#cebupoetry

[coffeexieyee]

ILA-ILA

Kahinumdom pa ba ka?

Katong una tang nagkaila

Sulod sa kwarto nga ga tapok ta

Nagkastorya tang duha

Kuyog akong barkada

Sa dihang kusog kaayo kag katawa

Sa usa ka pangutana

Wa ko kasabot sa akong gibati

Murag gikilig nga wa masabti

Mura kog gi gitik nga wa hilabti

Na unsa naman ni?

Akong dughan nagkisi-kisi

Ambot nalang ni-ini

Tungod siguro sa imong pagngisi

[almostpoetssociety]

Ang Gugma Murag Lakaw sa Colon sa Gabie by Elle R.

Barato na utanon Mas barato na lawas Mga edipisyo na murag beterano sa giyera sauna Mga eskina na wala ka kahibaw asa padulong Kini ang Colon sa gabii.

Ang tanan paglaom buhii kung diri ka muagi kay wala ka kahibaw maunsa ka ma dunggaban ma kawatan ma ligsan ma saag

Wala ka kahibaw kinsa imo maila-ila sa daplin sa dalan holdaper pusher burikat mangingilad

Wala ka kahibaw unsay mawala nimo imong pitaka imong kalipay imong kaugmaon imong pagkataw

Wala ka kahibaw unsay makuha nimo insomnia STD labad sa ulo sakit sa dughan

Ang Colon hadlok gubot ngit-ngit pero diri daghan ka matilawan Daghan ka makat-onan Daghan ka makuha na handumanan

Dili ma completo imo pagpuyo sa Sugbu Kung dili ka musuway ug agi sa Colon sa gabii. {APS Member Submission} Performed in THIS CITY NEVER SLEEPS (Gutter Poetry) / September 24, 2016 Photo Credit: Louise Ouano

[almostpoetssociety]

Biyaheng Forever by Cho Camomot

Kung kamo nagatuo nga ang gugma mura ranag storya sa usa ka makata, dira kamo nasayop. Dili na siya pantasya sa libro, nga imo rang lantawon, imo rang basahon Kundi mura na siyag byahe sa sugbo, nga kailangan nimo lakwon. Kailangan nimo suruyon.

Ang gugma dili lang kay magtuyuk tuyuk ka sa iyang hunahuna ug dira raka taman kundi kailangan pud ka magtuyuk tuyuk sa iyang kinabuhi, iyang kalibutan. Imong tanawn kung asa ka dapit mulugar. Asa ka angay mu naog. Ug kibaw pud ka kung kanusa ka mu irog. Irog lag gamay kay naa pa diay.

Naa pa kuno. Abi nimog sakto, pero nagkulang pa. Nagkulang pa pero sa imong hunahuna murag puno na. Karon nagkasikit sikit na, nagka apiki na. reklamo dire, reklamo dira Wala tay mahimo, nisakay man ta.

Nasulayan na nako ang tanan. Ang kapaspas ug ang kahinay sa gugma. Naa puy mga higayon nga ganahan naka mu give up. Nga ganahan naka muhunong sa tunga tunga. Pero sa paglabay sa oras Sa sige nimog yawyaw Sa sige nimog tagawtaw Nga ganahan naka munaog. Ganahan naka maglakaw lakaw Wala naka kabantay nga naabot naka sa punto nga humana na diay ang tanan. Naabot naka sa lugar kung asa ka ganahan. Dira rapud ka nakamatngon Nga mas maayo pa nga mubyahe ka Bisag init, Sikit-sikit, Bumper to bumper, Wala’y paki as long as you're together. Mas ganahan paka sa imong biyahe. Imong biyaheng forever. {APS Member Submission} Photo by: Samantha Almaden