo tas ipublish mo 😂 djk sige na ang corny na eh bye, bye the wae, watch me nae nae 😒😒😒, HAPPY BIRTHDAY TO YOU HAPPY BORNDAY TO YOU MALIGAYANG KAARAWAN SA'YO ZHU NI SHENG RI KUAI LE BLEH BLAH 😂 Bye, HAPPY BIRTHDAY bleh 😂 luh iyak ka na😂 sa tawa 😂 oh ooohhh iyak na eh sa tawa, wag mo nang basahin ang susunod na talata, joke lang yun 😂

Hi, Bestfriend kita? Sabi ng bestfriend mong si amber siya lang daw bestfriend mo. Hahaha paano kami nila lilia at ethel? 😂😒wala eh magpapasalamat nalang ako dahil itinuring mo ako at sila bilang tunay(weh? 😂) na kaibigan hahaha 'yung lang hahaha sige na bye na corny nanaman bye. Happy Birthday Labyu Bye 😂 Sincerely, Emerson Lajom 🚏😂

P.s. ANG CORNY 😂 BYE

🎶Zhù nǐ shēngrì kuàilè🎶🎂🎄🎁🎉🎊🎈

Okay ⚯͛△⃒⃘

@plumanadiz

[plumanadiz]

SOBRANG DAMING MALI NG IYONG TULANG IPINAKITA, PERO SINO BA NAMAN AKO PARA MALIAN ANG ALAM KONG TAOS PUSONG TINULA? KAHIT GAANO PA MAN YAN KA WALANG KWENTA O ’DI KAMANGHA MANGHA, NAKITA KO NAMAN ANG 'YONG SINSERIDAD KAYA ITONG BUONG PUSONG TINATANGGAP. MARAMING SALAMAT, KAIBIGAN. MULA SA KATANGAHAN HANGGANG SA PAGMAMAHALAN, AKO'Y TUWANG TUWA. TALAGA NAMANG BIYAYA NG MAY KAPAL, MASKI NA MINSAN IKA'Y EPAL. HAYAAN MONG SABIHIN KONG NAPAKA BUTI NG DIYOS SA'KIN PARA PAGKALUOBAN AKO NG KATULAD NIYO NA ANG SARAP SAKSAKIN, GAYUNPAMAN, MAHAL NA MAHAL KO KAYO KAHIT ANG MGA MUKHA NIYO AY 'SING KAPAL NG KALYO.

PAALALA BUTIHING KAIBIGAN, HUWAG SANA IPAGKALAT ANG MGA LIKHA KONG NARIRITO KUNG 'DI MAYAYARI KA SAKIN AT IKA'Y IPIPRITO HUWAG IPAPAALAM ANG MGA LIKHA KONG NANDITO KUNG 'DI, GAGAWIN KITANG BURRITO. MAAARI MONG KUHANAN NG LITRATO ANG LIHAM KONG ITO, HUWAG LAMANG ANG PANGALANG PINAKATAGO TAGO. KUNG 'DI, IKA'Y PEPESTIHIN KO.

HANGGANG DITO NA LAMANG ANG LIHAM KO, PERO ANG SAMAHAN AT PAGKAKAIBIGAN NATIN AY HANGGANG DULO.

[plumanadiz]

Naniwala na ako noong una, pero nagbago ka bigla, nawalan na naman ako ng pagasa.

[plumanadiz]

[plumanadiz]

‘Wag na 'wag kang magkakamaling maging peke harap ng mga taong totoo sa'yo.

[plumanadiz]

Kaya ko dahil gusto ko.