#alkhidmat

[imtiaz-sarkar]

دکھ سمیٹو اور خوشیاں بانٹو۔ #الخدمت فیملی ڈونرز پروگرام۔ زیر اہتمام الخدمت الخبر۔ الخدمت پورے پاکستان اور زندگی کے تمام شعبوں میں اپنے نمایاں کام کی بدولت ایک خاص مقام رکھتی ہے۔ پاکستانی کمیونٹی کی فیملیز کی پروگرام میں بھرپور شرکت۔ #Alkhidmat #Alkhobar #Education #HealthServices #CleanWater #DisasterManagement #MawakhatProgram #OrphanCare #ComunityServices (credit @khanaa268) (at Khobar, Saudi Arabia)

[emergingpakistan]

الخدمت کی خدمت

پاکستان میں غربت کے سائے گہرے ہوتے جارہے ہیں اور ان سے چھٹکارے کی کوئی سبیل بھی نظر نہیں آتی لیکن انھی سائیوں میں ایک سائبان الخدمت فاؤنڈیشن کا بھی ہے جس کی چھت تلے غربت کے ان سائیوں کو کم کرنے کی مسلسل کوشش کی جاتی ہے۔ پاکستان میں ایک بات کا عموماً تذکرہ کیا جاتا ہے کہ یہاں پر لوگ ٹیکس دینے سے گریز کرتے ہیں لیکن صدقہ و خیرات کے معاملے میں نہایت ہی فراغ دلی کا مظاہرہ کیا جاتا ہے اور جو صاحب حیثیت لوگ حکومتی خزانے میں ٹیکس جمع کرانے سے کنتی کتراتے ہیں یا دوسرے لفظوں میں ٹیکس چوری کرتے ہیں وہیں پر صدقہ وخیرات کے لیے اپنے دل کھول دیتے ہیں، اس کی ایک وجہ تو یہ ہو سکتی ہے کہ ہمارے صنعتکاروں اور تاجروں کو حکومت پر اعتبار نہیں ہے کہ ان کا دیا گیا ٹیکس صحیح جگہ پر استعمال ہو گا تو وہ اس کا مداوا فلاحی کاموں میں حصہ لے کر کرتے ہیں۔ پاکستان میں کئی ایک منصوبے چل رہے ہیں یا ان کی داغ بیل ڈالی جارہی ہے جس سے براہ راست عام آدمی مستفید ہو سکتا ہے۔ ملکی سطح پر کئی ایک ادارے عوامی فلاح کے لیے کام کر رہے ہیں جہاں پر کم وسیلہ افراد کو مفت خدمات کی فراہمی جاری رہتی ہے۔ مخیر حضرات کی جانب سے کھانوں کے دستر خوان ہوں یا بچیوں کی اجتماعی شادیاں ہوں، ہمارے مخیر حضرات ہر شعبے میں اپنے وسائل کو استعمال کر کے انسانیت کی خدمت کر رہے ہیں۔

پاکستان میں حکومتی سطح پر بھی غریب افراد کی امداد کے کئی منصوبے چل رہے ہیں لیکن ان منصوبوں کی شفافیت اکثر اوقات ایک سوالیہ نشان بن جاتی ہے اور حکومتی امداد عموماً مستحقین کر نہیں پہنچ پاتی اس عوامی خدمت میں بھی سیاست گھس جاتی ہے اور ہر سیاسی پارٹی کی یہ کوشش ہوتی ہے کہ اس کی جماعت سے وابستہ لوگوں تک ہی حکومتی امداد پہنچ جائے، بہر حال یہ ایک لاحاصل بحث ہے اور ریاست کو اگر صحیح معنوں میں فلاحی ریاست کے روپ میں دھارنا ہو تو اس کی کئی مثالوں سے ہماری تاریخ بھری پڑی ہے اور ہمیں کسی مغربی ملک کی مثال یا اس کی تقلید کرنے کی ضرورت ہر گز نہیں ہے، ہم اگر صرف اپنے خلفاء راشدین کے ادوار کو ہی سامنے رکھ لیں تو ہمارے بہت سے دکھ دور ہو سکتے ہیں۔ لیکن یہ سب کون کرے گا، ریاست مدینہ کے نام لیوا تو بہت ہیں لیکن اس کی حقیقی روح پر عمل کرنے والا ہمیں کوئی حکمران نصیب نہیں ہو رہا۔ پاکستان میں فلاحی کاموں میں ایک بڑا نام الخدمت فاؤنڈیشن کا ہے جو جماعت اسلامی کی کوکھ سے برآمد ہوئی اور پھر ان ﷲ والوں نے انسانی خدمت کے وہ کمال کر دکھائے کہ دنیا ان کی خدمات کے گن گانے لگی۔ ان کے فلاحی کاموں کے لیے لوگوں نے اپنے تن من نچھاور کر دیا کیونکہ ان کو اس بات کا بخوبی علم تھا کہ ان کی دی گئی امداد ہر گز ضایع نہیں ہو گی اور اس کا صحیح استعمال ہو گا۔

گزشتہ ایک برس سے زائد عرصہ کے دوران جب غزہ کے لاکھوں فلسطینیوں پر مسلط ہونے والی اسرائیلی جنگ نے ان کے لیے زندگی مشکل بنا دی، اس جنگ کے آغاز ہی سے الخدمت فاؤنڈیشن پاکستان نے ساڑھے 5 ارب روپے سے غزہ کے محصورین کے لیے امدادی سرگرمیاں شروع کر دی تھیں۔ کارگو طیاروں اور زمینی راستوں سے لاکھوں ٹن غذائی اشیاء ، ادویات ، میڈیکل و انجینئرنگ کے طلباء کی ماہانہ مالی معاونت، جب کہ قاہرہ میں غزہ کے مہاجرین کے لیے الخدمت اسکولز میں طلبہ و طالبات کی تعلیمی معاونت کی گئی۔ اسرائیل حماس میں جنگ بندی معاہدے کے بعد بھی الخدمت فاؤنڈیشن پاکستان کی جانب سے غزہ میں امدادی سرگرمیاں جاری ہیں اور بحالی و تعمیرنو کے حوالے سے الخدمت فاؤنڈیشن بھر پور تیاریاں کر رہی ہے۔ الخدمت کے صدرڈاکٹر حفیظ الرحمنٰ نے غزہ کی عوام کے لیے جاری امدادی سرگرمیوں اور بحالی و تعمیر نو کے حوالے سے آیندہ کے لائحہ عمل کی تفصیلات پیش کرتے ہوئے بتایا ہے کہ الخدمت فاؤنڈیشن نے گزشتہ 15 ماہ میں ساڑھے 5 ارب روپے کی امدادی سرگرمیوں کے بعد اگلے 15 ماہ کے لیے ریلیف اور بحالی و تعمیر کے لیے 15 ارب روپے سے ’’ری بلڈ غزہ‘‘ مہم کا آغاز کر دیا ہے جس میں متاثرین کو عارضی شیلٹر، اشیائے ضروریات، اشیائے خوردونوش، طبی سہولیات، ایمبولینس، موبائل ہیلتھ یونٹس، ادویات اور تعلیمی سہولیات کی فراہمی کے ساتھ ساتھ ابتدائی طور پر غزہ میں ایک اسپتال کی بحالی، مکمل یا جزوی طور پر متاثرہ 5 اسکولوں کی تعمیر نو او 25 مساجد کی تعمیر و بحالی کی جائے گی۔

غزہ کے متاثرین کو صاف پانی کی فراہمی کے لیے 100 سے زائد صاف پانی کے منصوبہ جات، مکانات اور چھت کی فراہمی کے لیے رہائشی ٹاور اور 3000 یتیم بچوں کی مستقل کفالت منصوبے کا حصہ ہے۔ اسرائیلی حملوں کے نتیجے میں نہ صرف ہزاروں انسانی جانوں کا نقصان ہوا ہے بلکہ غزہ کا بنیادی ڈھانچہ تباہ ہونے کے باعث لاکھوں متاثرین بے سر و سامانی کے عالم میں کھلے آسمان تلے زندگی گزارنے پر مجبور ہیں۔ پاکستان کی عوام نے پہلے بھی اہل غزہ کے لیے دل کھول کر مدد کی۔ الخدمت کے سربراہ پر امید ہیں کہ پاکستان کے مخیرحضرات اب بھی اپنے مصیبت زدہ بہن بھائیوں کی بحالی و تعمیر نو کے لیے آگے بڑھیں گے۔ جماعت اسلامی کے امیر حافظ نعیم الرحمن بھی الخدمت فاونڈیشن کے شانہ بشانہ کام کر رہے ہیں۔ وہ پر امید ہیں کہ پاکستان کے عوام غزہ کی تعمیر نو میں اپنا فرض ادا کریں گے۔ ماہ رمضان المبارک اہل ایمان پر سایہ فگن ہونے والا ہے الحمد ﷲ اندرون و بیرون ملک پاکستانیوں کی بہت بڑی تعداد میں اہلِ ثروت حضرات انفاق فی سبیل ﷲ کی راہ میں اربوں روپے مستحقین میں تقسیم کرتے ہیں کاروبار سے وابستہ صنعتکار، کارخانہ دار، تاجر حضرات اس کار خیر کے کام میں بڑھ چڑھ کر اپنا کردار ادا کرتے ہیں۔

پاکستانی قوم نے اسلامی ایمانی،انسانی، فلاحی جذبے کے تحت فلسطین سمیت جہاں کہیں بھی مسلم ممالک کے عوام کو ناگہانی صورتحال کا سامنا کرنا پڑا انھوں نے پاکستان کی ترجمانی کرتے ہوئے امانت دیانت کے ساتھ متاثرین تک امداد پہنچا کر انسانیت کی خدمت کی اعلیٰ مثالیں قائم کی ہیں۔ الخدمت کے فلاحی کاموں کا پلیٹ فارم مادیت کے دور میں انسانیت کی خدمت کی ایک انمول مثال ہے۔

اطہر قادر حسن

بشکریہ ایکسپریس نیوز

[risingpakistan]

الخد مت فاؤنڈیشن

ہجومِ نالہ میں یہ ایک الخد مت فاؤنڈیشن ہے جو صلے اور ستائش سے بے نیاز بروئے کار آتی ہے۔ جماعت اسلامی سے کسی کو سو اختلاف ہوں لیکن الخدمت دیار عشق کی کوہ کنی کا نام ہے۔ پاکستان ہو یا فلسطین، زلزلہ ہو یا سیلاب آئے یہ انسانیت کے گھائل وجود کا اولین مرہم بن جاتی ہے۔ خدمت خلق کے اس مبارک سفر کے راہی اور بھی ہوں گے لیکن یہ الخدمت فاؤنڈیشن ہے جو اس ملک میں مسیحائی کا ہراول دستہ ہے۔ مبالغے سے کوفت ہوتی ہے اور کسی کا قصیدہ لکھنا ایک ایسا جرم محسوس ہوتا ہے کہ جس سے تصور سے ہی آدمی اپنی ہی نظروں میں گر جائے۔ الخدمت کا معاملہ مگر الگ ہے۔ یہ قصیدہ نہیں ہے یہ دل و مژگاں کا مقدمہ ہے جو قرض کی صورت اب بوجھ بنتا جا رہا تھا۔ کتنے مقبول گروہ یہاں پھرتے ہیں۔ وہ جنہیں دعوی ہے کہ پنجاب ہماری جاگیر ہے اور ہم نے سیاست کو شرافت کا نیا رنگ دیا ہے۔ وہ جو جذب کی سی کیفیت میں آواز لگاتے ہیں کہ بھٹو زندہ ہے اور اب راج کرے گی خلق خدا، اور وہ جنہیں یہ زعم ہے کہ برصغیر کی تاریخ میں وہ پہلے دیانتدار قائد ہیں اور اس دیانت و حسن کے اعجاز سے ان کی مقبولیت کا عالم یہ ہے کہ بلے پر دستخط کر دیں تو کوہ نور بن جائے۔

ان سب کا یہ دعوی ہے کہ ان کا جینا مرنا عوام کے لیے ہے۔ ان میں کچھ وہ ہیں جو عوام پر احسان جتاتے ہیں کہ وہ تو شہنشاہوں جیسی زندگی گزار رہے تھے، ان کے پاس تو سب کچھ تھا وہ تو صرف ان غریب غرباء کی فلاح کے لیے سیاست کے سنگ زار میں اترے۔ لیکن جب اس ملک میں افتاد آن پڑتی ہے تو یہ سب ایسے غائب ہو جاتے ہیں جیسے کبھی تھے ہی نہیں۔ جن کے پاس سارے وسائل ہیں ان کی بے نیازی دیکھیے۔ شہباز شریف اور بلاول بھٹو مل کر ایک ہیلی کاپٹر سے آٹے کے چند تھیلے زمین پر پھینک رہے ہیں۔ ایک وزیر اعظم ہے اور ایک وزیر خارجہ۔ ابتلاء کے اس دور میں یہ اتنے فارغ ہیں کہ آٹے کے چند تھیلے ہیلی کاپٹر سے پھینکنے کے لیے انہیں خود سفر کرنا پڑا تا کہ فوٹو بن جائے، غریب پروری کی سند رہے اور بوقت ضرورت کام آئے۔ فوٹو شوٹ سے انہیں اتنی محبت ہے کہ پچھلے دور اقتدار میں اخباری اشتہار کے لیے جناب وزیر اعلی شہباز شریف کے سر کے نیچے نیو جرسی کے مائیکل ریوینز کا دھڑ لگا دیا گیا تا کہ صاحب سمارٹ دکھائی دیں۔ دست ہنر کے کمالات دیکھیے کہ جعل سازی کھُل جانے پر خود ہی تحقیقات کا حکم دے دیا۔ راز کی یہ بات البتہ میرے علم میں نہیں کہ تحقیقات کا نتیجہ کیا نکلا۔

ہیلی کاپٹرز کی ضرورت اس وقت وہاں ہے جہاں لوگ پھنسے پڑے ہیں اور دہائی دے رہے ہیں۔ مجھے آج تک سمجھ نہیں آ سکی کہ ہیلی کاپٹروں میں بیٹھ کر یہ اہل سیاست سیلاب زدہ علاقوں میں کیا دیکھنے جاتے ہیں۔ ابلاغ کے اس جدید دور میں کیا انہیں کوئی بتانے والا نہیں ہوتا کہ زمین پر کیا صورت حال ہے۔ انہیں بیٹھ کر فیصلے کرنے چاہیں لیکن یہ ہیلی کاپٹر لے کر اور چشمے لگا کر ”مشاہدہ“ فرمانے نکل جاتے ہیں۔ سوال یہ ہے کہ اس کا فائدہ کیا ہے؟ کیا سیلاب کو معطل کرنے جاتے ہیں؟ یا ہواؤں سے اسے مخاطب کرتے ہیں کہ اوئے سیلاب، میں نے تمہیں چھوڑنا نہیں ہے۔ سندھ میں جہاں بھٹو صاحب زندہ ہیں، خدا انہیں سلامت رکھے، شاید اب کسی اور کا زندہ رہنا ضروری نہیں رہا۔ عالی مرتبت قائدین سیلاب زدگان میں جلوہ افروز ہوتے ہیں تو پورے پچاس روپے کے نوٹ تقسیم کرتے پائے جاتے ہیں۔ معلوم نہیں یہ کیسے لوگ ہیں۔ ان کے دل نہیں پسیجتے اور انہیں خدا کا خوف نہیں آتا؟ وہاں کی غربت کا اندازہ کیجیے کہ پچاس کا یہ نوٹ لینے کے لیے بھی لوگ لپک رہے تھے۔ یہ جینا بھی کوئی جینا ہے۔ 

یہ بھی کوئی زندگی ہے جو ہمارے لوگ جی رہے ہیں۔ کون ہے جو ہمارے حصے کی خوشیاں چھین کر مزے کر رہا ہے۔ کون ہے جس نے اس سماج کی روح میں بیڑیاں ڈال رکھی ہیں؟ یہ نو آبادیاتی جاگیرداری کا آزار کب ختم ہو گا؟ ٹائیگر فورس کے بھی سہرے کہے جاتے ہیں لیکن یہ وہ رضاکار ہیں جو صرف سوشل میڈیا کی ڈبیا پر پائے جاتے ہیں ۔ زمین پر ان کا کوئی وجود نہیں ۔ کسی قومی سیاسی جماعت کے ہاں سوشل ورک کا نہ کوئی تصور ہے نہ اس کے لے دستیاب ڈھانچہ ۔ باتیں عوام کی کرتے ہیں لیکن جب عوام پر افتاد آن پڑے تو ایسے غائب ہوتے ہیں جیسے گدھے کے سر سے سینگ ۔ محاورہ بہت پرانا ہے لیکن حسب حال ہے ۔ یہ صرف اقتدار کے مال غنیمت پر نظر رکھتے ہیں ۔ اقتدار ملتا ہے تو کارندے مناصب پا کر صلہ وصول کرتے ہیں۔ اس اقتدار سے محروم ہو جائیں تو ان کا مزاج یوں برہم ہوتا ہے کہ سر بزم یہ اعلان کرتے ہیں کہ ہمیں اقتدار سے ہٹایا گیا ہے اب فی الوقت کوئی اوورسیز پاکستانی سیلاب زدگان کے لیے فنڈز نہ بھیجے۔ ایسے میں یہ الخدمت ہے جو بے لوث میدان عمل میں ہے ۔ اقتدار ان سے اتنا ہی دور ہے جتنا دریا کے ایک کنارے سے دوسرا کنارا ۔ لیکن ان کی خدمت خلق کا طلسم ناز مجروح نہیں ہوتا ۔ 

سچ پوچھیے کبھی کبھی تو حیرتیں تھام لیتی ہیں کہ یہ کیسے لوگ ہیں۔ حکومت اہل دربار میں خلعتیں بانٹتی ہے اور دربار کے کوزہ گروں کو صدارتی ایوارڈ دیے جاتے ہیں ۔ اقتدار کے سینے میں دل اور آنکھ میں حیا ہوتی تو یہ چل کر الخدمت فاؤنڈیشن کے پاس جاتا اور اس کی خدمات کا اعتراف کرت۔ لیکن ظرف اور اقتدار بھی دریا کے دو کنارے ہیں ۔ شاید سمندر کے۔ ایک دوسرے کے جود سے نا آشنا۔ الخدمت فاؤندیشن نے دل جیت لیے ہیں اور یہ آج کا واقعہ نہیں ، یہ روز مرہ ہے۔ کسی اضطراری کیفیت میں نہیں، یہ ہمہ وقت میدان عمل میں ہوتے ہیں اور پوری حکمت عملی اور ساری شفافیت کے ساتھ ۔ جو جب چاہے ان کے اکاؤنٹس چیک کر سکتا ہے۔ یہ کوئی کلٹ نہیں کہ حساب سے بے نیاز ہو، یہ ذمہ داری ہے جہاں محاسبہ ہم رکاب ہوتا ہے۔ مجھے کہنے دیجیے کہ الخدمت فاؤنڈیشن نے وہ قرض اتارے ہیں جو واجب بھی نہیں تھے ۔ میں ہمیشہ جماعت اسلامی کا ناقد رہا ہوں لیکن اس میں کیا کلام ہے کہ یہ سماج الخدمت فاؤنڈیشن کا مقروض ہے۔ سیدنا مسیح کے الفاظ مستعار لوں تو یہ لوگ زمین کا نمک ہیں ۔ یہ ہم میں سے ہیں لیکن یہ ہم سے مختلف ہیں۔ یہ ہم سے بہتر ہیں۔ 

ہمارے پاس دعا کے سوا انہیں دینے کو بھی کچھ نہیں، ان کا انعام یقینا ان کے پروردگار کے پاس ہو گا۔ الخدمت فاؤنڈیشن کی تحسین اگر فرض کفایہ ہوتا تو یہ بہت سے لوگ مجھ سے پہلے یہ فرض ادا کر چکے۔ میرے خیال میں مگر یہ فرض کفایہ نہیں فرض عین ہے۔ خدا کا شکر ہے میں نے یہ فرض ادا کیا۔

آصف محمود

بشکریہ روزنامہ 92 نیوز 

[globalcourant]

Jemima Goldsmith recommends Al-Khidmat Foundation for donations

Jemima Goldsmith recommends Al-Khidmat Foundation for donations

Jemima Goldsmith. — AFP/File LONDON: Jemima Goldsmith, the former wife of Imran Khan, has recommended Jamaat-e-Islami’s Al-Khidmat Foundation Pakistan for donations to help the victims of floods in Pakistan. Taking to Twitter, Goldsmith shared the account details of the foundation. “Alkhidmat is doing rescue and relief work in all of flood affected areas,” she tweeted. “Alkhidmat is doing rescue…

View On WordPress

[globalcourant]

Jemima Goldsmith recommends Al-Khidmat Foundation for donations

Jemima Goldsmith recommends Al-Khidmat Foundation for donations

Jemima Goldsmith. — AFP/File LONDON: Jemima Goldsmith, the former wife of Imran Khan, has recommended Jamaat-e-Islami’s Al-Khidmat Foundation Pakistan for donations to help the victims of floods in Pakistan. Taking to Twitter, Goldsmith shared the account details of the foundation. “Alkhidmat is doing rescue and relief work in all of flood affected areas,” she tweeted. “Alkhidmat is doing rescue…

View On WordPress

[emergingpakistan]

الخدمت فاؤنڈیشن

ہجومِ نالہ میں یہ ایک الخد مت فاؤنڈیشن ہے جو صلے اور ستائش سے بے نیاز بروئے کار آتی ہے۔ جماعت اسلامی سے کسی کو سو اختلاف ہوں لیکن الخدمت دیار عشق کی کوہ کنی کا نام ہے۔ زلزلہ ہو یا سیلاب آئے یہ اس سماج کے گھائل وجود کا اولین مرہم بن جاتی ہے۔ خد مت خلق کے اس مبارک سفر کے راہی اور بھی ہوں گے لیکن یہ الخدمت فاؤنڈیشن ہے جو اس ملک میں مسیحائی کا ہراول دستہ ہے۔ مبالغے سے کوفت ہوتی ہے اور کسی کا قصیدہ لکھنا ایک ایساجرم محسوس ہوتا ہے کہ جس سے تصور سے ہی آدمی اپنی ہی نظروں میں گر جائے۔ الخدمت کا معاملہ مگر الگ ہے ۔ یہ قصیدہ نہیں ہے یہ دل و مژگاں کا مقدمہ ہے جو قرض کی صورت اب بوجھ بنتا جا رہا تھا۔ کتنے مقبول گروہ یہاں پھرتے ہیں۔ وہ جنہیں دعوی ہے کہ پنجاب ہماری جاگیر ہے اور ہم نے سیاست کو شرافت کا نیا رنگ دیا ہے ۔ وہ جو جذب کی سی کیفیت میں آواز لگاتے ہیں کہ بھٹو زندہ ہے اور اب راج کرے گی خلق خدا، اور وہ جنہیں یہ زعم ہے کہ برصغیر کی تاریخ میں وہ پہلے دیانتدار قائد ہیں اور اس دیانت و حسن کے اعجاز سے ان کی مقبولیت کا عالم یہ ہے کہ بلے پر دستخط کر دیں تو کوہ نور بن جائے۔

ان سب کا یہ دعوی ہے کہ ان کا جینا مرنا عوام کے لیے ہے۔ ان میں کچھ وہ ہیں جو عوام پر احسان جتاتے ہیں کہ وہ تو شہنشاہوں جیسی زندگی گزار رہے تھے، ان کے پاس تو سب کچھ تھا وہ تو صرف ان غریب غرباء کی فلاح کے لیے سیاست کے سنگ زار میں اترے ۔ لیکن جب اس ملک میں افتاد آن پڑتی ہے تو یہ سب ایسے غائب ہو جاتے ہیں جیسے کبھی تھے ہی نہیں۔ جن کے پاس سارے وسائل ہیں ان کی بے نیازی دیکھیے ۔ شہباز شریف اور بلاول بھٹو مل کر ایک ہیلی کاپٹر سے آٹے کے چند تھیلے زمین پر پھینک رہے ہیں۔ ایک وزیر اعظم ہے اور ایک وزیر خارجہ ۔ ابتلاء کے اس دور میں یہ اتنے فارغ ہیں کہ آٹے کے چند تھیلے ہیلی کاپٹر سے پھینکنے کے لیے انہیں خود سفر کرنا پڑا تا کہ فوٹو بن جائے، غریب پروری کی سند رہے اور بوقت ضرورت کام آئے۔ فوٹو شوٹ سے انہیں اتنی محبت ہے کہ پچھلے دور اقتدار میں اخباری اشتہار کے لیے جناب وزیر اعلی شہباز شریف کے سر کے نیچے نیو جرسی کے مائیکل ریوینز کا دھڑ لگا دیا گیا تا کہ صاحب سمارٹ دکھائی دیں ۔ دست ہنر کے کمالات دیکھیے کہ جعل سازی کھُل جانے پر خود ہی تحقیقات کا حکم دے دیا ۔ راز کی یہ بات البتہ میرے علم میں نہیں کہ تحقیقات کا نتیجہ کیا نکلا۔

ہیلی کاپٹرز کی ضرورت اس وقت وہاں ہے جہاں لوگ پھنسے پڑے ہیں اور دہائی دے رہے ہیں ۔ مجھے آج تک سمجھ نہیں آ سکی کہ ہیلی کاپٹروں میں بیٹھ کر یہ اہل سیاست سیلاب زدہ علاقوں میں کیا دیکھنے جاتے ہیں ۔ ابلاغ کے اس جدید دور میں کیا انہیں کوئی بتانے والا نہیں ہوتا کہ زمین پر کیا صورت حال ہے ۔ انہیں بیٹھ کر فیصلے کرنے چاہیں لیکن یہ ہیلی کاپٹر لے کر اور چشمے لگا کر ”مشاہدہ“ فرمانے نکل جاتے ہیں۔ سوال یہ ہے کہ اس کا فائدہ کیا ہے؟ کیا سیلاب کو معطل کرنے جاتے ہیں؟ یا ہواؤں سے اسے مخاطب کرتے ہیں کہ اوئے سیلاب، میں نے تمہیں چھوڑنا نہیں ہے۔ سندھ میں جہاں بھٹو صاحب زندہ ہیں، خدا انہیں سلامت رکھے، شاید اب کسی اور کا زندہ رہنا ضروری نہیں رہا ۔ عالی مرتبت قائدین سیلاب زدگان میں جلوہ افروز ہوتے ہیں تو پورے پچاس روپے کے نوٹ تقسیم کرتے پائے جاتے ہیں۔ معلوم نہیں یہ کیسے لوگ ہیں ۔ ان کے دل نہیں پسیجتے اور انہیں خدا کا خوف نہیں آتا؟ وہاں کی غربت کا اندازہ کیجیے کہ پچاس کا یہ نوٹ لینے کے لیے بھی لوگ لپک رہے تھے۔ 

یہ جینا بھی کوئی جینا ہے۔ یہ بھی کوئی زندگی ہے جو ہمارے لوگ جی رہے ہیں۔ کون ہے جو ہمارے حصے کی خوشیاں چھین کر مزے کر رہا ہے ۔ کون ہے جس نے اس سماج کی روح میں بیڑیاں ڈال رکھی ہیں؟ یہ نو آبادیاتی جاگیرداری کا آزار کب ختم ہو گا؟ ٹائیگر فورس کے بھی سہرے کہے جاتے ہیں لیکن یہ وہ رضاکار ہیں جو صرف سوشل میڈیا کی ڈبیا پر پائے جاتے ہیں ۔ زمین پر ان کا کوئی وجود نہیں۔ کسی قومی سیاسی جماعت کے ہاں سوشل ورک کا نہ کوئی تصور ہے نہ اس کے لے دستیاب ڈھانچہ۔ باتیں عوام کی کرتے ہیں لیکن جب عوام پر افتاد آن پڑے تو ایسے غائب ہوتے ہیں جیسے گدھے کے سر سے سینگ۔ محاورہ بہت پرانا ہے لیکن حسب حال ہے۔ یہ صرف اقتدار کے مال غنیمت پر نظر رکھتے ہیں ۔ اقتدار ملتا ہے تو کارندے مناصب پا کر صلہ وصول کرتے ہیں۔ اس اقتدار سے محروم ہو جائیں تو ان کا مزاج یوں برہم ہوتا ہے کہ سر بزم یہ اعلان کرتے ہیں کہ ہمیں اقتدار سے ہٹایا گیا ہے اب فی الوقت کوئی اوورسیز پاکستانی سیلاب زدگان کے لیے فنڈز نہ بھیجے۔

ایسے میں یہ الخدمت ہے جو بے لوث میدان عمل میں ہے ۔ اقتدار ان سے اتنا ہی دور ہے جتنا دریا کے ایک کنارے سے دوسرا کنارا ۔ لیکن ان کی خدمت خلق کا طلسم ناز مجروح نہیں ہوتا ۔ سچ پوچھیے کبھی کبھی تو حیرتیں تھام لیتی ہیں کہ یہ کیسے لوگ ہیں۔ حکومت اہل دربار میں خلعتیں بانٹتی ہے اور دربار کے کوزہ گروں کو صدارتی ایوارڈ دیے جاتے ہیں ۔ اقتدار کے سینے میں دل اور آنکھ میں حیا ہوتی تو یہ چل کر الخدمت فاؤنڈیشن کے پاس جاتا اور اس کی خدمات کا اعتراف کرتا۔ لیکن ظرف اور اقتدار بھی دریا کے دو کنارے ہیں ۔ شاید سمندر کے۔ ایک دوسرے کے جود سے نا آشنا ۔ الخدمت فاؤندیشن نے دل جیت لیے ہیں اور یہ آج کا واقعہ نہیں ، یہ روز مرہ ہے ۔ کسی اضطراری کیفیت میں نہیں ، یہ ہمہ وقت میدان عمل میں ہوتے ہیں اور پوری حکمت عملی اور ساری شفافیت کے ساتھ ۔ جو جب چاہے ان کے اکاؤنٹس چیک کر سکتا ہے ۔ یہ کوئی کلٹ نہیں کہ حساب سے بے نیاز ہو، یہ ذمہ داری ہے جہاں محاسبہ ہم رکاب ہوتا ہے۔

مجھے کہنے دیجیے کہ الخدمت فاؤنڈیشن نے وہ قرض اتارے ہیں جو واجب بھی نہیں تھے ۔ میں ہمیشہ جماعت اسلامی کا ناقد رہا ہوں لیکن اس میں کیا کلام ہے کہ یہ سماج الخدمت فاؤنڈیشن کا مقروض ہے ۔ سیدنا مسیح کے الفاظ مستعار لوں تو یہ لوگ زمین کا نمک ہیں ۔ یہ ہم میں سے ہیں لیکن یہ ہم سے مختلف ہیں ۔ یہ ہم سے بہتر ہیں ۔ ہمارے پاس دعا کے سوا انہیں دینے کو بھی کچھ نہیں ، ان کا انعام یقینا ان کے پروردگار کے پاس ہو گا۔ الخدمت فاؤنڈیشن کی تحسین اگر فرض کفایہ ہوتا تو یہ بہت سے لوگ مجھ سے پہلے یہ فرض ادا کر چکے ۔ میرے خیال میں مگر یہ فرض کفایہ نہیں فرض عین ہے ۔ خدا کا شکر ہے میں نے یہ فرض ادا کیا۔

آصف محمود

بشکریہ روزنامہ جسارت

[alkhidmatrawalpindi]

The Companion of the Prophet, Abu Sa`eed al-Khudree said, “In the Prophet’s time, we used to give it (Zakat ul Fitr) as a sa` of food, dried dates, barley, raisins or dried cheese”. [Bukhari – Arabic/English vol. 2, p. 340, no. 582] . According to the majority of Sunni scholars One Sa’a is approximately between 2.6 Kg to 3 Kg. The distribution of Zakat ul Fitr is the same as that of Zakah, and is included within its broader sense. Those who may receive Zakat al-Fitr are the eight categories of recipients mentioned in Surat Al-Tawbah, [9: 60]. They include: The Poor The Needy, Collectors of Zakah, Reconciliation of Hearts, Freeing Captives / Slaves (Fee Al-Riqab), Debtors Sadaqa in the Way of God’s Holy service (Fee Sabeel illah) The Traveler. #zakaat #fitrana #alkhidmat #alkhidmatrwp #zakatulfitr (at Rawalpindi راولپنڈی) https://www.instagram.com/p/COmjJNrl71J/?igshid=1nfaah9yuowun

[alkhidmatrawalpindi]

On World's Orphans Day, Iftar Dinner is organized by Alkhidmat Rawalpindi. Children participation was really encouraged by Ch. MUNIR Ahmed, President Alkhidmat Foundation Rawalpindi. #donation #alkhidmatrwp #alkhidmat #zakaat #ramzan (at Rawalpindi راولپنڈی) https://www.instagram.com/p/COOBUcnBimg/?igshid=15a75rybfugxl