#dettsuedits

[dettsu]

im lov him

[dettsu]

Nabuhay ako sa poot at pagsisisi

Sino sila para burahin tayo? Ang mga bakas ng ating mga paa sa lupa Ang mga dugong binuwis sa digmaan Ang mga buhay na inialay sa bayan

Nabuhay ako sa sama ng loob

Sino sila para iadya daw tayo? Na ipinagpakasakit daw tayo sa mabuting kadahilanan Na isinakripisyo daw tayo para manalo sa laban Na inialay daw natin ang buhay sa bayan

Nabuhay ako Na may hinanakit sa aking puso Na may panghihinayang dahil wala akong nagawa Na may dalamhating bumabalot sa aking buong pagkatao

Sayang

Sana naging mas mabilis ako Sana naging mas malakas ako Sana naging mas matapang ako

Sana ako na lang ang namatay

Ngunit tapos na ang lahat At nabuhay ako

Nakita kong muling iginapos ang ipinaglaban kong bayan Namasdan ko ang hirap ng kanyang mga anak Namulat ako kahit na gusto ko na lamang pumikit

Na gusto ko na lamang mamatay

Sana ganito Sana ganyan

Nabuhay nga ako Nakalusot sa bingit ng pagkadakip at pagpapahirap Pinatawad ako ni Kamatayan sa araw na iyon Ngunit hindi ko mapatawad ang aking sarili

Sana kayo Maging mabilis kayo Maging malakas kayo Maging matapang kayo

Harapin ninyo ang araw-araw Na may umaalab na pagmamahal sa inyong puso Na may paninindigan sa lahat ng inyong ginagawa Na may damdaming makabayan na bumabalot sa inyong buong pagkatao

Huwag ninyong hayaang maghari ang mga naghahari-harian Huwag ninyong ipikit ang inyong mga mata sa katotohanan

Mabuhay kayo nang walang poot at pagsisisi Mabuhay kayo nang walang sama ng loob Mabuhay kayo nang makita ninyong bumangon ang bayan

Dahil sino ba sila para burahin tayo?

Para sa ika-71 na Anibersaryo ng Pagkamatay ni Kapitan Eduardo Rusca. Para sa mga sumubok ngunit hindi nagtagumpay. Para sa sumubok pa rin kahit na hindi tiyak ang tagumpay. Para sa mga dinaya at dinagit ngunit lumaban at pagwagi ang hiniganti. Para sa paniniwalang kaya pa natin, at kaya pa ng bayan natin.

[dettsu]

Kuya, bakit kailangan nating tumakas? Hindi ba't wala naman tayong ginawang masama? Ginagawa lamang natin ang ating trabaho Naglilingkod lang tayo sa bayan

Kuya, bakit kailangan nating tumakbo? Hindi ba't ito ang panahon na dapat tayo'y manindigan? Ginagawa lamang natin ang tama Naglilingkod lang tayo sa bayan

Kuya, bakit kailangan nating lumayo? Hindi ba't mas maiging alamin natin agad ang katotohanan? Ginagawa lamang natin ang sa tingin nati’y dapat Naglilingkod lang tayo sa bayan

Kuya, bakit kailangan nating maghiwalay? Hindi ba’t mas mabuti nang magkasama tayo? Alam kong ginagawa mo lamang ito para sa aking kaligtasan Nangako ka lang kay nanay

Kuya, bakit hindi na ako nakakarinig ng balita mula sa ‘yo? Hindi ba’t dapat pinaplano na natin ang ating pagbalik? Alam kong ginagawa mo na ang lahat sa iyong makakaya Nangako ka kay Heneral

Kuya, bakit kinailangang mangyari ang lahat ng ito? Hindi ba’t lahat naman tayo’y Pilipino na ipinaglalaban ang Katagalugan? Alam ko ‘yon ang nasa puso dapat ng bawat sundalong lumalaban Nangako sila kay Inang bayan

Kuya, bakit ganito? Hindi man lamang ako nakapagpaalam sa ‘yo nang maayos Sana’y manatili kang ligtas, sana’y hindi ka nila maabutan Nangako ka sa akin

Para sa ika-117 na Anibersaryo ng Pagkamatay ni Kumandante Manuel Bernal at Kapitan Jose Bernal. Para sa mga pamilyang napaghiwalay ng giyera. Para sa mga pagmamahalang nanaig sa gitna ng himagsikan. Para sa patuloy na pag-ibig sa bayan.

[dettsu]

Isang daan, labimpitong taon. Ngunit nasaan tayo ngayon?

Mayroon bang nagbago? May kabuluhan pa rin ba ang kanilang mga sakripisyo?

Maipagmamalaki ba nilang ibinuwis nila ang kanilang mga buhay para sa bayang ito?

Nasaan na tayo ngayon?

Kailangan bang mga hindi pa taga-rito ang magmalasakit para sa ating bayan? Wala ba tayong sariling mga isip na kailangang may magligtas pa sa atin?

Pinapaslang nang walang harabas ang ating mga kapatid at pinandidilig ang kanilang mga dugo sa lupa kung saan sila isinilang

At para ano? Para patayuan ng mga establesimiento na kakarampot lamang ang makikinabang?

Nasaan na sila? Nasaan na tayo?

Sa kaginhawahan ng inyong mga tahanan, minsan nalilimutan na ninyong may mga kapatid kayong naghihirap makipamuhay sa labas

Mga hindi nabibigyan ng tulong Mga pinagkakaitan ng tulong Mga tinatapak-tapakan Mga tinataboy

Nasaan ka?

Sa isang malamig na kuwarto, nagkakape, nag-aaral, nag-tatrabaho

May magagawa ka pa May magagawa pa tayo

Sa isang malamig na kuwarto maaaring magsimula ang susunod na rebolusyon

Lumabas ka, makisalamuha Maging boses ka ng tahimik na karamihan Maging boses ka ng pinatahamik na karamihan

Hindi pa tapos ang laban

Isang daan, labimpitong taon Nasaan na tayo? Nasaan ka?

Nandiyan ka pa ba?

Para sa ika-117 na Anibersaryo ng Pagkamatay ni Heneral Antonio Luna at Koronel Francisco Román. Para sa pagkamatay sa kamay ng sariling kababayan. Para sa pagbuwis ng buhay sa wala. Para sa muling pagbangon at muling paghanap ng pag-asa.

[dettsu]

I guess they got no way to know I've had my eyes wide open from the start So you just do what you gotta do

[dettsu]

One thing you can't do is stop But it's way too late Way too late

The sun is in my eyes No matter how hard they try We’re never gonna die

[dettsu]

there are some things i never noticed before i mean look at kuya manuel

[dettsu]

We're catching bullets with 　　the best resources that we've got. We're happy, then again we're not. 　　 We shout—through the endless doubt.