#amorodos

[aformigaatomica]

Había gana de #primavera este ano. A pasada estabamos confinados. Parécenme irreales aqueles meses sen ir traballar, sen saír, vendo series nun apartamento sin terraza. Foi como se non houbese primavera. Pero esta sí que existiu: todos os días libres, á casa da aldea! Poder ver os cambios que se producían na #natureza de semana en semana... As froitas xurdindo no centro de flores diminutas, medraban, medraban. No campiño das #fresas, Dona, Celia, foron limpando herbas, arrimando palla. Eu abonei. Moitos #amorodos merendei con yogur. E unha tarta de queixo estrambótica. Comer directamente da mata cada vez que pasaba, coma se eu fose un #merlo Pagou a pena compartilas con eles, polo ben que cantan. Cada anoitecer un concerto diferente debaixo das cerdeiras. (Inda que abusan!) ___ #turdusmerula #mirlos #may #2021 https://www.instagram.com/p/CQ5XKZtMimv/?utm_medium=tumblr

[vegabreu]

#amorodos macerados con #mousse de #figos curso avanzado de cociña #macrobiótica con Lorena Fernández de #Escolavital #vegan #veganfood #veganfoodporn #veganfoodshare #plantbased #plantstrong #instafood #instafoodie #macrobiotic #wholefoods (en Compostela, Galicia, Spain)

[praza-caldeirada]

Amorodos mellorados

Nesta semana santa que andivemos polo sur da península, fixemos unha chea de descubertas. Unha delas foron os amorodos de Cádiz (fresas dinlles os nativos :-)). A sona lévaa o fresón de Huelva ou de Palos, pero na práctica o sabor dos mesmos e pouco máis que ausente. Eu non sei se tivemos sorte, se influiu a seca deste ano, ou se sempre é así por esas latitudes, pero a primeiros de abril atopar uns amorodos con sabor a froita de verán converteunas na sobremesa de almorzo, cea e mesma acompañante dos Gin Tonic vespertinos.

Á volta, coa inocente ilusión de quen quere prolongar ou cando menos rememorar as mellores experiencias das vacacións, mercamos unhas poucas das orixinais. A decepción, non por esperada foi máis dolorosa.

Os tempos non están para desbotar nada. Lembrei un truco para corrixir e se queredes, potenciar o lene sabor e ausente dozura.

Pulverizar vinagre de módena

Así, tras lavar e facer cachiños os amorodos, escorrer toda a auga posible, e ciscar un pouco azucre (se podes elixir mellor se é moreno, panela para nota) e finalmente pulverizar o vinagre.

Dámoslle un par de voltas, deixamos repousar unha horiña e listo.

Probade e xa me diredes...