无标题

[soundomichi-blog]

以後返工有衫着😅（在 Soundo Michi Guitar Workshop 樂道結他維修）

[soundomichi-blog]

《再次出征》 每次有啲打完仗嘅結他黎到，都會令人感到有種佢歷盡滄桑，曾經輝煌過嘅感覺， 見佢面上嘅痕跡又會好似年事已高，已好耐冇出戰沙場，已被人遺忘一樣 上得黎，就係為咗佢可以重振雄風，希望可以重出江湖 其實換過把刀，剃咗啲鬚，沖返過靚涼，又靚仔返晒，又一條好漢，可以再次上戰場 #guitar #bass #結他維修 #樂道 #soundomichi #結他護理 #結他保養 #結他setup #band #music #intonation #fretpolishing #fret #觀塘 #結他線 #結他配件 #結他零件 #整結他（在 Soundo Michi Guitar Workshop 樂道結他維修）

[soundomichi-blog]

《陽光的聲音》 聲音有時真係好難用言語去表達，我即管試試 Gibson Les paul 嘅聲音，比大家嘅印象應該係大大粒，似個硬漢子，推弦時係一把少許沙啞的聲線在尖叫的感覺, 咁係咪Gibson先係漢子，其他就軟腳蟹呢？ 咁當然唔一定啦，就好似呢支Edwards 咁，就係一個好例子，就如充滿力量的陽光男孩， 同樣是充滿力量，但分別在於一個好似力盡滄桑，一個就洋溢青春氣息；所以結他就緊係一支唔夠啦😆 阿陽光男孩攣咗，咁緊係要幫佢拗番直啦，肯定晚晚夜浦啦，玩到已聲嘶力竭，換埋副偈，又可再戰江湖 #guitar #bass #結他維修 #樂道 #soundomichi #結他護理 #結他保養 #結他setup #band #music #intonation #fretpolishing #fret #觀塘 #結他線 #結他配件 #結他零件 #整結他 #Edwards （在 Soundo Michi Guitar Workshop 樂道結他維修）

[soundomichi-blog]

《重要的角色》 Bass，一隊樂隊中非常重要的角色，但往往好似被忽略了一樣 啱啱開始玩音樂夾band的年青人都有好多都覺得bass是可有可無，要玩咗一段時間，耳朵開始進步，對音樂嘅感覺開始進步，先發現bass係最重要的一員 Bass手站在如此重要的位置，所以支bass嘅狀態係對bass手黎講好重要，好嘅bass手對音長，音準，每一下彈出黎低頻嘅震動都會好有要求，或者用另一講法，佢地聽倒好多其他人聽唔倒嘅野 所以要幫bass 做setup，應要更細心，更用心去留意每一個細微嘅震動及聲音 客人搵我地整結他，即係對我地的一份信心，即係我地都當上一個重要啲角色，對我地做好嘅結他，bass滿意，實在好有成功感😌 #guitar #bass #結他維修 #樂道 #soundomichi #結他護理 #結他保養 #結他setup #band #music #intonation #fretpolishing #fret #觀塘 #結他線 #結他配件 #結他零件 #整結他（在 Soundo Michi Guitar Workshop 樂道結他維修）

[soundomichi-blog]

《日系男孩》 有個好得意嘅情況，就係黎我地樂道維修嘅結他牌子係一輪輪的，例如之前有一排好多支波蘭嘅mayones 黎，有一排又好多les paul 黎，多到想放下post都難，支支仲要都一樣唔係黑色就sunburst😅 而最近就到日系登場啦！ 登登登登 係Ibanez🎸呀 Fender 嘅strat,tele; Gibson 嘅lp 以外，相信不少人都被 Ibanez嘅RG系列迷倒，Ibanez 絕對唔會比前兩者遜色， 好簡單一個問題，7線 8線 或彈metal, 你揀邊支？😏 古語有云「速彈solo彈metal，i 記幫你解決倒」就知咩事啦，呢句古語我啱啱諗的 咁當然支支都彈得啦🤣，ukulele都得😂你覺得啱feel就得 見我咁撐日系結他就知我係日系男該，但我冇Ibanez ，仲要有fender, 應該捉去打😝 #guitar #bass #結他維修 #樂道 #soundomichi #結他護理 #結他保養 #結他setup #band #music #intonation #fretpolishing #fret #觀塘 #結他線 #結他配件 #結他零件 #整結他 #fender #gibson #ibanez #mayones （在 Soundo Michi Guitar Workshop 樂道結他維修）

[soundomichi-blog]

《Fender Mexico 🇲🇽 》 係咪美國造就一定好聲啲？ 咁就緊係唔係啦😌 我會話係機會率高啲囉😁 呢支就係一個好例子，made in Mexico 但手工好，木材料都好，所以攞黎setup + fret polishing 將結他嘅狀態set 好就己經好掂，但唯獨是個pickup嘅聲爭少少； 而物主好精明，相信係亦都留意倒問題所在，所以當然唔止幫支結他做setup，而係換上適合的pickup #guitar #bass #結他維修 #樂道 #soundomichi #結他護理 #結他保養 #結他setup #band #music #intonation #fretpolishing #fret #觀塘 #結他線 #結他配件 #結他零件 #整結他 #pickup #kerlystring #fender （在 Soundo Michi Guitar Workshop 樂道結他維修）

[soundomichi-blog]

《人地支結他總係靚啲？》 結他手們，好想問下大家會唔會有我呢種咁PK嘅感覺或想法，就係總覺得「人地支結他靚啲」、「我都想有支咁靚嘅結他」 好多客人攞結他黎，一打開，我就忍唔住「嘩！」出聲，有時把口忍得住，個心其實都忍唔住；如果係啲熟嘅客，未經大腦就一定一野粗口出場「X你！咁X有錢嘅！」 但我又覺得每個結他手買結他時都覺得自己買果支真係好靚先會買，奈何我次次都隔一排就冇咁呢種好靚嘅感覺，我唔知你地會唔會咁🤔 始於我覺得彈結他嘅係男士居多，而我地都知男人就係一樣咁樣樣的生物😂你懂的 而再細心啲啲咁諗，呢種可以話係「貪（心）忘舊，隔離（他）香」通常出現係玩電結他嘅人身上多，玩木結他嘅人係少啲出現，咁我就諗，果然Rock友們係有一啲微妙共通點的，而玩木結嘅又有另一種共通點，淨係玩木同電都反映倒兩種好唔同嘅人同性格 仲有一種係我係好想講的，講極都講唔完tim 🤣 就係以為自己想玩木結他而玩木結他嘅人，內心其實想玩電結他，鐘意啲野全部勁rock勁metal, 呢種人我會覺得佢地攪錯咁啲野，好似抑壓住心中團火咁，咁樣好唔健康，所以我成日會誘惑哩種人從回正軌😆 #guitar #bass #結他維修 #樂道 #soundomichi #結他護理 #結他保養 #結他setup #band #music #intonation #fretpolishing #fret #觀塘 #結他線 #結他配件 #結他零件 #整結他（在 Soundo Michi Guitar Workshop 樂道結他維修）

[soundomichi-blog]

《人地支結他總係靚啲？》 結他手們，好想問下大家會唔會有我呢種咁PK嘅感覺或想法，就係總覺得「人地支結他靚啲」、「我都想有支咁靚嘅結他」 好多客人攞結他黎，一打開，我就忍唔住「嘩！」出聲，有時把口忍得住，個心其實都忍唔住；如果係啲熟嘅客，未經大腦就一定一野粗口出場「X你！咁X有錢嘅！」 但我又覺得每個結他手買結他時都覺得自己買果支真係好靚先會買，奈何我次次都隔一排就冇咁呢種好靚嘅感覺，我唔知你地會唔會咁🤔 始於我覺得彈結他嘅係男士居多，而我地都知男人就係一樣咁樣樣的生物😂你懂的 而再細心啲啲咁諗，呢種可以話係「貪（心）忘舊，隔離（他）香」通常出現係玩電結他嘅人身上多，玩木結他嘅人係少啲出現，咁我就諗，果然Rock友們係有一啲微妙共通點的，而玩木結嘅又有另一種共通點，淨係玩木同電都反映倒兩種好唔同嘅人同性格 仲有一種係我係好想講的，講極都講唔完tim 🤣 就係以為自己想玩木結他而玩木結他嘅人，內心其實想玩電結他，鐘意啲野全部勁rock勁metal, 呢種人我會覺得佢地攪錯咁啲野，好似抑壓住心中團火咁，咁樣好唔健康，所以我成日會誘惑哩種人從回正軌😆 #guitar #bass #結他維修 #樂道 #soundomichi #結他護理 #結他保養 #結他setup #band #music #intonation #fretpolishing #fret #觀塘 #結他線 #結他配件 #結他零件 #整結他（在 Soundo Michi Guitar Workshop 樂道結他維修）

[soundomichi-blog]

《Gibson 335》 經典 係能夠經得起時代嘅變遷 係邊一個時代都係英雄 係不能被輕易取代 有一啲歲月嘅痕跡，都在所難免，呢啲痕跡，對結他佬黎講，直頭可以話係「型」，舊舊地係有一陣「佬味」tim 青春 係有能力去創造一個新局面 係熱血無限地衝刺 係有用不盡嘅力量 咁點樣將青春與活力，經典與內涵結合 就一於將阿英雄妙手回春啦😆 #guitar #bass #結他維修 #樂道 #soundomichi #結他護理 #結他保養 #結他setup #band #music #intonation #fretpolishing #fret #觀塘 #結他線 #結他配件 #結他零件 #整結他（在 Soundo Michi Guitar Workshop 樂道結他維修）

[soundomichi-blog]

《幾經波折》 呢位客人都真係幾黑仔，一心想為支tele款嘅fernandes 想要裝個mini hum pickup upgrade 一下，買埋pickup 黎換,點知......😖 原來個pickup唔啱裝呀😱 因為結他個款係tele, 但原來tele 嘅pickup只係講緊fender 嘅tele, 所以裝唔倒呀 咁唔啱裝都冇計，除非特別做個mounting plate比佢，但就要係個面開刀，客人都明影響甚大，聲都分分鐘變埋，咁佢唯有再買過啦，咁買咗返黎，開開心心攞黎裝，諗住一切都掂晒，裝咗之後誰不知......冇聲呀！！？？！？？！！ 個pickup 原來係壞咖😭😭😭😭😭 我地都戥個客覺得慘，有冇咁黑仔呀 不過不幸中嘅大幸係有得退貨有得換😌 最後換完返黎，裝埋上去，聽倒想要嘅聲音，一切都是值得的 可能好多人都冇留意倒fender 嘅tele嘅pickup 係同平時安裝嘅方法唔同，大家要以後要多加留意一下啦😉 #guitar #bass #結他維修 #樂道 #soundomichi #結他護理 #結他保養 #結他setup #band #music #intonation #fretpolishing #fret #觀塘 #結他線 #結他配件 #結他零件 #整結他 #換pickup #tele

[soundomichi-blog]

《放棄？定再見理想？》 我地樂道嘅 Setup, fret polishing, 深層清潔打蠟 係最多客人選擇嘅服務，呢位客人都係揀咗我地呢個翻新三寶 而呢位客人上黎攞結他時，我問佢有冇夾band,佢話冇，只係自己玩，已好多年冇玩，突然之間想翻新支結他玩返，見佢好似趕時間，我冇追問，佢就走咗； 其實我有多野想問，想知 我自己係彈結他，玩音樂的，我無法想像有一天我會突然放底結他，之後就唔彈； 我有時都會同人講，玩樂器係會上癮，上咗癮都幾大獲，真係唔彈一兩日就辛苦到一個點，心癢到不得了（我相信有好多人明的）所以「好多年冇玩」呢句說話，我總覺得內裡包含著千絲萬縷咁多野，令我有好多思想 「好多年冇玩」 即係有啲野影響到不能繼續 講得係玩，即係知道玩樂器嘅樂係邊度 而家攞支結他黎翻新 即係應該再一次想要返呢種樂 每個人嘅人生，都有各自不同嘅困難要去處理、要去面對，有不同嘅原因去驅使你面對現實，成為放棄一啲野嘅理由； 可能用「放棄」呢一個字眼有一點沉重，可以換成「放低」會比較好一點； 但再次拎起比放棄可能更難，需要嘅勇氣、力量更大，所以我好欣賞有膽量再次拎起嘅呢一種人 客人放低嘅原因係咩唔重要，再次拎起嘅原因係咩同我地樂道有冇關係其實我唔知；我地成日放post，成日講故仔，分享我地對結他，對音樂上的一啲小感覺，其實都想有人同我地一樣感受到玩音樂嘅樂趣 如果你未開始玩音樂，因我地成日放post,攞啲結他相係你fb成日出現，令你有衝動想試下玩樂器，我地好開心，亦為你感到高興 如果你玩過音樂，尤其是彈結他的，因我地成日放post,攞啲結他相係你fb成日出現，令你有衝動想再玩返，我地更開心 如果你玩開音樂，尤其是彈結他的，因我地成日放post,攞啲結他相係你fb成日出現，當支結他出現問題，令你想起我地，我地仲開心 因為每支結他都有佢嘅故事 而你就係下一個故事嘅主角 #guitar #bass #結他維修 #修理結他 #樂道 #soundomichi #結他護理 #結他保養 #結他setup #band #music #intonation #fretpolishing #fret #觀塘 #結他線 #結他配件 #結他零件 #整結他（在 Soundo Michi Guitar Workshop 樂道結他維修）

[soundomichi-blog]

《Custom shop の魅力》 Custom shop嘅結他，真係冇話可說，正! 手工👍🏻聲👍🏻外觀👍🏻 唔彈，擺係屋企做裝飾都👍🏻 係人地面前show下custom shop個嘜頭又👍🏻 但👍🏻👍🏻👍🏻之前有一個你同我都有嘅難題要處理， 就係錢😭，呢個難題我地都明，因爲我地都彈結他咖ma😭 有錢，就係皇道， 有錢，你就有靚聲， 有錢，你就有靚手工， 有錢，你就有呢啲保證， 但到有錢買支靚custom shop結他，都有樣野唔包咖bo， 就係手感😌呢樣我地就幫倒你啦😎 #guitar #bass #結他維修 #樂道 #soundomichi #結他護理 #結他保養 #結他setup #band #music #intonation #fretpolishing #fret #觀塘 #結他線 #結他配件 #結他零件 #整結他（在 Soundo Michi Guitar Workshop 樂道結他維修）

[soundomichi-blog]

《樂道結他內功療傷部》 唔知咩中咗降龍18掌定咩上乖武功，經脈盡斷，已經唔係金創藥可以搞得掂嘅傷😵 🤣唔緊要，有大夫係度，五臟六腑都幫你整番埋， 外表就本身已靚靚，做個facial 打個蠟，省鏡番晒✨ 再用kerly string 增加內功，神還原😌 #guitar #bass #結他維修 #樂道 #soundomichi #結他護理 #結他保養 #結他setup #band #music #intonation #fretpolishing #fret #觀塘 #結他線 #結他配件 #結他零件 #整結他（在 Soundo Michi Guitar Workshop 樂道結他維修）

[soundomichi-blog]

《樂道結他門診》 呢幾日啲天氣，喉嚨唔舒服，出唔倒聲，食下枇杷膏或者拍粒潤喉糖啦，都唔掂就要睇醫生啦😷 連支bass都同你一樣出唔倒聲？ 去《樂道》啦，有個大夫睇症幾好咖， 診証時間係星期一至六，12:00-9:00 比佢執返劑，藥到病除 🤧😷🤒🤕》》》😌🤗👍🏻😁 #guitar #bass #結他維修 #樂道 #soundomichi #結他護理 #結他保養 #結他setup #band #music #intonation #fretpolishing #fret #觀塘 #結他線 #結他配件 #結他零件 #整結他（在 Soundo Michi Guitar Workshop 樂道結他維修）

[soundomichi-blog]

《開始玩音樂，係因為件樂器篤眼篤鼻》 好多人開始玩音樂，都係因為屋企有樣樂器長期放置咗係度篤眼篤鼻，掉又覺得浪費，但又唔識玩； 為咗件樂器得以變得有存在意義，學習樂器嘅動力隨之出現 玩樂器有時係一種緣份，究竟係你叫你去玩音樂，定話係件樂器叫你去玩音樂呢，都幾得意😌 呢支bass嘅物主就係屋企有支bass,拎黎翻新，而家開始咗玩音樂啦 #guitar #bass #結他維修 #樂道 #soundomichi #結他護理 #結他保養 #結他setup #band #music #intonation #fretpolishing #fret #觀塘 #結他線 #結他配件 #結他零件 #整結他（在 Soundo Michi Guitar Workshop 樂道結他維修）

[soundomichi-blog]

《les paul魅力》 平時見好多靚top, 都會令人一見就嘩一聲😍 而原木色散發着另一種魅力，見到嘅時候，會輕輕點一點頭，心裏輕輕一聲「嗯，其實都幾靚」😌 盡顯平凡中的不平凡 但不平凡都會用到舊咖ma, setup大返身，fret polishing 走唔甩啦 #guitar #bass #結他維修 #樂道 #soundomichi #結他護理 #結他保養 #結他setup #band #music #intonation #fretpolishing #fret #kerlystring #lespaul（在 Soundo Michi Guitar Workshop 樂道結他維修）

[soundomichi-blog]

《長知識系列》 上一條線結他弦線，幾多圈係標準？ 有人會話2-3圈咪標準law，事實真係咁？ 亦有人話上實咗咪得law，都一樣咖啦，事實真係咁？ 點先算合格？合唔合格，唔係由我地決定，係由你要咩黎決定嘅😉 其實上多少圈對個聲個tone有莫大關係，好多人setup好咗，之後換同一牌子同一型號嘅線，但覺得聲音唔同咗，其實上幾多圈都有關係😁 大家可睇下呢張相，道理睇落好簡單。想要咩tone，就要考量拉力，就要上多少圈 有人問有啲lock嘅turner,固定咗冇得上多啲圈wo？仲要鬼死咁貴Tim 其實呢個就係賣點，人地就係想你有個穩定嘅tone，唔想你上線就到改變咗個tone 大家以後要留意一下啊😌 想你幸福為你行多步😆 #guitar #bass #結他維修 #樂道 #soundomichi #結他護理 #結他保養 #結他setup #band #music #intonation #fretpolishing #fret #換結他線 #幸福為你行多步 #合格（在 Soundo Michi Guitar Workshop 樂道結他維修）