Untitled

[iamjinii]

Photos from last night’s gala, ayie. Look how clingy I am, gustong gusto ko lang siyang yakapin kasi ilang araw din kaming di nagkita, at ilang araw pa ulit bago magkita, hindi na kasi katulad ng dati na araw-araw magkasama kami, mahirap, oo sobrang hirap mag-adjust, na kung dati araw-araw mo nakikita ang taong mahal mo sabay biglang ngayon hindi na, pero kapit lang, wala pa to sa marami pa naming pagdaraanan.

Bago pa ang pagkikitang yan nagkaroon ng kaunting di pagkakaintindihan pa dahil sa magulo kong isipan, pero sobrang swerte ko lang talaga sa taong to, kahit naiinis siya hindi siya nagagalit sakin, napaka maunawain. Anyway, nag videoke lang naman kami at kumain, kasama namin yung dalawa kong kaibigan, babae at lalake, so kala niyo double date, pero magkaibigan lang yung dalawang yun.

Habang nasa bus kami pauwi at nakasandal ako sa kanya, amoy na amoy ko yung pabango niya grabe amoy pa lang kilig na kilig na ko, pero hindi yun ang iku-kwento ko, hindi ako tulog nung nakasandal ako sa kanya, inaamoy ko lang siya at nag-iisip, naisip ko, sana tong taong to hindi mag-sawa sakin, kasi sigurado na akong siya ang gusto kong makasama habang buhay e, parang hindi na ko magkakagusto sa iba kasi sobrang kuntento na ko sa kanya, payapa ako pag kasama ko siya, feeling ko lagi ako may kakampi. Nai-imagine ko na yung buhay na kasama siya, kahit simpleng pamumuhay lang, ayos na ayos na sakin.

[supergabb]

My Treasure ♥

[supergabb]

Everything that you are going through is preparing you for what you asked for. ❤️ Salamat ng Marami Ama, Alam ko po ang lahat ng ito ay pagsubok lamang. Alam ko pong ang lahat ng ito ay paraan upang ako at kami ng aking Mahal ay tumatag pa at mas mahalin pa namin ang isa't - isa. Alam ko Ama na kailanman hindi mo ko pinabayaan at hinayaan mag-isa. Maraming Salamat po Ama. Kayo na po ang bahala sa Amin Ama, Naway Maging gabay po namin kayo sa bawat pagsubok na aming pagdadaanan pa sa Buhay. ❤️ #KapitLang #IamYoursForever #LoveOfMyLife

[iamjinii]

Noong unang beses mong hawakan ang kamay ko, naramdaman kong parang may kung anong kuryenteng dumaloy sa buong katawan ko, kuryenteng hindi nawawala sa tuwing hawak mo ang mga kamay ko. Kaya naman Mahal, sana ay humawak ka lang, at ganun din ang gagawin ko, kung maramdaman ko mang dumudulas na ang pagkakakapit mo, wag kang mag-alala, mas hihigpitan ko pa ang paghawak ko sayo. Mahal, humawak ka lang, kapit lang, dahil kamay mo lang ang gusto kong hawakan, kamay mo lang ang nakakapagpanatag sa magulo kong isipan, at kamay mo lang, ang nakakapag pasaya sa aking puso, dahil mula noong hawakan mo ang kamay ko, Mahal ko, ang hinawakan mo na ay ang mundo ko.

Noong unang beses kong maramdaman ang mga yakap mo, para bang ayoko nang kumalas mula sa mga bisig mo, pakiramdam ko kasi walang anumang mangyayari hangga’t yakap mo ako, kaya naman mula noo'y hinahanap hanap ko na palagi ang mga yakap mo, dahil yakap mo lamang ang nakakapagpakalma sa akin tuwing pakiramdam ko mag-isa ako, dahil Mahal, noong ako'y niyakap mo, niyakap mo rin ang pagkatao ko, tinanggap mo kung sino ako.

Naalala mo ba noong abala ka sa pagtanaw sa mga bituin? ako nama'y abala rin sa pagtanaw sayo, kasi para sa akin, ikaw ang aking bituin, ikaw ang nagbibigay liwanag sa madilim kong kalangitan. Pinagmamasdan mo kung gaano sila kaganda, habang ako'y nakamasid lamang sa iyong mga mata. Iniisip ko habang nakatingin sayo, ang swerte ko naman, ikaw ang katabi ko, ikaw ang kayakap ko, at kamay mo ang hawak ko.

Mahal ko, hindi ako magsasawang pagmasdan ang mga mata mo, hindi ako magsasawang hawakan ang mga kamay mo, at kahit sermonan mo man ako araw-araw dahil sa pagiging pasaway ko, Mahal, hindi ako magsasawa sayo.

Patawad kung minsan, pinapasakit ko ang ulo mo, kung minsan ay nagiging sanhi ako ng kalungkutan mo, patawad kung hindi kita maalagaan tulad ng pag-aalaga mo sa akin. At salamat din, salamat sa pagtitiyaga sa ugali kong may pagka isip bata, salamat sa pagbabago sa mga mali kong ginagawa, salamat sa pag intindi at pag-uunawa, at higit sa lahat, salamat sa pagmamahal sa akin kahit na kung minsan hirap akong mahalin ang sarili ko.

Mahal na mahal kita, ikaw ang gusto kong makasama hanggang sa aking pag tanda.

[supergabb]

" Ang pag-ibig ko sa 'yo ay tunay

Nais ko sanang patunayan

Huwag ka nang mag-alinlangan

Ang pag-ibig ko'y hindi kukupas

Tulad din ng umaga

May pag-asang sumisikat."

" Ang sumpa ko sa iyo'y asahan

Ikaw lamang ang aking iibigin mapakailanman. "

Mananatili Habang Buhay Sa Puso at Isipin Ikaw Lang And Tanging Iibigin Ko Makailang Ulit Man Ako Isilang Sa Mundong Ito, Ikaw at Ikaw Pa Rin Ang Aking Mamahalin. 💕

[supergabb]

-12.22 💕