هذا الفلم مصداق لمقولة إن حظ الزينات دمار.
أدريانا فتاة جميلة بشكل خارق وكل همها الوناسة والرقص وسعة الصدر وتتصرف بسذاجة، ولكن عندها طموح ترتبط برجل، مشكلتها إن كل الرجال واحد، وتصرفاتهم وحدة، وكلهم يعتقدون إنهم يعرفونها وهم ولا واحد يعرفها لكن يستغلون جمالها وينامون معها. المشكلة الثانية إن أدريانا نفسها تعطي إيحاء إنها ما عندها صورة واضحة هي وش تبي، لا من تمكينها لنفسها للي يسوى واللي ما يسوى، ولا هي اللي حطت حدود واضحة للرجال اللي تقابلهم، ورغم فيه مشاهد كثيرة جروحها رجال حسبي الله عليهم بشكل يقطع القلب في الفلم، إلا إنها مصرة على نفس التصرفات، ولا ندري هي سذاجة ولا هذي رغبتها في كيف تعيش. لكن النهاية الصادمة جداً خلت المشاهد المتعاطف معها آخر شيء يسأل ألا يحق لأدريانا إنها تكون بهذي السذاجة وحبها للرقص وبدون تصور واضح وحدود واضحة إنها تنحب من شخص يفهم هذا الجانب؟ ثم أليس من المفترض أن صاحب اليد العليا في العلاقة وهو الرجل يكون هو الجاد وألا يستغل مثل أدريانا؟ طبعاً الفلم أصبح يصنف نوعاً ما نسوي في السنوات الأخيرة، لأنه يوضح هذا الجانب إنه ما فيه مساواة في العلاقة، وفيه مشهد ساحر يوريك أدريانا تقابل ملاكم ساذج، وقبيح، فتمشي معه إلى محطة قطار، فجلسوا وتسأله تقول عندك حبيبة؟ فيفتح شنطته ومعلق فيها صورة قال هذي حبيبتي ماخذها من محل ومعلقها من كثر ما هو وحيد الضعيف، فالفلم يوريك إن هذا من الغبي القبيح المنتف وينجلد في الملاكمة هو المساوي لملكة الجمال أدريانا عند النساء لأن باقي الرجال اللي تطمح لهم أدريانا كلهم واحد استغلال جنسي، وعاطفي حزين صدمنا في النهاية. أما التصوير فتحفة فنية، والاغاني في الفلم تخلي الواحد وده يصيح من القهر على أدريانا أنشهد إن حظ الزينات دمار. أخيراً، الأوروبيين في الستينات عندهم ميزة وعندهم مشكلة، أساتذة في إخراج أفلام بأقكار عظيمة، لكن عندهم مشكلة فيه سلاسة ترابط المشاهد والأحداث، تحتاج جهد لاستيعاب الفلم والشخصيات في النصف الأول، فيه تشتت واضح، عكس الأمريكان ملوك بناء المشاهد وترابط الأحداث بأفكار أقل من الأوروبيين.
بكرا الأغنية اللي بتتشغل وأنا رايح أتقهوى كورتادو في الاجازة الممتدة إلى الأحد الجاي اي والله:
stormborns
dailybridgerton
izzy806
areudirty
janainaart
theartofmadeline
