الإنسان بيواجه مشاكل علي المستوي المعنوي لا حصر لها،وفي مليون حاجه بتيجي تنكد عليه يومياً وتنغص عليه حياته وتمشي، أعتقد يعني لو زودنا في الناحيه التانيه من المعادله شويه حب وتقبل للنفس الوضع هيهون كتير، مفيش كتير هيتغير، بس الوضع هيبقي مُحتمل ويسهل التعايش معاه ,,
الإنسان بيفضل يركز في عيوبه سواء شكله او جسمه او تصرفاته ويقارنها بناس تانيه أو يفضل يحبط في نفسه إنه " شكلي مش حلو كفايه", " لبسي مش شيك كفايه" ويقلل من شأن نفسه في تقييم الآخرين ليه !
في حين لو حبينا نفسنا وحاولنا نتقبل عيوبنا، وان مفيش أصلا انسان خالي من العيوب، وإن اللي يحبنا وعايزنا لازم يتقبلنا ك كوليشكن كامل، بالحلو و الوحش، زي ما إحنا لازم نعامل الناس بنفس المبدأ دا, هنرتاح من كميه صعوبات وانسكيوريتيز بنواجهها يومياً وبتستهلكنا في التفكير فيها وبتآخد مننا مجهود علي مفيش،
كل واحد جميل بطريقه ما، وكل واحد حلو في عيون أشخاص ما ف إنت جميل و لا مانع من بعض حب النفس :)❤️
